Mirzoozod

Тожикистон Республикаси Президенти Эмомали Раҳмоннинг бугун (2026 йил 14 август) Турсунзода шаҳрида сўзлаган қуйидаги нутқини кўриб хурсанд бўлдим: “Шаҳар ҳудудида кўплаб ўзбек биродарларимиз истиқомат қилади. Улар учун ўзбек мактабларини қуринглар, Маориф вазири ўзбек тилидаги дарслик ва китоблар чоп қилинглар. Ўзбек тилида таълим олишни хоҳлаганлар учун барча зарур шароитлар яратилсин. Улар ўз тили, маданияти ва миллий урф-одатларини тўлақонли бажарсинлар. Ёшларнинг олий таълим олиши учун олий таълим муассасаларида ўзбек тилида таълим берувчи факултетлар очиш бўйича тегишли топшириқ бердим. Биз Ўзбекистон томони билан ҳам бу масала юзасидан шундай келишувга эришдик: биз мамлакатимизда яшаётган ўзбеклар учун барча зарур шароитларни яратамиз, Ўзбекистон томони эса у ерда истиқомат қилаётган тожиклар учун шундай шароитларни таъминлайди”. . https://t.me/tnews247

#Ижодим Ёшликда ёзилган яна бир шеъримни сунъий интелект орқали қўшиқ қилдим. АИнинг яхши томони у худди Сиз сўзма-сўз тасвирлаб бергандек асар яратади. Яъни ортиқча ақллилик қилмайди ва ўзиникини ўтказишга урунмайди. Мабодо санъаткор дўстларимиз бу қўшиқни ҳаётда ҳам куйламоқчи бўлсалар бажонидил келишамиз. Унгача эса холис баҳони Сизлар берасиз. @Mirzoozod

SHUARO Qassob shoir MIRZOOZOD MIRZANE'MATOVdan bir she'r "...Sochlari oqargan otamga Birga pul topishib ulg'aydim..." @Mirzoozod @erkinbozorovv

Мирзоозод яхши шоир. Суньий интеллект ёрдамида келинга атаб қўшиқ яратибди. Келиннинг жавоб қўшиғи ҳам зўр. Икки ёш бахтига кўз тегмасин. https://t.me/tnews247

Президент ҳақида қўшиқ ✍️Давлатимиз раҳбарининг таваллуд айёмлари муносабати билан Риштонлик шоир дўстимиз Мирзо Озоддан ажойиб ижодий чиқиш. 👉 @RISHTON_TV - энг тезкор хабарлар каналига аъзо бўлинг!

Мен олдинга юрдим ҳар сафар, Ўтган сари ўтаверди вақт. Қандайлигинг билсайдим агар, Сени бунча куттирмасдим бахт. Ошиқ аҳли телбароқ, билсам Ёр дегани эркароқ, билсам. Ишқ таъмини эртароқ билсам, Сени бунча куттирмасдим бахт. Чап кўксингда ундирдингми гул, Тўзонларда тик турдингми, гул. Мени шунча куттирдингми Гул, Сени бунча куттирмасдим бахт. Кўзим ёшга белади севги, Кўзёш билан келади севги. Бермайсанми бирорта белги, Сени бунча куттирмасдим бахт. Ҳар ненинг ўз вақти бор тўғри, Ҳамманинг ўз бахти бор тўғри. Ўзим келдим ёнингга тў-ў-ғри, Сени бунча куттирмасдим бахт. Мирзо Озод @Mirzoozod

#Arxiv Sen asli kimsan? deb mendan so'ramang, Mayli kamsitinglar, xafa bo'lmayman. Uyatdan qo'rqmayman, rostini aytsam, Men kimman? O'zim ham to'liq bilmayman. Netayki sirga boy yaralmish dunyo, Bir qancha mendeklar o'tgan olamdan. Odam shaklidagi devonaman, yo Devona shaklida yurgan odamman. Naslimni aytsada bir ikki qaydlar, Qiynalar aslimni ayta olmasdan. Kichik hayolparast, edim bir paytlar, Hozir juda katta hayolparastman. O'zimcha bir ikki she'rlar yozganman, Onam o'qib, bir gap aytgandi mamnun. "Bolam xalq shoiri bo'la olmassan, Ammo qalb shoiri bo'lishing mumkun". Bir gapni aytaman, qilmanglar kulgu, Olimlarni ko'rdim televizordan. Men ham "oshiqlik" fan nomzodimanu, "Bedorlik" fanidan professorman. Ha deb so'rayvermang mendan kimsan deb, Uydurma, ig'volar, mayli ko'paysin. Onam har duoda aytganlaridek, Mening kimligimni she'rlarim aytsin. Mirzo Ozod 2013-yil @Mirzoozod

