『 مُـوَاجِـع 』

الجَكاير والشعر.. يصحِني طول الليل ويسلني بوكت الخلك بيها نامت أورثها الجگارة واستمع للنواب وأحس روحي تطيح عالوجه هامت وياخذني الوكت ! وادخل حضن عريان ويقرالي القيامة شلون من قامت "وأعز من روحُي أعزك"هاي للتاريخ أرددها وابد من بالي ماراحت يجي الگاطع .. يگطع گلبي من يقرالي مامرتاح يفز بيه ونين وحرگه بيها صياح القصيدة البيها يزعل، تزعل الروح ومانعرف زعلها منين من الجاي من الراح .

ماشيتك كبل بس هسه مااثق بيك وخطوات الامس مجبور ابديهه من كد ما فطن تارس كفاي اعيون اشوفن خنجرك والطعنة احس بيهه الكاع بلا فلح دوسته شربة ماي المازارع كبل يندل سواجيهه الاخرس بده طوله كبال صوت الناي يلم بيهه السوالف توكع شبيهه الماغار بمهرته انحسبه موخيال حت لوشد رسنهه ويدعه راعيهه ياكاع استحي وشوفي الخضار البيج زحمة وكفة الناعور تنسيهه العاشك من صدك ظايك حلاة الليل على اخدود النجوم ادموع تلكيهه امي شكد فقيرة وعشكت التنور الظايك خبزة امي يبوس رجليهه براءة طفلة شايل وانته بيدك موس كلي بياذنب تخرم تراجيهه الدلة بلا مضيف اتزاعل الفنجان المعزب فقط يكدر يراضيهه البير الفكلي حلكه بعمري ماثق بي ما امنه واثق احجايتي اطيهه النورس تختنك لو عالجرف صياد لازم تفكه بيده ويفتر عليهه الناقص بالكرم لايكعد بديوان بخلك والمضايف زحمه اساويهه منيشن بالحجي ومااخطي بالنيشان يشهدلي الكصب مايوم اثنيهه كابلتك ذهب بالمكفه صم اتراب خنكة وحركة الغربيل يحجيهه الشجرة العاجر يوالمهه طول الفاس الكشخة بالغصن ماحاجة اخليهه ظميت الحجي بغيمة بخت للصيف يمر موسم عجافك يمكن ارويهه الجرح البالشرف ميزره لوتابوت أجيال البالسلف ماتنسه تحجيهه الدنك والوكف والحدب وماطاح ترس ظهره الكرامة مخضرة تلكيه مالح مستحاي وطيني صفنة بير وشايل حوبة امي وكل دعاويهه اعثرك يالبكت من عندي ضحكة روح عاشت خضره بيه وفركة مابيهه

كلشي جذبة حتى هذا اللون الأبيض بالعرس ما كمت أحبه كلشي جذبة أهلي جذبة هي جذبة الموت والنار الحجوهن ذني لعبة حتى ذني خطوط إدية يجوز جاهل شخبط بمسمار بية ـتـى وجهي اليضحك بوجه المراية يجوز واحد كاعد ويضحك علية حتى من كتلج أحبج چانت الكلمة فراشة وطارت من جفوف إدية

شايف من تتيه بزحمة الشوك فجأه وتلكه نفسك وين شارد وتنوي تنام تتمدد ع الفراش وتغمض وتنعاد المشاهد حسبالك حلم والصعبة مو هاي من تريد تكعد وأنت كاعد الله يساعده الما يعرف ينام وهنياله الينام وراسه بارد

رحتي سكتة بليله متروسه ونين قاسي كلبج واني مو قاسي حنين بعت كل ناسي علمودج حتى اجيج گلبي رادج وشتراچ وانتي بعتي المشتريج

ليلي مانمته وضل بالي يم بالج وگضه كل وكتي واني اسمع بالاشعار الي تحلالج وسمعت كلشي وصغيت ومثلج شي حلو مالكيت بودي اتعنه لناصريتج والتقيج واخلي حت الي يكرهج يعتنيج واكعد كبالج واشمره بيعد الخجل واصفن بعيونج الحلوات واقرالج غزل لـ حسن صباح

