بُـرهان

حط لهقوتك في معظم الناس حد و قيد ‏ لا ترجع مع الأوهام في حرب ومشاجر ‏ضياع العشم ياثر على البال بالتنكيد ‏ مثل ما السهر يأثر سواده على الحاجر ‏بعضهم حبال الوصل تمدي معه وتزيد ‏ وبعضهم سلام وانت مناك ومواجر ‏أحد جيته لك عيد و أحد مراحه عيد ‏ ما بين الغلا والكره ومقيم ومهاجر

أعز بيت قالته العرب خلال ٣٠٠ سنة: ‏حنا هلَ العوجا ولا به مراوات ‏شرب المصايب مثل شرب الفناجيل ‏الملك فهد بن عبدالعزيز ال سعود "رحمه الله"

ﷺ

يامرحبا بالقصيد وان جتني .. افكاره ‏اخذت منه ما يرضي ذوق جمهوره ‏والنفس ياصاحبي لـ السوء أمّاره ‏لكنها لاذنبت ماهيب .. مخطوره ‏اشتقت للي يذوب بصدره زراره ‏ومن وسع عينه يذوب الكحل في حوره ‏لولاه ماتسري اللكزس لجراره ‏في ليلةٍ مظلمه والأرض ممطوره يدٍ على القير والاخرى على الطاره ‏ودموع عيني على الخدين منثوره ‏ ‏الين امر شارعه وامر دواره ‏واخذ على بيتهم دوره ورا دوره ‏ويذبحني الشوق واسير على جاره ‏الين جاره زهق من كثر ما ازوره ‏واقول ياليتني ساكن في هالحاره ‏في جمب بيته وسور البيت هو سوره اقل مابه لاضقت اقبّل جداره ‏والا لاهب الهوى تاصلني عطوره ‏آخر هداياه لي ساعه ونظّاره ‏وجرحٍ لهالحين نفسي منه مخطوره ‏اسلي النفس في نوره وفي ساره ‏ولاعاضني فيه لاساره ولانوره

عزاي أنك رجاي العذب لو كل الدروب عثور ‏وصلت او ماوصلت أعرفك منت منتظر غيري

oof -

‏فديتك يوم تاخذني على كيفك ولا ادري وين ‏معك من وين ما ذعذع هواك ومالت الفيّه

وأنت ياللي منزلك ما ورا حدب الضلوع ‏تدري إنك من وراها وغيرك ما درا ‏تمتلكني يا أطرق العود من عادك فروع ‏قبل تغريك المدينه ويطغيك الثرا ‏يوم عادك تكره السبت وتحب الربوع ‏والمواجه كان مسموح والوصل جْهرا ‏جعل تسقى ذيك الأيام سجدات وركوع ‏رحمةٍ من رب طيبه ورب أم القرى

يا وجودي كل ما هب نسناس الشمال ‏وجد من حده زمانه على الي ما يبيه ‏ويا وجودي كل ما اضحيت ثم مال الظلال ‏لاغفت عيني ولا ذقت شي مشتهيه ‏وجد من قفى وهو في رجا كلمه تعال ‏والتفت من عقب ما اقفى ولا احد لد فيه ‏وياعذابي لا دنا الليل من رؤس الجبال ‏وانقضى يوم من العمر ماعاد ارتجيه»

انعست عين الغلا والهوى هدا ‏خانت الايام والملح والعشره

لو أتوب من الذنوب اللي جنت الايام ضدّي ‏ ما قدرت أتوب عن ذنِب يعن القلب صوبه

« لولاك ما زار القمر ليّل الأحباب »

ﷺ

لا طاح سهم البورصه و الذهب طاح ‏قامت سهـوم الطيـب و الطيبيني

اميرة الغيد شيخة كل تلع الرقاب ‏كل العذارى لحال وهي بلحالها ‏سلسالها في نحرها كيف قاوم ما ذاب! ‏أثره سواتي يشوف اشياء ولا طالها ‏لو طالها ذاب جعله للفنا والذهاب ‏هي وش تبي من قلايدها وسلسالها؟ ‏هي من تزيّن قلايدها وتزهى الثياب ‏وتغار منها البنات وهي على فالها ..

لك فالغلا منزل ولك فالحشا جرّه ‏ذي جرّتك بين تغريبه وتشريقه

لك فالغلا منزل ولك فالحشا جرّه ‏ذي جرّتك بين تغريبه وتشريقه

من فك للخبلان باب الميانة ‏قاموا عليه بكل حاجة يمونون ‏أي بمعنى حط حدود دائمًا - إذا تريد راحة بالك