#Ижодим «Хайр» дединг тугалланди гап, «Хайр» дедим ва учта нуқта. Қол дейишга қолдим ҳаяллаб, На ортингдан деёлдим «тўхта...» Сен тўхтамай кетавердинг жим, Мен индамай қолдим буриб лаб. Сўнг, сўнгини шеър қилиб айтдим, Гоҳ дўриллаб, гоҳи ғудирлаб... Сийқасини чиқардим сўзни, Тунд кунимга гувоҳ бўлди тун. Тўхтаб-тўхтаб койидим ўзни, Тўхтатолмай қолганим учун. Ортга боқма, ўйлама мени, Тақдир шундай тасодиф, тилсим. Тўхтатмаган бўламан сени, Тўхтамаган бўлса юрагим. Мирзо Озод 2018 йил @Mirzoozod

#Tanlov ⚡️ Diqqat tanlov! Oʻzbekiston Respublikasi Madaniyat vazirligi hamda Fargʻona viloyati hokimligi Oʻzbekiston xalq artisti Tavakkal Qodirov tavalludining 100 yilligiga bagʻishlab “Tavakkal Qodirov qoʻshiqlari el qalbida” xalqaro tanlovini eʼlon qiladi! Agar siz 18 yoshdan 35 yoshgacha boʻlsangiz, va anʼanaviy xonandalik sanʼatiga oshno boʻlsangiz — bu imkoniyat aynan siz uchun! 30–31-may kunlari Fargʻona viloyatida sizni unutilmas sahna kutmoqda… Shoshiling! Arizalar 25-mayga qadar qabul qilinadi. Ishtirok etish uchun: pasport nusxasi, ijro dasturi, foto va telefon raqamingizni @tavakkal_qodirov_tanlov_bot ga yuboring. Ovozingiz bilan qalblarni zabt eting… Murojaat uchun telefon: +998909572826 @tavakkal_qodirov_tanlov_bot

#ижодим ​​Сиз - халқаро шоирсиз, Мен - халқ аро шоирман. Сиз халқаро бўлган шу, Қора халққа доирман. Она халққа қоилман! Тушунарсиз тушунча, Тушунмас унча-мунча. Кесак тошман деб ўйлар, Тошларни тушунгунча. Бахонгиз худди шунча! Ёзғувингиз ўзгача, Бойлигингиз - бўзгача. Тусланиб минг тусгача, Етолмайсиз кузгача. Ҳайронман ҳанузгача! Номингиз - халқародир, Нонимиз - сал қародир, Жонингизга барибир, Фақат шу халқ ородир. Оро бўлиб бородир! Сиз - халқаро шоирсиз. Мен - халқ аро шоирман. Мирзо Озод 2016 йил @Mirzoozod

Аёлимга Ичим ёнар, чанқоғим, Босилмай қолди Гулим. Юрагимда қанча шеър, Ёзилмай қолди Гулим. Ҳашам — вужуд ҳохиши, Кўнгилнинг арзимас, гул. Дунёнинг минг ташвиши, Бир пулга арзимас гул. Чарчамадим, шунчаки, Баридан тўйиб келдим. Номардларни бирма-бир, Худога қўйиб келдим. Ҳа, ҳаммага Худо бор, Гоҳида ўпкам тўлар. Ёнимда экансан, ёр, Қолгани бир гап бўлар. Мирзо Озод 25. 02. 2026

#Қутлов Устоз Иқбол Мирзонинг қолган шеърлари билан бир қаторда шу ижоди ҳам жуда ёқади. Сизгада илиндим. Туғилган кунлари муборак бўлсин. @Mirzoozod

