رِثاث رانَ

اكو اشياء اذا تبقى تدقق بيها تموت مثل الجرح احياناً لازم توقف النزيف وتسكت كلما دخلت ونزلت للعمق راح تموت عالبطيء ..

مرات اصفن ع الحياة شكد غريبة الشي اللي كلت ما اسويه سويته والشخص اللي كلت بعمري كله ما احجي وياه بعد رجعت احجي وياه طبيعي وشلون الانسان ينضج بالتجارب لدرجة يكدر يكون اقرب من النفس للمقابل بس بعده محافظ على حده ونفسه

مرات اصفن ع الحياة شكد غريبة الشي اللي كلت ما اسويه سويته والشخص اللي كلت بعمري كله ما احجي وياه بعد رجعت احجي وياه طبيعي وشلون الانسان ينضج بالتجارب لدرجة يكدر يكون اقرب من النفس للمقابل بس بعده محافظ على حده ونفسه

هوس الكمال او هوس الشي المضبوط ع آخر حبة اني من هل ناس يمكن ضيعت نص عمري بسبب هالشي ؟ اخاف من الشي الناقص ، من النقد ، الخسارة ، الرفض .. وكأن روحي وجسدي انوجدت على هل ارض حتى تتصرف ك روبوت ذو مشاعر منتظمة وذو انتاج عالي عندي فوبيا جنونية من الرفض والنقد بحيث مرات ما افهم النقد دا يكون للشيء مو لذاتي ونفسي

سلامٌ على الحسين ، وعلى الأرواح التي سارت على دربه ، وعلى القلوب التي ما زالت تُحيي ذكراه بالوفاء نسأل الله أن يرزقنا زيارة الحسين في الدنيا وشفاعته في الآخرة ، وأن يجعلنا من الثابتين على نهجه ، وأن يكتب لنا ولكم الأجر والقبول عظّم الله لنا ولكم الأجر بذكرى أربعينية الإمام الحسين (عليه السلام).

عمره الانسان ما كدر يهرب من حقيقته ..

القوقعة او الفراغ او السيناريوهات اللي موجودة براسك مرات كل اللي تحتاجه هو تطلع منها .. مرة وحدة تكون خارج قناع الشخص الطيب والجيد دائماً لمرة وحدة بس فكر بنفسك قبل ما تفكر بالباقين حتشوف فرق شوي من الضغط والأحمال اللي على ظهرك وداخل روحك راح تخف بعيداً عن كل فلسفات حب الذات وتقدير الذات وتدليل الذات بالاكل والشراء والتسوق حبك لنفسك الحقيقي يكمن بالحدود اللي تخليها لنفسك اولاً وبالسجن ( الزنزانة الموجودة داخل عقلك ) اللي تحرر نفسك منها ثانياً وبأختيارك لنفسك وتسأل نفسك شنو تريد ؟ اني شنو اريد

ماعرف كم مرة حجيت عن الألم .. يمكن للحد اللي الألم مل مني ؟ او للحد اللي الناس صارت تشوف ذاك الجزء من داخلي المخفي .. الحنين والحساس لدرجة مو كادرين يصدكون شخص قوي ومتحمل مسؤولية ومسيطر مثلي ( عليه ملامح اللامبالاة ) ممكن يتألم بهالشكل ولهل درجة ونختمها بمحمود درويش من يگول : و وحدي .. كنت وحدي عندما قاومت وحدي وحدة الروح الأخيرة

‏﴿وَلَا تَنْسَوُا الْفَضْلَ بَيْنَكُمْ ۚ﴾

لا تخلونهم يجي يوم يدورون على أم وأب من الناس الغريبة من خارج بيتكم

راح يجي يوم وتصيرين أم .. وانت تصير أب كل واحد بيكم خلي يتذكر نفسه يتذكر عمره هذا وسنواته يتذكر احتياجاته النفسية والعاطفية حتى ينطيها ويشبعها بأطفاله قبل لا يوصلون لعمركم وهم يتمنون نفس الحنية والدفو اللي تتمنوه هسة عيشوهم كل الحب والحنان اللي انحرمتوا منه وما عشتوه كفاية ابقوا يمهم حتى يكدرون يحنون عليكم بكبركم .. ويخافون شوي عليكم بدل لا يكون تعاملهم منطقي بحت ومجرد اداء واجب وياكم !

رب العالمين شايفك شكد تعبت وشايف السهر والدموع الي نزلت بزاوية غرفتك بدون محد يحس بيك رب العالمين شايفك من تختنك وتمد سجادتك وتدعيه بحاجة معينة وأنت من جوة گلبك فاقد الأمل وتكول معقولة راح ينحل كل هذا؟ ​راح يعوضك بنفس الشغلة اللي كل يوم تبجي وتسولفله بيها وأنت من جواتك فاقد الأمل منها ​مينساك ودعواتك كلها مكتوبة ومحفوظة يمه

قبل جنت اعتقد الشخص الحنين واللي يعرف بوجع الناس ويفهمهم هذا انسان ما يأذي بشكل متعمد ولا يوجع گلب شخص ويعوفه بوحدة طلع هيك الانسان مخيف اكثر من الشخص المؤذي الصريح لان الموزين عالاقل من البداية واضح وياك ما يلبس اقنعة ولا يحاول يثبت بأفعاله العكس

يمكن اكثر الناس منافقين ومؤذيين همه اكثر الناس اللي يبينون حنينين ومسالمين ؟

غريب هالشعور .. بس من اتذكر او افكر بكمية الحب والحنية اللي شايلتهه بداخلي واللي اقدمها او ممكن اقدمها تجاه الناس اللي احبها اصفن .. اكول شلون ممكن اكون لهل درجة عايشة هواي شغلات صعبة وبعدني هيج .. وكدرت ابقى هيج واحافظ على الحنية اللي عندي والدفو اللي بداخلي ويزيد اكثر بدال ما ينقص شلون قلبي كدر يبقى لين بدال ما يقسى ؟ وشلون رغم الحدة اللي عندي الحدة الخارجية اخفي هل كم من الحنان ؟