Mahmoud Gawish

كليتك ومجال شغلك وتخصصك نصيب من ربنا مكتوبلك من قبل متتولد ف ايا كان ال يجيلك لازم ترضى به وتحمد ربنا عليه وكذلك ترتيبك علي الدفعة والمجموع التراكمي انت ليك تخصص معين هو ال فيه الخير ليك ف ربنا بيسببلك الاسباب ال تخليك تجيب المجموع ده سواء عاجبك او لا لان ربنا ادرى بيك من نفسك وعارف انك لو جبت مجموع عاجبك ودخلت تخصص علي اساسه ممكن مترتاحش فيه اصلا ف من الاخر افرح بنتيجتك وترتيبك وارضى واشكر ربنا علي فضله عليك {وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ}

مفيش حد مننا الا ومر او بيمر حاليا بنفس التشتت ده ال حابب يقول رأيه او عنده نصيحة هتفيدنا 👈 يكتبها في الجروب

وانت بتختار الكلية مهم انك تبعد عن الطالب ال كل كلامه صياح منها ليه؟ -لان اي طالب في اي كلية هيصيح منها ومن المنهج والامتحانات لو اصعب كلية في الكون زي اسهل كلية في الكون هو شايف ان كليته اصعب كلية حتى لو كل الناس شايفاها سهله ف متاخدش منه نصيحة بخصوص دخولك للكلية اسمع بس من حد محايد عن كليته حد عاقل بيكلمك عن المميزات والعيوب بالتفصيل انت بتسمع منه عشان تقرر انت هتختار ايه مش عشان يختارلك هو الكلية ويحببك او يكرهك فيها 👈وبالنسبة لزمايلنا في الكليات صيح براحتك في كل حتة عن كليتك بس لما حد اصغر يسألك عنها ياريت تتكلم بحياديه عن كليتك هو جايلك عشان تفيده مش عشان تصيحله ف خليك سبب في مساعدته في الاختيار مش سبب انه يتشتت اكتر

مع الوقت هتنسى نتيجتك سواء قليلة او عالية السنين هتمر وهتلاقي حاجات اهم بكتير من مجموع ودرجات بس لو سألتني ايه ال مش هيتنسى في اليوم ده هقولك الناس ال حواليك واستقبالهم لنتيجتك -مين فرحلك من قلبه وجه يباركلك وكان مبسوط فعلا مش مجرد ادعاء للفرحة عشانك او عشان الناس -ولو كان مجموعك قليل ،مين كان جنبك وهونها عليك وحسسك ان الموضوع ميستاهلش الزعل لان كلها اقدار مكتوبة ونصيب مش هتاخد غيره -الاهم من الدرجات والارقام هو المشاعر ال بتحسها من الناس وقتها افرح بنتيجتك ايا كانت هي ايه،ويكفيك انك خلصت من الثانوية العامة وتعبها وهمها -الثانوية مش نهاية الطريق ، انت لسه بتبدأ والطريق طويل والحياة كلها قدامك ف احمدربنا علي ال فات واسأله التوفيق ف اللي جاي

لو حد لسه مش عارف يجيبها 👈الموقع دا اسهل من الفايل

عشان تفتحه نزل ابليكيشن ال Excel

كل سنة وقت نتيجة الثانوية العامة الناس بتنقسم لـ نوعين: 1️⃣ نوع بيواسي الطلاب ال مجابوش المجموع اللي كانوا بيحلموا بيه (وده الجزء الأكبر). 2️⃣ ونوع بيشارك الفرحة مع الطلاب اللي ربنا وفقهم وجابوا مجاميع عالية. مواساة اللي مجابش مجموع ده شيء كويس وواجب علينا كلنا.. بس المشكلة بتظهر فين؟ 👈المشكلة اننا وبدون ما نحس، وعشان نجبر بخاطر حد، بنسفه من حلم وانجاز طالب تاني فتلاقي البوستات ملت النت زي: "الطب ده طريق طويل وصعب ، والدنيا مليانة فرص أحسن" "الهندسة بقت سوق متشبع والكليات التانية أفضل" ”مفيش حاجه اسمها كليات قمة” "قصة الدكتور والمحامي" -------------------------------- المواساة ماينفعش تكون على حساب فرحة طالب بقاله سنة كاملة في المذاكرة، والضغط النفسي، والمصاريف، والسهر. انت وانت بتحاول تطبطب على حد، بتقلل حلم حد تاني قرب يحققه، وبتقول له إن تعبك ده ملوش قيمة ⬅️شوية مباديء محتاجين نفتكرها: - محدش له حق يحكم على كلية معينة أو يقلل من شغف شخص رايح لها -متقللش من غيرك عشان تعلي من كليتك - الثانوية والكلية مش نهاية المطاف، ولا هي الفرصة الوحيدة والخير المطلق في الحياة. - الخيرة في اختيار ربنا سواء جبت مجموع او مجبتش، دخلت الكلية اللي بتتمناها أو لا.. انت في المكان الانسب ليك 👈الكلية في الأخر هي فترة مؤقتة ومرحلة من حياتك.. هتعيشها بحلوها ومرها، وافتكر إن التوفيق والنجاح ملهمش طريق واحد ولا كلية واحدة. بالتوفيق للجميع♥️