#Ижодим Кўпинча ижодий масалада санъат вакиллари билан тортишиб қоламан. Улар: "Шеърингизни ёзинг, қолганига аралашманг, бизга қўйиб беринг" дейишади. Мен: "Кўзларим нури ва юракнинг бир қисми харчланиши ҳисобига туғилган ижодим оммалашиши учун аралашсам нима қипти, ҳар ҳолда бу сўзларни қўшиқ ва клип ҳолига келтириб, рекламага сарфланадиган сизнинг капиталингиз ҳам ўзини оқлашига урунсак ёмонми" дейман. Яна улар: Биз шу йўналишда ўқиганмиз ахир, дономиз тақсир" деб қўшимча қиладилар. Мен ҳам бўш келмай: Минглаб шеър ёд биламан, сизлардан кўпроқ қўшиқ эшитганман, китоб ўқиганман, мусиқани хис қиламан, 10 йилдан кўпроқ медиа майдондаман, овозим ширали бўлмаса ҳам, бу борада оқилроқ бўлсам керак" деб паст келмаган бўламан. Натижада ё ўзаро келишув бузилади, ё яна бир ўртамиёна қўшиқ кўпайгани қолади. Майли, бу ўтгинчи ва дийдиёли гапларни яна бир четга қўямизда, мақсадга ўтамиз. Хуллас келинингиз яхши кунларнинг бирида "Сизни мендан бошқа ҳаммага аталган шеърингиз бор" деб хархаша қилиб қолди. Хўп деб юқоридаги сатрларни ёзган бўлдим. Бир йўла кимгадир қўшиқ қилдириб, бу кишини тўлиқ хурсанд қилай десам, боягиндек тортишувли масалаларга олдингидек чидамли асаб йўқ. Яхшиям рақамли технологиялар асрида яшаётганимиз. Сунъий интелектга шеърни ташладимда, барча талабларимни келтирдим. Қандай чолғулар, услуб, ижро, дард, авж, таъсирчанлик, хуллас бу шеърни қандай қўшиқ шаклида тинглагим келаётгани ҳақида эринмай тўлиқ баён қилдим. Барака топсин шу дастур, бирор бир масалада миқ этмай, умуман тортишмай, шу қўшиқни чиқариб берди. Бор бўйича бир юрак ва замонавий технологиянинг маҳсули бўлди бу. Ўзимга ва келинингизга ёқди, қўшимча баҳо учун сизларга ҳам илингим келди. Агар бу қўшиқни мана шу вариантидан ҳам ўтказиб куйлай оламан дейдиган дўстларимиз бўлса теппа текинга беришга тайёрмиз. Аксинча бўлса яна келишамиз. Шу еригача ўқиган кам сонли инсонларнинг бу борадаги фикрлари қизиқ албатта. @Mirzoozod

#Туғилган_кун Бугун Миллатнинг энг эрка шоири туғилган кун. Сизлар учун шу видеони топиб келдим. Аллоҳ ўтганларни раҳматига олган бўлсин. @Mirzoozod

#BRIFING 💧 "Toshkent viloyati suv taʼminoti" AJ Axborot xizmatining 2026-yil birinchi choragi bo‘yicha maʼlumoti. toshkentvil.uzsuv.uz 🔵Cabinet |💧Bot |🕊Telegram |📱Facebook |📲Instagram |🕊 Twitter | vk.com | 📺Youtube  | 🌐Website | 📨Chat | tiktok.com

