⛛ TESSERACT ⛛

📌 صدور النسخة الأولى من كتاب الباطنية للدكتور المبدع علميا د.علي شاكر اختصاص طب الباطني وحاصل على شهادة ال MRCP ، أطلعت على بعض من محتوى الكتاب وكان المحتوى الي موجود جدا مفيد وراح اذكر الكم الفئات المستفيدة من هذا الكتاب: ● اي طبيب عنده اهتمام بامراض الطب الباطني وبالاخص كيفية التعامل مع ال Approachs. ● اي طالب مرحلة رابعة فما فوق (حتى سادسة وزاري) بمادة الباطنية. ● اي مقيم دوري ومقيم اقدم باطنية (بالاخص الامتحانات التنافسية جدا راح يفيدهم). ● اي طالب بورد باختصاص الباطنية يعتبر مدخل ممتاز لقراءة امراض الطب الباطني. 📌 الكتاب معتمد احدث ال Guidelines العلمية وأهمها ال NICE Guidelines وغيرها من المصادر المرفقة بالكتاب ، كذلك تمت مراجعة عدة أفصل مكتوبة من قبل اخصائيين متميزين في الطب الباطني في مجال اختصاصهم. 📌 العام الماضي نفس الدكتور نشر كتاب ع طب الطوارئ واني شخصيا بدراستي بالمرحلة السادسة استفاديت من مواضيعه وسبق وان نشرته ، هذا الكتاب. 📌 كل شيء يخص تفاصيل اقتناء الكتاب تلكوها بمشروع مثقف ، هنا.

بسم الله الرحمن الرحيم حسب نظرتنا اني ود. محمد حسن للبحوث الي تقدمها جميع القنوات على التليگرام والانستا وغيرها باسعار ان كانت رمزية او غير رمزية شفنا ان هالبحوث تفتقر لجودة التصميم، الدقة العلمية، التأخير في التسليم، الأخطاء في نقل المادة او الموضوع، عدم…

" A degree has no meaning of its own. Like every symbol created by human hands, it borrows its value from the life that follows it. If, years from now, no patient remembers the letters after my name but remembers that I was there when they needed me most, then this piece of paper will have fulfilled its purpose. For me I see that no university can graduate a physician. It can only graduate a student. The physician is shaped later by suffering, uncertainty, and the unbearable privilege of another person's trust " - Dr.Mohammed Hassan (MHJM) , M.B.Ch.B , Founder of Tesseract.

📌 تم الانتهاء من تصوير مقدمة الى المرحلة السادسة وبهذا تنتهي هاي السلسلة الي بديتها من المرحلة الثالثة ، اتمنى استفاديتوا وكدرت اغطي اغلب واهم النصائح بكل مادة وبكل مرحلة واهم وافضل المصادر المتوفرة ، اتمنى الي هسا حاليا مرحلة سادسة يشوف تجربتي خصوصا باول جزء صورته لان ذكرت بيه عدة تفاصيل ممكن الطالب اذا يعرفها متأخر تأثر سلبا عليه وكذلك الطلبة من بقية المراحل ان يشاهدون ما قدمته بهاي السلسلة لان بالحقيقة المرحلة السادسة هي مرحلها بنائها يبدي من بدايات المرحلة الثالثة والرابعة وتبني اساس للطالب ف انصح اي طالب حاليا بالمراحل المعنية مشاهدة هذه السلسلة. 📌 القناة راح استمر انشر بيها المحتوى العلمي المفيد للطلاب وبالاخص المرحلة السادسة وكذلك حبدي سلسلة للخريجين بما يخص الطوارئ والاوفرلاب بعد فترة. 📌 فهرس تجاربي الخاصة باخير 4 مراحل بكلية الطب: ➡️ 3rd Stage. ➡️ 4th Stage. ➡️ 5th Stage. ➡️ 6th Stage. 📌 فهرس قنواتي بالعملي للمرحلة السادسة. 《 The journey ends only for the one who mistakes arrival for completion. What survives is not what we learned, but what learning made of us. 》 Tesseract Team

