المحلل مصطفى

هااام ... كل شيء يخص التدريب الصيفي للطلاب 🌟 ⭐️شرح التدريب الصيفي بالتفصيل⬇️ ▶️ https://youtu.be/sWyNP6Usm0c?feature=shared ✅لازم تشوف الفيديو على يوتيوب حتى تعرف كلشي عن التدريب الصيفي 🌐 @Lab_Mostafa

توضيح لآخر الأخبار بخصوص التدريب الصيفي : ⭐️الجامعات والمعاهد الحكومية : تدريبهم الصيفي بالمستشفيات والمؤسسات الصحية الحكومية، وتمت الموافقة على إعفائهم من أجور التدريب الصيفي يعني تدريبهم مجاني ⭐️الجامعات والكليات والمعاهد الأهلية: تدريبهم حصراً بالمؤسسات…

توضيح لآخر الأخبار بخصوص التدريب الصيفي : ⭐️الجامعات والمعاهد الحكومية : تدريبهم الصيفي بالمستشفيات والمؤسسات الصحية الحكومية، وتمت الموافقة على إعفائهم من أجور التدريب الصيفي يعني تدريبهم مجاني ⭐️الجامعات والكليات والمعاهد الأهلية: تدريبهم حصراً بالمؤسسات الصحية المجازة للتدريب والمعتمدة بالتنسيق بين الجامعة ووزارة الصحة، ممكن تكون مستشفى أو مركز صحي أو مختبر أو عيادة أو غيرها من المؤسسات الصحية المجازة ، والجامعة راح تنسق وتوجه الطلاب إلى الأماكن المعتمدة للتدريب. 💡إكمال التدريب راح يكون شرط التعيين مستقبلاً في وزارة الصحة يعني ماتتعين إذا مامكمل تدريب صيفي ⚠️التدريب داخل الجامعة ما ينحسب تدريب صيفي (شرط التعيين) التدريب الصيفي حصراً داخل مؤسسة صحية مجازة للتدريب.

شلون تحفظ مادة الطفيليات 🌟 بدون ما تنساها ؟ شوف مبدئيا الطفيليات 🌟 مو حفظ (درخ) ، لا بالبداية لازم تفهمها يلا تحفظها وبهيج تكون حفظتها بدون ما تنساها ✅كل طفيلي تريد تحفظه طبق عليه 4 خطوات 💟الخطوة الأولى : أي طفيلي تقراه ، لازم تجاوب على هذول 6 أسئلة : 1⃣شنو هو؟ أوليات / ديدان / حشرات 2⃣وين يعيش؟ أمعاء – دم – كبد – رئة – جلد الخ ... 3⃣شلون ينتقل؟ أكل أو مي ملوث حشرة (بعوض، ذبابة) ، اختراق الجلد ، تماس مباشر 5⃣المراحل المهمة : المرحلة المعدية (Infective stage): المرحلة اللي يدخل بيها لطفيلي للجسم وتسبب المرض 5⃣مرحلة التشخيص (Diagnostic stage): المرحلة اللي نشوف بيها الطفيلي بالتحليل 6⃣العلامة المميزة : عرض واحد أو صفة قوية تميز الطفيلي مثلا : حكة ليلية ، إسهال دهني ، دم بالبراز ✅إذا ضبطت هذول الاسئلة انت خلصت 70 % من المادة ، الطفيلي صار واضح ببالك. 💟الخطوة الثانية : دورة الحياة (Life cycle) بالرسم 💟دورة الحياة أكثر شي تخوف وتدوخ ؟ حلها بسيط : 💟شنو تسوي؟ ارسمها بيدك حتى لو بسيطة سويها شخبطة ، كمثال دوده عايشة بالخنزير تنتقل بشكل تروف للأنسان وتصيب لجهاز الهضمي وتسبب اسهال دهني وهكذا 😉 واكو حركة تفيدك هواي سويها قبل ما تقرا الدورة أو أي طفيلي : شوف فيديو Animation دقيقتين على دورة الطفيلي باليوتيوب ، بعدين اقرأ وارسم الأن الصورة تثبت أكثر من الكلام. 💟الخطوة الثالثة : المقارنة (حتى ما تخربط) ⬅️لازم تسوي مقارنه بين الطفيليات خاصة إلي تتشابه ، ف سوي سجل بيه جداول واكتب بيه الطفيليات إلي اخذتهن وقارن بيناتهن ⚫️أمثلة : ➡️Giardia vs Entamoeba إسهال دهني 😀 إسهال دموي ➡️Taenia solium vs saginata لحم خنزير 😀 لحم بقر خطورة على الدماغ 😀 أقل خطورة المقارنة تخليك تتذكر الفرق بسهولة بالامتحان. 💟الخطوة الرابعة: حتى ما تنسى المعلومات لازم تختبر نفسك بيها حتى تثبت. شلون؟ 1⃣جيب اوراق صغار واكتب بالوجة : اسم الطفيلي و بالظهر : مرحلة العدوى والتشخيص + العلاج وشوف الورق من الوجه وگول شنو المرحلة المعدية والتشخيصية و العلاج او العكس 2⃣اشرح بصوتك : سد ملزمتك واشرح لنفسك او لصديقك ، طفيلي دخل من المي ، وراح للأمعاء ، سبب إسهال الخ … 3⃣أي شي تشوفه بزونه ، ماي ملوث ، أكل ملوث ، جرح اسئل نفسك شنو ممكن ينقل هذا الشي يا طفيلي يا دوده هنا راح تصير جداً سهله عليك لماده 🌐 @Lab_Mostafa

