الشاعر محمد الظالمي

‏مْشايَه إجينا يا حُسين... سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏. ‏. ‏ ‏ ‏هاي الجموع الزاحفه تِمشي اعله دَرْبَك ‏سَدّينه البيوت وصُبح يِجذبنه حُبَّك ‏﴿فَاللَّهُ خَيْرٌ حَافِظًا﴾... حافِظنه رَبَّك ‏﴿مِنْ كُلِّ حَدَبٍ يَنْسِلُون﴾... نِركض لَگَلبَك ‏ ‏يبقه عَله مَرّ السنين... سيدي الحُسين ‏يِجمعنه يوم الأربعين... سيدي الحُسين ‏ ‏ ‏. ‏ ‏تمرّ السلاطين وتِظل هاي الزياره ‏إحنه حضارتنه المَشي أعظم حضاره ‏هذا الحُسين ابِكِل زَمَن شامخ مَزاره ‏زايرنه يِفرح لو نُظر طول المَناره ‏ ‏وين ألكه مِثلك گِلّي وين سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏. ‏ ‏ ‏ ‏ ‏ ‏عن الإمام الصادق الـ يِرويها لينه ‏ماكو مِثل جَدّي الحُسين أوسع سَفينه ‏يِبن الزچيّه فاطمه اشهَد علينه ‏گالوا نِگطع إيد الّيِجي... وانطينه إدينه ‏ ‏گالوا إدين انطينه إدين... سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏. ‏ ‏ ‏هذا حبيب الأسدي حاجِب يِمينَك ‏كلهم زُهير ويا بُرير تِرسوها عينَك ‏يِستقبلون الزائرين بِيوم أربعينَك ‏حَرّ الشمس فِدوه إلك... فِدوه الجبينَك ‏ ‏انظُر دموع الزائرين... سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏. ‏ ‏ ‏يا ابن مَكّه ومِنى سَيد الجزيره ‏والمِثلك يِنام ابعرش... مو عالحصيره ‏اختك أميره للأسف صارت أسيره ‏راسك يِرتّل عالرُمح طول المسيره ‏ ‏نورٌ تجلّى الخافقين... سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏. ‏ ‏ ‏ ‏بالخِدمه صارت سَيدي عدنه مراتب ‏منها طفل شِفته صُبح يِخدمله شايب ‏حيَّ على خيرِ العمل... ننصب مواكب ‏ما نِتعب وفِدوه إلك كلّ المتاعب ‏ ‏يا لخِدمتك بالدنيا دين... سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏. ‏ ‏ ‏ ‏ثارك يبو اليمّه جرح بعيوني دَمعه ‏صوت المُهر في كربله لَسّه نِسمعه ‏ما نِعرف المهدي يِطلّ في أي جُمعة ‏يوميّه للمهدي صِرت أشعلَه شَمعه ‏ ‏ها يا حُسين المهدي وين... سَيدي الحُسين ‏يِجمعنه يوم الأربعين... سَيدي الحُسين ‏ ‏ ‏ ‏ ‏ ‏للشاعر محمد الظالمي ‏ ‏

