Internship & beyond

Internship & beyond pinned «#بعد_التخرج هذا ملخص مرتب للأوراق المطلوبة والخطوات، وإن شاء الله يفيدكم. 🤍 📄 الأوراق المطلوبة إفادة التخرج (الأصل). كشف الدرجات (الأصل). شهادة ميلاد إلكترونية (الأصل). إذن مزاولة المهنة. صورة ملونة من جواز السفر أو البطاقة الشخصية. إفادة من القوى العاملة…»

تشحوير شهر كامل لخصته في بوست ان شاء الله يفيدكم ويسهل عليكم البوست الجاي نحطلكم خطوات التسجيل للبوردات بش انقصو الدوشة متعه…

بعض المستشفيات تطلب في التأمين الطبي التأمين تقدر تديره من أي شركة تأمين. غالبًا بيطلبوا: إذن مزاولة المهنة او حتى الواصل. شهادة التخرج يشوفوها فقط. اثبات هوية. بعدها الشركة تستخرج لك وثيقة التأمين الطبي المطلوبة للتقديم. هذا لوكيشن شركة الثقة درت فيها سعره عندهم 112، كويسين ومايكثروش في دوة🤣. https://maps.app.goo.gl/RMLrSfsycEZqCkuX6?g_st=ic

#بعد_التخرج هذا ملخص مرتب للأوراق المطلوبة والخطوات، وإن شاء الله يفيدكم. 🤍 📄 الأوراق المطلوبة إفادة التخرج (الأصل). كشف الدرجات (الأصل). شهادة ميلاد إلكترونية (الأصل). إذن مزاولة المهنة. صورة ملونة من جواز السفر أو البطاقة الشخصية. إفادة من القوى العاملة بعدم العمل (الأصل). الشهادة الصحية (الأصل). شهادة الحالة الجنائية (الأصل). إفادة إقامة من شيخ المحلة (الأصل). عدد (4) صور شخصية. هاذو أوراق مطلوبة للتعينات وكل مكان يختلف على التاني بس ديرو نسخ خلوها عندكم just in case… ⸻ 🩺 خطوات استخراج الشهادة الصحية أولًا: تصوير الصدر (Chest X-ray) – مركز الدرن الأحد أو الاثنين بكري. تاخد رقم واستنى دورك. صوّر Chest X-ray. بيعطوك واصل، وبعدها توصلك رسالة على تلفونك فيها رقم الشهادة. ملاحظة: التصوير لليبيين فقط يومي الأحد والاثنين. الأوراق اللي ترفعها معاك: جواز السفر. صورة من شهادة الميلاد بالرقم الوطني. ثانيًا: التحاليل – المرجعي لو قدرت، امشي في نفس اليوم للمرجعي (برضو الأحد أو الاثنين) أول حاجة تخلص في الخزينة 15 دينار. بعدها تسجل ويعطوك كود سحب الدم. تسحب الدم وخلاص. 📌 رقم تلفون المرجعي 091-1959988 خليه عندك، وبعد ايام كلمهم يبعتولك نسخة pdf او مجرد تخش الرابط يلي يبعتوهولك اول يوم. الأوراق اللي ترفعها معاك: جواز السفر. صورة من شهادة الميلاد بالرقم الوطني. واصل من الدرن. ⸻ 👨🏻‍⚕️ خطوات استخراج إذن مزاولة المهنة سجّل في موقع نقابة أطباء طرابلس: https://www.tmc.org.ly الأوراق اللي ترفعها معاك: صورة من جواز السفر. شهادة ميلاد بالرقم الوطني حديثة (يفضل إصدار 2025 أو أحدث). صورة من شهادة التخرج، ومعاك الأصل للمطابقة. عدد (3) صور شخصية. سعرها 70 دينار. مكانهم شارع جرابة مقابل مطعم مشوار 👀 ملاحظة: -التقديم يوم الاتنين و الاربعاء - الاستلام يوم الاحد و يوم تاني نسيته🫠. ⸻ 💡 ملاحظة: المعلومات هذي حسب آخر الإجراءات المتداولة، وممكن بعض الجهات تطلب مستندات إضافية او اقل، لهذا قبل ما تقدم تأكد من الجهة اللي بتقدم لها. بالتوفيق لكل الزملاء، وربي يفتحها عليكم. 🤍

بالتوفيق مفاضلة 5 بداية خير يارب.

