𝐈𝐬𝐥𝐨𝐦 𝐌𝐚𝐦𝐚𝐝𝐢𝐲𝐞𝐯

Ko'zlaring qarida bir quyosh, Negadir sezdirmay yashaysan, Men Majnun bo'lishga hali yosh, Sen, afsus, Layliga o'xshaysan. Bo'ynimga tushgandir shunday chek, Ertakni boshlayman yarmidan, Farhodku chiqmagay mendan, lek, Sen o'tib bo'lgansan Shirindan. Ochilsa hijroning chamani, Degaylar sen anda tuproqsan, Tohirlik da'voyim yo'q mening, Zuhroning yonida Xurroqsan. Otabek bo'lmoqqa yo'q kuchim, Nigohing men tomon qaramas, Hatto Kumush ham sen uchun Kundoshlik qilmoqqa yaramas. Ha, mendan ko'nglingni qilgin to'q, Sevgimni ichimga yutaman, Vaslingga yetmoqqa umid yo'q, Sen uchun she'r yozib o'taman. ©Xayrulla Hamidov https://t.me/Mamadiyev_Islom

"Top-100 startap" tanlovida akseleratsiya bosqichi boshlandi! 🤗 "Top-100 startap" tanlovining saralash bosqichidan muvaffaqiyatli o‘tgan ishtirokchilar uchun akseleratsiya dasturi doirasidagi ilk darslar boshlandi. 📚 Onlayn va oflayn tartibdagi akseleratsiya darslari davomida ishtirokchilarga startap yaratish va uni rivojlantirish uchun zarur bo‘lgan eng muhim bilim va ko‘nikmalar beriladi. 💡 Ular startap g‘oyasini to‘g‘ri shakllantirishdan tortib, biznes modelini ishlab chiqish, mahsulotni rivojlantirish, bozorni tahlil qilish, marketing, moliyaviy rejalashtirish, investorlar bilan ishlash va loyihani taqdim etishgacha bo‘lgan yo‘nalishlarda amaliy bilimlarga ega bo‘ladilar. 👨‍🏫Darslar tajribali mentorlar va soha mutaxassislari tomonidan olib borilib, ishtirokchilar o‘z loyihalari ustida amaliy ishlash imkoniyatiga ega bo‘ladi. 🗣️ "Top-100 startap" - g‘oyadan natijagacha bo‘lgan yo‘lning navbatdagi bosqichi! ✅ Telegram  | 🌐 Instagram | ♾ Facebook | 📹 YouTube | 🌐 Website | 🌐 LinkedIn

#Rasmiy_bayonot ❗️ Insonning sha’ni, qadr-qimmati va shaxsiy hayoti daxlsizdir So‘nggi kunlarda hududlarda ayrim mahalliy hokimliklar, mas’ul tashkilotlar va mahalla fuqarolar yig‘inlari mutasaddilari tomonidan fuqarolarning uy-joylarini obodonlashtirish yuzasidan xonadonlarga kirib, turli talablar qo‘yilayotgani keng muhokamalarga sabab bo‘lmoqda. ☝️ Ayniqsa, fuqarolarning sha’ni va qadr-qimmati, shaxsiy hayoti hamda uy-joy daxlsizligi kabi konstitutsiyaviy huquqlariga raxna solinayotgani, qandaydir talablar bajarilmagan taqdirda xonadonlarga “Uyatli xonadon”, mahallalarga esa “Sharmandali mahalla” kabi tamg‘alar o‘rnatilishi haqidagi xabarlar yurtdoshlarimizda e’tirozlarni keltirib chiqarmoqda. 🟣 Xalq demokratik partiyasi bunday xatti-harakatlar Konstitutsiyada belgilangan huquqlar va kafolatlarga mos kelmaydi, deb hisoblaydi va quyidagilarni ma’lum qiladi. 🟣 Birinchidan, yurt obodligi – Vatanni asrash, toza tutish va obodonlashtirish demakdir. Albatta, xonadonlarni, ko‘cha va mahallalarni obod qilish ezgu tashabbus, bu har bir fuqaroning ijtimoiy mas’uliyatidir. Biroq, bu ezgu tashabbusni amalga oshirish shaxsiy namuna, ijtimoiy hamkorlik, qonun va inson qadriga hurmat hamda amaliy yordam ko‘rsatish, qo‘llab-quvvatlash asosida tashkil etilishi maqsadga muvofiq. 🟣 Ikkinchidan, mahallalar, qolaversa, xonadonlar obodligi yo‘llar, ichimlik suvi, elektr va gaz ta’minoti, muhandislik kommunikatsiyalari, chiqindilarni o‘z vaqtida olib chiqib ketish kabi vazifalar samarali bajarilishi bilan bog‘liqdir. Bu borada mahalliy hokimliklar va boshqa mutasaddi tashkilotlar qonuniy majburiyatini o‘z vaqtida va sifatli bajarishi zarur. O‘z hududida davlat tashkilotlari tomonidan amaliy g‘amxo‘rlik va real o‘zgarishlarni ko‘rgan yurtdoshlarimizda xonadonlar va atrof-muhitni obod qilishga intilish o‘z-o‘zidan kuchayishiga ishonchimiz komil. 🟣 Uchinchidan, insonning sha’ni va qadr-qimmatini kamsitish, qonunlarda nazarda tutilmagan ma’muriy choralar qo‘llashga urinish demokratik huquqiy davlat boshqaruvi tamoyillariga ziddir. 🟣 To‘rtinchidan, fuqarolar huquqlari, erkinliklari va qonuniy manfaatlarining ustuvorligini ta’minlash hamda fuqarolar bilan muloqotda har bir mutasaddi odob-axloq qoidalariga rioya qilishi lozim. 📌 Xalq demokratik partiyasi mutasaddilarni aholi bilan muloqotda shaxsning qadr-qimmati, sha’ni va obro‘sini kamsitish kabi noqonuniy usullardan butunlay voz kechib, qonun ustuvorligi, inson qadri, ijtimoiy tenglik va ijtimoiy sheriklik tamoyillariga amal qilishga chaqiradi. Facebook | Youtube | Instagram | X