‏وداعاً يارقيه  يارقيه  يارقيه ‏ ‏. ‏. ‏. ‏ ‏هذا اليوم اخر يوم ويانه ‏ما عطشانه ماي احسين عطشانه ‏ ‏وداعاً يارقيه  يارقيه  يارقيه ‏ ‏ ‏هذا اخر نفس يدخل على الريه ‏راس احسين جاي وهلا بهالجيه ‏قريب الوالد اتشوفينه يرقيه ‏وتتلمس چفوفچ عمه شريانه ‏ ‏وداعاً يارقيه  يارقيه  يارقيه ‏ ‏ ‏ ‏. ‏ ‏صحوة موت مو صحوة حلم عابِر ‏گعدتي من الحلم مكسورة الخاطر ‏ما شايفه الوالد من صبح عاشر ‏صرتي من الحزن ذبلانه حزنانه ‏ ‏وداعاً يارقيه  يارقيه  يارقيه ‏ ‏. ‏ ‏ ‏منديل الطشت بس رفعي ياعمه ‏غمضي العين ماتتحمل الصدمه ‏يا اول شهيده بحب ابو اليمه ‏وجدانج حُسين وانتِ وجدانه ‏ ‏وداعاً يارقيه  يارقيه  يارقيه ‏ ‏. ‏. ‏ ‏من طحتي اعله ابوچ اتذكرت مره ‏طيحت والدج من ماتت الزهرة ‏ايگلها كلميني وانكسر ظهره ‏نفس الحالة صارت بإمي  واهنانه ‏ ‏ ‏وداعاً يارقيه  يارقيه  يارقيه ‏ ‏. ‏ ‏حال ابنيه فوگ الطشت مرميه ‏يلعلة وفاتج سكته قلبيه ‏بيج الشمر سَوه حاله نفسيه ‏اثلث اسنين عمرج وانتِ كبرانه ‏ ‏وداعاً يارقيه  يارقيه  يارقيه ‏ ‏. ‏. ‏. ‏ ‏ ‏چان احسين ابوج اتشيلج امتونه ‏هسه ابين اديج امكسره اسنونه ‏شوفي الحاجب النازل على عيونه ‏كل هاي الملامح هسه ذبلانه ‏ ‏وداعاً يارقيه  يارقيه  يارقيه ‏ ‏. ‏. ‏. ‏ ‏أبي كلّمني من نمتي على خده ‏راد يشبگج وچفين ماعنده ‏طلعت روحها ودموعها بگده ‏ماتت احله طفله وأروع انسانه ‏ ‏وداعاً يارقيه  يارقيه  يارقيه ‏ ‏ ‏ ‏للشاعر محمد الظالمي ‏

Channel photo updated

‏السلامُ على. تِلك الدموع الجارية ‏السلامُ على تِلك الخيام الخالية ‏السلامُ على. تِلك الرؤوس العالية ‏ياحُسين ياحُسين ‏ ‏ ‏_____ ‏ ‏ ‏ ‏ ‏ ‏ ‏ ‏ ‏ ‏ ‏ ‏ماتنحزر ضنونك دينا على عيونك ‏شامه اعله خدك نجمه والنجمه باست لونك ‏ ‏شيبك خيوط الجنه اعليك الگمر تدنه ‏هام بنظر جمالك بيك الجمادَ جُنه ‏ ‏لا مايلمك كوكب والي يحاول يتعب ‏انت فقط تلّمك چفوف وعباية زينب ‏ ‏.. ‏السلامُ على تلك الشفاه الذابله ‏السلام على تلك العيون الناحله ‏السلامُ على تلك الخدود الراخية ‏ياحُسين ياحُسين ‏ ‏ ‏______ ‏ ‏يالخلصت شبابك بساعة سلب ثايبك ‏ألله يا هدوئك نازكْ مثل خضابك ‏ ‏وجهك حلو بسماره ما تاخذ استخاره ‏حته الحجر تِضَيفه وتستقبل الحجاره ‏ ‏يحسين كلك خاطر يحسين مسحگ حافر ‏عشرة الخيول الداست صدرك بيوم العاشر ‏ ‏.. ‏السلام على تلك العقيلة الحايره ‏السلام على تلك اليتيمه العاثره ‏السلام على تلك الجسوم العارية ‏ياحُسين ياحُسين ‏ ‏____ ‏ ‏ ‏الدينا وراك اليومك شتلبس تبوگ اهدومك ‏تركض وره بناتك وغَيّرت لون ارسومك ‏ ‏صرت بحياتي كل شي حلمي اريد بنعشي ‏لبيكَ ياحُسينا الوادم تصيح وتمشي ‏ ‏انت ملك حياتي انت الگلب يغاتي ‏كل لليله والله اذكرك يادائرة آهاتي ‏ ‏... ‏السلام على تلك الرمال الحارقه ‏السلام على تلك السهام العالقه ‏السلام على تلك الرماح القاضيه ‏ياحُسين ياحُسين ‏ ‏______ ‏ ‏ ‏والتمت اعليك هواي حرب الشمر حرب الماي ‏وانت بقيت بوحدك وتصيح وين الوفاي ‏ ‏عبد الله صاحك بابه يبچي واخذاك امصابه ‏وسهم الفتحله نحره حٕلّ ايده من اخضابه ‏ ‏متحير بشخصيتك عين السمه اعله بيتك ‏ شلت الطفل من دمه خضبت بي لحيتك ‏ ‏.. ‏ ‏السلام على تلك العنان النازله ‏السلام على تلك الدموع الهامله ‏السلام على تلك الوجوه الذابله ‏ياحُسين ياحُسين ‏ ‏_____ ‏ ‏مشكولة ذمة الشام راسك ولا خلوا نام ‏شتم وضرب حجاره وتغمض من الشتام ‏ ‏والي يلاعب رمحك قصده يكبر جرحك ‏وانت يبعد العيون ما عايز اليذبحك ‏ ‏راسك شبگ رقيه نمتوا بحضن سويه ‏صاحت هله بالغايب يالمبتعد عليه ‏ ‏.. ‏ ‏السلام على تلك العيون الشاحبه ‏السلام على تلك البدور الغائبه ‏السلام على تلك الجباه الداميه ‏ياحُسين ياحُسين ‏ ‏_____ ‏ ‏ ‏ها يا ابو رقيه جرحك وصل اليه ‏ما داعي اجرح گلبك بس زينبك سبيه ‏ ‏محتاجه الك تريدك مشتاگه تلزم ايدك ‏باست عظم من نحرك. واتلسمت وريدك ‏ ‏زينب تره مهضومه بوجه الشمر مصدومه ‏خَلّصها يا ابو الغيره لا مو وكتها النومه ‏ ‏ ‏السلام على تلك العظيمه العالمه ‏السلام على تلك الكبيره الفاهمه ‏السلام على تلك الصفاة الساميه ‏ياحُسين ياحُسين ‏ ‏ ‏ ‏الشاعر محمد الظالمي ‏

‏نامي اعله راس احزاني ‏ياطفلتي او وجداني ‏بالچ على شرياني ‏لمن تشبگيني ‏...... ‏ ‏بوسيني بعيوني ومسحيهن اچفوني ‏اتمنيت هاللحظه.  شايلتج امتوني ‏ ‏عندي حچي هوايه والمشكلة بهايه ‏انظر على جدمج  ساحگله سلايه ‏ ‏بعد الروح .. مشتاگ يبنياتي ‏بعد الروح.  .. ماتنحمل حسراتي ‏بعد الروح ..  ياكسرتي وآهاتي ‏ ‏لا حولَ الا بالله ‏منهو اللي طگج ويلاه ‏بلساني بس كلمة آه ‏لمن تشبگيني ‏ ‏. ‏. ‏. ‏ ‏عافيتي الزغيره شكلج منو مغّيره ؟ ‏يبنيتي مضروبه.  حيره وعلي حيره ‏ ‏مو انتي علويه شمسويه مسبيه ‏انظر على اچفوفچ    يابابا مچويه ‏ ‏منو اذاج. وجهج يبويه امدمه ‏منو اذاج گليلي بالله اسمه ‏منو اذاج إمشكّل عَليه الذمه ‏ ‏متعثره انتِي بحجار ‏ومچويه ادينج بالنار ‏حلوة الچفوف اللزغار ‏لمن تشبگيني ‏ ‏. ‏. ‏. ‏ ‏يمدللت بيتي. مشتاگ يبنيتي ‏بچفوفج الترفه. مشطيلي بلحيتي ‏ ‏ماينعرف لوني. مسحي دمه عيوني. ‏واتحذري اهوايه. لاتوگع اسنوني. ‏ ‏دم وتراب. تارسني يا نور العين ‏دم واتراب. ماينعرف راس احسين ‏دم واتراب.  