Равшанбек Мадумаров шеърлари

СЕВГИ БЎЛМАСА   Шоирлар қалами чўпга айланар, Одамлар шеър ўқиб завққа тўлмаса. Кўнгиллар кўнгилга қандай бойланар, Муҳаббат бўлмаса, севги бўлмаса.   Ўсмалар тортилмас қалам қошларга, Лабдаги табассум тегар ғашларга, Малҳам топилмайди аччиқ ёшларга, Муҳаббат бўлмаса, севги бўлмаса.   Ширинлар хийлагар, Фарҳодлар ялқов, Саҳналар жангоҳдир, хофизлар соқов, Чаман зоғларга дўст, булбулларга ёв, Муҳаббат бўлмаса, севги бўлмаса.     Сўқир кўнгилларни тарк этар иймон, Иймонсиз дилларда шайтон ҳукмрон. Оллоҳ қарғишига қолур бу макон, Муҳаббат бўлмаса, севги бўлмаса. 1990.

СИЗ ЎША-ЎШАСИЗ... Қаранг сочларимга оралабди оқ, Ёшликдан олислаб кетганман йироқ, Хотиралар менга энг ширин қийноқ, Сиз ўша-ўшасиз қаро кўзлигим, Сиз ўша-ўшасиз ширин сўзлигим. Оқиб ўтса ҳамки қанча дарё, сой, Қанча нав-ниҳоллар кўкка чўзди бўй, Ўткинчи дер эдим, боқийми чирой? Сиз ўша-ўшасиз қаро кўзлигим, Сиз ўша-ўшасиз ширин сўзлигим. Кетгандингиз қалбим тубидан сизиб, Учратгач, хаёллар сочилди тўзиб, Кўнгил талпинади, ўзимдан - ўзиб, Сиз ўша-ўшасиз қаро кўзлигим, Сиз ўша-ўшасиз ширин сўзлигим. Тўқнашган кўзларда бошланди исён, Туйғулар уйғонди, дилда ғалаён, Бу дард энди мени қўярми омон, Сиз ўша-ўшасиз қаро кўзлигим, Сиз ўша-ўшасиз ширин сўзлигим.

Ўзбекистон ёшлари. Буюк боболардан қолган ўчмас из, Шижоатга бошлар, мардлика бошлар. Сизлар Жалолиддин,сизлар Тўмарис, Ватан байроғини кўтарган ёшлар. Бу элда меҳрни ундирар тупроқ, Бу элда шеър, ғазал ўқийди япроқ. Дилда маърифатга ёнар иштиёқ, Ватан байроғини кўтарган ёшлар. Сиздан юрт умидвор, миллат умидвор, Сизга хос хар бобда бўлмоқ устивор. Ёрқин келажакка қўйинг пойдевор, Ватан байроғини кўтарган ёшлар. Хой Темурзодалар, Бобурзодалар, Бекзода, Хонзода, Амирзодалар. Билимингиз сизга пилакпоялар, Ватан байроғини кўтарган ёшлар. Яхши-ю, ёмонни фарқлаб кўзингиз, Кўпга манзур бўлсин айтар сўзингиз. Дунё сахнасида топинг ўрнингиз, Ватан байроғини кўтарган ёшлар. Сиз кўхна туроннинг юрак толаси, Отар тонгимизнинг умид ноласи. Ўзбекистон деган юртнинг боласи, Ватан байроғини кўтарган ёшлар.

♻️Farg‘ona viloyati Ichki ishlar boshqarmasida “Vatan tinchligi va xavfsizligi — umumiy mas’uliyat” mavzusida ma’naviy-ma’rifiy tadbir tashkil etildi. Bugungi globallashuv sharoitida tinchlik va xavfsizlikni ta’minlash, yoshlarni vatanparvarlik ruhida tarbiyalash kabi masalalarga qaratilgan tadbirda taniqli shoir, O‘zbekiston Yozuvchilar uyushmasi a’zosi Ravshan Madumarov ma’ruzachi sifatida ishtirok etdi. Tadbir yakunida ishtirokchilar bilan mavzu yuzasidan ochiq muloqot o‘tkazilib, ularni qiziqtirgan savollarga atroflicha javob berildi. 🏛Oʻzbekiston Yozuvchilar uyushmasi Fargʻona viloyati boʻlimi Telegram | Facebook | Instagram