📌 الملف الي شرحت عليه المرحلة السادسة ، وأدناه راح ارفق الروابط لكل فديو: 🔻P.1. 🔻P.2. 📌 القناة الي بالأسفل من قبل خريجة دفعتنا وزميلتنا المتميزة مريم سعدان بمادة الباطنية ، جدا انصحكم بالمحتوى الي ذاكرته وعدها شرح بشكل تسجيل صوتي لعدة مواضيع وحتبقى تنشر الكم بكل فترة ، هذا الرابط: 🔻 https://t.me/murmumedic 📌 من القنوات الأخرى الي فادتني جدا وفادت اغلب الطلاب بهل دفعة هي قنوات د.مالك و د.عبدالرحمن وليد ، ف انصح تشوفون المحتوى الي بيها ايضا.

A day to be remembered ❤️... بعض من رسائلكم الجميلة مثلكم راح ارفقها بالتعليقات أدناه ، وكذلك بعض من الظروف الي كانت بيوم التخرج الي يخص الظرف مالتي رغم البقية ضاعت للاسف. الرسالة مكررا ما كفت اعلاه ولكن احب اشكر كل شخص ساعدنا بدفعتنا ووكف ويانا واخص بالذكر البطل والراقي والاخ والصديق المقرب حسين جاسم يعني تأثيره ومحتوى الي قدمه اضعاف الي قدمته يستحق كل الخير مجتهد وذكي جدا ومستقبله جدا لامع راح يكون ، وكل زميل وزميلة وكفوا ويانا انتوا جزء من رحلتنا ومسيرتنا ما راح ننسى وكفتكم ويانا كل عمرنا ❤️ ، اما HMJS تعبني ماكدر اوصفه ولا احاجيه ف كل شيء ذكرته ينطبق عليه لان اني وياه فكر واحد ، خطية باجر وراه جراحة ادعوله يجاوب 🤣.

