وَنس 🌾 ''''•

‏النسخة الكاملة منك، هي اللي هتنجح.. ‏استوقفتني في كتاب الله العزيز الآية: ‏"وَلَمَّا بَلَغَ أَشُدَّهُ وَاسْتَوَى آتَيْنَاهُ حُكْماً وَعِلْمًا" ‏إن ربنا بيكرم في الوقت اللي بتبقى أنت خلاص جاهز ومؤهل إنك لو أخدت اللي أنت عايزه هتقدر تحافظ عليه.. لأنك قبل الوقت دا مش بتكون جاهز وبتكون نسختك البشرية قيد التطوير من خلال تجارب وخبرات مستمرة .. صعود وهبوط.. واخفاق ونجاح. ‏ ربك دايمًا بيكرمك في التوقيت المناسب.

_

‏في جملة بتقول "لن تنضج حتي يهدم أمام عينك كل ما كنت تؤمن به" وفعلاً عمرك ماهتحس إنك فهمت إلا لما تاخد درس يعلمك متديش لحد كل الحلو اللي جواك، درس يفهمك إن الثقه والأمان مينفعوش يكونوا لأي حد لمجرد إنك إنبهرت بطريقته في البدايات، درس يعلمك إن كل اللي سمعته كان مجرد كلام.

ما كُنتش أتمنى إن ييجي عليا وقت وأقول كدا بس للأمانة لو في حاجة عايزها تحصل أو تكمل معاك للأخر بلاش تحكي عنها قُدام حد، أنا اِكتشفت إن أغلب الناس اللي في حياتنا نفوسها صعبة جدًا وعاملين نفسهم بيتمنو لينا الخير رغم إن الخير لو جالنا بيتقمصو وبيحقدو علينا، وللأسف في ناس موهوبة في تمثيل دور الصداقة والحُب عشان تثق فيهم وتحكي لهم كُل حاجة بمُنتهى العفوية منك وهُما في الأساس أشخاص ثٌعبانية لا عُمرهم حبونا ولا اِتمنو لينا الخير بقدر ذرة، كُل اللي أقدر أقوله دارو على شمعتكم دارو على أحلامكم ودارو على أي حاجة عامةً عايزنها تكمل، النفوس بقت ترعب، ربنا يرحمنا برحمته والله.

‏المُشكلة الحقيقة إنكو ما بتفتكروش الناس اللي بتحبوهُم غير في المحطة الأخيرة؛ يبقى الواحد معاك وبيحاول يرضيك بكُل الطُرق وإنتَ مُتجاهله تمامًا لغاية ما يتعب ويستنفز كُل طاقته ومُحاولاته معاك ويقرر يبعد ويسيبك، فتبدأ إنتَ بقى تندم عليه وتحاول ترجعه لإنّك مش قادر تعيش من غيره.

‏مش هتعرف غلاوتك في قلب أي حد إلا لما يحصل مشكلة بينكم ، وقتها هايبان مين اللي كان مستني المشكلة تحصل، ومين مستعد يفوّت في لحظتها؛ علشان عارف قيمتك في قلبه .

مسكينٌ الإنسان ‏أمس كان يُحارب الدُّنيا ‏اليوم نفسه والدُّنيا تُحاربه.

تُعجبني النّصُوص الأدَبيّة القَصِيرة التَي تَحمل مِن البَلاغَة ما يُدْهش العَقل ويَغمرُ الفُؤاد بِالرّقة واللُّطف، كقَول أحدَهِم : ‏«يأتي زمانٌ لا طمأنِينة فيه، ثمّ تأتينَ أنتِ، يا طمأنِينَة العُمرِ المُتعَب».

_

‏وحيدًا هذا المساء ‏يجلس حُزني فوق قلبي ‏يتكئ علي وأبكي عليه.

_

تزول صِفةُ الجَمال عن الحبيب ‏إذا لم يرَهُ مُحِبّه مُتَّصِفًا بها؛ ولكنَّ المشكلة هي: ‏كيف يستطيع أن يراه غير جميل ‏وهو كأنَّما خُلِقَ من أجل عينيه خاصَّة؟! ‏- الرافعي.

الحل الوحيد عشان تقدر تكمل هو: إنك تعفو عن نفسك تستوعب أن مفيش حاجة بإيدك مهما سعيت وحاولت تخّلي كل حاجة مظبوطة، مفيش حاجة هتمشي صح غير لما ربنا يأذن، مهما تعبت وصدقت نيتك وعملك في النهاية الأمر كله لله. مفيش حاجة متأخرة ولا حاجة حصلت كان مفروض متحصلش، ولا فيه حاجة فاتتك، ومفيش حاجة لو كنت جريت أسرع كنت هتاخدها وهي مش بتاعتك، ولا حد مشي كان مفروض يكمّل، واللي مكتوب له يكمل معاك مش هيمشي.

_

أُريد أن أمشي طريقٌ طويلٌ طويل وأجِد بيتك في النهاية🌿.""

أظنه من حق المرء أن يصيبه الحب الذي ينتظره .. أن يدرك الجميع بأنّه ليس متعاليًا كما يبدوا لهم .. أو أنه يبغض الحب فلا يريده .. هو فقط يودُّ أن يأخذ حقّه كاملاً في هذا الأمر .. أن يصاب قلبه بأمرٍ لا يفهمه .. يجعله يدرك أن عمره قد بدأ الآن .. وأن روحه رغمَ حجمها الهائل تسع جسده .. بأن ينظرَ له أحدهم بعينيه نظرةً يتوارى فيها من حياءه ويختبئ وراء قلبه .. أن يكونَ مثالاً يحتذى به على أن المرء الذي ينتظر الحبّ بصدق .. يأتيه والعالم كُلّه يتمنى أن يكونَ ذلك من نصيبه 💕💕💕💕🧃"""".

العشره مش بتهون أبداً والوِّد دايماً غالب والمواقف الجميله بتخلق جوانا رصيد لِـ صاحبها يقدر يخليك تغفرله وتعديله أي حاجه ممكن تجيب خساير ، والإعتذار لأجل إنك غالي ومهم ومش هاين فَـ هو جميل وحنين جداً ، أنا كنت عارفه إننا راجعين .❤️