#Jarayon Bugun Farg‘ona viloyati Ichki ishlar boshqarmasida “Vatan tinchligi va xavfsizligi — umumiy mas’uliyat” mavzusida ma’naviy-ma’rifiy tadbir tashkil etildi. 🔹Tadbir davomida bugungi globallashuv sharoitida tinchlik va xavfsizlikni ta’minlash, yoshlarni vatanparvarlik ruhida tarbiyalash, huquqiy madaniyatni yuksaltirish hamda fuqarolik mas’uliyatini kuchaytirish masalalariga alohida e’tibor qaratildi. 🖇️Jumladan ushbu tadbirda Farg‘ona davlat texnika universiteti Kimyo texnologiya fakulteti Yoshlar bilan ishlash bo‘yicha dekan o‘rinbosari, O‘zbekiston Yozuvchilar uyushmasi a’zosi R.Madumarov ma’ruzachi sifatida ishtirok etdi. Shuningdek, Vatan tinchligi va osoyishtaligini asrash har bir fuqaroning muqaddas burchi ekani ta’kidlandi. Tadbir yakunida ishtirokchilar bilan mavzu yuzasidan ochiq muloqot o’tkazilib, ularni qiziqtirgan savollarga atroflicha javob berildi. Bizni kuzating Telegram | Instagram | Facebook |Web sayt

ЛОЛАЖОН   Бир ширин туш каби ўтди ёшлигим, Қадрига етмадим, оҳ бебошлигим. Юзлари қирмизи, қаламқошлигим, Мен сени соғиндим, гўзал Лолажон.   Тез ёниб, тез сўндинг чақмоқ мисоли, Бунча қисқа бўлди севгим висоли. Эй баҳор тимсоли, ёшлик тимсоли, Мен сени соғиндим, гўзал Лолажон.   Яна кўклам қайтди, уйғонди тупроқ, Куртаклар кўз ёриб улғаяр япроқ. Қалбимни чулғади бир ширин титроқ, Мен сени соғиндим, гўзал Лолажон.   Тақдир иккимизни қўймади омон, Сенинг бағринг қондир, менинг бағрим қон. Қучоғимга келгин, таслим қилай жон, Мен сени соғиндим, гўзал Лолажон. Равшан Мадумаров https://t.me/Sher_lar77

ДЕМАГИН   Кеча боққан ой кулиб, Боқаверар демагин. Кеча оққан сой тўлиб, Оқаверар демагин. Ёрнинг кўнгли кўнглимга Мойил эканку дея, Барча қилиш қилмишим Ёқаверар демагин.   Кўзлар тушиб кўзларга, Бир-бирига боғланса, Севги  олиб аланга Ишқ ўтида доғланса, Икки юрак бирлашиб Парвозларга чоғланса Бахт қуши сочимга гул Тақаверар демагин.   Ўчмасин десанг агар Муҳаббатнинг олови Меҳру вафо, ширин сўз Билгин унинг қалови Қўлларингдан чиқмасин Ўз нафсингни жилови Бор бахтингни бой бериб, Сўнг пушаймон емагин.             Равшан Мадумаров

#bagʻishlov Ustoz shoirimiz Ravshan Madumarovning "Qaldirg‘och" nomli she’ri ikkinchi jaxon urushida vafot etgan Vatandoshlarimizning yorqin xotirasiga bag‘ishlanadi. 👮‍♂️Sizlar doim xotiramizdasiz, Vatan uchun jon fido qilganlar. @farpiyoshlar

ИЛТИЖО Яратгансан йўқдан бор қилиб, Ўн саккиз минг турфа оламни. Кел, ўзингга омонат билиб, Парвардигор, асра боламни. У соддадил, эркатой бироз, Қийин кунлар кўрмаган шоввоз. Минг бор ўтинч, минг бор илтимос, Парвардигор, асра боламни. Хасад тўла ёмон кўзлардан, Ноҳақ тухмат, ёлғон сўзлардан, Ғараз кўнгил соҳта дўстлардан, Парвардигор, асра боламни. Омад чопса ҳеч шоширмасин, Давлат топса ҳеч тоширмасин, Шайтон йўлдан адаштирмасин, Парвардигор, асра боламни. Кўнгли тўлсин топган ёридан, Айирмагин номус оридан, Айланайин унинг боридан, Парвардигор, асра боламни. Бу бешафқат, озор дунёда, Бу шошқалоқ, бозор дунёда, Бир-биридан ўзар дунёда, Парвардигор, асра боламни. Дунё ишқи бўлмасин зомин, Обод қилгин саҳару - шомин, Дуодаман, илоҳо амин, Парвардигор асра боламни. Равшан Мадумаров https://t.me/Sher_lar77