أي تطبيق أو موقع يفيدكم بدراستكم أو بحياتكم اليومية منا و رايح انزله بهاي القناة ⬅️ @Mostafa_Tech 🌐 راح تكون خاصة لهيج مواضيع 💟أما هاي القناة⬅️ @Lab_Mostafa 🌐 تبقى بنفس محتواها حتى ماتصير هوسه

قبل لاتعرف جهازك المناعي 🌟 شلون يشتغل لازم تعرف شنو الفرق بين المناعة الفطرية والمناعة المكتسبة ؟ ✅المناعة الفطرية (Innate Immunity) هاي نسميها المناعة الطبيعية أو الأولية ، لأن تنولد ويانه ، يعني من أول يوم تطلع للدنيا 🌟جسمك عنده هالآلية الجاهزة للدفاع بدون تدريب ولا خبرة سابقة يعني أول لحظة يصير غزو من ميكروب 🌟 أي شي فايروس ، بكتيريا ، فطريات ما يهمها ما راح تنتظر، أو تسأل ، وما تحتاج تعليمات كبل تهاجم و تتعامل مع لكل بنفس الطريقة ، لأن ما عدها ذاكرة ولا تعرف "منو هذا شنو سوى قبل" تهاجم أي شي غريب عن الجسم. يعني إذا نفس الميكروب رجع مرة ثانية ، راح تتعامل وياه بنفس الرد، ما تتعلم من المرات السابقة منو هن الي يشتغلن بالمناعة الفطرية ؟ 1⃣الحواجز الفيزيائية : مثل الجلد والمخاط 2⃣الخلايا البلعمية : مثل Neutrophils و Macrophages 3⃣الخلايا القاتلة (NK Cells) 5⃣ نظام المتمم Complement وCytokines ✅المناعة المكتسبة (Adaptive Immunity) هاي تختلف نكدر نسميها المناعة الذكية أو المتطورة ، لأنها تتعلم وتحتفظ بالمعلومة عن العدو حتى إذا رجع بعدين ، تذكره وتهاجمه بسرعة أكبر وبدقة أعلى. أول مرة يتعرض الجسم للميكروب، المناعة المكتسبة تتأخر يومين أو أكثر حتى "تتعلم" شكل العدو. بس بعدين، إذا تعرض الجسم مرة ثانية لنفس لمسبب ، تصير الاستجابة أسرع من البرق ، يعني إذا دخل فيروس الحصبة مثلاً ، ما تهاجم غيره فقط هو وبشكل مباشر لأن تعرفه سابقاً المناعة المكتسبة تعتمد على نوعين رئيسيين من الخلايا: 1⃣الخلايا البائية (B cells): تنتج الأجسام المضادة وهاي الأجسام ترتبط بالميكروب وتمنعه من دخول الخلايا أو تسهل بلعه بواسطة الماكروفاج. 2⃣الخلايا التائية (T cells) : منها نوعين 1⃣Helper T cells تساعد وتحفز باقي خلايا المناعة. 2⃣Cytotoxic T cells تهاجم الخلايا المصابة أو السرطانية مباشرة. ⭐️الخلايا التائية والبائية تولد خلايا ذاكرة Memory Cells وهاي الخلايا تتذكر العدو ، فبالمرات الجاية ترد بسرعة وتمنع الإصابة. ✨بأختصار حتى تبقى الفكرة بالك تخيل الجسم مثل دولة : ⏪المناعة الفطرية = مثل الشرطة ، ترد بسرعة على أي طارئ بس ما تعرف المجرم بالتحديد. ⏪المناعة المكتسبة = مثل جهاز المخابرات والامن الوطني يجمع معلومات ، يسوي خطة دقيقة ، وإذا شاف نفس المجرم مرة ثانية ، يكمشه بثواني. 🌐 @Lab_Mostafa

