القصر العيني - 200

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ

🟥 بخصوص التقديم المبكر للقبول بـ IPKA 📌كل القنوات المهمه👇 https://t.me/KASRR_200/113

السلام عليكم يا دكاترة سنة أولي القصر العيني دفعة 200 بالنسبة للي حابين يبدأوا مذاكرة وفيه أسئلة كتير عندكم هنحاول نوضح كل حاجة فالبوست ده ✍️ هل لازم أبدأ مذاكرة من دلوقتي ، وهل ده هيفيدني ؟ - دي حرية شخصية ، الأولوية حاليآ انك تاخد بريك وتقضي اجازتك وتتبسط عشان قدامك سنة كاملة بس لو انت زهقت من الاجازة وعملت كل اللي نفسك فيه فلو بدأت من دلوقتي ده أكيد هيساعدك متتصدمش فالبداية وتعرف تتأقلم بسرعة ويفضل تبدأ بقراءة دليل الطالب https://t.me/KASRR_200/112 ✍️ ايه المقصود بال ( Data - داتا ) ؟ - ببساطة هيا عبارة عن الحاجات اللي بتساعدنا فالمذاكرة زي : - كتب وملازم PDF - ريكوردات دكاترة الكورسات ( اوقات فيه دكاترة بينزلوا موديول مثلآ أو أجزاء معينة فري فوقتها بيكون متوفر فصورة فيديوهات ) - تجميعة ل فيديوهات اليوتيوب المتوافقة مع منهج الكلية بتاعتنا أو قريبة جدآ منه - أسئلة للتدريب وامتحانات السنين السابقة..الخ وعندك هنا قناة داتا دفعتكم اللي هتلاقوا عليها كل ما تحتاجوه https://t.me/Data_KA200 ✍️ هل لازم كورسات ؟ - الإجابة لأ مش لازم عندك بالترتيب 1️⃣ حضور محاضرات الكلية الرسمية مفيد ومهم جدا جدا ، وهنا الفرق بين المحاضرات والسكاشن https://t.me/KASRR_200/128 2️⃣ الداتا أكتر من كافية بس لو حسيت انك لازم تاخد فمادة معينة وقتها مفيش مشكلة بس تجرب الأول كل المتاح وشوف ايه اللي مناسب ليك أكتر ومتمشيش ورا رأي حد وجرب بنفسك كلو بعدها اختار لأنه فيه طلبة كتير مأجورين بهدف الدعايا وهنوضح ده قدام لو لاحظنا اتكرر عشان تاخدوا بالكم ✍️ هل محتاج أخد كورس تأهيلي ؟ - متضيعش وقتك فالحاجات دي ، أكيد محدش ليه اطلاع علي كل النوعيات المُقدمة بس الفكرة انك لو هتذاكر يبقي الأحسن تذاكر من منهج جامعتك علطول ( القصر العيني ) بدل ما تضيع وقتك فحاجات تانية ( إلا لو متاح حاجة فري ومفيدة ) ✍️ هل اللغة الإنجليزية عائق وهل محتاج اطورها ؟ - الفكرة مفيش عندك امتحانات ( شفوي - oral ) فأول سنتين وبالتالي مش محتاج اوي تركز علي مهارة زي ال speaking أو ال listing ، ممكن بس تحاول تحسن ال writing عشان امتحانات العملي والفاينل بتكتب فيها بإيدك وال reading عشان انت فالطب بتدرس بالانجلش وال latin اللي هيا عبارة عن لغة الطب ، زي ما وضحنا نظام الكلية هنا https://t.me/KASRR_200/103 ✍️ طب أحسنهم ازاي ؟ احسن طريقة هيا انك تبدأ فالمذاكرة وتقابل الكلمات الصعبة وتترجمها وسنة سنة هتلاقي الدنيا معاك بتبقي أوضح ، فالبداية هتلاقي نفسك بتترجم وتتعب شوية بس بعدين هتلاقي الكلام ده بيتكرر والمجهود بيقل فموضوع الترجمة ده ✍️ هل محتاج كورس مصطلحات طبية ؟ - الفكرة انك هترهق نفسك بحفظ مصطلحات كتير من غير ما تستخدمها ، فالفكرة لما تذاكر منهجكك هتبتدي تستعمل المصطلحات دي وتبقي ضربت عصفورين بحجر واحد انك عرفت مصطلحات وبدأت فمنهجك ومهم جدآ تقرأ البوستات التعريفية للمواد هتفيدك https://t.me/KASRR_200/127 وده البوست اللي فيه كل القنوات اللي هتحتاجوها https://t.me/KASRR_200/113 وكل أسئلتكم مرحب بيها علي جروب الشات ❤️