БИЛСАНГ Адашмоқлик эмас жиноят, Чин кўнгилдан тавбалар қилсанг. Йиқилмоқлик эмасдир уят, Туриб кета олишни билсанг. Омадсизлик босса ўнг-сўлинг, Ғам-ташвишлар боғласа қўлинг, Тўхтаб қолсанг тугамас йўлинг, Юриб кета олишни билсанг. Умринг асли тез юрар улов, Дилда истак, қўлингда жилов. Тўсиқларга тушмайсан дарров, Буриб кета олишни билсанг. Ғанимларинг қилишса бўхтон, Тагингга сув қуйишса обдон, Енгилмайсан сен агар хандон, Уриб кета олишни билсанг. Равшан Мадумаров https://t.me/Sher_lar77

НАВРЎЗ МУБОРАК Мозийдан таралган қадим бир наво, Асрий удумлардан келтирди дарак. Оҳиста пичирлаб, куйлайди сабо, Янги кун муборак, Наврўз муборак. Кўз очди она ер, кўз очди олам, Табиат қўлига олди ранг қалам. Адирлар бағрида зангори гилам, Янги кун муборак, Наврўз муборак. Барчага табуссум улашар қуёш, Булутлар севинчдан тўкишар кўз-ёш, Қизғалдоқлар аста кўтаришар бош, Янги кун муборак, Наврўз муборак. Эй захматкаш халқим, ниятинг улуғ, Кечаги кунингдан бугунинг ёруғ, Доимо хурнафас, қадами қутлуғ, Янги кун муборак, Наврўз муборак. Равшан Мадумаров

*** Инсон қалбан бўлса паст-пойда, Бурнин шунча баланд бўйлайди. Қалби билан етмаган жойга, Бурни билан етмоқ ўйлайди. Равшан Мадумаров https://t.me/Sher_lar77

*** Назари тўқ одам йўқдан нолимас, Руҳан бадавлатдир чин бойлар насли. Камига қаноат айлаган эмас, Кўпига тўймаган камбағал асли. Равшан Мадумаров https://t.me/Sher_lar77

БОНУЖОН (Қизимга) Кечагина ҳилол эдинг, бунча тез Тўлин ойдай кулмасайдинг, Бонужон?! Ўн саккиз бор сенга баҳор қайтган кез Бунча гўзал бўлмасайдинг, Бонужон?! Ўзингдирсан кўзларим оқ-қораси, Ардоғимсан юрагимнинг ичида. Дил тубидан териб меҳрим сарасин, Олиб юргин киприкларинг учида. Дуоларим бўйларинга бўйтумор, Ёмонларнинг кўзларига тош бўлсин. Камолингни кўрмоқликка дил хумор, Хуморларим сенга кўзу қош бўлсин. Тетапоя ғизоладай, оҳудай, Бехабарсан ишларидан дунёнинг. Асал-қанди татир гоҳо оғудай, Гирдоблари бордир сокин дарёнинг. Ўнг қўлида гул тутганни гоҳида Орқа қилган сўл қўлида тошлар бор. Кимларнидир хандон урган чоғида Кўзларида аччиқ- аччиқ ёшлар бор. Одамлар бор тили билан юргувчи Бир қадамдир уларга ой этаги. Одамлар бор сувларни терс бургувчи Дилларни ром қилар ёлғон эртаги. Номардга жой берма ўнгу сўлингда, Елкангга тиғ урмасин ҳеч хиёнат. Яхшиларга ҳамроҳ бўлгин йўлингда, Қизим, ўзинг Яратганга омонат. Меҳр кутиб жовдирайди кўзларинг, Истагингга қурбон менда тану жон?! Бунча содда, беғубордир сўзларинг, Бунча гўзал бўлмасайдинг, Бонужон?! 2015. https://t.me/Sher_lar77