صدى الحروف ،،

رزقنا في يد الي يرزق الخلق جمعه فال بحور كان ولا يدب ف الأرض او يطير كل ذي تحسبه حقك بضيقه ووسعه كل تلك المصادر هي من الله تسخير كيف نحسب حساب اسواه ضره ونفعه كله الملك ملكه مالهم ملك قطمير من تواضع لخلق الله يزداد رفعه ومن تكبر على خلقه خسر كل تقدير جاي يقلي الغبي ان بيتهم فوق طلعه قال جده علي. او قلك ان جده الزير كلنا عباد ربي بكل سجدة وركعة والحقيقة يراها الناس في كل تكبير بيده إن شاء يعطي العبد وإن شاء منعه مالخلقه إرادة جل شانه وتدبير قد صدق الذي قال كلنا اولاد تسعة فرق تقواك عند الله من دون تقصير كل واحد مجرب بسمه وحين دمعة الحياة بالبساطة ذات بهجة ومتعة عيشها وازرع بروحك حدائق من الخير #محمد_عيشان

#اسى_الأيام اسى الايام في غزة وعتمه كلها ظلمي وانين الحر واهاته بليل الصمت ينهتها نزف قلبي بكت عيني وشبت نار في دمي على مظلومية تبكي عيون الصخر لا رتها على والد يدور لسرته فكوام ذي يهمي سيول الدمع يبكي دم من الدنيا وقسوتها على ارحام تحت اركام وطفله تصيح وين امي الا ياماه قومي تصيح وتبكي فوق جثتها على اطفال نار الجرم فوق اجسادهم ترمي وتقتلهم وتذبحهم وتتمتع بفعلتها بكى حبري على الاوراق وزراد البارحه همي الا وين العرب ياقوم ووين اليوم نخوتها ووين الموقف الشعبي ووين الموقف الرسمي انا لي منع العروبه اليوم تدافع لجل اخوتها فلا قانون ف الغابه ولا رحمه حسب علمي ولا انسانية بتعيش ف العالم ،،بفطرتها قلوا لي منتضر لاهاي رعاك الله ياعمي فماتنفع محاكم دام وامريكا تبنّتها اشوف الغطرسة ويفور كل المش في عظمي قلولي من ابو لندن من امريكا وحضرتها؟! دول عظمى وماتسوى ولا نقطه بجنب اسمي فماغير اليمن عظمى وربي زاد هيبتها وفالمندب أقيم المحكمة والعدل هو حكمي وتعدل محكمة لاهاي او تظلم براحتها هموم العرب بحملها وحلم اشعوبها حلمي وبقاتل وبقاوم قوى الطاغوت وابهتها وحربي حرب ماتهدا ولا باينتقص عزمي وربي زاد قومي باس وشده فوق شدّتها يماني عشت يادنيا وعارف مستوى حجمي لبست التاج وعاد الغرب ماغطّتش عورتها مقحقح حيدري بن ناس وعند الطارفه نشمي فعز الله ماحسّبت لاعدائي وقوّتها وكل الحرب هي حربي وكل السلم من سلمي فلا هدنه مع الكفار الين تدفع ضريبتها يصيحوا لي دول عظمى ونا رفع لسما خشمي وتحت ارجولي ادعسها وامرّغ جد جدتها الا يا قدس جينا لك ووعد الآخرة حتمي تموت الصهينه لكن على يدينا نهايتها #محمد_عيشان