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ

🟥 بخصوص الامتحانات التكميلية المقررة علي بعض طلاب المعادلات وغيرهم ( وليس الكل ) https://t.me/KA_Chat_200/1798

🟥 الفرق بين المحاضرات والسكاشن هنبدأ السنة إن شاء الله يوم 19/9 https://t.me/KASRR_200/121 طيب يوم اما نبدأ هيبقى عندنا اول اسبوع هيبقى بس في المدرج ( حضور المحاضرات ) وهناخد فيها المواد المقررة ونزل ليها بالفعل بوستات تعريفية 👇 https://t.me/KASRR_200/127 وبعد كده من تاني اسبوع هيبدأ عندنا ال sections المحاضرات يعني الحاجات النظرى الى هنذاكرها اللي هو من الاخر المنهج اللي علينا ال sections كل الحاجات بقى زي ايه؟ زي مثلا ال anatomy ( التشريح ) بيبقى العملي بتاع ال anatomy اللي هو انت مثلا هتدرس عضلة معينة هتروحوا تاخدوا في النظري في المدرج وبعد كده هتروحوا على المشرحة اللي هو العملي بقى بتاع الanatomy = ال section هتروحوا تشوفوا ال muscle دي شكلها عامل ازاي؟ هتشوفوها على الجثة يعنى ال section حضوره اجباري ليك نسبة غياب 25% بس يعني لازم تحضر وبيبقى عندنا الغياب في ال sections اجباري عشان ندخل امتحان العملي آخر السنة 📌كل القنوات المهمه👇 https://t.me/KASRR_200/113

🟥 البوستات التعريفية للمواد ( سنة أولي دفعة 200 القصر العيني ) ◼️Anatomy https://t.me/KASRR_200/116 ◼️Histology https://t.me/KASRR_200/118 ◼️Biochemistry https://t.me/KASRR_200/119 ◼️Physiology https://t.me/KASRR_200/122 ◼️Pathology https://t.me/KASRR_200/124 ◼️Pharmacology https://t.me/KASRR_200/126 📌كل القنوات المهمه👇 https://t.me/KASRR_200/113