ومنين اشمج ومنين ‏ ‏وجه العدو بوجهج صاح ‏تعبني بويه الذباح ‏شوفي الجمالي اللي راح ‏لمن تشبگيني ‏ ‏. ‏. ‏. ‏ ‏ ‏ ‏محبوبة اطفالي  يا اغله من غالي ‏انظر على شكلج  متميزة بعيالي ‏ ‏  يا جرحي واحساسي نامي على راسي.    ‏وايسي بعد بابا.         مگطوعه انفاسي ‏ ‏ ‏هذا الموت    تتعدد اسبابه هواي ‏هذا الموت منه اليموت اعله الماي ‏هذا الموت   ترحين يابويه وياي ‏ ‏ ‏عمرج فقط  ثلث اسنين ‏تموتين يا نور العين ‏وصار الطشت بي جرحين ‏لمن تشبگيني ‏ ‏ ‏ ‏للشاعر محمد الظالمي ‏

‏مشي مشي مشي مشي ‏ ‏يالله نروح الكربله. مشي مشي مشي مشي ‏ونگصد عظيم المنزله مشي مشي مشي مشي ‏والكون كله باكمله. مشي مشي مشي مشي ‏هذا الزحف ما اجمله. مشي مشي مشي مشي ‏ . . . ‏حُسين حُسين حُسين حُسين ‏ ‏تسبيح گلبي وخطوتي حُسين حُسين حُسين حُسين ‏اسمك ينزل دمعتي.  حُسين حُسين حُسين حُسين ‏اصرخ وأطَبّر هامتي.  حُسين حُسين حُسين حُسين ‏من الطفوله الكُبرتي.  حُسين حُسين حُسين حُسين ‏ ‏ ‏ ‏ ‏ ‏يا ابا الفضل يا ابا الفضل ‏ ‏رفرف علينه برايتك. يا ابا الفضل يا ابا الفضل ‏من البيشه طلعت شيعتك يا ابا الفضل يا ابا الفضل ‏يرزقنا الله زيارتك. يا ابا الفضل يا ابا الفضل ‏بعون الله نگصد گبتك يا ابا الفضل يا ابا الفضل ‏ ‏  ‏علي علي علي علي ‏ ‏يامن لهُ أسمٌ  عَجب       علي علي علي علي ‏مشايه اچه كل الشعب     علي علي علي علي ‏تراب اليسحگونه ذهب   علي علي علي علي ‏صوت الموالي لو تعب     علي علي علي علي ‏ ‏ . . ‏يا فاطمه يا فاطمه ‏ ‏الگاع تصرخ والسمه يا فاطمه يا فاطمه ‏مشايه اجتكم لاطمه يا فاطمه يا فاطمه ‏كم خادم وكم خادمه يا فاطمه يا فاطمه ‏إتسجليهم انتِ فاطمه يا فاطمه يا فاطمه ‏ ‏ . . . ‏ ‏خدم خدم خدم خدم   ‏ ‏مِتحزمه تتحضر عمر.    خدم خدم خدم خدم ‏ميهمها حر شمس الظهر خدم خدم خدم خدم ‏عند الخدم هذا نذر       خدم خدم خدم خدم ‏ماتنطفي نار الجدر.       خدم خدم خدم خدم ‏ ‏ ‏ ‏يالمنتظر يالمنتظر ‏ ‏متى الفرج طال السفر.   يالمنتظر يالمنتظر ‏يالوجهك يفرح النظر     يالمنتظر يالمنتظر ‏يالگاعد براگ النهر . .   يالمنتظر يالمنتظر ‏للثار نحسب كم شهر ؟    يالمنتظر يالمنتظر ‏ ‏ ‏ ‏ ‏للشاعر محمد الظالمي ‏ ‏ ‏ ‏

