𝑵𝑶𝑽𝑴𝑩𝑬𝑹 •

احياناً بيكون جوا دماغ الانسان افكار سلبيه وذكريات حزينه مسيطره عليه، وبيكون مُدرك انها مش مهمه للدرجة اللي تسببله حزن، مش مهمه علشان حاجه قديمه، مش مهمه علشان مفيش حاجه هتتغير، هو بيكون مُدرك كويس انها ملهاش أي اهميه بس مش عارف يطلعها من دماغه.

‏وسط موجة تغيير النفوس دى بتمنى من كل قلبى إن الايام متغيرنيش وأفضل عارف إن الغلط غلط وإن فيه حاجه اسمها أصول لابد منها، وبتمنى ضميري يفضل حى ويأنبنى لو أذيت حد أو وجعت حد بكلمه حتى لو بدون قصد ومأوصلش لمرحله البجاحه وأبقي عارف إني غلطت في حق حد وأذيته ومكمل حياتى عادى.

Channel photo updated

‏أعتقد اهم شعور هو كون الواحد فاهم ومُدرك لكل اللي بيحصل حواليه، لو بيتغفل يكون عارف إنه بيتغفل، ممكن يسيب الموضوع يحصل بمزاجه المهم إنه قاري الحوار، على الأقل بعدها هيقدر يقول إن المشكلة كانت في العالم والأشخاص مش في ذكاء ما أسعفهوش، إحنا مطاردين برغبة مؤلمة في فهم كل شيء.

الإفراط في العطاء بيعلم الناس البجاحه.

‏من مساوئ إنعدام مبدأ العدل في الحياة إن دقيقة من الحزن كفيلة بتدمير ساعات أو سنوات مليئة بالسعادة، وأثر الثواني القليلة الي بيتلقى فيها الفرد جرعة التعاسة بيكون أكبر من أثر كل بهجة وفرح عدت على النفس يومًا ما.

أول النُضج بيجى لما تعدى جمب نُقط ضعفك وماتتأثرش، ماتحصلش الرعشة اللى كانت بتيجى لما تفكر إن اللى كان فى أيدك مبقاش بتاعك، إنك تعدى جمب اللى بعدوا عنك وقلبك مايوجعكش ع فُراقهم وإن صفحتهم فعلًا إتقفلت، إنك تكمل من مكان ماوقفت وتتقبل فكرة إن مش كُل حاجه بنعوزها بتدوم.

الكليه ليها الشرف والله

مش كل الإنتصارات العظيمه مُفرحه، في إنتصارات كلها حزن وعجز كامل تبقى مش فاهم طيب هل ده إنتصار أصلًا! طيب لو هو إنتصار أنا ليه زعلان أوي كده، نسيانك لصاحب عمرك اللي خذلك، تجاوزك شخص كنت بتحبه، تغيير أماكن الناس اللي كانت قريبة منك فقلبك، تجاوزك لحلمك والسعي في طريق جديد، إدراكك إن الحياه مستمرة فتتجاوز موت أقرب ما ليك، كلهم إنتصارات حقيقيه ويمكن عظيمة جدًا، بس للأسف محزنه للغاية.