بسكوتك حيرتني شلون وياك شجاك وبلوصل تكطع علينه نظل نحلم بجيتك ولك نشتاك نموت عليك صدك مو بدينه نتمنى تمر لو بس بالاحلام على فراكك تلفنه وانتهينا مو سهله علينه ننسه الاحباب صعبه احنه الكرامه تموت بينه على الحايط كتبنه الدار للبيع نشيل وداعتك لو ما تجينه ندري ما تجينا والطريق بعيد نتحمل بعد غصبن علينه

جنت اشكيله وطيب كام يحسني غريب چا مو جنه نجوم سوه نطلع ونغيب

جنت اهز أيدي من اشوف ثنين عشاگ وگولن هذا المضيع زمانه بس من صادفتني مادري شصار شكو شي بيه ضل تايه السانه ما عندي مشاعر ليش حسيت اكو فد شي تحرك من مكانه

غلطـة و دفعَت اَلثمن چِان الثمن عمري المَا يدري عنده عـذر بس أنـة چنت إَدري !

أنه البالغت وأنطيتك هوااااااي أنه انطيت كلشي بغير حسبان جنت تريد كطره أشلعلك البير ومن تريد ورده أنطيك بستان ومن تطيح دمعه بخدك بيوم أنه أول بشر يفزعلك إردان هذن هنه السبب بس مادرت بال شمدريني اليحب من كلبه ينهان عبالي الصور كشخة حياطين ما أدري الصور لجمات حيطان شكد جان الحلم وياك لبعيد صح جان الحلم وياك بس جان..!

نصيحة اليوم

المایعرف يحب لاتحچي يمه بشوگ الضاگ الهجر لتسولفله ع الملگه الدنيه اتنادست سوتهه گوم إوياي وصفّت حسره إعله ريتي تچرب الشهگه التفگ لو ما تـطگ بالعرك ماتنهاب وينهاب العشگ لو كثرت الحرگه الي بيه طبع الوفه بهالوكت مامرغوب الخاين لو يمر تسمع هلا وصفگه اليهجر واليفارگ واليخون الزاد مثل ذوله شكثر لو تلتفت تلگه العاش بسجن عاشگ ياهو فكة باب العاش بقصر لا تحچيله ع الخنگه والماعنده خل مرتاح باله هواي واذا يحچي بحزن چذاب لتصدگه العنده احلام يوصل لليحبه بيوم اباله تظل صورهه بحزن متعلگه الضاگ املاگه .. شبگه .. إمسامر وضحكات عكس الضاگ دمعه وسالفة فرگه العاش بظل ابوه وامه وعرب تهواه مو مثل اليتيم المخلص كل خلكه

«ويمضي العمرُ يا عمري.. وأشعرُ أن في الأيامِ يومًا سوف يجمعنا.. وأنّ الحب رُغم البعد سوف يزور مضجعنا وأن الدهر بعد الصب سوف يعود يسمعنا ويمسحُ في ظلامِ العمر شكوانا وأدمعنا!»

واكف الموس بلهاتي وطلع من عيني الكلام اتمددت فوك السيوف وطاحت بعيني السهام وانت بطرام وتكلي ليش ماتكدر تنام؟ بالله كلي شلون انام؟

وتسألني اتَعشقني؟ تَخيل إنها تسأل؟ بربك كيفَ اسمعهُا ألَا من نفسِها تخجل؟ ألم تقرأ بأشعاري بأني قتيلها الأول؟ وأني دُون عيناها ضياعُ ضائعُ أعزل الم تلمح بكفِ الشمس مكتوبًا لها مُرسلْ؟ ألم تلمح بعرضِ البحر ديوانًا بها مُنزلْ؟

بعد ميفيد الشعر لا ناح گلبـي ولا غنّه من يوم فارگتني والدنيا بعيني مو جنّه