MED Glow 🩺✨

🦴 أقوى وأشمل فيديو تعليمي طحت فيه لحد الآن 😭 (عظام Bones +عضلات muscles+مفاصل joints + الحركات Actions)

🎀 معلومات على السنة الثانية طب (بالتفصيل) - نبذة على كل وحدة : 1-Appareil cardio-vasculaire, respiratoire et organes hématopoïétiques: فيها 6 أسابيع ، هاذي هي الوحدة la plus chargée علابيها لازم نبداو نقراوها من الأول خلاه ، راح نقراو فاها على : كل ما يخص الجهاز القلبي - الدموي كل ما يخص الجهاز التنفسي الأعضاء المكونة للدم anato + histo + physio +biophysique :فيها⬅️ 2-Appareil digestif : فيها 5 أسابيع ، الدروس تحا ماهمش charges ياسر كيما الوحدة الأولى ، راح نقروا فاها على كل ما يخص الجهاز الهضمي anato + histo + physio +biochimie : فيها⬅️ 3-Appareil urinaire: فيها 3 أسابيع فقط : أقصر وأسهل وحدة بصح دقيييقة . وكي عادت قصيرة فيساع الاكزاما تحا يلحق تسما لازم من الأول . راح نقراو فاها على كل ما يخص الجهاز البولي . Anato +histo + physio + biochimie فيها⬅️ 4-Appareil endocrinien et de la reproduction فيها 6 أسابيع . هاذي الوحدة فاها بزاف les détails اللي لازم تركزو عليهم ، لأنهم رح يكونو حاضرين وبقوة في ليكزاما ، راح نقراو على كل ما يخص الغدد الصماء ( الغدد التي تفرز هرمونات في الدم ) + الجهاز التناسلي : Anato +histo + physio + biochimie :فيها⬅️ 5-Appareil nerveux et organes des sens : فيها 7 أسابيع : أطول وحدة في السنة 2 طب ، تحتاج الفهامة بزاااف هاذي الوحدة يخافو منها أغلبية الطلبة (للمعلومة فقط بالنسبة ليا ماكانش حاجة صعيبة كل واحد وكيفاه) يعني إذا حاب تدي اقرأ ماللول وباذن الله تتمكن . راح نقراو فاها على كل ما يخص الجهاز العصبي والأعضاء الحسية anato + histo + physio +biophysique فيها ⬅️ ملاحظة : قبل مادیرو امتحان کل وحدة عندكم semaine bloquée تراجعو فاها . 4- نبذة على المقاييس : علم الوراثة :Génétique🧬 مادة سهلة نوعا ما ، خاصة بالنسبة لشعبة العلوم ، لأنو أغلب الدروس قريناهم في الليسي. 🧫 2/Immunologie : علم المناعة ماهوش سهل كيما génétique بصح ماهوش صعب أيضا. 5- الامتحان ونوعية الأسئلة : انتهى عصر Qcm و رحبو ب "QCS "Question à choix simple اكتر حاجة فرحت باها أنا ، بصح زميلة من الزملاء تقول ما تتخيلوش الإجابة الصحيحة باينة من بعيد راح يديرولكم إجابات تشبه لبعضاها باش يكلحوكم 🙃 عدد الأسئلة : - من 60-80 بالنسبة للوحدات من 40-60 بالنسبة للمقاييس عدد الأسئلة يتعلق بعدد الدروس ، يعني كل ما كانت الوحدة شارجي وفاها ليكور ياسر الأسئلة راح يكونو ياسر ، والعكس صحيح . وبالتوفييييق لنا جميعا 🌸 #med_glow #رحاب_القرآن

✨🩺 معلومات على السنة الثانية طب : (سطحيا) أولا : لازم يكون علابالك بلي السنة ثانية طب مختلفة على السنة الأولى من ناحية الامتحانات ، النظام وكل شيء ، وتعتبر من أخف سنوات الطب ولي رح تحس بهذ الشيء إلا لما تقرا السنوات لي بعدها ، ولكن ونتا تقراها لازم تركز وتقرا حتا تجيب ! 📖 نظام الدراسة : تنقسم السنة ثانية طب إلى 5 وحدات و مقياسين 5 unités: Appareil Cardio-Respiratoire Appareil Digestif Appareil Urinaire Appareil Endocrinien Système nerveux 2 modules: Génétique ، Immunologie 📝 نظام الوحدات : في كل وحدة عندكم 4 مقاييس : Anatomie Histologie Physiologie Biophysique/Biochimie مقاييس كان عندكم فكرة عليهم من قبل جست فالسنة ثانية المقاييس كامل تصب في نفس العضو والأعضاء وهذا لي يخلي الدراسة مرتبة أكثر أحسن في قرايتها من السنة أولى طب. 📝نظام المقاييس : Immunologie/Génétique فالعام كامل عندكم مقياسين تقراوهم وحدهم، كاينة كليات لي يبداو بيهم فالأول ويفوتو اكزاما فيهم، وكاين لي يكملو بيهم العام ، ولازم تعرفو كيفاه تنظمو لقراية بين المقاييس والوحدات . وبالتوفيق لنا جميعا 🩷 #med_glow #رحاب_القرآن