راس بصندوگ. وراس بتنور راس العباس. وراس المنحور __ خذوني ميسره ورووس اخوتي ويايه زماني الخله خولي ياخذ الرايه الالم مو بس جرح يمكن من احچايه عقيلة آل هاشم طالعه هايه كثره الشمات. وعليه ادور راس العباس. وراس المنحور ___ يم مخمور راس احسين والينه ابتنور اعله وجهه وما يسد عينه اخاف من الخَفِت يلچم شراينه ويطب ذاك الرماد ابنحره وجبينه يطلع بالراس. دخان اِونور راس العباس. وراس المنحور ___ منو ايوَصلّني للتنور وادعيله اريد الراس احضنه بگلبي واشكيله اريد امسح جروحه الهاده حيله اريد امسح لحيته ودمه بالشيله الحاجب مطبور وگلبي مطبور راس العباس. وراس المنحور ____ على سرج الفرس معقولة صندوگه تره الراس ابو فاضل روحي محروگه بغيابه اشما اشم الهوه مخنوگه على اعيون ابو فاضل گلبي طگ شوگه سهمه مشلوع. لو لا مكسور راس العباس. وراس المنحور __ انامن بالخرابه وعيني ماتغفه اريداً رووس اخوتي تعين بالوگفه أخي عباس امشي ويالشمر كلفه واطب ديوان و عيون الزم صلفه فرقنه الموت وعاشر عاشور راس العباس. وراس المنحور ___ اصب ادموعي يللي رووسكم سلوى مره متعوبه لا حولَ ولا قوه منو بالكون عدها مثلي هيج اخوه ؟ الگمر واحسين اخوتي الطولكم فدوه گلبي لو مات. اعليكم ماجور راس العباس. وراس المنحور للشاعر محمد الظالمي

‏ليل ونار     ساهرتك ‏ماي اعيون  عاشرتك ‏ما انساك    على بختك ‏ ‏ ‏__ ‏ ‏حيرت روحي              و حَقها معذوره ‏نورك الطاغي.             ماهو أسطوره ‏كل حرف باسمك.           بارز بنوره ‏بس شفت حائك           حاء مكسوره ‏سينك شبيها              سين مطبوره ‏يائك ونونك               بخيل مجروره ‏ ‏عزه گبرك عزه روحي ‏وراية مرقدك نوحي ‏ترفرف  عالمشاعر ‏ ‏مايدرون .   شنو انته ‏والحباك.    عِله بخته ‏يالمحبوب  قبلتك ‏ ‏ ‏____ ‏  ‏  ‏نور البگلبك           مختلط بيه ‏لمسة ابداعك       واضحه اعليه ‏مالك النيّه          وشاغل النيه ‏انت تِجذبني        وتمشي رجليه ‏ياضوه عيوني.       يانفس ريه ‏عبد  تقبلني         لبنتك ارقيه  ‏ ‏انه خادم  لشيباتك ‏مي بارد لجمراتك ‏ابردلك غليلك   ‏ ‏أي والله.   حبيتك ‏تاج الراس خليتك ‏عميه العين ماشفتك ‏ ‏. ‏. ‏. ‏ ‏ ‏ ‏اشهدُ انك               انت عافيتي  ‏ولا عجيبه احسين    گاعد ابنيتي ‏انه صح انسان        والي حُريتي  ‏شما اذل روحي       ترفع ابصيتي ‏مالي شخصيه       انت شخصيتي ‏ساكن ابگلبي.            يابعد بيتي  ‏ ‏على مهلك على مهلك ‏اجي اركض احب رجلك ‏لون چنت بزمانك ‏ ‏طفل ازغير. يم بابك ‏صرت اجبير يم بابك ‏گطرة ماي.   عَله شفتك ‏ ‏. ‏. ‏. ‏ ‏صاحب الملّگه.   اني سميتك ‏چن اطب بيتي.    من اطب بيتك ‏لايذ بروحك.     ادخيل قدسيتك ‏بگلبي من احچي. يعني حاچيتك ‏عن جميع الناس. بگلبي ضميتك ‏انت أُنس روحي. اني خليتك ‏ ‏منو مثلك يبو اليمه ‏منو مثلك حلو اسمه ‏عليت اعله العوالي ‏ ‏بعليين           عله دمك ‏عرش الله.     