۞ ایرینجی ۞

#آتالار_سوزو (تورکیه) 🔹تک قانادلا، قوش اوچماز 🔹داشیما سو ایله دگیرمان دٶنمز 🔹چالی‌دا گۆل بیتمز، جاهیله سٶز یئتمز 🔹دادلی دیل ایلانی دلیگیندن چیخارار 🔹های‌دان گلن، هویا گئدر 🔹اکمَک ساتین، قاری‌لار خاتین 🔹اَرکن قالخدیم ایشیمه، شَکر قاتدیم آشیما 🔹 بَسله قارقانی، او٘یسون گٶزونو

گوزل و گوجلو دیلیمیز

آیی مئشه‌دن کوسوب، مئشه‌نین خبری یوخ. #آتالارسؤزو

پیشیکدن ده کیچیک اولاردیم #ائل_ناغیلی پلنگ مئشه‌ده بیر پیشیک گوروب و حئیرته دۆشور: « بو کی بیزیم نسیل‌دن‌دیر، باشی‌نین یئکه‌لیگیندن، قارنی‌نین ساللاقلیغیندان بیلینیر کی یاشی چوخدو، قوجالیب، بس نییه کیچیک قالیب؟» پلنگ بونون سببی‌نی سوروشدوقدا، پیشیک دئییر کی: « من تک دئییلم، منیم کیمی‌لری چوخدور، بیزی بو کٶکه سالان اینساندیر. » پلنگ سوروشور: - انسان نجور بیر شئی‌دیر، او کیمدی بیزیم نسلین دوشمنی‌دیر؟ اونو منه تانیت، اوندان هامیمیزین انتقامین آلیم! پیشیک پلنگی مئشه‌دن دۆزه گتیریر، گلیب گورورلر کی، جۆتجو کل- اٶکوزلری سووارماغا آپاریب، خئشی یئره سانجیلمیش، بویوندورق‌لاری یئره سریلمیش گٶرن پلنگ، پیشیک‌دن سوروشور: - بو نه‌دیر؟ پیشیک دئییر: - بو بویوندوروق‌لارا کل- اٶکوز قوشارلار، بو خئش‌له یئر اَکرلر، هامیسی اینسانین‌دیر. پلنگ دئییر؛ - بو بویوندوروغو منیم بوینوما قوش، بونلارین هامیسی‌نی مئشه‌یه چکه‌جه‌یم،  یییه‌سی او اینسان دالیمجا گلر، اوندان سیزین انتقامی اوندان آلارام! پلنگین یئکه‌لێیینه، گۆجونه آرخایین اولان پیشیک، بویوندوروغون بیر تایین اونون بوینونا قوشور. پلنگ، ها گۆج وئریرسه، خئشی ترپه‌ده بیلمیر، ائله بو زامان اینسان گلیب چاتیر، پیشیک قاچیر، پلنگین بوینو قالیر بویوندورقدا. اینسان اونا دئییر: - «اٶکوزومون بیری آزارلاییب، آللاه سنی یامان یئریمده یئتیریب، یوخسا بویوندوروغون بیر طرفینی گٶتورن اولمایاجاق‌ایدی.» او، بیر تای اٶکوزو ده قوشور، بیر اَلی ایله خئش‌دن یاپیشیب، پلنگی قامچی‌یا توتور، قامچی بئل- بوخونوندا شاققیلدادیقجا، پلنگ اٶزونو بویوندوروغا وئریر، اٶکوزله بیرلشیب، خئشی اێره‌لی چکیر. داها طاقتی قالماییب ییخلیر کی بلکه اینسانین اونا یازیغی گله، اونو آچیب بوراخا. اینساندا هاردایدی او مرحمت؟ اَلینه بیر اٶزگه مالی دۆشموشدو، اونون بئلینده بوستان اَکمسه، هئچ اۆره‌یی سویویاردی؟ پلنگی قامچی ایلا داغ- داغ ائلیردی، سونرا خئش قاشییان‌لا دٶیور، پلنگ جانینی دێشینه توتور، بیر ده ایره‌لی جومور، یئنه ده هئی‌دن گئدیر، بیر اٶلو کیمی یئره اوزانیر، اینسان اونو دٶیدوکجه قیشقیریر؛ « آی اٶلدوم، آی یاندیم» هارایینا هئچ بیر جانلی- جین‌لی چاتمیر، اٶل ها اٶل‌ده نئجه اولورسا بویوندوروغون باغی قیریلیر، پلنگ بویوندوروغون آلتیندان چیخیب مئشه‌یه ساری گٶتورولور. مئشه‌نین گیریشینده پیشیگی گٶروب، تانیییر، لیکن پیشیک اونو تانیمیر. دئییر؛ - سن پلنگ دئییلسن، پیشیک‌لرین بیریسن!؟ پلنگ دئییر: - من هله انسانین اَلینده بیرجه ساعات قالیب بو گۆنه دۆشموشم، او منه بیر گون یئر اَکدیرسه‌یدی، سندن ده کێچیک اولاردیم!

