بازاڕی ڕەش :: Black Market

ڕەنگکردنی خۆراکی دەستکرد باشە یان خراپ؟ هەموومان دڵنیان لەوەی ڕەنگکردنی خۆراکی دەستکرد وا دەکات خواردنەکان سەرنجڕاکێشتر دەربکەون، بەڵام لە ئەنجامدا باشە یان خراپ ؟ ڕێکخراوی چاودێری CSPI دەڵێت بۆیەی خۆراک دەتوانێت ببێتە هۆی هەموو شتێک لە چالاکی زۆر و لە کاردانەوەی هەستیارییەوە تا دەگاتە شێرپەنجە. زۆربەی ئەو خۆراکانەی کە ڕەنگی دەستکردیان هەیە، بە ماددە کیمیاییە دەستکردەکان ڕەنگ دەکرێن، بۆچی ؟ چوونکە ئەو ڕەنگەی ئەوان دەیانەوێت، لە سروشتی خواردنەکەدا ڕوونادات بۆیە پەنا دەبەنە بەر بۆیە کردن. لەبەر ئەوەیە کە پێویستە دوور بکەوینەوە لە هەموو خۆراکە بۆیاخکراوەکان. لە چ خۆراکێکدا ڕەنگی دەستکرد بەکاردێت ؟ زۆرینەی خۆراکە دەستکردەکان دەگرێتەوە بەڵام باوترینییان (شیرینی، خواردنەوە گازییەکانن) جگە لەمانەش، هەندێک لە کۆمپانیاکان ئەم بۆیاخانە دەخەنە ناو سۆدە و خواردنەوەکان یاخود خواردنە ئاژەڵە ماڵیەکان و هەندێک بەرهەمی گۆشت. دۆزینەوەی دوو یان زیاتر لەم بۆیە دەستکردانە لە یەک بەرهەمدا شتێکی نامۆ نییە بۆیە هەموو کات چاو کراوەبن لەکاتی کڕینی هەر جۆرە خۆراکێک. مەترسییەکان چین؟ بەکارهێنانی بۆیەی خۆراک لە 50 ساڵی ڕابردوودا بە ڕێژەی لەسەدا 500 زیادی کردووە ! سەبارەت بەو بۆیاخانەی کە تاقیکراونەتەوە، هەندێک لە توێژینەوەکان بێ ئەنجامن، بەڵام هەندێکیان پەیوەندییان شێرپەنجەوە هەیە. هەندێک لەو ڕەنگانەی کە مەترسی درووست دەکات: سەوز: پەیوەندی بە شێرپەنجەی میزڵدانەوە هەیە. زەرد: دەبێتە هۆی هەندێک کاردانەوەی حەساسیەتی سووک – بە تایبەت لەو کەسانەی کە هەستیارن. سوور: لە ساڵی 1983 بەهۆی ئەگەری پەیوەندی بە وەرەمی تایرۆیدەوە لەبەرچاو گیرا بۆ قەدەغەکردن.

بەرهەمەکانی کۆمپانیا زەبەلاح یونیلیڤەر کە براندەکانی لە بازار دەبینرێت، لە پێکهاتەکەیان دا برێکی ئاست بەرزی مادەی بەنزین هەیە کە دەبێتە هۆی شێرپەنجە. دووربکەرەوە لەم شامپۆ و بەرهەمانە Dove Nexxus Suave TIGI (Rockaholic and Bed Head) TRESemmé لە ناو ئەم بەرهەمانە دا پێکهاتەی بەنزین(بەلێ هەر بەنزینی ئاسایی) بە رێژەیەکی بەرز بوونی هەیە کە دەبێتە هۆی شێرپەنجە، کە لەرێگەی هەڵمژین لە لوتەوە یان هەلمژین لەرێگەی پێستەوە، یان بەشیوەی زارەکی بەرکەوتە بین، کە راستەوخۆ پەیوەندی بە شێرپەنجە و حاڵەتە تەندروستیە مەترسیدارەکانەوە هەیە، ئەمە بێجگە لەوەی کە پێوستە تا پێمان بکرێت خۆمان دوورخەینەوە لە بەرکەوتن بە بەنزین چ لە هەوای بەنزینخانە دا بێت یان دوکەڵ و هەوای ئۆتۆمبێل دا یان لەناو بەرهەمەکاندا.

👈 مۆنۆسۆدیۆم گلوتامات (MSG)

👈 مۆنۆسۆدیۆم گلوتامات (MSG)

🔍ئەو پێکهاتانەی کە زیادکەری بەرازیان تێدایە لە بەرهەمەکاندا!