#جرعة_أُنس الا لاسقى زمان الغبن فيها كم حرق دمك وربي بدلك بهجه وجرعة انس نفاااااعه ياقلبي كم من الاوجاع قد شلّيت لك قسمك وحال الشاعر ان لو ان ضام مايحكي عن اوضاعه لو بعض الناس حاول فيك لاجل يثنيك عن حلمك فنته تعرف الدنيا وكل انسان وطباعه دع العالم وخلك ذيب في حربك وفي سلمك كن اتوكل على الرحمن واخلص له في الطاعة عشقنا بعـض محلانـــا ويابحر الهوى طعـمك برغم ملوحته حالـي وفيـــه الروح ملتـــاعـه بيوم الحب قالت لي حبيبـي احكي سلم فمك ها كم عشقي بقلبك صار في كيله وفـي صاعـه..؟! ابتسمت وقلت ياروحي قدنتي عارفه حجمك فأنتي في سماء القلب مثل الشمس لمّـــاعـه وانتي اغلى.... تقاطعني ياروحي نا وروح امك فطبعاً واثقه لانك دواء قلبي واوجاعه بتدري كان في حلمي اشوف بابا يقع عمك لانك اجمل احلامي بوسط الصدر واضلاعه تراني ماعرفت الحب الا حين عرفت اسمك ووريدك ماتغيب عني طوال اليوم لو ساعه ولو حتى تعاندني عادي ارضيك واضمك ويعلـم بي عليـم الســــر بنّي ليس(خـــدّاعه) واقلك شي مـــن الغيره وهذا يكون في علمك واحده تقــترب منّك عــــــد احـرقها بــ (ولّاعة)🔥 وغيري بنت تهواها ابدعي جعلها سمك فقلت لها تري سمي اذا عينيش دماعه نحاول نبعد الاشواك من يمي ومن يمك ونحيا مثل عصفوررين ونعطي وعود قطاعه تلملم دائم اشتاتي ونا آويك والمك وقصتنا حقيقية وقصة غيرنا إشاعة #محمد_عيشان

دكتور في الحب كم داوى وكم جارح كم ضمّد اجراح لا مرهم ولا شاشة على النقاء شب في دنياه بيكافح عايش على العز ماتمادى برشاشه حليم في دنيته بيعيش متسامح وفي الشدايد سميدع رابط لجاشه عزيز من عزته تبسم ولو ضابح من شان مايشمتوا به اللاش واللاشه يروّض الصعب بذن الله ويناطح في الليل يسري تقول وحشاً من اوحاشه و الصقر لا صطاد مايخشى من الصايح مايقهر الصقر الا طيحة ارياشه تظنه بهمته للشمس بيصافح حتى ولوكان متمدد على فراشه بفضل ربي وبدعاء الوالدة ناجح وكل مخلوق ربي كافل امعاشه شاعر ومن صغر سني للملاء واضح ومن جهلني يشاهدني على الشاشة اجرب اليوم واتعلم من البارح واحلم على الله بغد من طلعة اغباشه اعرف اميز مابين العذب والمالح واعرف اوجاه تحت قناع غشاشة انا ويا الجيد نتزاعل ونتصالح والود في خافقي منسوخ بفلاشه خفيف دم بس وقت الجد ماامازح واحضر على الصدق لو القوم منحاشه حتى مع اعداي تلقاني لهم ناصح من سمع نصحي اولا اطعفر امشاشه مانا من الي يولي لاسمع قارح من فجعتة تسمع امغولة مع اكراشه والي انتخاني افا وانا ابو صالح لي فزعة ً ساعة الهدات رعاشة والختم صلوا على نور الهدى الواضح مابرق بارقه والغيم طشاشة محمد عيشان