﷽ 📢 Pharmacology ~ First Year النهارده هنكمل التعريف بالمواد ومعانا آخر مادة فسنة أولي مسك الختام علم الأدوية (Pharmacology) يمكن أغلبكم سامع الاسم كتير و فاكر إنها مادة مرعبة وحفظ كتير وبتاع، بس لا خالص.. تعالوا نبسطها سوا. --- 🛑 إيه هي الفارما؟ ببساطة، الفارماكولوجي هو علم الأدوية: - إزاي الدوا يشتغل في جسم الإنسان (Mechanism of Action). - بيتكسر فين (Metabolism). - يخرج إزاي (Excretion). - الآثار الجانبية (Side effects) اللي ممكن تحصل. - وأهم حاجة طبعاً هي الـ Uses بتاعة الدوا → يعني إمتى نكتبه للمريض وبنستخدمه في أمراض ايه ؟. يعني تقدر تقول الفارما هي حلقة الوصل بين البايوكيمستري، الفسيولوجي، والكلينيكال. --- 🛑 بناخدها امتى؟ INT 108 ده هيكون الموديول اللي هتاخدوه في الاخر خالص إن شاء الله زي ما وضحنا فأول بوست 👇 https://t.me/KASRR_200/103 زي الباثولوجي بالظبط، هتشوفوا أول لمحة عن الفارما في الموديول ده هيبقى مجرد مقدمة بسيطة تعرفك يعني إيه فارما و إزاي الدوا يشتغل، لكن الجزء الكبير فعلاً بيبدأ في سنة تانية و تالتة. فـ حاول تاخدها بجدية عشان لما تيجي تانية تلاقي نفسك متأسس و فاهم. --- 🛑 إزاي نذاكرها كويس؟ - احضر المحاضرات و السكاشن لأنها بتبسط حاجات ممكن تبان معقدة. - ممكن برضه تشوف فيديوهات لمصادر أجنبية زي Sketchy مثلاً (وده فعلاً masterpiece)، بس ده لما تطلعوا تانية إن شاء الله. - محاضرات دكاترة القسم مهمه جدآ وبتنظمها رئيسة القسم ا.د سهي - في دكاترة كتير عاليوتيوب بتشرحها، وطبعاً المصدر الأول والأخير اللي بنلتزم بيه هو كتاب القسم. - داتا السنة اللي فاتت وبتنزل برضو حديثه لسنتكم علي قناة الداتا دفعة 200 👇 https://t.me/Data_KA200/9 حاول تفهم مش تحفظ، لأن الفارما كلها منطق. لو فهمت الميكانيزم هتعرف الدوا بيعمل إيه، بيطلع منه إيه، و الـ Side effects بتاعته. --- 🛑 الأخطاء الشائعة - إنك تحفظ اسم الدوا وخلاص من غير ما تفهم بيشتغل إزاي > هتنسى بسرعة. - التأجيل > الكميات كبيرة و الأسماء شبه بعضها كتير، لو سيبتها للآخر هتحس إنك تايه - ممكن تلمها في أولى لأنها صغيرة، لكن لو ما فهمتش كويس هتطلع تانية مش فاهم حاجة. --- 🛑 نصايح تساعدك في المذاكرة - ذاكر أول بأول و راجع باستمرار. - متخليش أسماء الأدوية تخوفك، مع التكرار هتحس إنها سهلة. - ممكن تحفظ اسم العيلة بس، والأدوية المميزة في كل عيلة. وغالباً هتلاقي إن أغلب أدوية العيلة فيها segment بيتكرر. وهتعرفوا يعني ايه عيلة لما توصلوا ليها إن شاء الله --- و أخيراً، الفارما مادة فعلاً هتحتاجها في الكلينيكال وحتى بعد الكلينيكال وانت دكتور، فـ إياك تهملها ✨. الجزء بتاع سنة أولى بسيط جداً، عبارة عن General overview بتعرف فيه الأدوية بتشتغل إزاي والجسم بيتعامل معاها إزاي بشكل عام. بس المهم تبدأ صح و تبني أساس قوي عشان ترتاح بعد كده. ولو حد عنده اي اسأله عن المادة او اي حاجه تانية ميترددش يكتبه 📌كل القنوات المهمه👇 https://t.me/KASRR_200/113