تخيل عندك كتاب أرض زيكولا 📒 ، وكل شوي يجي شخص يريد يستنسخه ، وأنت تنطيهم الكتاب ، ف على كثر ما يستنسخونه أكيد راح يخرب جلاد الكتاب اللي يحافظ على الكتاب و معلوماته ، ويتمزق وينشلع. لذلك انت تقرر بعد ما تنطي الكتاب ، لأن الاستنساخ المستمر راح يخرب الغلاف وتضيع…

تخيل عندك كتاب أرض زيكولا 📒 ، وكل شوي يجي شخص يريد يستنسخه ، وأنت تنطيهم الكتاب ، ف على كثر ما يستنسخونه أكيد راح يخرب جلاد الكتاب اللي يحافظ على الكتاب و معلوماته ، ويتمزق وينشلع. لذلك انت تقرر بعد ما تنطي الكتاب ، لأن الاستنساخ المستمر راح يخرب الغلاف وتضيع المعلومات. 💡نفس الفكرة بالنسبة للجسم : عنده كروموسومات يسوي لها استنساخ ، لكن الغلاف أو الحماية مال الكروموسوم ، إلي هو التيلومير (Telomere) ، مع الوقت ⏰ ومع الانقسامات راح يقصر ويقل التيلومير. وقتها الجسم يگول: "خلص ، هاي الخلية لازم نوقف انقسامها وتموت" انتهى دورها. 💡لهذا السبب كل إنسان وله عمر محدود وشيخوخة وموت. لكن استُثنيت بعض الأماكن من الجسم من هاي المرحلة ، يعني تبقى تنقسم والتيلومير ما يقل بسبب وجود إنزيم اسمه تيلوميريز (Telomerase) ، هذا الإنزيم كلما يقل التيلومير بسبب الانقسامات يرجعه ويطوله. ⏪الأماكن هي : ⬅️الأعضاء التناسلية (خلايا النطف والبيوض) لأن لازم تبقى تنتج النسل. ⬅️الخلايا الجذعية (Stem cells) الأن هاي لخلايا تعوض أي نوع خلايا تتلف ، مثل خلايا الكبد والكلى والعضلات وغيرها. ⬅️الخلايا المناعية (Immune cells) لأن يومياً تخسر هواي خلايا مناعيه بسبب التعرض للأمراض أو الالتهابات ، لذلك لازم يكون اكو تعويض مستمر. ⬅️ الخلايا السرطانية كذلك تفعل Telomerase حتى تبقى تنقسم بدون حدود 🌐 @Lab_Mostafa