عذرا على الإطالة الرسالة أعلاه ما كفتني بالتليغرام اكتب وما راح اطول عليكم ان شاء الله الي داحاول اوصله انه اني جدا فخور بمعرفتي بيكم ، مواقفكم معي كانت جدا مشرفة وما كنت متصور بعد كل الي صار بهاي السنين (وبيها عدة مواقف ما تدرون بيها ولا سامعين عنها واضطريت اسكت واغض النظر حفاظا على اكمال دراستي واستلامي وثيقة التخرج) انه راح يكون اخير يوم الي بهذا الشكل معاكم ، ولكن مجمل كلامي عانيت في هاي البيئة المحددة المعينة الي تعرفوها بالكلية ولكن بوجودكم ودعمكم ما كنت ابد اتردد احجي او ادافع عن راي يخصنا كدفعة لان بالأخير ما يصح الا الصحيح مهما تواجدوا اشخاص حاولوا يغيرون الحقيقة ويحرفوها. اني مشاعري ما تنوصف تجاه الي قدمتوا معاي وبالاخص اليوم ، التكريم الي حضيت بيه عندي يسوه الف تكريم وشان ثاني يتقدم من الكلية ، اني حتى القسم ما رحت لان ما كنت مقتنع ولا مؤمن بالشكل الي كان حيكون بيه ولا بآليته ولا تنظيمه ، ولكن هذا عندي بوجهة نظري اعظم واكبر من اي شيء ثاني ممكن احصله من الكلية ، لان انتوا زملائي وتدرون شنو عانينا وتدرون صعوبة الليالي والامتحانات بهاي السنين كلها ف تعرفون من شخص يبقى يفكر وينشر ويكتب شكد ديضحي بوقته لهل شيء رغم ما بيها اي فائدة منطقيا ، ولكن بداخلي دائما مؤمن انه عندي قدرة افيد شخص آخر بيها وقدرتي على الشرح وترتيب المعلومة ومساعدة بشكل تصنع فارق حقيقي الكم خلتني استمر اكثر بهذا الطريق وما انقطع عنه ابد رغم كل التعب رافقني وانشغالات حصلت معاي. اجدد كل شكري وامتناني الكم ، اعتذر الرسالة يمكن كانت بدائية لان صراحة بعدي لهسا متاثر بتكريمكم هذا الي وصراحة راح يبقى هذا اليوم جدا مميز بحياتي ومستحيل انساه ورغم جنت اعتقد راح اخرج من الكلية بلا شيء بعد كل الي صار ولكن اعتقادي كان مو صحيح لان اني حضيت بشرف معرفتكم احسن وافضل زملاء يمرون عليه وراح يمرون بحياتي ، اني كنت جدا محظوظ بيكم وعلى تعاملكم معاي ووكفتكم معاي بكل هاي السنين ، كسبت اصدقاء وزملاء حيكونون مستقبلا من خيرة الاطباء ومستحيل انسى فضل اي شخص منكم بحياتي كثير منكم ساهم بجزء من رحلتي ومشقتي بهاي السنين الصعبة. اني وبدون ادنى مجاملة شفت بيكم جيل واعي ومثقف وقوي وتحمل شتى المشقات وصعوبات ، من مشاكل مرحلة اولى صارت والالكتروني والخوف من وباء كورونا الى اغلبكم عاف اهله ودرس هنا وعانى ما عانى حتى يكمل الى مشاكل الي حدثت مرحلة ثانية الى تغيير النظام والاسئلة ومشاكلها وثقل المواد وصعوبتها مراحل لاحقة والى وصولا الى اصعب تجربة وزارية صارت بكلية الطب هي دفعتنا وكان العملي باخير اسبوعين هو اصعب عملي يمر علينا لضيق الفترة الي بيه اضطرينا نسهر ونخسر صحتنا وكل ما نملك بس بسبيل ما يضيع تعبنا ونستمر ، انتوا أبطال والي وصل وكمل لهاي المرحلة يستحق فعلا يكون طبيب واني متاكد ومتيقن بعد كل الي عشتوا وكل الظروف الي تخص وصادفت بلدنا انه الطبيب الي يمر بهاي المحن كلها ف راح يطلع طبيب قوي وصلب ويكدر يتحمل شتى انواع الضغط والعمل مستقبلا واني كلي ثقة بيكم اشوفكم انجح وامهر الاطباء وحبقى دائما فخور بيكم وبمعرفتي بيكم وشما جمعتنا الايام مستقبلا وتصادفنا راح اذكركم دائما وابدا بالخير الدائم واتمنى اسمع اخباركم الحلوة واشوفكم ناجحين ومتميزين لان هذا الي عهدته منكم يا ابطال , خلصت الكلية بكل صعوبتها ومرّها ومستحيل يكون اي تقييم داخلها هو تقييم نهائي الكم ، لا الدرجات تقيمكم ولا الاساتذة ولا اي شيء ، اشتغلوا على نفسكم مستقبلا والكلية ابد ما تعتبر مقياس لاي شيء اكولها واني كلش Oriented واعرف ما خلف الكواليس والي كان يجري وشنو عانينا ف مهما صار وحدث اريدكم فخورين بنفسكم وتبدون صفحة جديدة ورحلة جديدة تكملون بيها مهمتكم كاطباء ينتظرونكم مرضاكم الشفاء من تحت ايدكم. رسالتي المتواضعة الكم: إلى زملائي، أطباء الغد.. ونحن نطوي اليوم رحلة السنوات الست لننتقل من أمان مقاعد الدراسة إلى ثقل المسؤولية في أروقة المستشفيات، أود أن أضع بين أيديكم وصية أخيرة. الطب ليس مجرد نصوص علمية نحفظها أو بروتوكولات نطبقها، بل هو مواجهة يومية حتمية مع أعمق جوانب الهشاشة البشرية. إننا في هذه المهنة نقف وجهاً لوجه أمام الجانب المظلم من معاناة الإنسان ومخاوفه، وحينها لا يكون الشفاء في الدواء والمشرط فحسب، بل في قدرتكم على احتواء تلك المعاناة بحكمة ورحمة. لقد رأيت فيكم طوال سنوات تكاتفنا ودعمنا لبعضنا البعض نبل الأرواح وصدق العطاء، فاحملوا هذا النبل إلى مرضاكم. تذكروا دائماً أنكم الحافة الآمنة التي يتشبث بها المريض حين يخذله جسده وتضيق به السبل. احفظوا إنسانيتكم قبل ألقابكم، وكونوا الملاذ الذي لا يخيب. وفقكم الله لكل خير وحفظكم ورعاكم ، اشوفكم بخير دكاترتنا الشطار والاذكياء ، سعيد جدا كنت معاكم بهاي الرحلة الشاقة والصعبة ، اعتذر على اي تقصير واي شخص تاذى مني بقصد او بدونه. Mohammed Hassan (MHJM) ، MBChB.