خط اسمك ‏ليش الناس.   عايفتك ‏ ‏. ‏. ‏. ‏ ‏الملك والجان.       صاعد ونازل ‏والدعاء يمك       سيدي واصل ‏من نجي انزروك  جيت السائل ‏نجي بالاول       نزور ابو فاضل ‏بيه تشتم كون.   ريحة الكافل ‏حتى تشبگني.     والدمع هامل ‏ ‏ابو فاضل اخوه روحك ‏مي جوده دوه اجروحك ‏دخيلك يا ابو فاضل ‏ ‏لجل احسين     واجفونه ‏انطه العين.      لعيونه ‏عنده الله.        منزلتك ‏ ‏. ‏. ‏. ‏ ‏ ‏ماردت غيرك.     وانت رايدني ‏اني احبك حيل  سيدي  تحبيني ‏بويه اگللك       تگلي يا ابني ‏بحضنك دافي.   حيل تحضني ‏من الزم الشباج.  انت تلزمني ‏منو بس غيرك.   انت تفهمني ‏ ‏ولا. غيرك انه مدوره ‏على گلبي الك صوره ‏وجه مدري شحلاته ‏ ‏يالمعشوگ  ومدلل ‏ابغيرك.  لا اتوسل ‏هاي الروح. عاشگتك ‏ ‏. ‏. ‏. ‏ ‏دولة العشاق         كربله هايّه  ‏دولة قائدها         صاحب الرايه ‏ياملك عرشك        قمة الغايه  ‏انت صح واحد :    كلش هوايه ‏جننت  گلبي         وفقدت رايّه ‏خذت هذا الكون      كله بحچايه ‏ ‏ ‏الا من ناصراً اسمع ‏ردت من ظهر ابوي اطلع ‏وقاتلك حبيبي ‏ ‏يامذبوح .  تعذرني ‏بالاصلاب.  تسمعني ‏لو موجود ناصرتك ‏ ‏_ ‏ ‏لشاعر محمد الظالمي ‏

‏طريق طويل   تعبت هواي ‏وگف گلبي     واريد الماي ‏ ‏. ‏. ‏. ‏ركضني دهري ابهالعمر رجليه گامت تتعب ‏من كربله گولوا عليّ الله يرحمج زينب ‏رمل و هوه ماينحمل وخله حجابي امترب ‏راسك على راس الرمح مدري يا راس الشيب ‏ ‏ ‏اخي وحدي.    صبح ممشاي ‏وگف گلبي     واريد الماي ‏. ‏. ‏. ‏جيت ابغبار المعركة مضيعه اخو مضيعنه ‏انت الغيور الينتفض چا نايم شگد صحنه ‏الاذاني مو ضربت متن ولا دفعتي ولا دمنه ‏الاذتني خويه رگبتك والخشبه چانت خشنه ‏ ‏صدگ عطشان   يلب احشاي ‏وگف گلبي     واريد الماي ‏ ‏. ‏. ‏. ‏ ‏راسك اشيله بيمنتي لا مو تشيله الشجره ‏مرات اشوفه عالرمح مره اعله ذيج الصخره ‏وينگط الدم أعله الحجر , والحجر نوحي يكسره ‏ياخويه تبجي ناگتي احسب اشگد متأثره ‏ ‏الكسر روحي   تون وياي ‏وگف گلبي     واريد الماي ‏. ‏. ‏. ‏ ‏لاعدنه بيت ونختفي ولاعدنه واحد فزاع ‏شبعد النجف عن كربله وين الله ويطويلي الگاع ‏صحنه دخيلك ياعلي ها يا صياد الاسباع ‏طويل اذراع الشمر عليّ وانه گصيرة اذراع ‏ ‏علي وينك صحت لسماي ‏وگف گلبي     واريد الماي ‏ ‏. ‏. ‏. ‏مرات اكو شي ينحجي بس آه يالشام الشام ! ‏راسك اذا نام