Channel photo removed

بلسان حال المحيرفين والعيييد كان الله في عون الجميع..... العيـــد جـا وانا مطفـرن وضبحـــان من زود ضيقي قمت اكتب قصـيده ضاقت بي الأرض الوسيعه والاحزان تذبح مشاعـر كـــل لحـظـــه سعيدة الفقر كـافـر يقتـل الكـلّ حُرماااان ماشي معه حُـرمـه ولا بـه عقـيدة والوضع يطعن خاصري مثل خوّان والـدَّيـن جهّـز لي كميـــن المكيـــده كنّي بوسط الحرب واعـداي مليان وفبندقي ماغيـــر طلـقـه وحيـــدة امـا بـــجنـبـي عـززوا عسـكـر الآن والا اعتبر يانـــاس نفســـي شهيده ذقنا العنا والهم اشكال والوااااان والبــرّ والمصرووف خلّص رصيــده البنت قالـــت يا ابي جيب فستـــان والولــْـد قـال اكسيه بدله جـديــــده الطّرف ساهر والفكــر صـار حيـران نيران صـدري بـــاتـذيب الجـليـــدة ياعيـد لاتغثااااا ولا تصيـر زعـــلان العفـــو منّـــك فالمشاكـــل عــديدة ِ الهّم فـــوق الصّـدر قـد صار اطنان شاعر محيـــرف كيـف بايصير عيده واليونسف غابت ولافجـــرها بــان والليـــل طـــوّل والأمـاني بعـــيـــدة كنّي بري مسجـون ظلـمـــاً وبهتــان والمجرمين  ادّوه وسـط المـــصيده وفـــوق هـذا هامتـــي مثـل عطّـــان تنطــح رواسي فـي عــزيمه شـديده وشخص مثلــي مايـدنّـي ويـــهتـــان لو قد حيـــاته عصّـــدوها عـصيـــده منهو يـــراني مبتسم قــال شبـعـــان برغم انّي يـا بـشـــــــر ع الحــديـده مـن عـــزّتي ما اريد يشفق بيَ إنسان حتى وقلبـي قد خرج مـــن وريــــده لابــه طلــي ولا جـعـــالـه ولا ادوان لكـن لنـــا الرحمـــن والـعيـــد عيـده الخالـــق الـرزّاق مـعـطـي ومنّــــان امقسّـــم الارزاق كـــافـــل عبـيـــده لا النّـــاس تــدّي رزق والله لا كـان ذلحين ماتوا كلّ من فـي السعيـــدة مثلي انا كمّـــن مكابـــر كحـــيلان؟!! يمـوت فـــي بيـتـه ولا يمـــدّ إيـــده يـــالـله فرّجـــها على شعب ليمـــان الامر بيدك تفـــعـــل الـــّــي تريـده بقلم #محمد_عيشان

#لبيك_كتاب_الله💚 لا تشتموا هدى الله وتحرقوا كلامة حفظه الله واعلاه ونتوا بلا كرامة عليكم لعنة الله. لايوم القيامة لا تشتموا هدى الله وتحرقوا كلامة# عليكم لعنة الله لايوم القيامة#### ###هذاا كتاب ربي بعمق كل خفاق ياكافر انت صعبي ماحرقت غير الاوراق# اما الذي بقلبي ###،وسط العروق دفاق ماقصدكم حرقتوه بايختفي نظامه عليكم لعنة الله لا يوم القيامة مسلم انا وديني من فوق كل الاديان انا ووالديني نبْينا سيْد الاكون ولا خضع جبيني الا لحيّ منّان وعاقبتكم انتوا الخزي والندامة عليكم لعنة الله لا يوم القيامة #محمد_عيشان

سلام من شاعر كتب وابدع قصايده. ك النار لهههاااابه في ذا الزمان الصدق ماينفع يعني الزمن ذا حق. منصابه الجيد بيقلب حجر مطلع استاذ يعمل عند طلابه والبعض يتغير كذا مسرع لاعاد وفا ولاعاد مطيابة . والبعض لايشبع ولا يقنع للمصلحه باع اعز اصحابه والبعض يفعل خير لا اتبرقع كيده عظيم حمى على اشنابه والبعض يفرح حين تتوجع وضحكتك باتحرق اعصابه والذيب مايشكي لو اتجعجع يعوي لحاله داخل الغابه مانا بحاجة حد معي يفزع والله من يحتاج له جابه عايش بفضله فهمت ولا مع لاحد يخزن لي على احسابه قلول ذي قد عابني يسمع انا الثريا. فوق لترااابه وكلمتي كلمة وماترجع والموت بالناموس ماهابه والي بعقله يظن ان بخضع ماامه حملت به او ابوه جابه الي مالجيد له البيضا انا برفع بانذكره لو طول اغيابه انشهد ان اصله ذهب يلمع لاخان ف الصاحب ولا عابه والختم صلوا ع النبي يشفع يشفع لنا من نار لهههابه