السلام عليكم زملائي الاعزاء جميعا اول ما دخلت كلية الطب في اول اسبوعين ، لاحظت اكو صعوبة في فهم بعض المواد العلمية , كوني خريج ثانوية كلية بغداد ولدي شغف كبير علمي ف لاحظت نفسي عندي القدرة على قراءة المصادر آنذاك وفهمها واستيعابها وجنت جدا مستاء من مستوى الشرح والمحاضرات المُقدمة الكم واكول بنفسي شلون راح يفهموها؟ ما كان اكو ذكاء صناعي ولا قنوات يوتيوب كافية توضح محتوى المادة ، وبديت وقتها سلسلة Meeting مع مجموعة صغيرة من الزملاء لمدة شهر تقريبا اشرح واوضح بيها كل شيء حسب دراستي وفهمي لمختلف المصادر وتطور الموضوع اكثر الى ان شملت مواد أخرى وكان ال Meeting الواحد يحضر بيه اكثر من 140 طالب رغم كانت مسؤولية كبيرة كوني مجرد طالب وياكم وكنت اشوف ال Meeting للدكاترة ما يتجاوز ربع هذا العدد ف مع كل هذا الضغط تحملت المسؤولية رغم كل صعوبة ما رافقها واستمريت بيها الى نهاية المرحلة. من صارت مشكلة التشريح بكليتنا كنت اول شخص يعترض على الموضوع في كروبات الأطباء ورغم تعرضت وقتها لمشاكل بسببها ما كنت راضي ولا قابل على الي صار الكم ، ومن طلعت النتائج وقتها مال مرحلة اولى بنفس اليوم واول ما رجعت سويت قناة شرحت بيها Medical Physics رغم قلة قليلة كانت ناجحة لان كنت اعرف صعوبة مشاعر زملائي الي وكعوا بهاي المحنة والوقت الصعب وقتها رغم كنت ملتزم بعمل شخصيا وتضايقت بالوقت. هذا الموضوع استمر اكثر وبكل سنة كان يصير اكثر من موقف واكثر من عمل حتى تسهل دراستكم اكثر ونقدم الكم كل شيء ممكن يتقدم بسبيل ما تعانون ويكون هذا الطريق الصعب بكلية الطب اسهل عليكم ، الى الآن اذكر فريق Tesseract استغرق ايام وليالي بالمرحلة الثالثة حتى يرتب الكم ملفات MCQs كان ينشرها الراقي HMJS كلها بتدقيق وشغل من قبل فريقنا وتذكرون كم كانت مفيدة بكثير من الامتحانات ، شخصيا ما كنت افوت اي فرصة حتى اقدم اي شيء الكم مفيد رغم كل الي تعرضنا اله من ظروف وصعوبات كون الاراء الي كنه نتبناها بعيدة جدا عن ما يتماشى مع جو الكلية العام كونها بالأخير مؤسسة من مؤسسات الدولة العراقية وتخضع لضوابط وقوانين بيوقراطية ولكن دائما جنت مؤمن واكول التعليم الطبي المفروض حتى ينجح ما يخضع لهاي التعليمات البيوقراطية ولازم ينبني بتجارب الطلاب الواعية والفاهمة وتحدث نقلة وتطوير بيه لان هو مجال متجدد وقائم على شباب الكلية نفسهم من الطلبة بدرجة مهمة جدا. من المواقف الي اتذكرها الى الان هي شرح النسائية بقناتي ، اول ما خلصت روتة ورغم ضيق الوقت مرحلة خامسة وكل اسبوعين روتة امتحان جنت اكول شلون راح يقروها؟ ومعقولة راح يعانون بيها مرة لخ؟ باعتباري اول روتة ف اخذت على عاتقي اشرح اغلب المادة والي شاف الشرح ما كان شرح عادي وانما مستوى مختلف تماما عن الي شايفي انتوا بحياتكم الدراسية لان ردت توصلون لهيج مستوى بدراستكم وترتقون بيها واشوفكم احسن وافضل دائما ، وقتها اتذكر اكثر من مرة اضطر حتى ارفع الفديوهات بسرعة اخرج لمكان بعيد خارج المنزل حتى توصل الكم بنفس اليوم وتقروها ، من غير بعض الايام اضطريت اغيب لان ماكدرت اجي والايباد ديحمل جان ياخذ وقت مني وينعاد ويخرب اذا عفته. صراحة ماكدر احصي كم الأمور الي صارت وتقدمت خلال هاي السنين ، ولا يوم بحياتي كلها حجيت او تعاجزت او انتقدت هيج شيء وبالعكس كل شيء اسوي ما اسال او ادور غاية منه اطلاقا لان كانت نظرتي وايماني بهيج موضوع مختلف ، اني حتى مواقع التواصل الاجتماعي خلال هاي 6 سنين ما كان عندي شيء بيها وماردت اي اشكال او خلل يصير على مواقف شخصية كون الاراء الي اتبناها ومعتقدات مختلفة عن بقية اقراني وخشيت يصير اشكال بغنى عنه ف بقيت مبتعد على امل فقط تستفادون من ما اقدمه الكم خلال مسيرتي معاكم. ما اخفيكم تعرضت بسبب مواقفي والاراء طرحتها دفاعا عنكم الى محاولات تسقيط وتهديد بشتى الانواع داخل الكلية طيلة هاي السنين , دائما اسمع وتوصل اخبار وبعضها اشوف بعيني الظلم الي صار واصاب كثير من كروبات وزملاء , بحياتي كلها وطوال 6 سنين ما وكفت ضدكم وهذا مبدأي من جنت بالمدرسة متعلم ما اوكف ويا الغلط ابد مهما كلفني الثمن ولكن اعرف للاسف بالعراق الي يعمل هيج راح يتحارب ويتم تسقيطه ، نعم كانت عندي ولا زالت اراء ناقدة لاذعة الى النظام التعليمي الطبي بكليتنا وبالعراق مجملا وما كان الغرض منه الا تصحيح هذا المسار الي شابه الفساد والتدخلات والرشاوي والواسطات والظلم وحتى سوء التقدير والتعامل مع الطلبة الي محد يعرف شنو عانوا بهاي السنين ، الي بيهم أقسام وبلكوة مدبر عيشته والي بيهم يعمل ليل نهار حتى يوفر مصرفه والي بيهم ظروف صحية وعائلية وغيرها وغيرها ، ما لاحظت نادرا تقدير لهل شيء.