#Ижодим Тошлар менинг сирдошим, Мен тошларни хушлайман. Тошлар тегиб ёрилган, Ғўр бошларни хушлайман. Кимнинг кўкси сўкилган, Ўкингану, сўкинган, Томчи-томчи тўкилган, Сўнг тошларга урилган, Кўзёшларни хушлайман... Дажжолдан нарз олганман, Юракка дарз олганман. Улусдан арз олганман, Ҳаётдан дарс олганман, Жонимни қарз олганман. Жисмим тошлардек карахт, Тирикликдир ҳамма бахт, Ҳасратимни ҳамма вақт, Тошларга жар солганман. Сиринг сотмайди тошлар, Тошлар отмайди тошлар. Ишлатилар безакка, Тегмаса бас кесакка, Тегса дард теккизгайдир, Тегса дод дегизгайдир. Оғир ботмайди тошлар. Асосийси янада, Писиб пана-панада... Пойлаб ётмайди тошлар! Бўзладим оқ бўзимга, Сўзладим гоҳ сўзимга. Гоҳ аждахо кўзларни, Кўз-кўзладим кўзимга. Кўзинга тош дейди ким, Тошлар ғамин ейди ким? Руҳимни тан сиққанда, Ўзим "мен"га сиққанда. Чиқмаяпман ўзимдан, Сиғмаяпман ўзимга... Нетар онимдир бугун, Кетар онимдир бугун. Фақат ҳақ учун сажда, Этар онимдир бугун. Тош билан дўст тутиндим, Не тошларга ўтиндим. Ким билар, мисолига Сўз билан висолига, Етар онимдир бугун. Ўлмасдим, ўлмасайдим, Устимдан кулма сайдим. Сўнг бирдан тўкилсаму, Тўлсайдим--тўлмасайдим Тошни ҳушлайман десам, Кўксим муштлайман десам, Олимлар томонидан, Золимлар томонидан, Гўё кўнглим тозадек, Ҳамза Ҳакимзодадек, Тошбўрон бўлмасайдим. Тошлар отган қарасин, Тош босар дил ярасин. Отажак тошларингни, Отсанг ҳам от сарасин. Ҳох майда, ҳох барзанги, Ҳох тоғларнинг ҳарсанги, Отган тошларинг, бир чўғ Ҳайкал бўлмаса ҳеч йўқ, Қабртошга ярасин. Тошлар менинг сирдошим, Мен тошларни ҳушлайман! Мирзо Озод 2017 йил @Mirzoozod

#Ижодим Ўлим ҳақ, ўлим ҳақ, фақат ўлим ҳақ, Қолгани ёлғондир, қолгани қисқа. Аслида шуям бахт, келгани бевақт, Жасадлар ичида жонлар ҳибсда... Сулаймон ўлмаса қутулмайди дев, Қанча баланд учма якун қўнимдир, Ўйлама ўлимни олисларда деб, Қошингга кўзингдан яқин ўлимдир. Агар жонин берса, агар арзиса, Йиллаб шеъри билан ўқилар шоир. Ўлгунча минг ўлиб ёзганин кимдир, Ўқиганда қайта туғилар шоир. Қолгани қолганча Худонинг иши. Ҳатто қолмагани Унинг ишидир. Ўлим бу - умрнинг тугалланиши, Ўлим бу - яшашнинг бошланишидир. Мирзо Озод 2021 йил @Mirzoozod

#Архивдан Келишинг жонга азоб, Кетишинг азоб ундан. Сени эй моҳи моҳтоб, Ўйламайман бугундан. Сўзламай сўзларингни, Эсламай юзларингни, Қуралай кўзларингни, Ўйламайман бугундан. Фақирнинг оз душмани, Йиғиштир ноз, ишвани. Тўхтатиб ёзишмани, Ўйламайман бугундан... Тил - тилим, тилка кўнглим, Киргайдир тилга кўнглим, Қийналар бирга кўнглим, Ўйламайман бугундан. Йиғласакда галма-гал, Худойимга таваккал, Шу бугун ҳаммаси ҳал, Ўйламайман бугундан. Билсанг ҳар нега шайман, Ўз-ўзимга ўгайман. Ўйламайман бугундан, Эртадан яшаймайман. Мирзо Озод 2014 йил

Илмдан роҳат оладиган мияга ҳеч нарса (ҳатто наркотика ҳам) қониқиш беролмайди. Охирги вақтлар Сергей Довлатов мероси ҳақида зиёлилар фаол фикрлар ташлаяпти. Аввалига Беҳзод ака Қобулов, эндиликда эса ўзимизнинг машҳур тарихчимиз Ихтиёр ака Эсанов ҳам унинг ижодини варақлаган. Бу ижодкор ҳақида қанча фикрлашсак кам. Бир ярим соатлик умрингизнни мазмунли ўтказинг. 📱https://youtu.be/grJdrGoE5x0?si=8nf0_Qg4eqzBqGFb @Zafarbek_Solijonov