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ

﷽ 📢 Pathology – First Year هنكمل التعريف بالمواد ومعانا علم الامراض ( Pathology ) اهلا بيكم يا دكاترة❤️. هنتكلم انهارده عن مادة مختلفه و هي الباثولوجي، يمكن اغلبكم سمع عنها شوية و سمعها في الضحك و الهزار و فيديو فيه راجل ينام ليلة امتحان الباثولوجي 😂 🛑 ايه هي الباثولوجي! مادة الباثولوجي هي عبارة عن علم الامراض ، بعد ما تكون خدت الفسيولوجي و الهستولوجي الشكل الطبيعي و الوظيفة الطبيعي للحاجه فا تيجي الباثولوجي تقولك بقى المرض اللي ممكن يحصل في العضو كذا أو الخلية كذا... 🛑 بناخدها امتى !! INT 108.. ده هيكون الموديول اللي هتاخدوه في الاخر خالص إن شاء الله زي ما وضحنا فأول بوست توضيحي 👇 https://t.me/KASRR_200/103 و هو هيكون حاجه صغيرة كده يديك نبذه عن الباثولوجي و الفارما ( هنتكلم عنها البوست اللي جي ) ، لكن الجزء الكبير فعلا للماده بيكون في سنة تانية و تالته. فا افضل حاجه تأسس نفسك في الماده كويس في وقت 108 و متستهترش بيها عشان تستريح في سنة تانية شوية ان شاءالله 🛑 ازاي نذاكرها كويس !! بيكون طبعا في محاضرات و سكاشن احضرهم هيكونوا حلوين و اجمل حاجه في الماده ان ليها دكاترة من القسم عندنا بتشرح كل حاجه على اليوتيوب من غير اي مقابل زي دكتور بسنت و دكتور إيمان موجودين على اليوتيوب وفـ قناة الداتا https://t.me/Data_KA200 🛑 الاخطاء الشائعه أغلبنا بيأجل المذاكرة و بيقول عادي هتتلم قبل الامتحان، فا دي بقى اكتر مادة صعب صعب تتلم قبل الامتحان مينفعش تأجل مذاكرتها 🛑 نصايح تساعدك في المذاكرة لازم تذاكر مره و اتنين لأن فيها تفاصيل كتيره و للاسف بيسأل عنها في الامتحان اسمع الحاجة مره و اتنين و افهمها بلاش تحفظها و خلاص لأن الكميات هنا بتبقى كبير اوي مع الوقت فا هتنسى كل حاجه. اعمل لنفسك رسمه أو mindmap تجمع فيها الحاجات مع بعضها عشان متتلغبطش وسط الكميات الكبيرة. و اخيرا متقلقش من المادة خالص، هي مادة و بتعدي و الجزء اللي في سنة اولى سهل متقلقوش✨ 📌كل القنوات المهمه👇 https://t.me/KASRR_200/113

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ

﷽ 📢 Physiology – First Year النهارده هنكمل التعريف بالمواد ومعانا علم وظائف الأعضاء (Physiology) مادة Physiology (علم وظائف الأعضاء) ✨ المادة دي بتعرفك إزاي أعضاء وأجهزة الجسم بتشتغل، وإزاي الخلايا والجزيئات الحيوية بتقوم بالعمليات الكيميائية والفيزيائية اللي بتحافظ على حياتنا. والموضوع ده مهم جدًا علشان لو حصل خلل في أي عضو تقدر تفهم إيه اللي هيحصل للجسم 👨‍⚕️👩‍⚕️ 📌 مادة الفسيولوجي بتعتمد على الفهم أكتر من الحفظ. وفي سنة أولى هتدرسوها في ٣ موديولات رئيسية: 🔹 موديول 102 🩸 هتدرسوا Blood (مكونات الدم + الأمراض المرتبطة بيه زي الأنيميا بأنواعها). وكمان ANS (Autonomic Nervous System) أو الجهاز العصبي الذاتي، اللي بينظم الوظائف اللا إرادية زي القلب، الكبد، الغدد العرقية، الجلد، وعضلات العين الداخلية. 🔹 موديول 103 💪 خاص بالعضلات: أنواع الانقباضات، إزاي بيحصل الانقباض، وإيه اللي بيحتاجه. وفي العملي هتعملوا تجارب عملية وتشوفوا الكلام ده بنفسكم على الضفدع 🐸 🔹 موديول 104 🫀 بداية الترم التاني هتاخدوا القلب والجهاز الدوري والجهاز التنفسي. هتفهموا إزاي بيحصل تبادل الغازات (O₂ يدخل وCO₂ يخرج) عن طريق الرئة. وكمان إزاي الدورة الدموية بتنقل الدم لكل أنسجة الجسم، وإزاي بيتنظم ضغط الدم. والأهم: إزاي كل الأجهزة دي بتشتغل مع بعض كمنظومة واحدة متكاملة⁉️ 💡 الفسيولوجي مادة ممتعة جدًا، وكل ما تغوص فيها أكتر هتقول: سبحان الله ❤️ لأنها بتوريك عظمة ربنا في تنظيم كل جزء في الجسم وازاي كله شغال في نفس الوقت. 📚 مصادر المذاكرة: محاضرات دكاترة القسم فالكلية فيديوهات يوتيوب (زي د. ناجي إسكندر) فيديوهات Animation قصيرة بتخلي المعلومة سهلة التثبيت. داتا السنة اللي فاتت وبتنزل برضو حديثه لسنتكم علي قناة الداتا دفعة 200 👇 https://t.me/Data_KA200/9 🚫اهم حاجة : ✔️افهم قبل ما تحفظ المادة دي أساسها الفهم. أي تعريف أو آلية (mechanism) حاول تفهمها كويس الأول، وبعد كده لو فيه تفاصيل تحفظها هتبقى أسهل بكتير. ✔️ذاكر أول بأول لأن تراكم المعلومة من غير ما تراجع هيتعبك جدًا قبل الامتحان. ✔️ اعتمد على الأسئلة حل أسئلة بعد كل شابتر . هتخليك تعرف إنت فاهم ولا محتاج تراجع تاني. 📌كل القنوات المهمه👇 https://t.me/KASRR_200/113

