زاهَد

‏صالح النشيرا : ‏تظاهرت بـ الراحه وانا خاطري مكبوت ‏أسولف مع سالم و اهوّن على هادي ‏ياجابر ياشين البكيه اللي مافيها صوت ‏هذي والله اللي يمكن تطلع فوادي ‏له العهد فاللي عاد من عمري الموقوت ‏لاسولف من أسمه لين يرثونه أحفادي

‏كم من شجاع حياته صبر ومواجه ‏ينطّح كبار المصايب ويتحداها ‏من جور ما كابد ومن كثر ما واجه ‏إنهى رحيله ونفسه لحقت أقصاها ‏وكم شايبٍ عبرته بالصدر دلاجّه ‏على عيالٍ تحسف يوم رباها ‏نسيته يوم أصبحت ماهي بتحتاجه ‏من عقب كان مزبنها وماواها

شفتك مع غيري وقفّيت ب سكات نفسي عزيزة ما تطيق المذله يومك رضيت بـ ناس أهل العلاقات بعت الرفيع ولحقت بـ كل علّه خلك مع اللي يعشقون البدايات أنا انتهيتك والمواقف تدلّه ما عاد لك في وسط قلبي مساحات ولا عاد لك في وجه الأيام طلّه رح في طريقك وانطو ب السجلات شخصٍ لعب بـ الود لازم نملّه

-

شفتك مع غيري وصدّيت بذهول ما هو بعجز لكن النفس طابت يومك رضيت بكرسيٍ كان مجهول بانت نوايا في ضميرك وغابت رح مع حبيبك واشبع بقول ومنقول نفسي عن دروب المذلة استشابت لا تحسب اني عقب فرقاك مقتول عزي كما صم الصخور الثوابت من باعني لجل التوافيه معزول شلتك من أوراقي وعيني استرابت

-

ياعين لا تبكين فرقا المواليف مكتوب لك فاللوح جفوا وجافي كلن يجيله فتي زمانه صواديف واللي كتب للعبد لازم يشافي هجوس قلبي بين ما اقفو مناكيف يوم ان قلب ألاش صافي بصافي فكرت في دنياي تفكير حريف وأقول يا دنياي بالله كافي تظهر علي عجاب وتشيب وتخيف ولا بد يظهر كل ما كان خافي

-

عسى اللّه يتمم عليك ويهنيك وتعيش من زود ألهنا عمر ثاني وعساه يطمع في رضاك ويراعيك ومن طيبه ياخذ غلاي ومكاني ياليته عن ضيق صدرك يسّليك ويعوضك عن ما مضى في زماني تدمع لك عيون تعزك وتغليك ولي قلب يدعي لك ولا هو بأناني من شفت زولك والقرايب حواليك فرحت كنك واحد من أخواني

كنت ابي اودعك وابي اعزيك بحبنا الي مات من دون ودي ياكثر ما تخطي واسامحك وأعفيك دبلت كبدي الين بيحت سدي وان علمتني الهجر والله لا أجازيك وأْعلمك وشلون هجري وصدَّي في واحد زينة يبيعك ويشريك ولا انت قطعت خام ما تعدي من اول ليا مر ذكراك وطاريك مايركد الفنجال في كف يدي

تمادى بالهجر إلى ان ضيع غلاه ويحسب ان البُعد يرفع من مقامه نسي ان القلب ان طال جفاه يمل ويطفي شوقه واهتمامه تغلى لين ما تاه ب خطاه وكسر ب جفاه هيبة احترامه ظلم نفسه قبل يظلم هواه وعلى كثر التغلي يا ملامه بنى سدٍ مكن في منتهاه وضاع الوصل في ليل العتامه تركته للغياب وما حواه فلا هو ربح ولا نال السلامه

يا وقت خذت الثمين وصرت أنا اسبه عزّيت ناسٍ وهدّمت المحاجيري ماني ب قايل عذول ب خطوته خبه بقول منهو يرتّب لي طوابيري؟ الحزن ليلٍ طويلٍ ضعت في غبه والفرح غصنٍ كسرته في معاذيري وش عاد باقي ب قلبٍ ضاع محبِه؟ وقصة حياتي غدت قسمة مقاديري

-

تعبت أداري شعورٍ صعب اكتبه وأخفي طعونٍ تغذّت من مشاويري يا ليت حلمي كذب أو ليتي اصبه في كاس نسيان ينهي لي تفكيري القلب لا من فقد يا ناسي أحبه تعجز تداوي جروحه أي تبريري أغيب وأرجع وأقول الجرح وش به يلقاك طيفٍ يبعثر كل تقريري أضما لوصلك ووصلك غيمةٍ غبّه راحت لغيري وأنا أولى فيه من غيري

~

عاشقك دونك بالهجري وبالميلادي هايمٍ في حب تاريخك ومجد شعوره يا هناي المستديم وغايتي و مرادي كل عام وجيش حبك رايته منصوره

ياعين لا تبكين فرقا المواليف مكتوب لك فاللوح جفوا وجافي كلن يجيله في زمانه صواديف واللي كتب للعبد لازم يشافي هجوس قلبي بين ما اقفو مناكيف يوم ان قلب ألاش صافي بصافي فكرت في دنياي تفكير حرّيف وأقول يا دنياي بالله كافي تظهر علي عجاب وتشيب وتخيف ولا بد يظهر كل ما كان خافي

ولا وربي كنت أحبه حيل مادورت زله لا تشكك في غلاه ولا تساعد في هروبه لايمي قبلك تعبت ألوم شعار المجله كنت مؤمن في مقولة أعذب الشعر الكذوبه يوم قفا والخفوق يفوح عقبه فوح دله وين يدله الخفوق وكل مايدله يتله لاطرأ جريت ونة من بلاده مستحله مثل ماراحت بلادي مع شعارات العروبه