Ko'kdala press | Qashqadaryo vil. Ko'kdala tumani hokimligi

Ko'kdalalik sportchi qiz Osiyo chempionati sovrindori! Yoshlar va o‘smirlar o‘rtasidagi Osiyo chempionatda Ko'kdala farzandi Nurhayot Qobilova -69 kg vazn toifasida siltab ko‘tarish bahslarida ishtirok etib 114 va 119 kg og‘irlikdagi toshlarni muvaffaqiyatli o‘ziga bo‘ysundirib, o’smirlar o’rtasida mazkur yo’nalishda kumush medalni qo‘lga kiritdi. Ikki kurash yakunida esa 212 kg natija qayd etgan Nurhayot mazkur yo‘nalishda ham kumush medalga sazovor bo‘ldi. Shu tariqa, Nurhayot Qobilova musobaqada 2 ta kumush va 1 ta bronza medal bilan O‘zbekiston delegatsiyasining medallar xazinasini yanada boyitdi! Taqdirlash marosimida Sport vaziri Adham Ikramov ham ishtirok etib, yuqori natijalarni qayd etgan sportchilarimizni munosib g‘alaba bilan qutladi va ularga ezgu tilaklarini bildirdi. @Kukdala_uz

#Infografika 📢 KENGASH QARORI — XALQ MANFAATI UCHUN MUHIM QADAM! 🏛 Xalq deputatlari Ko‘kdala tumani Kengashi tomonidan tuman budjetining qo‘shimcha manbalarini aniqlash va ulardan samarali foydalanishni tartibga solishga qaratilgan yangi qaror qabul qilindi. 🎯 ASOSIY MAQSAD — mavjud moliyaviy imkoniyatlardan oqilona foydalanish, tuman budjeti imkoniyatlarini kengaytirish va mablag‘larni aholining dolzarb ehtiyojlariga yo‘naltirish. 💰 Qarorda qo‘shimcha mablag‘larning asosiy manbalari belgilandi: ▫️ budjetning erkin qoldiq mablag‘lari; ▫️ daromadlarning prognozdan ortiq bajarilishi; ▫️ yer uchastkalari bo‘yicha elektron savdo va auksion tushumlari; ▫️ davlat aktivlarini xususiylashtirishdan tushgan mablag‘lar; ▫️ boshqa qonunchilikda belgilangan qo‘shimcha manbalar. 🏗 MABLAG‘LAR QAYERGA YO‘NALTIRILADI? ✅ ijtimoiy soha obyektlarini rivojlantirishga; ✅ yo‘l va transport infratuzilmasini yaxshilashga; ✅ suv va oqova suv ta’minotini rivojlantirishga; ✅ hududlarni ijtimoiy-iqtisodiy rivojlantirishga; ✅ aholi tomonidan ko‘tarilgan dolzarb muammolarni bartaraf etishga; ✅ favqulodda holatlarning oldini olish va oqibatlarini bartaraf etishga. 🤝 XALQ FIKRI — MUHIM MEZON! Qarorga ko‘ra, tuman budjetining qo‘shimcha manbalarining kamida 30 foizi jamoatchilik fikri asosida shakllantiriladigan tadbirlarni moliyalashtirishga yo‘naltiriladi. 📊 Mablag‘larning maqsadli va samarali sarflanishi ustidan nazorat ham kuchaytiriladi. Kengash ajratilgan mablag‘lardan foydalanish va erishilgan natijalar yuzasidan hisobotlarni muntazam eshitib boradi. 🌱 Har bir mablag‘ — xalq farovonligi uchun. 🏘 Har bir qaror — hudud taraqqiyoti uchun. 🤝 Har bir imkoniyat — Ko‘kdala kelajagi uchun! 📌 Ko‘kdala tumani: ochiqlik, mas’uliyat va samaradorlik sari! Bizning ijtimoy tarmoqlardagi sahifalarga obuna bo’ling! ✅ Telegram|📱 Facebook | 📱 Instagram | 😎 You Tube

Ko‘kdala MFYda “Yangi O‘zbekiston qiyofasi” loyihasi doirasidagi ishlar o‘rganildi Ko‘kdala tumani hokimi Xurram Djurayev tumandagi Ko‘kdala mahalla fuqarolar yig‘inida “Yangi O‘zbekiston qiyofasi” loyihasi doirasida amalga oshirilayotgan ishlar bilan tanishdi. Hududda bo‘lib, mahalla faollari va mas’ullar ishtirokida loyihani amalga oshirish jarayoni, belgilangan vazifalar hamda mavjud muammolar atroflicha muhokama qilindi. Muloqot davomida hududni obodonlashtirish, infratuzilmani yaxshilash, aholi uchun qulay sharoitlar yaratish va loyihada belgilangan ishlarni sifatli hamda o‘z vaqtida yakunlash masalalariga alohida e’tibor qaratildi. Mas’ullarga aniqlangan kamchiliklarni bartaraf etish, belgilangan vazifalar ijrosini qat’iy nazoratga olish hamda mahalla faollari bilan hamkorlikni kuchaytirish yuzasidan tegishli topshiriqlar berildi. @Kukdala_uz