ابرمح جا احنه گلي شنام ‏مشتاگه اسمع ضحكتك مشتاگه وگلبي محتام ‏كل عام راسك عالرمح ويفتر عليه كل عام ‏ ‏بچي اعيوني  الك مبچاي ‏وگف گلبي     واريد الماي ‏. ‏. ‏. ‏مشتاگه الك مدري اشكثر و المهم اكثر الناس ‏مشتاگه الك يابو علي ها يا حبيب الاحساس ‏مشتاگه افيي من الشمس وبحجابي اغطي عالراس ‏مشتاگه خويه الشوفتك ولچفوف اخويه العباس ‏ ‏ابو فاضل     ضوه عيناي ‏وگف گلبي     واريد الماي ‏ ‏ ‏ ‏للشاعر محمد الظالمي ‏

‏بعد ما صعدت على الهزله بخجل ‏قَدَّرَ اللهُ وما شاءَ فعلْ ‏ ‏. ‏. ‏. ‏وين يحيى المازني جيران حيدر ‏جارهم عشرين عام ويمكن أكثر ‏اسم زينب لقب حَسباله يتكرر ‏ماكو هيجي خدر عدنه الله اكبر  ‏  ‏وين يحيى يشوفها ابلايه أهل ‏قَدَّرَ اللهُ وما شاءَ فعلْ  ‏. ‏. ‏. ‏وین مَكة والمدینة والمھابه ‏وین حمزة اسمعله جوابه ‏آل ھاشم وینكم عدكم اطلابه ‏شلون زینب گاعده ابنص الخرابه ‏ ‏زينب ابلا محمل اومحد سئل ‏قَدَّرَ اللهُ وما شاءَ فعلْ ‏. ‏. ‏. ‏چان وحي الله اليقود الناگه وقرب  ‏هسه تسمع بالاذن والدها ينسب ‏حَدِبت بس الها حَدب شكو كوكب ‏السمه زرگه احترام المتن زينب ‏ ‏هو ايفرست هم جبل وزينب جبل ! ‏قَدَّرَ اللهُ وما شاءَ فعلْ ‏. ‏. ‏.  ‏لون نسأل عالسبي هم شنو شكلة ؟ ‏ابسبي لو خليت زلّمة ما يحمله ‏اتخيل انت ابحبل ماتگدر تِحلّه  ‏وانت گدامك عدوك ما يفلّه ‏ ‏المره من توگع تره تشبع وجل  ‏قَدَّرَ اللهُ وما شاءَ فعلْ ‏. ‏. ‏. ‏العابدة والزاهدة تمشي اسيره  ‏عمت عيني تباوع البدر العَشيرة ‏بالله شتگله واخوها كله غِيره  ‏يرجف أعله الرمح لو ينظرها غَيره ‏ ‏اتمنت العباس من رمحه نِزل ‏قَدَّرَ اللهُ وما شاءَ فعلْ ‏. ‏. ‏. ‏اشلون إذا صلّت جلوس وتدمع العين ‏زينب تگله الهي ابروح الحسين ‏عنده طفلة عمه ابي چا وين ‏اني اريدن والدي ايحل حبل الادين ‏ ‏عِدها أمل والدها يرجع عدها أمل ‏قَدَّرَ اللهُ وما شاءَ فعلْ  ‏. ‏. ‏. ‏ ‏ ‏ ‏للشاعر محمد الظالمي

‏شكبرك يحسين الله اليعلم ‏صَلى اللهُ عليكَ وسلّم ‏ ‏.................... ‏اسباب الحُب و تكوينه ‏والله يحب الحَب احسينه ‏من دمك خالط بالطينه ‏دم من ذاك الراس النازل ‏ ‏اشكر ربي اللي خلاني ‏شيعي وما احِب غيرك ثاني ‏بالاصلاب اتنقل اني ‏وابچي اعله العباس الكافل ‏ ‏بصلِب الوالد وانه اتالم ‏صَلى اللهُ عليكَ وسلّم ‏ ‏.................... ‏من تسمع بالمقتل روحي ‏تتفتح بيبان اجروحي ‏كلما اكبر يكبر نوحي ‏نوحي عليك يدوم ويكبر ‏ ‏افتحلك شريان