الله محلا الزواجه والقلب يبسر خراجه مالعيزبة لعنبوها. قالوا عليها لغاجة ليلة تلاقي نصيبك فيها تعانق حبيبك عناق يطفي لهيبك ماعد تفكر بحاجه ليلة تحقق طموحك تسلى وتهدا جروحك تهنا وترتاح روحك. والقلب يلقا علاجه مسكين يا ناس من حب والشوق بالقلب يلعب عايش حياته معذب كالطير داخل زجاجه يسعد زمان المحبة لا لقيت يالي تحبه يسبر مزاجك بقربه ومعاك يسبر مزاجه وضع العزب وضع قاسي قد قال كلي مآسي والمهر شيب براسي في وقت زاد العواجه البنت قدهي ملايين غير الذهب والفساتين والوضع معروف منوين تحنب بقيمة دجاجه والاب والله معذور ماهو تكبر ولا غرور مادام والوضع مجغور والكل قدهم لباجه بس للأسف بعض الابا،،جيبه ولا قد تعبا خلاص قد بزا وربا،،يخلي البزي فوق صاجه ويا كل المهر كله ويمهر البنت دبله حانب بقاته وفله لاعد تثير انزعاجه وحق الكوافير لحقه قال احنقي مية حنقه قدش من الله خلقه مضويه كالسراجه صلوا عليه ي جماعه كلا بذل مااستطاعه البنت ماهي بضاعه ولا حراج يارواجه قول النبي اسمعونه صاحب خلق زوجونه يحطها في عيونه ك الجوهرة وسط تاجه لكن قد الكل معذور والشعب ياناس مجغور والله ماقلتها زور الكل قدهم لباجه يذا العزب ي حنينك نسأل من الله يعينك لابد بتضحك سنينك والقلب يلقا ابتهاجه لابد ينزاح همك ويحقق الله حلمك وتزف لك بنت عمك ،،بكرة تجي الانفراجه الله محلا الزواجة والقلب يلقى ابتهاجه ماالعيزبة لعنبوها اي والله انها لغاجة

فرحة العيد في موقفين:- مع أي موقف ستكون؟!! #موقف،😍🤍 يافـــرحة العيـد حيّــابش يابهجة الـروح، والريحان سبحان سبحان من جابش جمّعتي الأهـْــل والخـلان من قال ان الســـلا مابش والعافيه هي سلا الابدان عسـى نعيّـد ونهنـا بـش ونكبّـر الـواحــد الديّــان ياعين لاتغــلْقِ اهـدابش شوفي السـعــاده هنا الـوان يافـرحـة العـيـد حـيّابش مافتّش الورد فـ البستان والطير بكّر مـن الغـابش من الفرح فارد الجنحـان مااظن تتوتّر اعصـابـش والكل مسرور بش فرحان #موقف_آخر😔💔 .يافرحة العيدـ ماجـابش للمه تجيـني وانا طفـران جيتي وتستعرضي ثيابش جيتي وفوقي الغثا اطنان جيتي وروح السلا مابش جيتي مع الهم والاحـزان وقفت افتّش على اعتابش عسى اكحّل بش الاعيان والظاهر انّش مع احبابش وانا ورا الباب والجدران مثليـ انا كيف يرضابش مديون محيرف وزد ضبحان مادام جـيتـي فحيّــابش والحكم للواحد الديان والختم ماضحضح الغابش صلاة ربّي علـى العـدنان *وسلامتكم وعيد مبارك وكل عام وانتم بألف خير،🌹🙏🏻 #محمد_عيشان

الا دنيا العنا شلت علينا كل علماً زاااان وجاني علم ماقد طاب لحظة خاطري بعده خبر نعي الفقيد الي حرق لي الروح والوجداااان عزاي لخوه عبد الله ذي مثلي احترق وجده واعزي اخوته جمعه واعزي الشيخ ابوه ظفران وربي يعصم افؤادة كما ودع ظنا كبده رحل نشوان لكن مارحل لا عالم النسيان وغاب كما تغيب الشمس لكن طالت المدة رحل نشوان ودع بوه واهله وداع الخلان وودعنا الا ي. الله صبرنا على بُعده رحل نشوان لكنه ترك. بعده قلوب وأعيان على فرقاه تتألم وتبكي دم على فقده رحل نشوان ياجعله ررررحل لاجنة الرضوان وربي يرحمه رحمه ويتغشاه في لحده رحل نشوان نشمي جيد وصيته افلان وبن افلان يرعى الطيب والمعروف ويعطي دائماً جهده ذي كانه خفيف الظل ماغثا ولا انسان رحل باكر وربي اختاره انه يأخذه عنده #محمد_عيشان

