Ishlab chiqarishda boshqaruv rasmiy

#diqqat_tanlov 📚 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi “Kitobxon yoshlar ligasi” 2026-yildagi 2-mavsumini e’lon qiladi! Tanlov g‘oliblari quyidagicha taqdirlanadi: 🔹1-o‘rin (1 nafar) – Noutbuk (core i5); 🔹2-o‘rin (2 nafar) – Smart televizor 43; 🔹3-o‘rin (3 nafar) – Planshet (6/128); 🔹4-o‘rin (4 nafar) – Planshet (4/64); 🔹5-o‘rin (5 nafar) – Smart televizor 32; “Eng faol targ‘ibotchi” nominatsiyasi 🔸1-o‘rin (1 nafar) – Planshet (6/128); 🔸2-o‘rin (2 nafar) – Planshet (4/64); 🔸3-o‘rin (3 nafar) – Smart televizor 32; ✅ Tanlovda qatnashgan barcha QR kodli elektron sertifikat bilan taqdirlanadi. Tanlovda ishtirok etish👇 https://t.me/kitobtanlovbot?start=5689151995

#FDTU #ICHB_fakulteti #BelbogliKurash #JahonChempionati #SportVaYoshlar 🏆 "WORLD CHAMPIONSHIP IN BELBOG‘LI KURASH AMONG BOYS AND GIRLS BORN IN 2009–2010, SENIORSHIP AMONG MEN AND WOMEN"🏆 Farg‘ona shahrida o‘tkazilayotgan Belbog‘li kurash bo‘yicha Jahon chempionatini tomosha qilish maqsadida fakultetimiz talabalari tashrif buyurdik. Mazkur nufuzli musobaqada dunyoning turli davlatlaridan kelgan sportchilar o‘z mahoratlarini namoyish etmoqdalar. Talabalar sport musobaqalarini bevosita kuzatish orqali sog‘lom turmush tarziga bo‘lgan qiziqishlarini oshirish, sportning inson hayotidagi o‘rni va ahamiyatini chuqurroq anglash imkoniyatiga ega bo‘ldilar. Bunday tadbirlar yoshlarni vatanparvarlik ruhida tarbiyalash, sportga jalb etish hamda bo‘sh vaqtlarini mazmunli tashkil etishda muhim ahamiyat kasb etadi. 📍 Farg‘ona shahri. Belbog‘li kurash bo‘yicha Jahon chempionati

#Milliy_kontent #Milliy_qadriyatlar #ICHBfakulteti #Yurtim_farzandiman Farg‘ona davlat texnika universitetida yosh avlodni buyuk ajdodlar ruhida, milliy qadriyatlar bilan mustahkam bog‘lab, Vatanga cheksiz sadoqat va o‘zbekona g‘urur bilan tarbiyalash maqsadida amalga oshirilayotgan “Milliy qadriyatlarga asoslangan – Milliy kontent” loyihasi doirasida "Ishlab chiqarishda boshqaruv fakulteti"ning ijodkor talabasi tomonidan tayyorlangan videorolik. Bu rolik nafaqat yurakni titratadi, balki har bir tomoshabinni bahor iforini his etishlari uchun yondashilgan, o‘zbekona qadriyatlar — Vatanga muhabbat, ona tili, she’riyat va ma’naviyatni qadrlashga undaydi. Yoshlarimizning ijodiy qo‘llari orqali milliy ruh yangi avlodga o‘tmoqda!

Ishlab chiqarishta boshqaruv fakultet koordinator Qahhorov Sardorbek boshchiligida “Yosh targ‘ibotchilar guruhlari” tomonidan talabalar turar joyi majlislar zalida giyohvandlik hamda narkojinoyatlarning salbiy oqibatlari yuzasidan targ‘ibot yig‘ilishi o‘tkazildi. Yig‘ilish davomida yoshlar o‘rtasida sog‘lom turmush tarzini shakllantirish, zararli illatlardan yiroq bo‘lish hamda huquqiy madaniyatni oshirish masalalariga alohida e’tibor qaratildi. Shuningdek, tadbir yakunida universitetning boshqa talabalari o‘rtasida ham so‘rovnoma o‘tkazilib, yoshlarning bu boradagi fikr-mulohazalari o‘rganildi. Mazkur targ‘ibot ishlari yoshlarni turli zararli illatlardan asrash hamda ularning ongida sog‘lom hayot tarzini shakllantirishga xizmat qiladi.