بيوم من الايام جان شاب حلمه يصير عسكري ، لأنه متأثر بخاله الضابط. راح قدم عسكرية ، بس رفضوه بسبب ضعف البصر ، هنا انكسر وحس حلمه تبخر. أهله نصحوه يدخل طب … بالبداية ما اقتنع وما جان فاهم شي منه ، بس بعد فترة تأقلم ويا محاضرات الكيمياء الحياتية والمختبرات ، وصار يحبهن ويحب التجربة وكمل. بعد ما تخرج صار طبيب وأخصائي كسور ، لا حلمه القديم رجع ، ولا عنده واهس بالتخصص … بعد ما صارت الحرب العالمية الأولى أخذوه طبيب عسكري ، وهنا حقق حلمه القديم ويا واقعه بنفس الوقت. بعد ما خلصت الحرب رجع لعيادته ، بس ماكو إقبال وما عنده واهس بيها ، فصار يقرا بحوث. بيوم من الايام صادف بحث يكول : إذا نسد القناة البنكرياسية ، تموت الخلايا اللي تفرز أنزيمات ، لكن جزر لانجرهانز تبقى عايشة… هنا فكر بالليل : شلون أكدر أستخلص الانسولين بدون ما يخرب؟ لان قبله جربوا هواي وكل تجاربهم فشلت بسبب الإنزيمات تخرب الإنسولين من الصبح راح لدكتور عنده مختبر ، عرض عليه الفكرة فأنطاه المختبر و كلاب ومساعد مختبر ، وبدأ التجارب. فشل بكل تجاربه … بس بقى مصر عليها ، إلى أن وصل للكلب رقم 410 ، نجحت التجربة وگدر يستخلص الانسولين وحقنه بكلب مصاب بالسكري، وتحسن الكلب. بعدها احتاجوا شخص ينقي الإنسولين حتى يكدر يستخدموه بالبشر … نجحت التجربة وأنقذت ملايين البشر من الموت. وولادته هذا الشخص إلي إسمه فريدريك بانتنغ تصادف اليوم 14 نوفمبر ، وصار هذا اليوم اليوم العالمي للتوعية بالسكري. الحكمة من القصة : مرات تريد شي وتزعل لأن ما تحصله … بس الله يبعدك عنه لأنه مو لمصلحتك ، ويختارلك طريق ثاني يمكن ما تحبه بالبداية ، بس بيه نجاحك وتوفيقك. 🌐 @Lab_Mostafa

شوف عزيزي أنت عندك ثلاث أنواع هيموغلوبين 🌟 طبيعية هن : 1⃣ Hemoglobin A (HbA) α₂β₂ الهيموغلوبين البالغ الرئيسي. 2⃣ Hemoglobin A₂ (HbA2) α₂δ₂ موجود بنسبة صغيرة حوالي 2–3%. 3⃣ Hemoglobin F (HbF) α₂γ₂ الهيموغلوبين الجنيني، يبقى بنسبة أقل من 1% عند البالغين. ⏪أول مايصير الجنين بطن أمه🌟يكون نوع الهيموغلوبين HBF وبعد ما ينولد الطفل بفتره ست اشهر 🌟 يقل هذا النوع كلش يوصل النسبة أقل 1% ويزداد نوع HBA إلي هوه مخصص للبالغين مثلي ومثلك ✅أكيد هسه اكو سؤال بالك ليش من يكون طفل عنده HBF وبعد مايكبر يصير HBA شنو لغاية من هل شي ؟ 💟شوف الطفل داخل أمه ماعنده رئة واكيد يحتاج أوكسجين حتى يبقى عايش منين يجيب أوكسجين ؟ اكيد عن طريق التبادل الغازي بين دم الأم والمشيمة زين هوه الاوكسجين ملتصق بالهيموغلوبين (HBA) مال دم الأم شلون ينفصل ويروح لدم الطفل (HBF)؟ لأن احنه نعرف دم الأم مستحيل يدخل لدم الطفل ! يلا حلياها شلون ‼️ ✅هنا نوع الهيموغلوبين بالطفل (HBF) يكون أقوى من هيموغلوبين الأم (HBA) فيكدر يسحب جزيئات الأكسجين من دم الأم لدم الطفل بسهوله حتى لو الأم عدها أوكسجين قليل أو عدها مشكلة تنفسية. 💟أما إذا الطفل والأم نفس نوع الهيموغلوبين (HbA) ، صح الأوكسجين يوصل للطفل عن طريق الانتشار ، بس بصعوبة وأقل كفاءة من وجود HbF ، لهذا السبب الطفل ممكن يصير عنده نقص أوكسجين ، وهذا النقص يأثر على نمو وصحه الطفل . لذلك HbF موجود بالأساس حتى يضمن وصول كمية كافية من الأوكسجين للطفل بكل سهولة. 🌐 @Lab_Mostafa