اليوم الذكرى السنوية السادسة لي ككاتبة .. Show me some Love 🥹💌

هيئو روحكم نفسياً في العطلة ادي ، بلا طاقة سلبية وبلا حتا طاقة إيجابية ، خصنا نتعاملو بواقعية ، بلا عاطفة . ماكانش حاجة ساهلة في الدنيا ادي ، وتاني ماكانش حاجة متقدرش تديرها . نظرتك الأولية هي كلش وهي لي تصنع الفرق✅

🌸 كيفاه تولي تحب الطب ومنه تولي تجيب نقاط ملاحة ؟ أغلبنا حاليا بعد ما كملنا السنة الأولى ولات عندنا نظرة على الطب مختلفة تماما عن النظرة لي كانت عندنا قبل . كاين لي حبو التخصص وكاين لي راهم يخمو يعتبرو السنة الثانية مجرد فرصة ثانية ويشوفو روحهم إذا يكملو فاها ولا يعاودو الباك ، الآراء مختلفة ومتناقضة بصح جيت اليوم باه نحكي عليهم الكل . - كامل علابالنا باه تبدع في الحاجة وتكون الإنتاجية تيعك كبيرة ،لازم تحبها ياك؟ والطب من أكثر التخصصات لي عندها عيوب وسلبيات واضحة جدا ، يعني ما خصكش فترة طويلة باه تكتشفها ، تعب، ضغط ، ماكانش نفس ، وكي تبدأ تقارن روحك بالناس لي في التخصصات لوخرين تقول ايييه ضيعت عمري وش داني نديرها ،وهنا رح تبدأ تكره تخصصك بالشوي ومنه مش رح تنجح فيه حتا ولو كنتي نابغة . يعني المشكل فيك ومشو في التخصص عزيزي الطالب . لا تحكم على كل شيء من جانب واحد . 1- علابالي خرجولكم شحال من مرة أشخاص يقولولكم ما تديروش طب ، ما تكملوش فاها رح تندمو ، وانتوما حاطينهم معيار لأنهم قراو وشافو وجربو ، ولكن ما تنساوش تاني بلي كاين تجارب حية معانا ، يقراو معانا أشخاص مشهم حتى من Gen z ، تسمع واحد منا عاود الباك عشرين مرة باه وصل . يعني حبيت نقولكم ما توخذو حتا شخص كقدوة ولا عبرة ، it depends on u . 2- علابالي بلي الأغلبية تعنا "اول طبيب في العائلة" ، وكيما هي حاجة ملاحة ، كيما حاجة سيئة و تصعب عليك الطريق . شفتو قبل عائلة كاملة أطباء ؟ كارهين؟ يشكيو ؟ لا طبعا ، لأنهم داو نظرة شاملة مش كيفنا حنا . ومش غير اول طبيب في العائلة، حتا اول طبيب في الشلة تع الاصحاب ، هادي تاني تأثر ، ودرك نشرحلكم كيفاه. انا مثلا اول طبيبة في العائلة كاملة وتاني الوحيدة لي نقرا ميدسين بين صحابي ، تلقاوهم مش رح يفهموني كي نقولهم اي صعيبة ، مش رح يفهمو وش معنتها راطيتي كور واحد صاي رحتي فاها ، مهما شرحتي مش رح يحسو ، تلقاهم معاك عايشين الرفاهية ويديرو كلش ومبعد ينجحو بمعدل بسهولة ، وانت تتمرمد باه تنجح برك حتى بالراترباج نورمال . هنا رح تقول صاي انا دفنت روحي بالحياة . و يزيد يخرجولك الفيديوهات هادوك ، تتيه خلاه. بصح الواحد كي يخلي المحيط تيعو كامل عبارة عن طب ، نوادي ، ڨروبات ، صحاب .. رح تدي النظرة الصحيحة ، مش رح يقولولك نت الطبيب تعنا ومبعد يطيحولك المورال ، رح يعاونوك باه تواجه الأمر من البداية ، حلاوة البدايات ماكانش ، ومنه طريقة دراستك وتعاملك وكلش رح يكون مبدل على النوع الآخر ومنه رح تحب وتتقبل تخصصك بالشوي ومنه تولي تدي وتنجح فيه 😊🩷 حكيت بزاف بصح في مصلحتكم .. #رحاب_القرآن #medglow

🎀 بما انو غدوة نتائج التوجيه ، في رايكم معدل القبول في تخصص الطب رح يزيد ولا ينقص ؟

كلما شعرت بالحزن ، تذكر انو طلبة السنة أولى طب في مصر مزالو يقراو 🤡

ده المواضيع الزيادة في 104

حبيت نفكركم برك بلي فاتو شهرين ديجا من العطلة تع الصيف وما بقاش ياسر ، استمتعووو لأنكم سوف تشتاقون إلى هاته الايام المليئة بالنوم 😔