📣 DIQQAT, TALABALAR! Fakultetimizda moliyaviy savodxonlik bo‘yicha fan olimpiadasining universitet bosqichi bo‘lib o‘tadi. Olimpiada quyidagi yo‘nalishlar bo‘yicha tashkil etiladi: ✅ Umumiy iqtisodiyot nazariyasi ✅ Moliya ✅ Soliq ✅ Bank ishi ✅ Iqtisodiy statistika va ma’lumotlar tahlili Universitet bosqichida g‘olib bo‘lgan talabalar keyingi — Respublika bosqichida ishtirok etish huquqiga ega bo‘ladi. 📅 Universitet bosqichi belgilangan muddatlarda o‘tkaziladi. 📍 Ishtirok etish istagidagi talabalar fakultet dekanati yoki tegishli kafedraga murojaat qilishlari so‘raladi. 🏆 Eng sara ishtirokchilar keyingi bosqichga tavsiya etiladi. Aziz talabalar! O‘z bilimingizni sinab ko‘ring, iqtidoringizni namoyon eting va universitetimiz sharafini himoya qiling! Barchangizni universitet bosqichida faol ishtirok etishga chorlaymiz! 📲 Ro‘yxatdan o‘tish uchun: 👉 https://forms.gle/qzzFZQrN9WCE2bwH6 ⏳ Ro‘yxatdan o‘tish muddati: 22-martga qadar!

#Tayinlov Vazirlar Mahkamasining tegishli qarori bilan Tojiyev Rustambek Rasulovich Fargʻona davlat texnika universiteti rektori etib tayinlandi. U tayinlovga qadar Oziq-ovqat texnologiyasi va muhandisligi xalqaro instituti rektori lavozimida faoliyat yuritgan. Bizni kuzating Facebook | Instagram | YouTube | Telegram

O‘zbekiston Qahramonlari —Vatan ravnaqi yo‘lida yuksak jasorat, fidoyilik va ulkan mehnat bilan ajralib turadigan, xalqimizning eng munosib farzandlaridir. Ilm-fan, harbiy xizmat, adabiyot, sport hamda davlat boshqaruvi kabi turli sohalarda erishgan yutuqlari bilan ular mamlakat rivojiga beqiyos hissa qo‘shib kelmoqda. Ushbu unvon — Oʻzbekistonning eng oliy mukofoti bo‘lib, faqat eng munosib insonlarga beriladi. Qahramonlarimizning ibratli hayoti va mehnati yoshlar uchun vatanparvarlik, matonat va mas’uliyat namunasi bo‘lib xizmat qiladi. Ishlab chiqarishda boshqaruv fakulteti tyutorlari D.Nurmatova, M.Tojiboyevlar tomonidan talabalar bilan “O‘zbekiston qahramonlari” mavzusida ma’rifiy dars o‘tkazildi. Darsga Menejment va marketing kafedra mudiri A.Kadirovni taklif etishdi.Suhbat  davomida davomida qahramonlarimizning hayoti, jasorati va yurt ravnaqiga qo‘shgan hissasi haqida batafsil ma’lumot berildi.

Qadrli va muhtarama ayollar! Sizlarni 8-mart — Xotin-qizlar bayrami munosabati bilan chin qalbimizdan samimiy muborakbod etamiz. Ushbu qutlug‘ ayyomda sizlarga mustahkam sog‘lik, cheksiz baxt-saodat va yorqin kelajak tilaymiz. Sizlar hayotimizga mehr, go‘zallik va nafosat baxsh etuvchi muqaddas zotlarsiz. Jamiyatimiz taraqqiyoti, oilalarimiz farovonligi va hayotimiz fayzining asosiy manbai ham aynan siz aziz ayollardirsiz. Tilaymizki, qalbingiz doimo quvonch va ilhomga to‘lib tursin, yuzingizdan tabassum arimasin. Xonadonlaringizga tinchlik, fayzu baraka va farovonlik yor bo‘lsin. Hayotingiz bahor gullaridek go‘zal, yorqin va baxtli lahzalarga boy bo‘lsin. Yurtimiz ravnaqi, oilalarimiz baxti yo‘lida qilayotgan ezgu ishlaringiz uchun doimo hurmat va ehtiromdasiz. Sizga doimo omad, muvaffaqiyat va ezgu orzularingiz ro‘yobini tilaymiz. Bayramingiz muborak bo‘lsin! Hurmat bilan IChB Fakulteti jamoasi