HELAL ALKERNAZI ❤️

💔

اديش حطينا ستوريات وكتبنا بوستات بتحكي عنا وعن كلشي مرينا فيه !؟ بتحكي عن مشاعرنا المخفية عن روحنا يلي معلقة هنيك وما عم ترجع ...! عن ايام وذكريات وسهر الليالي عن اغنية عن حرف عن هدية... ! وبعد كل هالشي بجيك سؤال يمكن يكون مو بوقتو او مو مناسب!!؟ " لمين هالستوري لمين هلكلام يلي كاتبينو مين قاصدين فيهن " وانت بكون ما بدك تجاوب مابدك تحكي بدك تضل صامت مع ذكرياتك مع لحظاتك وماضيك القديم ؛! بس منختصر الاسئلة يلي كلها ما الها داعي " اي عجبتنا وحلوة لهيك حطيناها " "والبوست ابدا مو قاصدين فيو حدا بس مجرد کلمات حكيناها " مع انو كل شغلة كتبناها وحطيناها كانت مقصودة ؛!؟ وكانت ترجمة للمشاعر يلي ماعم ترضا تطلع من الحنين وكمشة هالذكريات بعدا موجودة لهيك كلو عم يكون مقصود . #helal_alkernazi

❤️

#يامهيوب #سيف_نبيل

بعد ما افترقنا بفترة قصيرة بعترف اني مابكيت ولا حقدت ولا سألت حالي ليش هيك صار . كنت بمرحلة من اللاوعي ؛ متل واحد سكران دماغو مخدرة من التفكير والوجع وبنفس الوقت من الراحة ؛ بس كنت حس ب نقص كبير كتير وحرقة قلبي بتكوي من جوا . بمرحلتي الشخص بيحتاج وقت كبير حتى يقول " ماعاد في أمل للرجعة " بس انا كنت عم انطر وانطر ؛ وبكل نطرة فيها غصة وحرقة قلب . كنت فكر انو ممكن يكون هالوجع كابوس ورح ينتهي اليوم او بكرىٰ . كان بدي يمضى اكبر الوقت من بعد اخر لقاء رغم اني كنت عم احترق .. بس من بعد كل هالاحاسيس و هالصراعات والقصص السوداوية ؛ شفتك !! متل كأني مبارح تاركك ؛ لا تغيرتي ولا نقص من جمالك ؛ بالعكس صرتي احلى ؛ وقتا عرفت انو قد ما بعدت ؛ " عين قلبك ما بتنعمى عن حدا حبيته من كل قلبك " #helal_alkernazi

🙁

_ بتذكر مرة كنت عم أقرأ قصة فيها هالجملة : ( مادامت الذكريات لا تموت , فإن الحب لا يموت ) يمكن بوقتها ما عرفت معناها ، بس وقت غنى حسين الجسمي : _ انا كل ما نويت انسى ، لك الذكرى ترجعني _ سرحت بالاغنية وتذكرت الجملة ، بلشت حلل ولامس انو بهالكلام كان عم يحاول ينساها ! ينسى الكسر يلي بقلبو ويكمل حياتو عادي ، بس الذكريات كان الها دور كبير انها تعمل شعلة بقلبو ، وتضل الذكريات هي شعلة الحب... ذكريات إنو بوقت ما كان هالشخص هون، وقت بكينا عمل شي ليعدل المزاج ونروق، بوقت ما ضحكنا سوا، ويمكن كمان تحملنا بعض كتير... بعد ما يغيب الشخص عنا منرجع منحن كتير لأيام بتجمعنا سوا، مش لأن هو حدا كتير منيح، لا المنيح بضل ما بروح، بس يمكن لأن أخد مكان بالقلب صعب حدا ياخدو... يا ترى قديش بتكون الذكريات بتوجع وبتغمرنا بقسوة بعد الفراق ، الا انها هي بتجدد الحب بكل مرة منتذكر فيها تفاصيل جمعتنا بشي يوم مع ناس منحبهم او دخلو بحياتنا بطريقة فجائية يمكن !!! هاد السبب يلي بخلينا ما نوقف حبنا لشخص بعدنا عنو، لأن الذاكرة قادرة تحفظ تفاصيل، ما بتروح لو راحو الكل.. هيه ذكريات وراحت #Helal_alkernazi

بتعرفي شو الحلو بالحب ؟ الحلو بالحب هو انتي ، اي انتي ، وقت يكون الحب معك انتي، حب الوقت معك ، وحب الايام معك، وحب الحب لأن معك . الحب لما نتزاعل ونكتشف اديش منحب بعض ، لان بوقتا بحس ب قيمة حبنا ، وقت المشاكل والخلافات بلامس اديش نحن قراب من بعضنا . …