انطيك معلومة تخليك تگول سبحان الله؟ من تجي تقيس الحديد والفيريتين لمريض وتطلع النتائج : ⏪الفيريتين مرتفع ⬆️ ⏪الحديد منخفض ⬇️ ✨هنا لازم تشك بحالتين : 1⃣الحالة الأولى : يكون عنده عدوى فيروسية أو بكتيريا ، هسه أكيد راح تكول شنو علاقة العدوى بأنخفاض الحديد؟ شوف ، الحديد يمشي بدمك مرتبط ببروتين اسمه Transferrin ، ما يگدر الحديد يمشي حر بدمك لأن يسبب تسمم ، فلازم ينقله هذا البروتين. فـ من تدخل بكتيريا ، أغلب البكتيريا تحب وتحتاج الحديد حتى تتكاثر ، وعدها جزيئات صغيرة ترتبط بالحديد أقوى من البروتين فتفصله وتستخدمه. 💡فـ من نعم الله عز وجل ، من تصيبك عدوى ، الجسم يسوي انسحاب ، يسحب الحديد من الدم ويخزنه بمخازن الفيريتين ، حتى ما تتغذه عليه و تتكاثر البكتيريا بجسمك. لذلك من يجيك شخص عنده عدوى ، غالباً راح يكون الفيريتين مرتفع أو طبيعي ، والحديد منخفض. 2⃣الحالة الثانية : هي نقص بالبروتين إلي ينقل الحديد بالدم ، يعني نقص Transferrin. من يصير عنده نقص بهذا البروتين ، راح يقل نقل الحديد بالدم ، فـ من تجي تقيس راح يطلع منخفض ، بينما راح يكون الفيريتين مرتفع أو طبيعي. 🌐 @Lab_Mostafa

#خــــبــــر لجنة عمداء الكليات التقنية الصحية والطبية تدرس زيادة عدد مواد الامتحان التقويمي لقسم التحليلات الى اربع مواد بدلا من مادتين وسيتم اتخاذ القرار قريباً ليتم اعلامكم عبر الرابط ادناه 🌐 @Lab_Mostafa

إذا تسئلني شنو الشغلات إلي تخليك فخور بنفسك ؟ 💌هاي وحده من الشغلات إلي تخليني فخور بنفسي من اشوف الطلاب جاي يستفادون من إلي قروه وياي ، هيچ رسائل تخليك تنسى التعب وكل الجهد والوقت اللي انقضى بالمحاضرات والشرح ✨هاي الرسائل تخليني أكول : "اللهم لك الحمد، انت السبب بكل هذا التوفيق." 🌐 @Lab_Mostafa