_الأصحاب_____ فـرزت انا الاصحاب فـــي كـــل مـوقـف وعرفت صاحب جيــد وعـــرفت غيـــره لان الـمواقـــف ذي تفـــرّق وتـــكشــــــف زارة مسلسل يتضح ف الاخيرة صاحب كفو لله دره مشــــــرّف ف اليسر ولا ف الضروف العسيرة وصاحب بساع الجـد حمّـــيـه يذلـــــف يهـــرب ويتنـــاسـى صـــداقه وسيـــره وصاحب قبيلي شهم يشـــفق ويعطِـف فيه المــروّه والقيَـــم لـه ســـفيـــره وصاحب بغير إحساس لـو قلت ســلِّـــف يزبط وينطـــح ثـــور داخـــل حظـــيرة وصاحب تـــرا كذاب يفجـــر ويحـــلـف يعطـي المصالـــح اولـــويّـــه كـبيـــــره وصاحب يحب الصدق لو هو محــيرف وبالوفـــاء عايـــش ولافي نظييييره وصاحب كما عرقوب يـوعـد ويـخـلـف وعش بـهـــا مـــهـــره وحالـه خطيـــره وصاحب معك فالوجه والخلـف ينتـــف ينهش لحـومـــك في مجـــابـر حقيـــرة وصاحب لحفـــظ الســـرّ مـاذي يطـرّف ان قـــلت ســـرّك كان للســــرّ بيـــره وصاحب لســـرّك بيـيييــر لكـن يكيّــف ويسقّـــي الحاراااات وقت الظهـــيـــره وصاحب مثل دكتور بيجيك مسعِف لو. كانت اجراحـــك بحالة خطيرة وصاحب إذا شافــــك توجّـــع وتنـــزِف يشمـت ويتشـفّــــــا وعينـــه قـــريـــره وصاحب يردّ الجمــــل بالجمل مضعـف ماينكر المعـــروف صـــاحـــي ضـميـره وصاحب ترى ينساك ولرقم يحـذف ضايع بصفحة هند. ولا أميرة وصاحب ترا يشـريـــك بالـــروح يكـلِف وصاحب يبيـــعــك لجل حاجه صغيرة وصاحب مـــن اثقالك وهمّـــك يخفّــف ومجبره. جبر. القلوب. الكسيرة وصاحب يهـــوّل كـــل حادث ويرجـف بالبلطجة كنه قنــــاة الجـــزيـــره وصاحب في اخلاقه من الــورد يقطــف للناس تستنشـق شـذى مـــن عبــــيـــره وصاحب رفيـق الســــؤّ لانتـه مـــودِّف باتنفخـــك او تحــــرقــك نــار كيــــــره صاحب معك ساني بيوفي وينصف وصاحب اعوج مثل قرن الذخيرة ساير وجرّب وانت ياصـــاح تـــعـــرف وربـــمـــا تلـــقـــا تجــــارب كثـــيـــره #محمد_عيشان

قلب الخريج بديناها باسم الله خالقنا وكافينا ولا غيره ملك قادر وبيده ك لشي مقدور اساله جنته ندخل ومن ناره ينجينا الاقي المصطفى والآل والاقي بنات الحور بفضله قد تخرجنا و حققنا أمانينا وكم ياما حسبناها لهذا اليوم سنين وشهور وكم قد صبرنا ايه وذاكرنا وعانينا أخيراً ياثمار الجهد نقطفكن بكل اسرور اشوف اليوم مستبشر بدا واقف يحيينا ويهدينا ورود الحب تمزج فلها واعطور واشوف اليوم كل احبابنا جايت تهنينا ولجل اعيوننا من حولنا هولا الجميع احضور تتوجنا بتاج العلم وبالفرحة تغطّينا ترى بسماتنا في وجاهانا اضات واشرقت بالنور وهذا اليوم ابى الا الى التاريخ يروينا ويرسلنا مع الامجاد في اربع مية منشور مع مستقبل الاحلام للآلام ينسينا وكل خريج قلبه صار وردة زهرها ممطور نرى انجازاتنا في ما مضى صارت تسلينا وهاهي ارواحنا تسجع سجع وترنم العصفور لنصبح مثلما نهوى وصار الكل يدعينا وحتى الطير بكر قال صباح الخير يا دكتور وباالله كاتب التاريخ قم سجل اسامينا على جراح الوطن بلسم نعالج له الم وكسور ونرسل من تخرجنا رساله لكل اعادينا الى امريكا الى صهيون الى الآمر مع المأمور ورب العرش مانركع وحاشانا تذلينا لوان اجسادنا ذررات تتطاير بدون اقبور سته اعوام في الميدان اثبتنا تفانينا بنينا من جماجمكم هنا حول ارض اليماني سور وبانداوي وبنجارح جراحاً غايره فينا ونلتوا الخزي و اللعنة وذا شعب اليمن منصور ولى الزملاء اللف مبروك وثوب الود يكسينا ولو حتى تباعدنا يظل بيت الوفا معمور الا ارعاكم ويرعى ايام فيها بكم تلاقينا تخرجنا صحيح لكن لفرقاكم انا مقهور وختم القول صلى الله على اسوتنا وهادينا ابو الزهراء البتول واله مصابيح الدجى والنور #كلمات محمد عيشان