كيف تستغل سنة الامتياز كويس 👇 صدقني يا دكتور، البوست هذا من أهم الحاجات اللي ممكن تقراها، لأن سنة الامتياز هي اللي تفصل بين مرحلة الطالب ومرحلة الطبيب . هي سنة انتقالية، فيها تتبدّل شخصيتك وتبدي تشوف الأمور بعين الدكتور مش الطالب. يعني حتنتقل من مرحلة الدراسة النظرية والكتب والشيتات الي العمل الميداني وتبدا تشوف في حالات وتطبق اللي كنت تتعلم فيه طبيعي جدًا في البداية تحس روحك رايح شوية أو مش فاهم الوضع، لكن ما تخافش، مع الوقت كل شي يبدا يوضح ليك وتلقى روحك اندمجت تمامًا. شنّي هي الاتجاهات اللي تمشي فيها السنة هذي؟ ببساطة السنة هذي تمشي في 3 طرق: 1️⃣ السفر 2️⃣ التعلم والتطوير 3️⃣ الراحة وإعادة الشحن اللي مهم إنك تحط خطة واضحة من أول السنة، لأن لو ما عندكش خطة، التيار هو اللي بيمشيك، وتتفاجأ إن السنة طارت وانت ما درت شي. 1️⃣ طريق السفر ✈️ لو ناوي تسافر، لازم تكون عارف طريقك كويس: أمريكا؟ بريطانيا؟ ألمانيا؟ قطر؟كندا؟ مش كل الطرق تناسب الكل، كل واحد وظروفه. الأهم إنك تكون محدد وجهتك وفاهم وضعك المادي لأن السفر محتاج فلوس مش كلام. لو قررت خلاص، ركّز في هدفك ومتضيّعش وقتك في حاجات جانبية: اقرا، حضّر امتحاناتك، واشتغل على اللغة. وحنديرو اكثر من منشور في القروب متاعنا هدا بخصوص كل pathway ميزاتها وعيوبها باش تقدر تقرر بصورة واضحة شن يمشي معاك 2️⃣ طريق التعلم 📚 لو قررت تقعد في البلاد أو مش ناوي تسافر الفترة الجاية، فهذه فرصتك الذهبية تتعلم. التعلم بحد ذاته شرف، وشي يرفعك عند ربك قبل الناس. جدد واخلص النية، وادعي دايمًا ربي يفتح عليك ويزيدك علم. كيف تتعلم بطريقة صحيحة؟ حنتكلمو في الموضوع هذا بالتفصيل قريبا خليكم متابعينا ويشمل موضوع اختيار التخصص وشن تدير لو حطيت تخصص من البداية في بالك او مفيش شي معين هذا كله حنتكلمو عليه 3️⃣ طريق الراحة والكسودي 🙂 ما تستهينش بيه، لأن مش دايمًا الراحة معناها كسل. سنة الامتياز هي الوحيدة اللي ما فيهاش مسؤوليات حقيقية، فلو قررت ترتاح، ارتاح بضمير! سافر، اقعد مع أصحابك، قرّب من أهلك، رجّع العلاقات اللي ضعفَت بسبب ضغط الكلية، جرّب هوايات جديدة، عيش حياتك على الآخر. أنت تستحق break حقيقي بعد تعب السنين. 4️⃣ أهم نصيحة في كل الطرق 🔑 من أول السنة حدد االطريق متاعك، أو حتى لو عندك طريقك الخاص. الأهم تكون كاتب خطتك بإيدك، مش بس في بالك. ورقة صغيرة تحطها في جيبك، فيها خطة الـ 6 شهور الجايين. كل فترة راجعها وشوف شن حققت وشن باقي وشن يحتاج تعديل. بره يعلمو في الناس العادة هذي من صغرهم، هدا علاش دايمًا متطورين وعايشين بتخطيط. وخليك دايمًا عندك خطة A و خطة B. يعني لو الأولى ما مشت – مثلاً كنت ناوي على أمريكا والدولار طار او عمك ترمب سكر عليك – خلاص، متتجمدش. بدل الخطة وكمّل في البديلة بدون ما توقف.

