من آخر سطر .

إذا وصلت لهنا…يمكن هالكلام جان إلك : كل مرة تتأخر بيها أمنية، معناها رب العالمين رافضها. مرات التأخير هو أكبر نعمة، لأن لو إجتك بذاك الوقت يمكن جانت تضرك أكثر مما تنفعك. إحنا البشر نستعجل بكلشي… نريد الجواب هسه، والفرصة هسه، والفرج هسه. بس ننسى أن الله يشوف أشياء إحنا ما نشوفها. يمكن اليوم تزعل لأن باب انسد بوجهك، بس بعد فترة راح تكتشف أن هالباب لو انفتح، جان أخذك لمكان ما تتمناه. فلا تيأس إذا شفت حياتك مو مثل ما خططتلها. يمكن الطريق اللي أنت متضايق منه اليوم، هو نفسه الطريق اللي راح يوصلك لأجمل أيام عمرك

العيد الحقيقي من انجح من السادس …

العيد الحقيقي من انجح من السادس …

أمضيت فترة طويلة من طفولتي لا أفهم كيف ينام الكبار ليلة العيد بسهولة؟ كيف ينامون من الأساس؟ كنتُ أجهز ملابسي وأفردها أمامي ولا أعرف للنوم سبيلًا من عظمة سعادتي حتى أستيقظ قبل الجميع كي أستمتع بكل لحظة في العيد.. كبرت الآن وفهمت كيف ينام الكبار ليلة العيد بسهولة، ولكني مازلت أتذكر كيف كُنت وكيف عشت الأعياد، تمر الذكرى على خاطري وابتسم، وأرى الأطفال سعداء فأفرح لهم، ليتني عندما كبرت لم أكبر على العيد

قريت جملة خلتني أستوعب هواي أشياء : "اللي الله كاتبه إلك راح يوصلك حتى لو بينك وبينه ألف طريق " ومن بعدها فهمت إن مو كلشي يضيع يعني خسارة ، مرات الله يبعد عنك ناس وجودهم مو خير إلك ، ومرات يكسرك حتى يقويك ، ويأخر أمنياتك حتى تجي بالوقت الصح ممكن تمرّ بفترة تحس بيها وحدك،وكلشي مو مثل ما تريد بس بالنهاية تستوعب إن الله جان دا يرتبلك طريق أحسن وكل باب ينسد بوجهك أكيد وراه باب ثاني راح ينفتح بوقت ما تتوقعه فاطمّن، كل تعب تمرّ بيه هسه، وكل وجع، وكل تأخير، أكيد وراه حكمة وخير إلك

لمن يود القراءة: مما اكتشفت مؤخرًا... أن القلب والعقل هما منظومة فكرية متكاملة لا يمكن الاستغناء عن أحدهما والعمل بالآخر في شتى المجالات... من الناحية العلمية: اكتشف العلم حديثًا أن الإيعازات الصادرة من القلب إلى الدماغ أكثر بثلاث أضعاف من الإيعازات الواردة إلى القلب... ومن الناحية الدينية: في الآيات القرآنية ذكر الله سبحانه وتعالى هذا الأمر كما في الآيات: {ختم الله على قلوبهم} {في قلوبهم مرض} {ثم قست قلوبكم من بعد ذلك فهي كالحجارة أو أشد قسوة} أي أن الله سبحانه وتعالى يشير إلى أن القلب هو ليس مركزًا للعاطفة فقط بل أنه منظومة فكرية كاملة متصلة بالعقل... لذلك جعل الله تعالى الإيمان من الأشياء المحسوسة وليست ملموسة لبيان دور القلب في التأثير على طريقة تفكير الإنسان ومن هذا استنتجت أنا: أن الإنسان المنطقي في جميع الأحيان قد فقد فقط ما يقارب "75%" من المنظومة الفكرية الخاصة به.. لأن المنطق هو شيء محسوس ومادي أي أنه من الأشياء التي تندرج ضمن منطقة "العقل" والإنسان العاطفي في جميع الأحيان قد فقد ما يقارب "25%" من المنظومة الفكرية... يعني بالعامة.. لا يصير نصرف ونُسيّر الأشياء العاطفية اللي تصير بحياتنا بعقل ومنطق لأننا راح نشتغل بأدوات ما تنفع على الطلب.. وبنفس الوقت ما يصير نتعامل بكل الأشياء بلا عقل لازم يدخل بيها المنطق والذكاء وطوبى لمن يستطيع التصالح مع نفسه حتى يستطيع التعامل مع منظومته الفكرية بنسبة 100%.. أتمنى أن تكون نظرية مفيدة 🤍