اطفال بخصوص ال Management of Dehydration & Drippers فاحنا مسوين هذا وهذا اوضح شيء ممكن تشوفوا بخصوص هالفقرتين.

السلام عليكم 📌 هاي الرسالة خاصة بزملائي بالكلية بخصوص امتحانات العملي الفاينل بكليتنا للمرحلة السادسة: 🔷 نظرا لضيق الوقت ف سويت فهرس جديد بعنوان ( فهرس الانقاذ للستاجير المنهار ) اي شيء تحتاجوا بالامتحانات راح تلكوا موجود بيها: 🔷 هسا راح ارفق اكثر شيء انسالت بيه هاي الأيام ، وهي: 🔶 س / وين قنواتك مال العملي ؟ 🔻 ج / هنا. 🔶 س / وين ملف سلايدات الأطفال الي راح نعتمد عليه يوم السبت القادم ؟ 🔻ج / هنا (داخل كروب الدفعة اقروا الرسالة مالتي مهمة واصعدوا فوكاها راح تعرفون شداقصد). 🔶 س / مالي خلك كروب الدفعة بخصوص سلايدات الاطفال ف انطيني ملفك الي اعتمده وينه ؟ * بس لازم تشوف فديوهات د.ميساء. 🔻ج / هنا. 🔶 س / سلايدات نسائية وباطنية شنو وضعها ؟ 🔻ج / بعدين يتحدد وضعها. 🔶 س / دخلت لقنواتك بس هوسة وين هاي مال انقاذ فهرس ستاجير مدري شسميتها ؟ 🔻ج / ● باطنية = هنا. ● اطفال = هنا. ● جراحة = هنا. ● نسائية & توليد = هنا. شكرا محمد تعبناك = العفو تدللون.