شوفوها باذن الله تستفيدو🌸

وحدة من الحاجات لهلبا زميلات كانو يسألو فيا عليها (وقت الامتياز) ان حني ناسيين اغلب الطب والبيزك و و كيف ندير نسمع من جديد ولا شنو الحل؟ الكل هكي يحس روحه ضايع بس فيه حلووول. بالنسبة ليا حل الاسئلة اكثر شي دارلي فايدة مش تحل وتلوح وخلاص لا!! بتحلو بتقرو…

وحدة من الحاجات لهلبا زميلات كانو يسألو فيا عليها (وقت الامتياز) ان حني ناسيين اغلب الطب والبيزك و و كيف ندير نسمع من جديد ولا شنو الحل؟ الكل هكي يحس روحه ضايع بس فيه حلووول. بالنسبة ليا حل الاسئلة اكثر شي دارلي فايدة مش تحل وتلوح وخلاص لا!! بتحلو بتقرو الشرح تحت كل سؤال تحاول تلم النقاط المهمة وترتب افكارك في كل موضوع. هذا وقت ال active learning. + طبعا مع انك تشوف حالات المستشفى وتحول تتعلم البروتوكولات متع المستشفيات على قد ماتقدر. باهي قصة ال selection شنو؟ كيف نقرولها؟ - حتى هي نفس الشي أسئلة بس لان هو نفسه منهج رابعة وخامسة مفيشي فرق - وين نلقاها الاسئلة؟ نشوفو uworld ولا pass medicine ممتازات ولا plabable ( مع ان هذا بسيط بكل يعني فائدة متعه مش هلبا) الغرض ان تتعلم من كل سؤال وتفهم بعدين تقدر تحل امتحانات سابقة و هكذا. بس مشكلة هاذو اشتراكاتهم غالية والمجاني منها بيكون مسروق للأسف ضميرك يقعد مش مرتاح.. توا في مصدر أسئلة محلي ممتاز وأسعاره مناسبة للكل وهو منصة OSOS كل أسئلة الكلية مشروحة فيه نفس النظام لان الشباب كلهم ماشاءالله ناجحين في step 1 2 وفيه حتى 3 .. المهم هما مركزين أكثر على guidelines يلي ماشيين بيها كليتنا ومستشفياتنا مع خليط شرح من uptodate و مصادرة مليحة بكل. باهي؟ الجميل في الموضوع ان الاسئلة هاذي تساعدك تراجع كل شي قريته بطريقة احلى واسهل ومرتبة اكثر - تقييم الاسئلة ممتاز وعن نفسي راجعت بنك أسئلة النساء والولادة وكان شي مشش عادي. فخورة بيهم هلبا على الانجاز هذا بجديات. الشغل يلي داروه قبل ماننضم للفريق كان خارق وحاليا نشوف في الmindset of the team لو كنت طالبة لو كنت دكتورة حديثة تخرج whatever ثقتي فيهم كبيرة وحايديرو انجاز مش عادي للتعليم الطبي في ليبيا. واي شي يديروه تقروه وانتو مرتاحين. وانا معاهم طبعا* بس نحكي كاني حد يشوف فيهم من بعيد فهمتو؟ 😂 ماشاءالله OSOS استمروا 💙 باذن الله أسُس حدير تغيير كبير. فيه مصدر تاني مفيد لبعد الامتياز وأيضاً مصدر محلي ممتاز بإذن الله بعد مانجربه يكون ليه بوست بروحه🌸 Good night everyone

قناة أسُس OBGYN انزلو فيها في كوزات و حاجات مفيدة. Joinnn https://t.me/+_aP_NPHhGa5mNmQ0 باقي قنوات أسُس تستفيدو منها هلبا حتى الامتياز: https://t.me/osos_med/622

السلام عليكم نهاركم زين يادكاترة بالله عبولي الاستبيان هذا وان شاء الله كلكم تنجحو وتخشو الجنة ❤️

https://forms.gle/rLV5P1txrVtqRDYBA

Your little gift, Anki deck لتعلّم الECG فيها 7 شباتر Chapter 1: The Basics Chapter 2: Axis/Hypertrophy/Enlargement Chapter 3: Arrhythmias Chapter 4: Conduction blocks Chapter 5: Pre-excitation Syndromes Chapter 6: Myocardial Ischemia & Infarction Chapter 7: Finishing Touches & a bonus chapter —— Just started studying this deck & I’m liking it so far ▪️برنامج آنكي عالاندرويد بالبلاش واسمه ankidroid ▪️على الiOS One time payment of 25$ :| But there are “okay” alternatives

we only need 20 ppl here... help plz

https://docs.google.com/forms/d/e/1FAIpQLSf10VGEZ7wa-fUB1h5JL-96GpVZecI54Cn1Zo1Rq1SEHXCk8w/viewform?usp=publish-editor

https://t.me/studywithdr_Wasan