شكراً لكل الناس الحلوة اللي بحياتنا، شكراً لكل شيء قدموه النا بدون مقابل وشكراً لكل موقف نمر بيه ويكونون عند حسن الظن، الحمد لله على كل شيء نسويه وما يروح هدر، ويرجعه إلنا أضعاف فعلاً، اللي يزرع طيب يحصد طيب واكتشفت إنو الخير ما يضيع والإنسان النظيف بأخلاقه راح يلگى ناس مثله، بدون غش ولا خداع وهذي نعمة كبيرة، بس البعض يغفل عنها وما يقدرها حافظوا على الناس الصافية قلوبهم تجاهكم، ولا تفرطون بأحد ترى الإنسان مهما عاش بالأخير تبقى أعماله الخلافات والزعل ما راح يضيفون شيء لدفتر أعمالنا، والتواضع هو اللي يرفع ❤️.

ابد لا تسامحون ألي اذوكم ، رب العالمين يكول " العفو عند المقدرة " واذا العفو فاق المقدرة ؟ واذا هالناس اخذوا منكم احلى ايامكم وهدولكم حيلكم وغيروكم 180 درجة لشخص روحة تعبانة وملامحة باهتة وماكدرت ترجع مثل الاول هنا العفو ، فاق المقدرة". لتسامحون ألي خلوكم تفقدون ثقتكم بالناس بسببهم ، لتسامحون ألي ظلمكم أحبطكم ، أذاكم ، وخربلكم حياتكم لان محد كريم ويسامح غير رب العالمين.

حاولو تعيشون الأشياء الي تكرهونها ماتعرفون شنو الي مقسوم الكم منها يجوز تكون أشياء تخليكم تعيشون بسعاده مو مثل ما انتو تحسون يجوز هاي الأشياء الي ما تتقبلونها تخلي نفسيتكم تتغير وتكون افضل حاولو تعيشون الأشياء الي تكون نفسيتكم ما تتقبلها الواحد ليش عايش خلي نجرب ونعيش ( وعسى أن تكرهوا شيئا وهو خير لكم) احنا ك بشر ما نعرف شنو الي مضموم ألنا كلشي بيد رب العالمين ف لازم ما نعترض على الأشياء الي نكرها بهاي الأشياء ما تدري يجوز الله كاتبلك كل الخير والي راح تتغير حياتك بيها وتعيش افضل عيشة ف خليكم أيجابين بكلشي والله يسهل كلشي ..

مرة داگلب بالانستا شفت ريلز يكول كل الناس ما تريدك احسن منها الا اهلك يعني ابوك وامك يردونك احســــــــــــــن منهم !!!!! صفنت ع هل نص شكد عميق ! فَ يعني دائما اهلك يردونك تصير باعلى المراتب يتمتون الك الخير قبل انفسهم ويتعبون ويسهرون علمودنا احنا وبعد وبعد هواييييي اشيائات يسووهن علمودنا ! كل هذا واحنا نتبطر كل هذا واحنا ما نسمع كلامهم والـــــــــــــــــخ .. وبالاساس حتى رب العالمين اوصى بيهم من كال : (وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا) فَ يا حبايبي احترموا اهلكم اسمعوا كلامهم ونصائحهم ترة صدگوني بس همه يردون الكم الخير بحياتـــــــــــــــكم كلها .💘. 💘 .