📌 رأيي الشخصي حول اسئلة الوزاري لمادة النسائية والتوليد للعام 2025 - 2026: 🔷 كلنا من نريد نعرف على شنو نركز بقرايتنا للمادة ف نشوف الوزاري شنو جايبين قبل عليه ، وهاي معروفة بكل الدول عالميا لان ماكو واحد يكدر يقرة كل شيء هذا ضرب من الخيال لان الامراض كلش موسعة ومانعرف الى اي مدى نتوقف بدراستها والتفاصيل الي بيها ، اذا تريد تمتحن Usmle ف تكمل Uworld وتختبر نفسك ب NBMES وعلى اساسه حتعرف مستواك وتمتحن ، اذا تريد تمتحن MRCP ف كذلك بيها بنوك خاصة بيها وهكذا ، تعرف النمط ومن خلاله تعرف على شنو تركز وتدرس. 🔷 نمط مادة النسائية الوزاري للعام 24 و 25 كان احسن نمط اسئلة اشوفه بهيج مادة بكل حياتي "رغم قاري مئات الاسئلة في البنوك وشايفهن" ، جدا مرتب وراقي وعلمي ويختبر فعلا الي يحتاج تعرفه وتفهمه بهيج موضوع وصياغات اغلبها مرتبة وراقية ، تمنيت صراحة تكون اسئلتنا مثل مال دور ثاني مثلا ل 2025. 🔷 من شفت الوزاري مرتب للسنين السابقة (وحتى مع التغييرات صارت هل سنة ويانا بالجراحة وباطنية ف توقعت اذا تجي ف Level اصعب ومركز مو اسخف واغبى!) ف كل قرايتي ركزت بيها من راجعت ع ال High Yield وحليت كلش هواي اسئلة تقريبا اغلب بنك Remedy الا للمواضيع الي مابيها افكار ، ناهيك اني شخصيا مطلع ع كل ال Guidelines ومسوي ملفاتي منها واخذت مني شهر ونصف بفترة الروتة والي شافها يعرف كمية التعب بيها وارتب من كلش هواي ملازم ، ف من داحجي ف اعتبر نفسي Oriented شايف وحال اسئلة واعرف محتوى المادة وتقييمي اليوم هو جان اكو نسبة 20% تقريبا (نسبة تختلف من زميل لآخر) ب نمط غير منطقي / غير واضح / غير مهم وماله داعي من الأصل ، بعضها خياراتها محيرة وبعضها بيها إشكال علمي اصلا. 🔷 اني شخصيا اشوف المفروض الاسئلة الوزارية تجي بنمطية واحدة لكل الامتحانات ، كلها كيسات علمية ومرتبة ولكن تتنوع بيها مستوى الصعوبة , يعني من تريد تجيب سؤال ع Cervical Ca غير تجيب فهم الطالب يعرف شلون يسوي Screening؟ يعرف شلون يبني ال Diagnostic Workup بناء على ال Cytology الي دزه؟ ليش دتجيب شغلة تعرف محد بينا قاري وهي آلية عمل ال Acetowhite ، شنو المغزى هيج شيء؟ ليش ما تجيب سؤال تخليني افكر ب DDx لل Vaginal Bleeding ومن عنده اتوصل وافكر ممكن هذا Cervical Ca!! غير هو هذا الواقع؟ تجي المريضة ب Bleeding ف لازم افكر ب DDx واستثني واتوصل للمناسب ف غير تختبرني شدز شسوي مو صحيح؟ وهكذا تقريبا لكل هل نسبة الي هي 20% الي مابيها Clinical Reasoning بل مجرد Factoids. 🔷 اكو خلل شخصته من بداية المرحلة وللاسف ما انوضع حل اله لان الموضوع صعب ويحتاج لجنة العمداء تنتبه اله وقضية طويلة ، من غير المنطقي مادة قاريها بشهر 9 اخير مرة (مثلا اني لان اول روتة) واجي هسا لازم كلها اراجعها ب 5 ايام وفوكاها احل اسئلة (لان تفرمت عقلي وقتها) بظل هيج وقت قصير واني اصلا طالع من تجربة امتحانات جدا صعبة ، الوزاري لهاي السنة جانت تجربة صعبة على الجميع وغير متوقعة بالاخص للباطنية لاغلبكم محد مستعد لهيج نمط مفاجئ وتغير بشكل غير معلن يعني داخل الامتحان نشوف هذا النمط لاول مرة. 🔷 اكو هواي تفاصيل لازم تتغير وتترتب حتى ينجح النظام الوزاري , اقترح ع لجنة العمداء تنتبه لاراء الطلاب ، بداية من الباطنية وغيرت مستوى الصعوبة بشكل مفاجئ الهم الى اليوم ، اهمها تبدي كل الكليات تغير نمط اسئلتها الفاشل الى نمط علمي ومرتب بداية من م3 & و م4 حتى من هذا الوقت يبدي الطالب يقرة باماكن صحيحة ومرتبة ويعرف ال High Yield بكل دراسته مو يكضوها خرط بملازم كل ملزمة 150 صفحة يخلصها ويجاوبها بل امتحان ما فاهم شيء ولا يتذكر شيء ويجي بل سادس يضطر يعيد مادة 3 سنين بغضون 8 - 9 اسابيع!!! ، من ضمنها تقليص فترة الروتات العملي لان اغلبها بلا فائدة صراحة واضافة هذا الوقت الى فترة الوزاري لان اغلبنا عطلنا قبل اسبوعين ما لحكنا نسوي اي شيء بيها كبل بدينا باطنية ف الوزاري المراجعة المفروض اقل شيء شهر كامل الكل 4/1 يخلص وكذلك كل مادة كدامها ايام لا تقل عن 10 ، حتى الي يريد يمتحن مثلا Usmle ف ما راح يضغط ع روحه يحضر المادة باسبوع مثلنا هسا!! حيكون من فترة اشهر يحل ومستعد ويراجع بشكل دوري يعني الي ديصير ويانا يحتاج معالجات حقيقية وفورية حتى لا تتكرر مأساة الدفع القادمة. 🔷 اني متيقن 99% عبالهم احنه معتمدين ع شرحهم ومحاضراتهم ب م4 وم5 ، ما يدرون اغلب ملازمنا خرط وتركناها ( ع رغم من قبل اني ماقرا بيهن بس ليالي الامتحان للدرخيات). 🔷 الرسالة ما تكفي اكمل ، ماقصدي ماتنحل بس نمطها نسبة 20% بائس واحنه من حقنا ندخل مانلكى هيج اسئلة لعد المن دارس وتعبان حتى احير بهيج شغلات سخيفة؟ اتمنالكم كل الموفقية ، احنه اصعب وجبة مرت بهاي المرحلة واصعب تجربة وزارية ، لا تخلونها تاثر عليكم اتركوا الموضوع ان شاء الله اي اشكال صار وياكم تعوضوا بالعملي وكلياتكم تساعدكم.

