𝙴 .

أستيعابك أنّ " الدُنيا فانية " يخليك تتغاضى عنّ أمُور كثيرة جدًا ولا تعطي فيها حتّى أيّ ردة فعل .

الراحـه هِـي الحاجـه الوحيـدة اللي تستـاهل انـك تحـارب عشـان توصـل لها لان من غيرهـا مُستحيـل تستمتـع بـأي حاجـة في حياتـك .

كل شيء له وقت رزقك له وقت ونجاحك له وقت وفرحتك وسعادتك لهم وقت ربي مش حيضيع صبرك وتعبك ولا اجتهادك وحيراضيك لو مش اليوم عادي نصبر لبكرا ولو مش بكرا نصبر لبعده ورزقنا جاي جاي ، ربي سبحانه وتعالى قال : ﴿وَلَنَجزِيَنَّ الَّذينَ صَبَروا أَجرَهُم بِأَحسَنِ ما كانوا يَعمَلونَ﴾ مش عوض لصبرك عوض أعظم من اللي صبرت ع خاطره .

انا منعرفش الخير وين ، بس كل اللي نتمناه من ربِ إن مستقبلي يكون أحلا من اللي فـي بالي ، ويريح قلبي وعقلي ، ويحققلي كل حاجة نتمناها .

أولىٰ أمنياتي، وأوسطها، وآخرها: أن ترضى عنّي، وترضى، وترضى، وَتُقرّب منّي كُلّ عمل يؤهّلنِي أَنْ أستحقّ جنّتك ، ثُمَّ أَنْ تأخذنِي إليكَ وَأنَا عبدٌ صالِح، وَأنَا عبدٌ لَا يستحيي أَنْ يلقاك .

أنا انسان نصون في العِشرة جدًا ونقدّر في الناس اللي وقفت جنبي ونحط في مواقفهم الكويّسة وسط قلبي ، وما نتفكرش إنّي مرة اتأخرت على حد أو بخلت عليه أنا تربْيت على العطاء وعُمري ما خليت حد في ضيقة من غير ما نمدله إيدي ، نفرح لفرح اي حد ونزعل لزعله ولو بكي شخص قدامي دموعي لا ارادي تنزل مني ، ونعطي في اكثر من فرصه لأي شخص باش لما ننسحب ما يأنبنيش ضميري واللي نلقاه مايستاهلش من غير تردد نجبد عليه ومنها لا نتمناله شر ولا ندعي عليه الكلمه اللي في فمي ديما ربي يسعد ويبعد .

ديما شايفة روحي زي الفُرصة الجميلة إللي ماتتكررش مرتين، يا اما تفهمها وتعرف تستغلها صح وتكسبها لِصالحك، ياما تخسرها طول حياتك ، أنا جميلة بِكُل تفاصيلي دين ،جمال ،علم ،شخصية ،قوة ، ضعف، خوف، مواجهة، حنية، اهتمام حتىٰ فِي حبي للي قِدامي نكون مُختلفه وجميلة ، شايفة نفسي هكي في عيون الناس إللي يتعدوا علىٰ الصوابع في حياتي مش غرور لكن حُبًا وتقديرًا لِذاتي الجميلة .

حتلقي في حياتك الللي يشوف فيك أطيب الناس وحتلقي اللي يشوف فيك أسوأهم حتقابل ناس تنسالك عشرين الف موقف حلو لانك قصرت مرة وناس تدورلك على عذر ويوضحولك كيف انت غالي، حتقابل ناس مش امبطله انتقاد فيك ، وناس الكلام الحلو كله يوصفوك بيه ، حتقابل ناس تكرهك بدون سبب وناس تخترع في أسباب تحببها فيك … وفي النهاية أنت نفس الشخص لكن كل عين تشوف فيك ع قدر محبتها لك كلٌ واحد يشوف فيك من الزاوية التي انت واقف فيها في قلبه .

طول الوقت نحس إن كلمه "الحمدلله" لازم تنقال بالتفصيل، يعني الحمدلله على الستر وعلى الصحه .. على الحوش والاهل .. على الشغل وعلى الرزق .. على الونس و الأمان وعلى الضحكه والطلعه والنومه الجميله ، الواحد منا في نعم هلبا ،ومدركه تماما ان اني في نعمه كبيره ، حتى لو اليوم صعب او حتى الفتره كلها تقيله .. إن ربي مش ناسيني وديما متدكرني ومعاي في كل خطوه وكل لحظه .. أن الله يديم نعمه الحامدين فأحمدوه .

شعورك ح يتم ، ح تكبر و تنسى ، ح تمشي و تتخطى ، ح تفشل و تنجح ، ح اتطيح و توقف ، زي ما بكيت ح تضحك ، و زي ما حسيت بضيق ح يجي بعده راحة ، ح تحس روحك ميت و بعدين اترد للحياة من جديد ، ما تفقدش الأمل ، كل شي مش تمام وراه شي فيه عوض لك بإذن الله .

أنا لا أعاشر لأجل غاية ، أنا صاحبة مواقف حتى النهايات ، شرط أن لا يخدش خاطري ، أنا صاحبة ود لـمن دام وده💓.

تخسر الناس كلهم بعفويتك وصراحتك ، ولا تكسبهم بتصنع ونفاق

مشكلتي ماننـساش، مانـنساش كلمة زعلـتني، ولا ننـسى نـظرة ضايقـتني، ولا ردة فـعل ماعـجبتني، ومنـنساش اذا حـد حـاول يقلـل مـني، ولا أي موقـف انخذلـت مـنه، حـتى لـو سامحـتك، حيقـعد الشـيء اللـي زعـلي معـلق فـي بـالي، والشـي هذا فـيا لا إرادي، ومالش عـلاقه فـي إنـي نـبي نكرهك ابـداً .

بعـد معـافرة مـع أفڪاري، اقـتنعت أن الإنـسان يحـتاج لإنـسان فـي حـياته أيًـا ڪان مـن هـو، المـهم أنـه معـاك، محـسسك بالأمـان، ميڪونش قـاسي علـيك لـما تڪون ضعـيف، حنـين وفاهـمك بڪل التعقـيد اللـي فـي دمـاغك، ويعـرف امـتى يـشد علـيك، وامـتى يـرخي ، الإنـسان محـتاج لإنـسان زيـه، يونـسه ويـهون علـيه التـعب .

معنديش حتى ١٪ نَدم تجاه اي حاجة سيبتها وراي ومشيت ولاحتى شغف إني نردلها

هي ما قالتش وانا ما سألتش ‎المبدأ هذا يلخص حدود كلامي مع ناس ، ‎عمري ماضغطت على حد باش نأخذ منه معلومة هو مايبيش يقولها ‎( مهما كنا قراب )‎ حنرتاح ونريّح لو نخلوا الناس تقرر شن يقولوا وشن اللي يسكتوا عليه

في آقصى لحظات ضعفنا نطلعوا للناس بكل قوتنا، ومافش حد يعرف شن في قلوبنا ومن النادر جداََ آن حد يحس باللي فينا .

الناس ما تغيرش ، الناس بس تبان، تعوّد وما تاخذهاش فخاطرك

يارب خلّي كل اختياراتي تحاوطها رحمتك وحنانك، يارب خلّيني على الطريق الصح، على الطريق الصح وبس .

وصلت لمرحلة معش نرجا حد يقعد معاي، ولا نبرر موقفي لحد، واللي يبي يبعد يتفضل، واللي متمسك بيا نحطه فوق راسي، الحسنة بالحسنة والسيّة بالبعد