គីម រិទ្ធី KIM Rithy Channel

លោកស្រី Katrina Cooper ជនជាតិអូស្ត្រាលី ត្រូវបានតែងតាំង ប្រធានគណៈកម្មការផ្សះផ្សាសម្របសម្រួល UNCLOS កម្ពុជា-ថៃ។ កម្ពុជាស្វាគមន៍ការតែងតាំងប្រធានគណៈកម្មការផ្សះផ្សា ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ។ Cambodia Welcomes the Appointment of the Chairperson of the Conciliation Commission under UNCLOS

ផ្តល់ឈាម ផ្តល់ក្តីស្រឡាញ់ 💖 រដ្ឋបាលស្រុកគូលែន រួមជាមួយមន្ទីរសុខាភិបាលខេត្តព្រះវិហារ និងក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំខេត្ត បានសហការរៀបចំយុទ្ធនាការបរិច្ចាគឈាមដោយស្ម័គ្រចិត្ត ក្រោមប្រធានបទ «ផ្តល់ឈាម ផ្តល់ក្តីស្រឡាញ់» ដោយបរិយាកាសកក់ក្តៅ ដើម្បីប្រមូលឈាមសង្គ្រោះអាយុជីវិតប្រជាពលរដ្ឋ ដែលកំពុងត្រូវការឈាមជាចាំបាច់តាមមន្ទីរពេទ្យនានាក្នុងខេត្តព្រះវិហារ។ ពិធីដ៏មានអត្ថន័យនេះ បានប្រព្រឹត្តិទៅនាថ្ងៃទី១៣ ខែសីហា ឆ្នាំ២០២៦ ក្នុងបរិវេណការិយាល័យអប់រំ យុវជន និងកីឡា ស្រុកគូលែន ក្រោមអធិបតីភាព ឯកឧត្តម ណុប វុទ្ធី អភិបាលរងនៃគណៈអភិបាលខេត្តព្រះវិហារ តំណាងដ៏ខ្ពង់ខ្ពស់ ឯកឧត្តម គីម រិទ្ធី អភិបាលនៃគណៈអភិបាលខេត្ត ដោយមានការអញ្ជើញចូលរួមពី ឯកឧត្តម វេជ្ជបណ្ឌិត គួង ឡូ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលខេត្ត ព្រមទាំងថ្នាក់ដឹកនាំ មន្ត្រីរាជការ អាជ្ញាធរដែនដី កងកម្លាំងប្រដាប់អាវុធ លោកគ្រូ អ្នកគ្រូ សមាជិក ស.ស.យ.ក. សិស្សានុសិស្ស និងបងប្អូនប្រជាពលរដ្ឋសរុប ៤៥៨ អង្គ/នាក់។ 🙏 សូមថ្លែងអំណរគុណយ៉ាងជ្រាលជ្រៅបំផុត ចំពោះបេះដូងសប្បុរសធម៌ និងអំពើល្អដ៏ឧត្ដុង្គឧត្ដម! នៅក្នុងយុទ្ធនាការនេះ មានបងប្អូនស្ម័គ្រចិត្តចុះឈ្មោះបរិច្ចាគឈាមរហូតដល់ ១៣៩ នាក់ ហើយជាលទ្ធផល ក្រុមគ្រូពេទ្យទទួលបានឈាមសុវត្ថិភាពចំនួន ១០៨ ប្លោក (សាក់) សម្រាប់ត្រៀមបម្រើឲ្យការសង្គ្រោះជីវិតអ្នកជំងឺ។ សូមសម្តែងនូវការកោតសរសើរ និងថ្លែងអំណរគុណយ៉ាងជ្រាលជ្រៅជាថ្មីម្តងទៀត ចំពោះលោក លោកស្រី បងប្អូនប្រជាពលរដ្ឋទាំងអស់ ដែលបានលះបង់ឈាមស្រស់ដើម្បីសង្គ្រោះជីវិតអ្នកដទៃដោយមិនប្រកាន់។ តក់ៗពេញបំពង់ — ឈាមមួយផ្លោករបស់លោកអ្នក គឺជាក្ដីសង្ឃឹម និងជាជីវិតថ្មីរបស់អ្នកជំងឺ និងគ្រួសាររបស់ពួកគេ! សូមជូនពរឱ្យបងប្អូនសប្បុរសជន និងអ្នកបរិច្ចាគឈាមទាំងអស់ ជួបប្រទះតែសេចក្តីសុខ កម្លាំងពលំមាំមួន និងសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ! 🇰🇭❤️ #ផ្តល់ឈាមផ្តល់ក្តីស្រឡាញ់ #បរិច្ចាគឈាមដោយស្ម័គ្រចិត្ត #រដ្ឋបាលស្រុកគូលែន #ស្រុកគូលែន #ខេត្តព្រះវិហារ #អំពើល្អក្នុងសង្គម