⚡️Amaliyot qilish uchun yangi qabul boshlandi! ✅“Amaliyot Ofisi” loyihasining 5-mavsumi uchun qabul rasman boshlandi. Agar siz, Yoshlar ishlari agentligida amaliyot o’tash, davlat idoralari faoliyati bilan yaqindan tanishish va haqiqiy ish tajribasini orttirishni istasangiz, hoziroq ariza topshiring. Loyiha davomida siz o’zingiz qiziqqan yo’nalish bo’yicha 3 oy davomida amaliyot o’taysiz, tajribali mutaxassislar bilan ishlaysiz hamda amaliy bilim va ko’nikmalarga ega bo’lasiz. Bundan tashqari, eng yaxshi loyiha ishtirokchilari har oy 1 million so’m stipendiya bilan ta’minlanadi. Dastur yakunida esa o’zini munosib ko’rsata olgan ishtirokchilar Yoshlar ishlari agentligida faoliyatini davom ettirish imkoniyatiga ega bo’lishi mumkin. Agar siz ham bu imkoniyatni qo’ldan boy bermoqchi bo’lmasangiz, hoziroq ro’yxatdan o’ting. ✔️Havola: yoshlar.gov.uz Ro‘yxatdan o‘tish 👉 tartibi quyidagicha! 🕊Telegram 📱Instagram 📺YouTube 🔹 Linkedin 🌍Veb sayt

#Yoshlar_2026 “35 000 tashabbus” umummilliy loyihasiga start berildi Oʻzbekiston Respublikasi Mustaqilligining 35 yilligi munosabati bilan Yoshlarning innovatsion tashabbuslarini qoʻllab-quvvatlash ofisi “35 000 tashabbus” umummilliy loyihasini ishga tushirdi. Loyiha doirasida fuqarolar jamiyat va davlat taraqqiyotiga xizmat qiladigan innovatsion gʻoya hamda tashabbuslarini taqdim etishlari mumkin. Tashabbuslar taʼlim, fan, texnologiya, ekologiya, tadbirkorlik, madaniyat va boshqa yoʻnalishlarda qabul qilinadi. Arizalar 1-avgustdan 31-avgustgacha tashabbus.yito.uz platformasi orqali qabul qilinadi. 🌐 Obuna bo‘ling: Yoshlar l Ayollar l Qizlar l Ins l YouTube l Telegram l YQ l YP l TV

Dunyoni maqtama menga, azizim, Ishonib bo'lmaydi sohta afsunga. Agar u zarracha bo'lsa sharafli, Yig'lab tugʻilmasdik kirarkan unga. Dunyoni pokiza atama, yolg'on, Har oni kechajak xavf-u xatarda. Agar u zarracha bo'lsa pokdomon, Bizni yuvishmasdi undan ketarda. ©Hayrulla Hamidov https://t.me/Mamadiyev_Islom