بداية العام الدراسي الجديد 19/9 📌كل القنوات المهمه👇 https://t.me/KASRR_200/113

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ

﷽ 📢 Biochemistry – First Year النهارده هنكمل التعريف بالمواد ومعانا الكيمياء الحيوية (Biochemistry). 🔍 إيه هي البايوكيمستري؟ البايوكيمستري هي العلم اللي بيفسّر كل التفاعلات الحيوية اللي بتحصل جوا جسمك… من أول إزاي الجسم بينتج الطاقة ويخزنها ويستهلكها، لحد أدق التفاصيل زي إزاي الخلية تبني وتنسخ الـ DNA 🧬 ⭐ ليه مهمة؟ • لأنها بتشرحلك "الميكانيزم" اللي وراء كل حاجة بتحصل في جسمك. • وهي حلقة الوصل بين الكيمياء والطب. 📚 إزاي بيتدرّس؟ في سنة أولى البايوكيمستري بتتوزع على موديولين: 🔹 INT 102 ده بيكون أول موديول في بداية السنة. بتاخد فيه Introduction لطيف للأساسيات. بعدين تبدأ تدرس أهم المركبات الحيوية: الكربوهيدرات، البروتينات، والدهون. ومع التقدم في المنهج، هتوصل لجزء ممتع جدًا: الـ DNA 🧬(وده عندكم خلفية عنه من ثانوية عامة). 🔹 BMS 103 هنا البايوكيمستري بتبقى أكبر مادة في الموديول. بندرس فيها Metabolism (الأيض). هتفهم: • إزاي الجسم يهضم الأكل. • يطلع منه طاقة. • يخزنها. • وإزاي بيتصرف وقت الصيام أو نقص الغذاء. 👩‍🏫 طرق التدريس: • محاضرات في المدرج . • سكاشن عملية عشان التطبيق والفهم + مهمة جدًا للحضور عشان متتعرضش للحرمان من امتحان العملي. •داتا الدكاترة . •فيديوز يوتيوب لو عايزين تفهموا topic بشكل أعمق. 📖 إزاي تذاكرها صح؟ • ما تراكمش محاضراتك وتذاكرها اول بأول لأنها كبيرة وبتتنسى بسرعة. • اختار الداتا المناسبة ليك من الأول ونظمها عشان يبقى قدامك خطة واضحة. •تحدد ورا الدكاترة ال topics اللي بتيجي written و mcq عشان ده هيسهل عليك المذاكرة. ⚠️ أخطاء شائعة • الاعتماد على الحفظ من غير ما تفهم . •عدم الاستعانة ب mind maps توضح التفاعلات خصوصا في ال Metabolism . •مش بتراجع على اللي اخدته باستمرار وبتعتمد على الحفظ مرة واحدة بس. وبالتوفيق يا دكاترة وإن شاء الله تبقى سنة لطيفة ليكم 💪🏻 📌كل التشانلز المهمه👇 https://t.me/KASRR_200/113