معلومة حلوه تفيدك .. أصغر مسبب مرضي أغلب الناس تعرفه هوه الفايروس زين هوه اكو أصغر منه لو ماكو ؟؟ ✨عدنا ثنين يسببون أمراض وهم أصغر بهواي من الفايروسات 1⃣الفيرويد (Viroid) هذا عبارة عن RNA فقط، يعني ما عنده لا غلاف بروتيني ولا DNA ، ولا حتى غلاف دهني ، شكله دائري صغير كلش ، وحجمه تقريباً عُشر حجم الفايروس❗️ هذا يسبب أمراض بس بالنباتات، مثل مرض الـ potato spindle tuber ما يصيب لا انسان ولا الحيوان، لأن آليته تعتمد على خلايا النباتات فقط. 2⃣البريون ( Prion ) هنا ندخل على أغرب شي بيولوجي ممكن تعرفه ، البريون هو بروتين فقط ، يعني لا DNA ولا RNA ولا أي مادة وراثية ‼️ 💟بس الغريب؟ إنه يسبب أمراض قاتلة. شلون؟ خلي أشرحلك : البريون هو نسخة مشوهة من بروتين طبيعي موجود بأجسامنا، بس صار بيه تغير بالشكل الثلاثي ، هذا التغير يخلي البروتين يصير "مجنون" ويبلش يحول البروتينات الطبيعية إلى نفس شكله الى مشوهة ، يعني يصير مثل سلسلة وحدة تتغير ، والباقيات كلهن يتغيرن. هاي العملية تسبب تلف بالخلايا العصبية بالدماغ وتترك فراغات صغيرة، فالمخ يصير يشبه الإسفنج، ولهذا سموها spongiform encephalopathy (اعتلال دماغي إسفنجي). 💟من الأمراض المشهورة الي يسببها : ⏩Mad Cow Disease (جنون البقر) بالحيوانات. ⏩Creutzfeldt–Jakob Disease (كروتزفلت-ياكوب) بالبشر. ✅يصيب الإنسان بثلاث طرق تقريباً أشهرها أكل لحم بقر مصاب بالجنون أو عن طريق نقل عضو أو نسيج من شخص مصاب أو وراثي أو طفرة جينية 🌐 @lab_Mostafa

المنهج الوزاري المعتمد للمرحلة الثالثة الفطريات للكورس الثاني والمعتمد من قبل اللجنة الوزارية 🌐@Lab_Mostafa

المنهج الوزاري المعتمد للمرحلة الثالثة اضطرابات الايض للكورس الثاني والمعتمد من قبل اللجنة الوزارية 🌐@Lab_Mostafa

بس اريدك تركز وياي حتى تفهم هاي الحالة لأن بيها هواي معلومات تفيدك🌟 شاب عمره 18 سنة عنده تورم بالعيون والرجلين ونزول الألبومين بالادرار 🌟 وارتفاع الدهون بالجسم مثل ما تشوفون بالتحليل ⏪هاي الحالة يسمونها متلازمة كلوية تصيب الكلى 🌟 تخليها تفقد السيطرة على التحكم بطرح الألبومين فتبدي تطرح أغلب الألبومين من الجسم ولازم انت تعرف من فوائد الألبومين يحافظ على الضغط الأوزموزي داخل الأوعية الدموية ، فمن ينخفض بالدم شراح يصير؟ راح يصير تسريب للسوائل داخل الجسم وبالتالي يصير تورم وهذا هو سبب التورم ✅أكيد هسه تكول ما وصلتني للجواب شنو سبب ارتفاع الدهون❗️ 💡شوف الألبومين منين ينتج؟ أكيد من الكبد ، فالجسم من يلاحظ أكو انخفاض قوي بالألبومين راح يزيد شغل الكبد وينتج بروتينات أكثر يعني مو فقط يزود الألبومين لا كل البروتينات لأن ما يعرف يزيد إنتاج ماده وحدها لازم يرفع الانتاج كله ، فمن ضمن البروتينات أكو بروتينات ناقلة للدهون من تزود هاي راح يزود نقل الدهون وإنتاجها فبالتالي راح ترتفع بالجسم ومثل ما تشوفون بالتحليل الدهون مرتفعة ✨ فالنتيجة ⏪تورم بالجسم ، نزول الألبومين بالادرار 🌟وارتفاع الدهون بالجسم والسبب متلازمة كلوية ، للعلم غالباً وظائف الكلى والكبد طبيعية تكون ، طبعاً هذا المرض مناعي فما إله علاج نهائي لازم نثبط المناعة حتى ما تضرب الكلى وتخليها تطرح الألبومين ونحافظ على مستواه ويرجع للوضع طبيعي بس يبقى الشخص مدى الحياة على أدوية تثبيط المناعة 🌐 @Lab_Mostafa