سلام من شاعر كتب وابدع قصايده. ك النار لهههاااابه في ذا الزمان الصدق ماينفع يعني الزمن ذا حق. منصابه ذي تحسبه اخوك لك يخدع يدس خبثه. بين مطيابه والبعض يتغير كذا مسرع وامس وانته خيرة اصحابه . والبعض لايشبع ولا يقنع للمصلحه. قد باع احبابه والبعض يفعل خير لا اتبرقع كيده عظيم حمى على اشنابه والبعض يفرح حين تتوجع وضحكتك باتحرق اعصابه الحمد لله كنت اتوقع بعض اصدقا. ياناس كذابه والذيب مايشكي لو اتجعجع يعوي لحاله داخل الغابه مانا بحاجة حد معي يفزع والله من يحتاج له جابه عايش بفضله فهمت ولا مع لاحد يخزن لي على احسابه قلول ذي قد عابني يسمع انا الثريا. فوق لترااابه وكلمتي كلمة وماترجع والموت بالناموس ماهابه والي بعقله يظن ان بخضع ماامه حملت به او ابوه جابه مالجيد له البيضا انا برفع بانذكره لو طول اغيابه انشهد ان اصله ذهب يلمع لاخان ف الصاحب ولا عابه والختم صلوا ع النبي يشفع يشفع لنا من نار لهههابه🫡🫡 #محمد_عيشان

عيدي ابتهاجك وانت يابهجتي عيد ولضحتك اضحك ولو زعلوني ماردني عنك حراسه ولا قيد واجتزت لجلك كل من عرقلوني لجلك انا شاعر وانظم لك اقصيد واسمّع الي عادهم ماسمعوني ولجلك تعلمت القناصة وباصيد واصطاد ذي عنك نووا يبعدوني ان جيت حيابك وان رحت لبعيد الله يصبر في غيابك شجووني ون عدت سمعتك قوافي وتغريد لولاك م العصفور يسجع لحوني قياس حبك صار من دون تحديد لا احيا بدونك ولا انت تحيا بدوني وكلما تختار حاجه بها اشيد واعجب بأشيااءك ولو معجبوني اصلي اقول اصلي وان قلت تقليد اقول انا تقليد لانك عيووني انك ريالي قمت اصفق لمدريد وانك مع البرشا فانا برشلوني بيسألوني الناس عن عشقة الغيد وانته إجابة كل من يسألوني وان قلت احبك قلت لك عيدها عيد تكفى وغيرك طز لو يكرهوني #محمد_عيشان