﷽ 📢 Histology – First Year • استكمالآ لـ سلسة التعريف بالمواد، دلوقتي هنتكلم عن مادة ال Histology 📕 اللي هتاخدوها في سنة اولى وتخلصوها في تانية ان شاء الله 🟣مادة الهستولوجي (Histology) 🟣 هي علم دراسة الأنسجة الحية وتركيبها على المستوى المجهري. يركز هذا العلم على فحص الخلايا والأنسجة باستخدام الميكرسكوب بهدف فهم تركيبها ووظيفتها في الجسم. وبندرس فيها جميع الانسجه الحيويه اللي ممكن تخطر على بالك عند الانسان طبعًا☝🏻 🔹مادة الهستو بتعتمد بشكل اكبر عالحفظ لان تفاصيلها كتير ولكن بتساعدك على فهم شكل الخلايا والانسجه والعضلات اللي انت بتدرس وظيفتها في ماده الفسيولوجي و شكلها في ماده الاناتومي لكن هيا ممتعه جدًا ومش بتحتاج مجهود كبير في المذاكره زي الباقي واهم حاجه تركز على الصور والامثله عشان هتسهل عليك كتير ❗️مذاكرة المادة ❗️ هتكون عن طريق انك تسمع المحاضرة مع المتابعة من كتاب القسم وهيبقى عندك سكاشن هستولوجي حسب الجدول ودي هتفيدك جدًا عشان امتحان العملي اخر السنه المادة محتاجة انك متوهش مع التفاصيل الكتيرة تبقى عارف كل المعلومات ولكن تركز على انك تعمل highlight على اهم معلومة وتحفظها •الهستو موجوده في 3 مديولات في السنه وهما 101/103/104 📌بنبدأ ب 101 اللي بناخد فيه الcell بشكل كام متكامل وalready عندكو فكره عنها من ثانوي عشان دارسين تركيبها وايه اللي جواها وكده وبنكمل وندرس الأنسجة زي ال connective tissue والepithelium واول ما تسمع psuedo stratified columnar ciliated with goblet cells امسك نفسك وروح عيط في بيتكو ☝🏻 📌بعدها بندخل على مديول 103 وهو من امتع واسهل المديولات في الهستو وده بناخد فيه تركيب ال cartilage و bone و الmuscle و ال skin 📌وبعد كده يجي 104 و يدخل داخله حلوه اوي مع رمضان وهتذاكر وتفطر على الكتاب عشان تلحق تنزل تصلي التراويح بليل وانت مطمن المديول ده الهستو بيتكلم عن ال respiratroy و lymphatics و cell devision و ال circulatory 🔹حضور السكاشن للهستو مفيد جدًا خصوصًا هتحس بده وقت العملي قبل الامتحان وضروري تكون حريص انك تشوف الميكرسكوبات وتركز في شرح الdata show ومصادر المذاكره المحاضرات او الداتا اللي موجوده من سنين قبل كده وبتنزل برضو حديثه لسنتكم علي قناة الداتا دفعة 200 👇 https://t.me/Data_KA200/9 وكمان كتاب القسم من احسن المصادر اللي ممكن تذاكر منها هتحسه زحمه ومليان كلام بس ملموم كده😂 ‼️واهم اهم نصيحه في الكليه عمومًا مش للهستو بس وهيا التكرار المستمر وبلاش تغلط غلطتنا وتركنها للاخر لانها درجات ببلاش😂 وامتحاناتها لذيذه ومش صعبه وبتجمع بيها درجات وسهله ان شاء الله ومن اسهل المواد في العملي وهتقدر تقفل امتحانها بسهوله💪 وبالتوفيق والنجاح يا دكاترة🫡❤️ 📌كل التشانلز المهمه👇 https://t.me/KASRR_200/113

القصر العيني - 200 pinned «﷽ 🟥 قنوات سنة أولي القصر العيني 200 ◼️ قناة الاعلامات (Announcements) ● Telegram https://t.me/KASRR_200 ● what's app https://whatsapp.com/channel/0029VbDFmtt4o7qVIBr9470j ╾━━━━━━━━━━━━━╼ ◼️ قناة الداتا https://t.me/Data_KA200 ╾━━━━━━━━━━━━━╼ ◼️ قناة الشات…»