#انت_الحظ #عمرو_دياب

يسعدلي اوقاتكن❤️🙈 عم تدور على قنوات ذات محتوى مفيد؟! ماضيعلك وقت وتلاقي كل طلباتك فيها هي روابط قنواتنا اختصرناهن وبعتناهن ✨🌸 #تنويه : قنواتنا خالية من الاعلانات او روابط قنوات تانية

Channel photo updated

بتعرفي شو الحلو بالحب ؟ الحلو بالحب هو انتي ، اي انتي ، وقت يكون الحب معك انتي، حب الوقت معك ، وحب الايام معك، وحب الحب لأن معك . الحب لما نتزاعل ونكتشف اديش منحب بعض ، لان بوقتا بحس ب قيمة حبنا ، وقت المشاكل والخلافات بلامس اديش نحن قراب من بعضنا . الحب لما تخافي عليي ، لما تهتمي ، لما تغاري ، لما تعصبي ، ولما تفرحي . بكل مرة كنت شوفك ، كنت شوف بعيونك ، جواتك ، في شي جديد ، شي جديد ما مرق عليي بحياتي ولا حسيتو الا معك ، هيك حس بغمرة آمان عم تتكون فيكي . كنت قول انا كمية مشاعر واحساس ، مين رح يحتويهن ، مين رح يقدرهن ، مين رح يفهمني ، مين رح يحبني متل ما رح حبو . و رب العالمين جاوبني ، فيكي انتي ، عطاني وهداني اياكي انتي . كنتي وبتضلي تواسيني بكل خيباتي وبكل الضربات يلي أكلت من قلبي ، كنت انطرك ، وبكل مرة كنتي تجي فوراً ما تتأخري . شلتي اي لحظة حزن مرت بحياتي ، او خيبة او غصة كانت بقلبي ، وفتحتي قلبي من جديد لحتى يحتويكي بس انتي . كنت انتظر رفيق او صديق او شخص يطبطب ع كتفي ، لما كون ضعيف . وبأول مطب كانوا يوقعوا قبلي ، وضليتي انتي معي ، انتي يلي علمتيني اني اكتفي فيكي رفقة العمر لان الحياة بدون رفيق ما بتنعاش . ماقدروا يتحملوا جزء بسيط من مزاجيتي ، او شافوا الجانب السيء من حياتي ، وانتي كنتي معي بكل مراحل حياتي . انتي غيرتيلي اطباع واطباع كتيرة ، وبقولوا الطبع غلب التطبع ، وانتي غلبتي كلشي فيي وانطبعتي فيني . رح كون معك طفل صغير عم يتعلم كيف يمشي اول خطواتو بدون ما يوقع لانو ماسك ايدك ، ويضل مفكر انو في ايد عم تسندو بكل مرة ، ويحس بالأمان . الأمان يلي صار فيني اليوم قول أنا أقوى وأحسن بس لما بتكوني معي .!! ونسيت خبرك عن ايامي يلي كان يصيبها الملل والكأبة ، بس بوجودك صارت كلا فرح وسعادة . مارح شبهك بالملجىء حتى ما كون بشبه باقي الناس وخونك ، رح شبهك بالصلاة كل ما بعدنا ، بسجدة قلوبنا بتتصل . اكتشفت انو اكتر الناس لما كانوا يحكوا عن الحب بالزواج التقليدي فاشل ومو حلو ، كذابين او يمكن ما لقو نصن التاني !!؟ بس أنا اليوم فيني قول إنو الحياة بتنعاش ، ولسا في خير كبير ، ولسا منقدر نحس حالنا مالكين الدنيا كلا من نظرة عين بس . وإنو الحب مش بس كلمة بحبك، أو حتى بيت صغير وعيلة لأ ، هو شي تاني تماماً . الحب هو انتي !. #Helal_alkernazi

‏من عقوبات المعاصي أن يُسلب الله منك التوفيق؛ تسهر بلا فائدة، وتنام على إثم، وتستقيظ بعد طلوع الفجر، تؤخر الصلوات بغير عذر، ثم تستقبل يومًا كئيباً بئيساً منزوع البركة..! أين ستجد البركة والسكينة وراحة البال وهذا حالك؟!