اللي يريد يشوفك شي عظيم راح يشوفك عظيم حتى لو جنت أسوء المخلوقات اليحبك راح يحبك لو شكد ما تكون عادي ويشوف العادي مالتك جنة اللي يريد يعوفك راح يعوفك لو تاخذ ضوة عيونك و تنطي إله اللي يريد يروح عنك حياخذ أي حجة ويقنع نفسه بيها حتى لو چنت مساويه وي أنفاسك المتعوّد يكون وي الكل حيترك مكانه وقت ما تستثني و تنطي اكبر من حجمة الرايد يلزم إيدك و يكمل راح يلزمها لو تكون جمرة الموضوع موضوع اولويات واحترام وتقدير ما إله علاقة بكونك شقدمت للمقابل

أنا شخص مايخاف من كما تدين تدان الآن أتمنى فعليا تصيرلي الأمور الي أسويها للناس.

- العلاقات الصحية أهم شي بالعلاقات الصحية الاحترام من المفترض يكون الاحترام المتبادل ماكو قيمة للحب اللي يخلو من التقدير ولا لقربٍ يهدم الكرامة ؛ العلاقات تكون مبنية على التفهّم و اللين والصدق والوضوح في الكلمات و المشاعر أيضًا العلاقات السليمة هيّ أن لا تتعلق بالمصالح أو المنافع ولا بالتنازل المستمر عن كرامتك إنما العلاقات السليمة هيّ تُشعرك بالسكينة و الحرية وتستقبل منك الحقيقة دون غضب أو لوم فالعلاقة الصحية تكبر مع الوقت لا تضعف أمام خلافٍ بسيط ولا تنهار عند أول سوء فهم ، إنما تستمر بالحب الصادق والتقدير المتبادل ؛ ولهذا إنتبهوا من العلاقة اللي تخافون بيها و تشكون بقيمتكم و تقديرهم الكم هذه ليست علاقة صحية إطلاقًا إنما عبء على القلب و قلق للعقل. ✨✨✨✨✨✨

جنت داقرأ كتاب ولفتتني بعض السطور الي تكول اختصرها عليكم مرات من الإنسان يتعرض لاساءة مستمرة من الطفولة او حتى تعرض لاي اساءة راح يبدي يفقد المعنى لحياته لذلك خطر اكولك انطي معنى لحياتك إذا تحس حياتك مالها معنى فارجع وانطيها معنى ارجع وانطي معنى لكلشي مرات نفقد المعنى بالاشياء مو لان بطلت هي تنطينا معنى احنا بطلنا ننطيها معنى صرنا بكد ما نشوف هواي أشياء صارت عيونه تشوف كلشي عادي راحت لحظة الانبهار بالأشياء بالأغراض حتى صار ماكو لحظة شكر وامتنان لاي شيء بسيط بحياتنا المشكلة مو بالحياة المشكلة بينا يمكن من كد الأشياء السيئة الي عشناها صرنا نفقد ننطي معنى للأشياء بس نفسك وروحك تستأهل ما تنطفي لذلك ارجع انطي معنى لحياتك ارجع لونها مثل ما تريد وتحب لان هاي الايام الي انتَ بيها مراح ترجع فحرامات تروح ايامك وانتَ ما منطيها معنى واعرف شوية صعبة بس نفسك تستأهل والصعوبة بمرور الوقت راح تختفي المهم انتَ لا تنطفي