#زينة_الدنيا،🥰 يقول:  بن  عيشان  ماصفيت طقوس كلْما نقول  الوضع    يضبط   ما ضبط استغفرك      ياالله    لازل    الهجوس كن الحراف  قدهو   علينا شي    سلط الى متى  الدنيا.     بتعطينا      دروس قلولهها   تجمّل.     و تعطينا،  ،.   زلط قلدني   الله  انهي  . وهيه     الفلوس من قلكم  انْهااا   وسخ   الدنيا   خرط هي  اللتي    بترجع   الشيبه   عروس هي زينة الدنيا   ومش.    هذا    فقط بايبتسم  لك  بالزلط   حتى   العبوس وكل  من   شافك   تواضع     ونبسط هذا بك     تغزل  وهذا.   لك  يبووس💋 والكل  من حولك  وانته   ف   الوسط كم شخص باتلقاه  يحلف لك   غموس وذاك لجل المال. قد حاك    الخطط بتربط  ام  الجن   قالوا  ف  الحبوس وتربط   الي  طول    عمره    ماارتبط وتزف  لك   اجمل   اميرة     بالسلوس وتطلعك    حاكم     و عادك     بالقمط بجيبك الدافي على مااشتيت   دوس تخطى بلا قانون   من    فوق   النقط تنجح  ولو مابش معك رقم الجلوس ويصحصحوا لك  صح  لو  حلك غلط لولا  الزلط  ما با عت  الزير   البسوس ولا و   لد  مرة     على  جحدر   نخط ما  كانت  الأغنام   بتناطح     تيوس او كانت  الفيران .     تتحدا   القطط ماكان  سمونا   روافض   او  مجوس و لا تكبر        امعه      و لا         زنط ماكان  كمن  جيد   في بقعا   يحوس والنذل   و الهافي   تميلح  واشتحط ودقن بغير  افلوس  احلق له  بموس مدري  وقالوا  صح.  او  قالوا   غلط انشهد ان.     المال  كم   غيّر  نفوس لكن   عزيز  النفس   ماعمره    سقط عشنا   برغم   القِل     مرفوعين    روس يسوا  طلع  الدولار    او   قالوا     هبط واحنا على الرزاق في  برد      وشموس ولا طلبنا        نطلبه.     وحده     فقط🙏😎 #محمد_عيشان

صدى الحروف ،، pinned «ملاحظة قصايد لم تنتشر بوقتها نشرناهن»

ملاحظة قصايد لم تنتشر بوقتها نشرناهن

قصيدة ي علمنا على كل الدول رفرف ،،،،، يوقف الدهر وهذا الشعب مايوقف جنب غزه وقف هيهات توقيفه من يهدد بقصف الذرية يقصف شعبنا شعب لاتحلم بتخويفه مثلنا لا ربته الطايرة ترجف من ثباته من شموخه وتقنيفه من جهلنا رضا او غصب با يعرف ماخلق من يمشينا على كيفه بدرنا بدر في الآفاق مايكسف يعجز القاف في شرحه وتوصيفه هيبته منّها كم طاغية يرجف سيف جده علي الحيدري سيفه كيف نهنا وغزه جرحها ينزف ماسكت عنها غير الذي جيفه من سكت عنها لاتحسبه مكلف عاد بعض المكالف عز ياحيفه ياعلمنا على كل الدول رفرف موقفك حق مش خدرة وتصنيفة من جهلنا رضا او غصب بايعرف ماخلق من يمشينا على كييفه😎 #محمد_عيشان

قصيدة ي دمعتي ماسواش ذي قام بالواجب ❤️❤️ العين ماعمرها تعلى على الحاجب يادمعتي ماسواش ذي قام بالواجب ماعاد شفنا حبيب كلا ولا صاحب يادمعتي ماسواش ذي قام بالواجب هاتوا لي الدفتر وهاتوا لي الريشة مجروح انا من زماني كاره العيشة مجروح ك الطير ذي قد نتفوا ريشه هاتوا لي القات والما وادوا الشيشة اي والله ان الامل ياصاحبي كاذب يادمعتي ماسواش ذي قام بالواجب ليش الحبيب ليش مايوثق بمحبوبة ليش الوفي ينصدم يدخل بغيبوبة والكاذب اليوم ليش ينجح بإسلوبة ليش الزمن عكس ليش الناس مقلوبة حاسب لها ما قدرت ياصاحبي حاسب ي دمعتي ماسواش ذي قام بالواجب ي كم حفظنا من الدنيا عبر ودروس وياكم مشينا عليها فوق روس الموس حتى ولو حظنا ياصاحبي منحوس اهمشي العافية يلعن ابوها افلوس والجيد مهما خسر يخرج وهو كاسب ي دمعتي ماسواش ذي قام بالواجب نمشي مع الناس بالطيبه وبالمعروف من يوم ماالله خلقنا والجميع يشوف وروسنا شامخه ماتعرف ادنى خوف وقوف عشنا عليها وبانموت وقوف بالعز نحيا على الناموس بنحارب والجيد مهما خسر يخرج وهو كاسب يادمعتي ماسواش ذي قام بالواجب ❤️❤️☺️ #محمد_عيشان