Rh Incompatibility .pdf

📌 PE Diagnostic Flowchart in Pregnancy: 🔷 موجود بملفي وجنت ماخذه من ال RCOG Guidelines نفسها معتمدها Ten Teacher بهذا الموضوع ، سهل مابيه شيء بس نشرته لان لهسا يمكن هواي منكم عبالهم ال CTPA ما نسوي لان "حامل ونخاف من الاشعاع" ، وهم شفت ملفات حاطين مخططات AI نصها غلط ف اعتمدوا هذا. 🔷 بعض ال Tricks المهمة جدا بملفي حرفقها بالرد على هاي الرسالة لان ماتكفي هنا اكتبها وكذلك صورة بالتعليقات اريد تشوفوها ، يبقى بس ال Prevention ف ع اقل اعرفوا ال High risk شنو وشتنطون وفترة العلاج.

📌 بمادة النسائية اكو شغلات غثيثة ومزعجة جدا (اما ليش موجودة بهيج مادة اكثر من غيرها ف اتركها لمخيلتكم 🙃) ف من ضمنها ال Rh Incompatibility ، حليت كل الاسئلة بنهاية الفديو (لان اعرفكم ما جاي تحلون) وغطيت كل الافكار بيه وشرحته وفق مخطط واحد فقط يختصره اني مسوي بهذا ملفي ويحل كل شيء عليه ، صراحة انصح الكل يشوفه لان راح يحل عدكم معاناة هل موضوع المزعج بالامتحان ، راح يفيدكم , اعتذر الفديو نصف ساعة ولكن سووا ×2 راح يخلص بسرعة. 🔻Link: https://youtu.be/9UJKajqLDi8?si=qKotw2OD8hkhb_5Y 🔻بالنسبة لاول سؤال عرضته شتختار الاب لو ICT وكذلك ثاني سؤال ف شوفوا النقاش هنا.

📌 تكملة لسالفة اكو مواضيع ما مذكورة بشكل مباشر بال Blueprint بس داخلة بالامتحان ف من ضمنها ال Oligohydramnios و Polyhydramnios هذني داخلة واجت وزاري ثنينهن ، على الأكثر حاسبيها ضمن ال Fetal Medicine لان ممكن تكون مرتبطة ب IUGR او مثلا ال Polygydramnios ضمن ال GDM ماعرف ، المهم هذا ملفي بيه كل شيء تحتاجون بخصوصهن والوزاري الي اجه عليهن يتجاوب بملفي.

📌 طوارئ مادة التوليد جدا مهمة ولكن غير مذكورة بشكل مباشر بال Blueprint , بعضها متضمن داخل المادة ف مثلا احد مضاعفات ال GDM اذا Macrosomia ف ممكن يجي ب Shoulder Dystocia وكذلك ال PPH ممكن اسبابها Uterine Rupture او Inversion وهكذا للبقية ، ف هذا ملفي اني مسوي من عدة Guidelines ومصادر مُعتمدة وانصحكم تقرون عليه (نهاية الملف حاط المصادر الي استخدمتها) ، محتوى الملف: 🔷 Maternal collapse. 🔷 Amniotic fluid embolism. 🔷 Shoulder Dystocia. 🔷 Uterine Rupture. 🔷 Cord Prolpase & Presentation. 🔷 Uterine Inversion. 🔻 لسان حالكم: دخل يصيرلي واهس اكمل الي مكتوب بل بلوبرنت المادة انوب اشوف هيج سوالف زايدة (حقكم حالتي هيج حاليا 🫩).