♥️🤲

هلوووو 😎 بعرف اشتقتو لكتاباتي والفيديوهات 😂♥️ طولت عليكن 🌚 ، بهالمناسبة عطونا افكار ساعدوني مشان اكتب عنها . وان شاء الله بتضلو بخير ♥️

✋

عنجد الواحد ما لازم يتوقع الافضل او الاحسن ، لازم نضل اخدين حذرنا و نعيش كل لحظة بلحظتها وننتظر شو ممكن يتقدملنا وشو رح نكسب !! لان صار عندي قناعة كبيرة انو لا الكلام ولا الاحساس ولا المشاعر الحلوة صادقة متل المشاكل . مثلاً لما تصير المشكلة ، ما بتلاقي الشخص بعاملك عطبيعتو ، ويلي كان معك ب وقت المشاعر كان شخص تاني ، شخص كذاب ، شخص اناني ، شخص جحود ، أو ممكن حدا جوعان كتير وانت وعدتو تقدملو شي أكلة دسمة بالتالي رح يضل منيح لحتى ياكل وبعدين ببين أصلو .!؟ هلأ بنط كم شخص وبيقعد بيتهجمني وبقلي لك شو عم تحكي انت وتخبص ، أو يمكن نحنَ ما وصلنا لهون لسا من الانحطاط !! بس اي اي ، انا كتير منيح بعرف شو عم احكي وشو بقصد بكلامي ، وشو عشت وشو شفت وشو تبينلي ؛ ما بيخطرلك انو اديش في الناس عم تنظلم ، واديش في ناس انجرحت ، وكم شخص مكسور بهالدنيا ، وكم حدا انخذل من الشخص المفضل ، وكم حدا رجع يلملم جراحو .. وما بظن انك بتعرف او بتحس او بتتخيل حجم هلكلام ومعاناة الناس ، يمكن انت بتعرف شغلات صغيرة وكتير . _ بلله انت بتعرف انو كل يلي اتطلقوا هلأ واقفين لبعض بالمحاكم ، كانوا بيوم عاملين افخم عرس ورقصوا فيه وكان طاير عقلهن ببعض ، وكانوا يحكوا عن حب اسطوري ، ومش بس هيك قالوا قيس وليلى وعنتر وعبلة لسا موجودين فينا ، وحبنا كتير صادق ، وكم مرة صفنوا بعيون بعض وقالوا ياسندي لما الدنيا تميل ، وليكا الدنيا مالت وانكسرت واتهدمت القاعدة و طلع مافي سند بكل القصة . _ و انت بتعرف انو كل يلي بعايروا بعض وبيحكوا عبعض كانوا بيوم من الأيام اصحاب واخوة على اساس ، والمعايرة يلي صارت بيناتن كانت ب لحظة " فضفضة " و "اسرار " حكوها لبعض ، ورجعوها سكاكين ، وع قصص فاضية .. _ و بتعرف انو كل يلي قاعد هلأ يضحك ويتمسخر ويشمت ع ابتلاء فيك كان بوقتها عم يواسيك عليه من زمااان ، والله رح يرجع يعاقبو بنفس الداء !! _ وبتعرف انو كان في شخص يعزك وما يرضى تنحكى عليك كلمة ، وهلأ كل همو يخرب بسمعتك بين الناس ، ليقول أنا المجني عليه ؟! و بتعرف وبتعرف وبتعرف !!؟؟ ….. ف مشان الله حاول تخفف سقف توقعاتك ، لانو ممكن بيوم وليلة وحدة تنقلب موازين التوقعات ويكون الثمن ثقتك و عشمك الزايد ، ضل متذكر حتى أنت بوقت ما خذلت حالك ، لاتنطر شي أكتر من الغريب ..!! #Helal_alkernazi

ب مناسبة نتائج الشهادة العامة في سوريا ، اديش في ناس بهاليوم انكسر خاطرها واديش في ناس فرحوا وطار عقلن ، مبروك للناجحين وان شاء الله بتعوضوها بالسنة الجديدة وافضل بكتير ان شاء الله للراسبين ، عفكرا انا بتذكر اني رسبت بس مابعرف بلتاسع او بكلوريا وبعدين رجعت اقوى اخدت بكلوريتين 😂😂 ودرست معهد وجامعة وبعدين سافرت ، ف الحياة مابتوقف ع سنة ، او نتحطم بسبب هالسنة عادي شعور صعب صح بس لازم هالشعور يعلمنا ويقوينا وخلو هالشي تحدي بينكن وبين نفسكن انكن رح تكونوا افضل واقوى من هلأ وان شاء الله بتكون حياتكن حلوة وناجحة متل وجهكن الحلو 🤍