الانسان بيفضل فاكر ان العزلة هي افضل وسيلة للهدوء الداخلي وافضل طريقة لانتاج الافكار والتخطيط للحياة بيظن انه مطمن و سعيد ومش محتاج لغيره ولكن مع تجربة الخروج للحياة والقرب من ناس شبهك وفاهمينك بتدرك انك كنت بتفكر غلط هدوء العزلة بيكون حواليك،ولكن من جواك مشتت ومحتار، دماغك بتفكر في كل التفاصيل بتكتشف مع الوقت ان الانسان فعلا كائن اجتماعي بالفطرة ،ميقدرش يعيش لوحده لفترات طويلة ، يحتاج حد يسمعه ويفكر معاه لذلك رغم ان العزلة عن الناس صحيح مهمه في اوقات معينة تفكر فيها في نفسك وحياتك وتخطط لمستقبلك ولكن الاساس ان يكون حواليك ناس بتفهمك وشبهك وتطمن لوجودهم عشان تقدر تحس بالحياة

خلى عندك كرامه ومتهينش نفسك مع حد لو انت مش من أولوياته !! يبقى هو مش من اهلك بيتجاهلك !!! اختفى من حياته بيخليك تستنى كتير !! ابعد وامشى وشوف حياتك مبعتلكش دعوة !! متروحش عنده من نفسك وخلى فى بالك أنك مش هتعجب كل الناس مهما عملت ، غير بس اللى بيحبك لو عملت له اى حاجه حلوه بسيطه هتلاقيه بيحبك برضه وعايزك واللى زى ده متقصرش معاه واديله زى ما بتاخد منه . ومتقعدش تلوم نفسك على حاجه فاتت لو عندك ماضى ومشاكل قبل كده متبقاش عائق وسجن ليك ، خليها دروس تتعلم منها متتعبش نفسك واعصابك مع ناس يستنزفوا مشاعرك بيبقوا زى الطفيليات بتعيش وتنمو وتكبر على حساب صحتك . - د. سامح غازي♥️