﷽ 📢 Anatomy – First Year مساء الخير يا دكاترة ❤️ النهارده هنبدأ معاكم أول بوست تعريفي عن مادة مهمة جدًا في سنة أولى، وهي الأناتومي (Anatomy) أو علم التشريح. 🔍 إيه هو الأناتومي؟ الأناتومي هو العلم اللي بيدرس جسم الإنسان من الداخل والخارج: عظام، عضلات، أعصاب، أوعية دموية، وأعضاء مختلفة. ببساطة بيشرحلك كل جزء في جسمك موجود فين شكله عامل إزاي، بيتكون من إيه، وعلاقته بباقي الأجزاء حواليه. ⭐ ليه مهم؟ • بيديك الأساس اللي هتبني عليه فهمك للمواد التانية (زي الفسيولوجي، الباثولوجي، وحتى الجراحة والإشاعات). • تقدر تقول حجر الأساس او خريطة الجسم 📚 إزاي بيتدرّس؟ في سنة أولى، هتبدأوا في مديول 101 بالـ Basis of Anatomy (أساسيات التشريح) ومعاها Embryology (علم الأجنة). • Upper limb → تشريح الأطراف العلوية والكتف. بعد كده هتمشوا بالترتيب: • مديول 103 ,Lower limb → تشريح الأطراف السفلية. • مديول Thorax ,104 → الصدر بما فيه القلب والرئة. التدريس بيكون عن طريق: • محاضرات. • سكاشن في المشرحة (Anatomy lab).• إزاي تذاكره صح؟ • لازم تعتمد في مذاكرتك على الصور بشكل أساسي وممكن تشوف الصور في أي أطلس مثلا زي Netter, Gray’s Anatomy, أو apps 3D زي complete anatomy • اربط المعلومة بمكانها عشان تثبت في دماغك يعني متحفظش كلام وخلاص. • المشرحة مهمة ، الحضور فيها بيخلي المعلومات أوضح وأسهل. • متتراكمش المادة، حاول تذاكر أول بأول. ⚠️ أخطاء شائعة • الاعتماد على الحفظ بس من غير صور. نصيحة أخيرة الأناتومي مادة ممتعة جدًا. هتقابلك صعوبة في الأول وده طبيعي، وحاول متراكمش،لكن مع الوقت هتستمتع بيها وتفهم قيمتها. ومتتكسفش تسأل أو تطلب مساعدة من زمايلك أو دكاترتك. 📌كل التشانلز المهمه👇 https://t.me/KASRR_200/113

﷽ 🟥 توثيق شهادات المعادلة السعودية 1️⃣ : https://t.me/KA_Chat_200/126 2️⃣ : https://t.me/KA_Chat_200/127 3️⃣ : https://t.me/KA_Chat_200/128 4️⃣ : https://t.me/KA_Chat_200/131 5️⃣ : https://t.me/KA_Chat_200/802 📌 القنوات المهمه https://t.me/KASRR_200/113

﷽ 🟥 قنوات سنة أولي القصر العيني 200 ◼️ قناة الاعلامات (Announcements) ● Telegram https://t.me/KASRR_200 ● what's app https://whatsapp.com/channel/0029VbDFmtt4o7qVIBr9470j ╾━━━━━━━━━━━━━╼ ◼️ قناة الداتا https://t.me/Data_KA200 ╾━━━━━━━━━━━━━╼ ◼️ قناة الشات ● Telegram https://t.me/KA_Chat_200 ● what's app https://chat.whatsapp.com/K1nLu6oFNl0KyxKbswwpYp لقبول طلب الانضمام تواصل مع الادمن👇 https://t.me/KASRR_200/107 - قنوات الشات ( وافدين فقط ) https://t.me/KASR_198/755 - قنوات ( معادلة فقط ) https://t.me/KASRR_199/771 ╾━━━━━━━━━━━━━╼ - قنوات الدفعة السابقة 199 https://t.me/KASRR_199/298 ⚠️ غير مسئولين عن أي قنوات أخري وإن وضعت نفس الاسم .. https://t.me/KASRR_200/113