احيانًا تجي ببالك فكرة تختفي بس... وين؟ وليش؟ ولمن؟ ما تعرف. بس اللي تريده إنك تختفي من كل اللي يمك، تحس بيك شي بس مو كادر تعبر عنه، تحس الدنيا سودة بوجهك ومقفلة يمك، يكون صعب عليك تحاول تتهرب من اللي يسالك: شبيك؟ تخاف لا وتحس بشفقة حزنك معمي عليك، تحس أقرب الناس إلك همه بعيدين عليك، تشوف كلشي موٍ مضبوط ولا بمكانه، هاي الفترة متعبة عقليًا ونفسيًا وسلبياتها صعبة، راح تكون ممل، واللي يجي يكعد يمك يصيبه تشاؤم ويجزع منك، علاج هالحالة مو الهروب إذا كنت تتخيله حل، لا...غلطان، اللي بيك بيك، ما يتغير بالمكان.، فقط انت محتاج تبقى ثابت وتواجه مصيرك، مشاكلك، ضغوطاتك، وصعوبة عملك، وبنفس الوقت إذا تكدر تبجي، ابجي بس لوحدك بينك وبين اللّٰه فقط. ابتعد عن البشرية شوي، وعالج نفسك مع الله. رتب وضعك وردد الآية: { إنما أشكو بثي وحزني إلى اللّٰه }

💗💗

- التصالح مع النفس التصالح مع النفس ليس ضعفًا كما يظن البعض بل هو شجاعة أن تنظر إلى قلبك بصدق وتعترف بكل ما مررت به من تعبٍ وأخطاء ودروسٍ لم تكن سهلة أبدًا التصالح مع النفس هو أن تسامح نفسك على القرارات التي اتخذتها وأنت تظن أنها الطريق الصحيح ، وعلى اللحظات التي كنت فيها أضعف مما تمنيت هو أن تدرك أن الإنسان لا يولد كاملًا وأن التجارب القاسية ليست نهاية الطريق بل بداية وعيٍ جديد ونضجٍ أكبر حين تتصالح مع نفسك ستفهم أن الماضي كان درسًا لا عقابًا وأن الأخطاء كانت طريقًا للتعلّم لا سببًا لتكره نفسك بسببه توقف عن جلد ذاتك بسبب ما مضى وكن أكثر لطفًا مع قلبك فالنفس التي تتصالح مع ذاتها تعيش بسلامٍ لا يستطيع أحد سلبه منها ⊰ .

- مبدئيًا كل عام وأنتن أجمل وأحلىٰ نسوان بهل كوكب كله 💓💖💗💕💘 . وعسىٰ عيونچن التشق شق ما تشوف أي شر أو شي مو لطيف وربنا يسعدچن ويوفقچن ويا رب هيچ وقت السنة يلي تجي أنتن بأماكن تليق بيچن يا حلوات ويارب يسهل ويسر الچن يلي تريدنة ويوفقچن ؛ أطلعن بهلـ عيد وغيرن جو شوي بعيدًا عن الحزن والكئابة وتفكير والخ . . أساسًا كل هذن ما يلوگن لـ وجهچن الحلوة كل عام وانتن بخيير يا الخير كله وولا تزعلن أنفسچن كلشي يهون لعيونچن يا رَوحهااااااااا وأساسًا ماكوووو شي يسوة أنو تزعلن أوووو تضوجن علييييية ! العيد والعيدية كله الچن نسَواننا الحلوات

الثَامن مِن مَارس اليَوم العالَمي لها ، يَوم نون النسوة ، وَتاء التأنيث المُتَمرِدة يَوم مَسقط الحَنّان ، وأرض الحُب ، حَيث القوة ، وجِبال الصَبر ، حَيث الهمة ، اليَوم العالَمي " للُأم ، والأخت ، للحَبيبة ، الزَوجة والصَديقة " يَوم مَن تلعب كُل الأفانين في مَياديننا المتغَضنه " هيَّ ، هَاتان ، وهُن " ظُلِمَن ، إستعبدن ، قُتِلن ، وحُرِمن ، أسكِتن ، وحُبِسَن قالوا عَار هُن عَورة صوتِهن فَـ في الرأي هيَّ صامتة ، وفي السياسة هيَّ جاهلة هَكذا سخروا أبِحتُم قَتلي ، أرقتُم دَميّ ، أسكتُم ثَغري ،أغمضتُم مقلتي ، فمددت يدي ، وحطمتَ مُدمري ⊰ .

بمناسبة عيد المرآة العالمي شكرًا لكل بنيه تخلي الدنيا تصير احن واهون 💛.