مراسم تشییع و ختم مرحوم یونس پرویزی.

🌾حکیم لقمان دئییر : بیر بوغدا زمیسیندن سوووشارکن غرور ایله یوخاری یا باش قالدیران و آلچاق گؤیوللوک له باشین آشاغی سالان سونبوللر گؤردوم ، اونلارا توخوندوغوم دا چوخ شاشیردیم ، باش قالدایران سونبوللر ایچی بوش ،باش ائندیرن سونبوللر بوغدا ایله دولو ایدی ، آنلادیم کی دولو اولان اینسانلار آز دانیشیار ،ایچی بوش لار چوخ

#آتالار_سٶزو 🔹سو آخار، یولون تاپار 🔹ایکی باش بیر قازاندا قایناماز 🔹کیشی‌نین اٶزونه باخما، سٶزونه باخ 🔹قورد یوواسیندان سۆموک اسکیلمز 🔹ووران وورار، قاچان قاچار، آرادا کاسیبین گٶزو چیخار 🔹ائله آرخالانمایان خان، قورخاق اولار

#آتالار چوخ یاخشی دئییب لر مایاسی خاراب اولان خمیردن چؤرک اولماز

غروب زیبا و مه آلود با صدای پرندگان ♥️ (حرکت احشام از کوه به سمت روستا ) #ایرینجی

ساغ - سولون بیلمییَن لر👆👆 ساغ (راست)= ساغ ، سالیم سول (چپ)= سولوب ، تنبل دیر

تورپاغین سٶزو بهلول و ایکی کندلی ایکی کندلی قونشولوقدا یئر شوملاییرمیش، بیر آخشام ایشدن سونرا اۆز- اوزه گلیرلر، کندلی‌نین بیری او بیرینه دئییر: - سن منیم تورپاغیمی اٶز تورپاغینا قاتێبسان! او بیری کندلی دئییر: یوخ، سن منیم تورپاغیمی اوغورلاییبسان! اونلار او قدر بحث ائلیرلر کی آخیرده ووروشمالی اولورلار. بو زمان بهلول یولدان کئچیرمیش، کندلی‌لرین دالاشدیغینی گٶروب، اونلارین یانینا گلیر، مسئله‌نی بیلندن سونرا دئییر: - سیز ایکی آددیم گئری چکیلین من تورپاقدان سوروشوم گٶروم، اونون بو حاقدا فیکری ندیر؟ کندلی‌لر گئری چکیلیر، بهلول اَیێلیب قولاغین یئره سٶیکه‌ییر. بیر آزدان سونرا قالخیب دئییر: - تورپاق دئییر کی، اونلار یالان دانیشیرلار، من اونلارین دئییلم، اونلار منیم‌دیر. کندلی‌لر بیر آغیزدا دئییرلر: - بو نئجه اولور کی، بیز تورپاغین اولوروق؟ بهلول دئییر: - تورپاق دئمک ایسته‌ییر، ای اینسانلار، سیز مندن عمله گلیبسینیز،  سونرا دا اٶلوب تورپاغا قاریشاجاقسینیز، بیر قارێش یئر اۆستونده بیر- بیرینیزی قێریرسینیز.