Dunyosiga ....! Aldanma dunyosiga ...! "Dunyo meniki ...!" Deganning Bordik taʼziyasiga ...! https://t.me/Mamadiyev_Islom

“Mirzo Ulug‘bek vorislari” Data Science kurslarida tahsil olish huquqini qo‘lga kiriting! 🗓 Hujjatlar qabuli 2026-yil 31-iyul 23:59 ga qadar belgilandi. 🚀 Tanlovda ishtirok eting! 📍Akademik mobillik: tanlov g‘oliblari kurs davomida (bir o‘quv yilida) Toshkent shahrida tahsil oladi; 🛒O‘qish davri uchun: 🍛issiq ovqat; 🤑rag‘bat puli (oyiga – 1 320 000 so‘m) beriladi. 🧑‍💻Moddiy-texnik ta’minot: ⌨️noutbuk; 🌐internet ; 📖darsliklar; ⚙️amaliyotchi mutaxassislar darslari. 📊 Kursda: 🗄 “Startup”lar va zamonaviy muammolarni IT yechimlar bilan integratsiya qilish (Python, R, SQL, Power BI, ML, AI asoslari) ko‘nikmalari rivojlantiriladi. 🗺Hujjat topshirish: faqat onlayn! 🌐 dscience.uz saytiga tashrif buyuring 💼 Hujjatlar (barcha hujjatlar bitta PDF faylga birlashtirilib yuklanishi kerak): ⏺ Shaxsni tasdiqlovchi hujjat nusxasi; ⏺ Transkript (GPA); ⏺ Akademik qarzdorlik yo‘qligi haqida ma’lumotnoma (Hemis); ⏺ Motivatsion xat (2 betdan kam bo‘lmasin): ⏺ Sertifikatlar va tavsiyanomalar (mavjud bo‘lsa); ⏺ Portfolio (OTM da tahsil olish davrida erishilgan yutuqlarni isbotlovchi hujjatlar nusxalari, patent, sertifikat va shu kabi hujjatlar nusxalari). Bizni kuzating Facebook | Instagram | YouTube | Telegram

Hurmatli prezident, tavallud ayyomingiz muborak boʻlsin! Bugun, 24-iyul — O'zbekiston espublikasi Prezidenti Shavkat Miromonovich Mirziyoyevning tug'ilgan kuni. Ushbu munosabat bilan mamlakatimiz rahbariga mustahkam sog'lik, uzoq umr, oilaviy baxt hamda xalqimiz va Vatanimiz ravnaqi yo'lidagi barcha ezgu ishlarida omad tilaymiz! Yurtimiz taraqqiyoti, xalqimiz farovonligi va tinchligi doimo barqaror bo'lsin! 🤲🌿 #ShavkatMirziyoyev #Tabrik #Oʻzbekiston https://t.me/Mamadiyev_Islom

🗣🔹🔹🔹🔹🔹🔹 ➡️Xalqaro AI platformasida O‘zbekiston yoshlari faol ishtirok etmoqda 💬 Oliy Majlisi Qonunchilik palatasi huzuridagi Yoshlar parlamenti a’zosi Islom Mamadiyev Qozog‘iston Respublikasi Ostona shahridagi Nazarboyev universiteti huzuridagi Aqlli tizimlar va sun’iy intellekt instituti (ISSAI) tomonidan tashkil etilgan “ISSAI AI Connect” xalqaro tadbirida ishtirok etdi. 🌐 Xalqaro tadbir davomida sun’iy intellekt, innovatsion texnologiyalar va raqamli transformatsiya sohasidagi zamonaviy tendensiyalar, ilg‘or tajribalar hamda xalqaro hamkorlik istiqbollari yuzasidan fikr almashildi. ➡️Bunday nufuzli xalqaro tadbirlarda yoshlar ishtiroki ularning bilim va ko‘nikmalarini oshirish, xalqaro tajribani o‘rganish hamda innovatsion g‘oyalarni amaliyotga tatbiq etishda muhim ahamiyat kasb etadi. 🔹 Rasmiy sahifalarimiz