💐 جميع أدعية كتاب "كنـوز الدعــاء" 💐 #جوامع_الدعاء #علاء_حامد

⠀ #أدعية_من_الكتاب_والسنة #هدية_يوم_عرفة ❤️➡️🕋

خلاص، جينا لوقت الجد! النهارده #يوم_عرفة اليوم اللي ممكن حياتك بعده تتغير بجد! ▪︎ هتعمل إيه طيب؟ عيش يوم عرفة كما يحب الله ويرضى في بلدك، لعل الله يجعلك تعيشه على عرفات العام القادم.. فاثبت لله إخلاصك وجديتك! ▪︎ طب إزاي تعيش النهارده صح؟ ✅️ التوبة >> بس قبلها هنحدد إيه غلط عايزين نبطله، سواء كانت أخطاء رافضها المجتمع أو بيحبها، وحدد من له حقوق عليك.. يعني هنتوب من كل حاجة = هتدخل تتوضى، وتلبس حلو، وحط عطر، وهيأ نفسك للوقوف أمام الله "فالله ينصب وجهه لوجه عبده عند الصلاة " وصلي ركعتين بنية التوبة، وادعي كتير وانت ساجد. ✅️ الصيام >> النبي ﷺ قال: "صيامُ يومِ عَرفةَ إنّي أحْتسبُ على اللهِ أن يُكفّرَ السنَةَ التي بعدهُ، والسنةَ التي قبلهُ"، فاحتسب صومك وتحمل طول الصيام والحر. ✅️ احفظ سمعك وبصرك ولسانك >> النبي ﷺ قال: "إِنَّ هَذَا يَوْمٌ مَنْ مَلَكَ فِيهِ سَمْعَهُ وَبَصَرَهُ وَلِسَانَهُ؛ غُفِرَ لَهُ".. فمتسمعش حاجه غلط، وغض بصرك، ولو في البيت اقفل السوشيال ميديا، وأمسك عليك لسانك.. ⚠️ النهارده يوم (من غير وسائل تواصل) 📵 ✅️ الذِّكر >> حدد الأذكار اللي هتقولها وعددها إيه، وماتنساش النبي ﷺ قال: "...خَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللهُ، وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ". ✅️ قراءة القرآن >> إنت ومقدرتك (حزب أو جزء أو اتنين) بعد كل صلاة.. المهم إنك تحاوط يومك بكلام ربنا. ✅️ الصلاة >> حافظ إنها تكون على وقتها مع السنن، وصلي بخشوع وحسِّن هيئتك فيها. ✅️ الصدقة >> فالصدقة تطفيء الخطيئة. ✅️ الدعاء >> فخير الدعاء دعاء يوم عرفة.. ادعي بكل حاجة، والتمس كل أوقات الإجابة.. وقبل الدعاء ماتنساش الثناء على الله عز وجل والصلاة على النبي ﷺ وبعدها ادعي براحتك، واختم دعاءك بالصلاة على النبي ﷺ. 🔸️وكمان وإنت بتدعي قسِّم دعواتك عشان متنساش حاجة.. - دعوات الآخرة. - دعوات للدنيا. - دعوات لمن تحب. 🟢 دعوات للآخرة: نفسك تكون إنسان صالح. إنسان متدين قريب من الله. نفسك تخشع في صلاتك وتحسِّن إقامتها. نفسك تحفظ كلام ربك وتفهمه وتعمل به. نفسك ربنا يستعملك لنصرة دينه. نفسك ربنا يهديك ويأخذ بقلبك إليه. نفسك في قلب سليم. نفسك ربنا يتوب عليك من المعاصي أو من معصية معينة مش قادر تسيبها. نفسك تُرزَق بحسن الخاتمة. نفسك قبرك يبقى روضة من رياض الجنة. نفسك تدخل الجنة بغير حساب ولا عذاب. نفسك تشوف النبي ﷺ وتُحشَر معه. نفسك تشوف الله جل جلاله. نفسك في الفردوس الأعلى. 🔵 دعوات للدنيا: ادعي بالتفصييييل، واطلب كل اللي إنت عايزه.. نفسك تتجوز، نفسك تتخرج، نفسك تنجح، نفسك تتفوق. نفسك تنجب من البنين والبنات. نفسك في صحبة صالحة. عندك مشكلة في شغلك، في دراستك، في عملك. عندك أزمة مالية أو أسرية. متخانق مع زوجتك أو زعلانة من زوجك. خايف على عيالك ونفسك ربنا يحفظهم وتأمن حياتهم ومستقبلهم. نفسك تكون حياتك أفضل أو تحسِّن من مؤهلاتك أو وظيفتك. نفسك ربنا يشفيك. خايف من حاجة، بتتمنى حاجة. ⚪️ دعوات لمن تحب: هات قلم وورقة ويلا اكتب أسامي صحابك، وقرايبك، وأهل الفضل عليك، وأهل الحقوق عليك، ومن وصاك بالدعاء.. خلي ليهم وقت مخصوص، وادعيلهم وقلبك متعلق بالله إنه يحقق ليهم اللي بيتمنوه في الخير، وإنه يغفر لهم، ويجمعكم في الجنة. ومتنساش تدعي لمن مات ولم يُدرِك اليوم مثلك. وتدعي للمسلمين ولأمة الإسلام. وأن يُفرج عن إخوانك المستضعفين في المشارق والمغارب، وأن يفتح لهذه الأمة وأن يُفرج كربها. 🌥️ النهارده هات آخرك في الدعاء، واجتهد لغاية أذان المغرب، وخد أجر إفطار صائم ولو بتوزيع التمر على أهل بيتك. 🔴 وآخر حاجة 👇👇 (((محمد الغليظ))) --> متنساش تدعيلي. t.me/moh_elghaleez