موللا نصرالدین نین موللا اولماق حیکایه سی موللا منبرده اوتوردو و جماعت دن سوروشدو: "بیلیرسیز نه وار، نه یوخ؟" جماعت بیرلیگده دئدیلر "یوخ". موللا جماعته دئدی : "سیز نقدر هپلی هپپو (نادان) سیز کی، بیلمیرسیز نه وار و نه یوخ و منیم هپلی هپپو آداملار ایچین سؤزوم یوخ" و منبردن دوشدو و گئتدی. اوبیرسی گون موللا گلمه دن اؤنجه جماعت بئله قرار قویدولار: " ایه موللا گئنه سوروشدو بیلیرسیز نه وار، نه یوخ، یاری جماعت دئسین هه و یاری جماعت ده دئسین یوخ." موللا گلدی و منبره چیخدی و جماعت دن گئنه سوروشدو: "بیلیرسیز نه وار، نه یوخ؟" یاری جماعت دئدی "هه" و یاری جماعت دئدی "یوخ". موللا جماعته دئدی: "یوخ دئینلر، هه دئینلردن سوروشسونلار و منبردن دوشدو و اوچونجو گون جماعت باشقا بیر فکیر چئکدی و دئدیلر: "ایه موللا گئنه سوروشدو کی، نه وار و نه یوخ؟ بیرلیگده دئییریک هه و اوندا موللا بیز ایچین دانیشار، موللا گلدی منبره چیخدی، اوتوردو و جماعت دن سوروشدو:"یبلیرسیز نه وار، نه یوخ؟" جماعت بیر سس ایله دئدی "هه". موللاجماعته دئدی: "سیز کی بیلیر سیز و منیم دانیشماغیم سیزه گه رک دئیل" و منبردن دوشدو و گئتدی. #موللا_نصرالدین

بو گونوز حوضور دولو اولسون... منظره گوزلیگے و آهنگ خاصا بیر حوضور یارادیب🥺❤️ #آزربایجان_قره_داغ

🌙✨️ گوزل جومله لر تورک دیلینده بوڪوم:::: بیر بوڪوم چورڪ آتیم::: بیر آتیم چای پیشیریم::::: بیر پیشیریم دویو/اون قورتدوم::::بیر قورتدوم سو بوروم :::: بیر بوروم قاینار چالخام:::: بیر چالخام یاغ بئل::: بیر بئل سو (آرخ سویو و ...یئر سووارماق سویو) آددیم:::: بیر آددیم یول باغ::: بیر باغ اوت جمه :::: بیر جمه اوت قاش:::: بیر قاش پئندیر دیلیم ::: بیر دیلیم قارپیز قول::: بیر قول آرا اتڪ::: بیر اتڪ گول سیخمه:::: بیر سیخمه قاوورقا آووج :::: بیر آووج توپراق/(بیر آووج توپراق اولماق:نهایت تواضع به خرج دادن) قوشا آووج::: بی قوشا آووج بوغدا چنگه:::: بیر چنگه توڪ

آغاجی سیلکه‌له‌مک ایسته‌سم، باجارمازدیم. آمّا بیزیم گؤرمه‌دیگیمیز کولک، اونو ایسته‌دیگی سمته اَییر. بیزه ان آغیر سیتم‌لری چکدیرن- بیزی ان چوخ اَیَن، گؤرونمز اللردیر... ✍️#فردریش_نیچه

ایرینجی @IRINJI_045

🌾بوراسی آزادلیق اوچون ساواشمیش اولان بیر اؤلکه‌دیر، آما ایندی چؤرک اوچون ساواشیر... قوی سنه برابرلیک حاققیندا بیر سؤز دئییم: بورادا هامی اؤلندن سونرا بیر-بیری‌یله برابر اولور. ✍️#تام_هوپر

#دیدگاه روز زبانهای غیرفارسی چه روزی است؟ 25 اردیبهشت روز زبان فارسی بود. اگر از تکریم و تجلیل فراغت یافته اید، آیا وقت آن نرسیده است که برای هر کدام از زبانهای موجود در ایران نیز لااقل یک روز نامگذاری کنید؟ این کار دشواری نیست برای شما که امکان تحصیل به زبان مادری را به بهانه وحدت ملی از میلیونها نفر سلب کرده اید، اگر اصل «تمدن یعنی تحمل» به گوشتان رسیده و ادعای تمدن 2500 ساله دارید. اکنون که تنگه را گرفته و ابرقدرت هم شده اید، از چه می ترسید؟

بیر آخماق اوچون دوشونمک، گوجسوز بیر قول اوچون آغیر بیر یوکو قالدیرماق قدر، چتین‌دیر. هر ایکیسی اونون شرّیندن تئز قورتارماق ایستر. ✍️#آرتور_شوپنهاور

ایرینجی ۲ فروردین ۱۴۰۵ @IRINJI_045