#Rasmiy_bayonot ❗️ Anomal issiq kunlarda barcha ish beruvchilarni yuksak ijtimoiy mas’uliyat namoyon etishga chaqiramiz   Bugun anomal issiq nafaqat tabiat, balki inson sog‘lig‘i hamda mehnat faoliyati uchun jiddiy sinovga aylanmoqda. Jahon meteorologiya tashkiloti tahlillariga ko‘ra, joriy yil 2024-yilgi rekordni yangilab, tarixdagi eng issiq yilga aylanishi ehtimoli 86% ga oshgan.   Anomal issiqda insonlar uchun noqulay sharoitda mehnat qilish xavfli ekani haqida Jahon sog‘liqni saqlash tashkiloti va Xalqaro mehnat tashkiloti ham ogohlantirmoqda. Issiq urishi yurak-qon tomir va nafas yo‘llari kasalliklari og‘irlashishining asosiy sabablaridir.   Mamlakatimizda, anomal issiq sharoitida mehnat xavfsizligini ta’minlash masalasi millionlab ishchilar va ularning oilalari manfaati bilan bevosita bog‘liqdir. Shu bois mehnatni to‘g‘ri tashkil etish bir nechta korxona emas, balki deyarli har bir hudud va tarmoq uchun dolzarb masaladir.   🟣 Mazkur vaziyatda Xalq demokratik partiyasi yurtimizdagi barcha ish beruvchilarni quyidagi muhim holatlarga e’tibor berishga chaqiradi.   🟣 Birinchidan, havoning harorati yuqori bo‘lgan sharoitlarda ochiq havoda, sovitilmaydigan xonalarda yoki og‘ir jismoniy ishlarda band xodimlarga qo‘shimcha tanaffuslar berilishi maqsadga muvofiq. Mehnat kodeksiga asosan ish beruvchi xodimlar uchun xavfsiz va sog‘lom mehnat sharoitlarini yaratishi shart. 🟣 Ikkinchidan, Xalqaro mehnat tashkiloti ochiq havoda yoki issiq joylarda ishlayotgan xodimlar uchun dam olish, salqinlash uchun imkon yaratib berishni tavsiya qiladi.   Shundan kelib chiqib, ochiq havoda bajariladigan og‘ir ishlarni ertalab yoki kechqurungi salqin vaqtlarga ko‘chirish, har soatda qisqa dam olish imkoniyatini yaratish hamda soyali yoki konditsionerli dam olish joylarini tashkil etish, issiq urishi alomatlari bo‘yicha doimiy yo‘riqnomalar o‘tkazish lozim, deb hisoblaymiz.   🟣 Uchinchidan, yosh bolali, homilador ayollar, katta yoshdagilar, surunkali kasalligi bor xodimlar va ochiq havoda mehnat qilayotganlar uchun alohida muhofaza choralarini ko‘rish muhimdir. Bugun xodim salomatligiga sarflangan har bir mablag‘ ertaga mehnat unumdorligi, iqtisodiy barqarorlik va ishlab chiqarish xavfsizligiga qo‘shilgan investitsiya hisoblanadi.   🟣 To‘rtinchidan, xodimlarni kunning eng issiq mahalida tushlik uchun ko‘chaga chiqishdan himoyalash maqsadida, ichki imkoniyatlardan kelib chiqib, ish binosida ovqatlanishga sharoit yaratilsa ham maqsadga muvofiq bo‘lardi.   Yana bir masala shundaki, har bir ish beruvchi xodimlar uchun sifatli va salqin ichimlik suvi ta’minotini yaratib berishi muhim, deb o‘ylaymiz. Misol uchun, qator Yevropa va Yaqin Sharq davlatlarida ofis yoki yopiq xonalardagi harorat ma’lum darajadan oshsa, ichimliklar ish beruvchi hisobidan tarqatilishi doimiy amaliyotga aylangan.   📌 Biz, barcha ish beruvchilarni mehnat qonunchiligi talablariga qat’iy amal qilishga, anomal issiq kunlarda xodimlar uchun xavfsiz mehnat sharoitlarini ta’minlashga va yuksak ijtimoiy mas’uliyat namoyon etishga chaqiramiz. Xalq demokratik partiyasi Axborot xizmati Facebook | Youtube | Instagram | X

Oliy sud tomonidan internet jahon tarmog‘idagi diniy ekstremistik, terroristik va aqidaparastlik g‘oyalari bilan yo‘g‘rilgan, deb topilgan hamda O‘zbekiston hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar (materiallar) ro‘yxati tasdiqlandi. (2026-yil 13-iyul holatiga ko‘ra). 👉@ttsa_uz