قناة الاستاذ لؤي الكعبي مدرس اللغة العربية

((طلاب وطالبات )) ((معهد الصدارة الأعزاء)) أعظم الله أجوركم وأحسن الله لكم العزاء. نود إعلامكم بأن : يوم الجمعة الموافق ٢٠٢٦/٨/٧ سيكون أول يوم للدوام بعد العطلة، . نرجو من جميع الطلبة الالتزام بالحضور في الوقت المحدد، متمنين لكم عامًا دراسيًا موفقًا مليئًا بالنجاح والتفوق. كما نود التنويه إلى أن الأسبوع الأول من الدوام سيكون مخصصًا حصراً لتسديد الأقساط الدراسية، لذا يرجى الالتزام بإكمال إجراءات التسديد خلال هذه الفترة.

‏صورة من لؤي الكعبي

التسجيل مفتوح لحد الان تعال وسجل بمعهد الصدارة يم استاذ لؤي الكعبي ... لا تضيع ال١٠٠ من ايدك ..

وهاي الخصائص بطريقة ساخرة ​1. الهمزة تلعب على الحبلين (تصديق وتصور) او مثل ما نكول هذا الي بكل عشه خباز ​تجي وية جماعة الـ (نعم ولا) وتشتغل تصديق: "أَتسافرُ غداً؟" يعني : سؤال يجاب عنه بحرف جواب ​وتجي وية جماعة "أم" المعادلة وتشتغل تصور: "أَتشربُ چاي أم حامض؟" (وهنا جوابها تعيين لازم تختار وتحدد، ماكو نعم ولا). ​أما "هل"؟ خطية غشيمة، بس تشرف على الساحة وتشوف "أم" العاطفة، تدوخ ويصعد عندها الضغط وتنهزم! ​2. شايفه نفسها وتحب الصدارة (تتقدم على أحرف العطف) ​الهمزة عندها عقدة "أنا وبس". إذا شافت أحرف العطف (الواو، الفاء، ثمّ)، تدفعهم بكتفها وتقولهم: "ورايا عيني.. لتعبرون حدكم!". ​فنكول: "أَوَلمْ تدري؟" أو "أَفأنتَ تسمع؟". ​بينما "هل" فدوة لقلبها، مؤدبة وتعرف الأصول، تقف وراهم بكل قناعة وتكول: "فَهَلْ لنا؟" أو "وَهَلْ أتاك؟". ​3. تحب النكد والمشاكل (الدخول على المنفي) ​الهمزة تموت على "القيل والقال" والدراما، فتلقاها حاشرة نفسها بالجمل المنفية اللي بيها (لم، ليس، ما، لا): "أَلَمْ نشرح لك صدرك؟". ​"هل" مسالمة، ترفع شعار "طاقة إيجابية فقط"، إذا شافت أداة نفي بالشارع تلوف من غير فرع وتطفر. ​4. تسوي "فانتوم" وتختفي (الحذف للتخفيف) ​الهمزة أوقات تتكبر وتسوّي نفسها "شبح" وتختفي من الجملة نهائياً، والناس تظل تفهمها من نبرة الصوت أو من وجود "أم". ​يعني مثلاً تباوع بصاحبك وتكولّه: "رايح للسوق؟" (والأصل: أرايحٌ؟).. الهمزة محذوفة بس اثرها واضح لو من المعنى لو ام المعادلة ! ​جرب تحذف "هل"؟ الجملة كلها تفلش وما ترهم بعد . "هل" لازم تحضر ببدلتها وقاطها وإلا الشغل يخرب. ​5. حاشرة خشمها بكلشي (الدخول على الشرط والحروف المشبهة) ​الهمزة فضولية بشكل مو طبيعي، تدخل على أداة الشرط (إذا، إنْ): "أَإِذَا متنا؟". وتدخل حتى على الحروف المشبهة بالفعل: "أَإِنَّكَ لأنت يوسف؟". ​"هل" واكفة بعيد، تباوع وتلطم على خدها وتكول: "هاي منين تجيب هالجُرأة؟! أنا حدي وية الجملة الفعلية والاسمية وأقفل!" ​مختصر مفيد: الهمزة هي "الـ VIP" مال القواعد، تسوي الي يعجبها ومحد يحاسبها. و"هل" تمشي بالمسطرة، خطوة زايدة تخاف تتفلش ميزانيتها!

انت طالب سادس وما فاهم الخصائص لحد الان تعال هنا راح افهمك الخصائص بطريقة جديدة لا تحتاج ملخصات ولا هم يحزنون ... ونبدي خصيصة خصيصة .... بس اول شي خلي نفهم الفرق بين الهمزة وهل . تمام ؟ الهمزة بقواعد العربي هي "ابن المسؤول" المدلل.. شايف هذا اللي يسوق بدون لوحات، ويمشي عكس السير، وماكو سيطرة توكفه؟ هاي بالضبط هي الهمزة! أما "هل" فهي المواطن الفقر اللي يمشي بصف الحايط ويكول "يا الله الستر".

قاعدة ذهبية: • ​هل : للتصديق دائماً ولا تأتي للتصور مطلقاً. • ​أسماء الاستفهام : للتصور دائماً ولا تأتي للتصديق مطلقاً. • ​الهمزة : جوكر (تأتي للتصديق إذا كانت وحدها، وتتحول للتصور إذا جاءت معها (أم المعادلة).

تَوَكَّلتُ في رِزقي عَلى اللَهِ خالِقي وَأَيقَنتُ أَنَّ اللَهَ لا شَكَّ رازِقي وَما يَكُ مِن رِزقي فَلَيسَ يَفوتَني وَلَو كانَ في قاعِ البِحارِ العَوامِقِ فَيَأتي بِهِ اللَهُ العَظيمُ بِفَضلِهِ وَلَو لَم يَكُ مِنّي اللِسانُ بِناطِقِ

الادب يم استاذ لؤي ٢٠٢٧

السلام عليكم مجاميع البنين فقط لدفعة ٢٠٢٧ سويت مجموعة الكم تلغرام الي موجود هنا منكم يراسلني @mustafa19053 حتى اضيفه ويضيف البقية وياه

السلام عليكم مجاميع البنين فقط لدفعة ٢٠٢٧ سويت مجموعة الكم تلغرام الي موجود هنا منكم يراسلني @mustafa19053 حتى اضيفه ويضيف البقية وياه

نرجو منكم جميعا مايلي 1/ جلب ملزمة القواعد الجزء الاول 2/ جلب ملزمة الأدب والنصوص 3/ جلب دفتر أو سجل للملاحظات نرجو لكم التوفيق كل الملازم من مكتبة القبس الأستاذ لؤي الكعبي

✨ مع إشراقة عامٍ دراسي جديد… نفتح أبواب الطموح والعلم بثقةٍ وإصرار 🌱📚 ونبدأ رحلتنا نحو النجاح والتفوق بعزيمة لا تعرف التراجع. 🔹 يبدأ الدوام يوم الثلاثاء6/2 وكل طالب وطالبه حسب مجموعته الدراسيه ومجاميع الاربعاء 6/3 سوف تكون اول محاضره لهم ونسأل الله عاماً مليئاً بالإنجاز والتوفيق لجميع طلبتنا الأعزاء. ✨