ادموعي ‏وتسحگ خيل احزاني اضلوعي ‏ضعنك همي وكل موضوعي ‏صورة نوگ ابراسي و تفتر ‏ ‏ضعن الحوراء من يتقدم ‏صَلى اللهُ عليكَ وسلّم ‏ ‏..................... ‏ ‏ ‏يالقابل حُرك اقبلني ‏افتح اصفادي وحررني ‏بمعصب امك لا تتركني ‏ماعندي غيرك ماعندي ‏ ‏يا ريحانه وروح الهادي ‏من زغيري لبيك انادي ‏والحبك علمت اولادي ‏من جدي وعلمته الولدي ‏ ‏ما اعلم غيرك ما اعلم ‏صَلى اللهُ عليكَ وسلّم ‏ ‏ ‏..................... ‏يامركز شوگي يمداري ‏يم نورك تخفت انواري ‏ماي الحُب ابگلبك جاري ‏ما ماهية هذا گلبك ؟ ‏ ‏الثقب الاسود لمن شافك ‏صار ابيض عاكس لوصافك ‏ما السر الكامن بـ الطافك ‏البحر المالح لَمَن حَبَك ‏ ‏صار البحر المالح زمزم ‏صَلى اللهُ عليكَ وسلّم ‏ ‏. ‏..................... ‏ ‏ ‏حاءك سينك ياء ونونك ‏ما اجملهن، اسمك ، لونك ‏سوداءٌ بيضاءْ اعيونك ‏شاب وبالستيني عمرك ‏ ‏اقسم بالمرسول الخاتم ‏خنصر ايدك حلى الخاتم ‏حبي من الاول للخاتم ‏مو بس اني الدنيا تشكرك ‏ ‏انت الروحي طِيب وبلسم ‏صَلى اللهُ عليكَ وسلّم ‏ ‏. ‏. ‏.................... ‏ما سِر اللي يخلي الابكم ‏يم شباكك من يتكلم ‏وانت عند الله صاحب دم ‏وعبد الله ابنك دم نحره ‏ ‏شاءت اشيائي الوضعيه ‏اتقرب واحد بالميه ‏واعمالي تقبل بالنيه ‏وتسجل بچفوف الزهره ‏ ‏البس ثوبي الاسود وافهم ‏صَلى اللهُ عليكَ وسلّم ‏ ‏..................... ‏. ‏ ‏يالحبك خانگني بجيدي ‏وشايف لمن الزم ايدي ‏وانظر بيها النبض وريدي ‏اسمك هذا اليجري بدمي ‏ ‏يا قطب الساعةْ البي تفتر ‏ساعة الله اليوم المحشر ‏ياوعد الله وثاره الاكبر ‏لكسر اضلوعك اكسر عظمي ‏ ‏انت ثار اللهُ الاعظم ‏صَلى اللهُ عليكَ وسلّم ‏. ‏ ‏.................... ‏للشاعر محمد الظالمي ‏

هالله هالله ياشباب احسين نايم عالتراب هالله هالله ياشباب احسين نايم عالتراب ◼️◼️◼️◼️◼️ وگفت اعله التل تنادي ومنه ما تسمع جواب هالله هالله ياشباب احسين نايم عالتراب ◼️◼️◼️◼️◼️ احسين واگع من جواده وناگع بدم الخضاب هالله هالله ياشباب احسين نايم عالتراب ◼️◼️◼️◼️◼️ طلعن اعله التل يلطمن سكنه وي رمله ورباب هالله هالله ياشباب احسين نايم عالتراب ◼️◼️◼️◼️◼️ بالشمس نايم حبيبي ولاكو غيمه ولا حجاب هالله هالله ياشباب احسين نايم عالتراب ◼️◼️◼️◼️◼️ والعطش فاطرله گلبه وينظر الصحره سراب هالله هالله ياشباب احسين نايم عالتراب ◼️◼️◼️◼️◼️ والشمر داس اعله صدره وانذبح سيد الشباب هالله هالله ياشباب احسين نايم عالتراب ◼️◼️◼️◼️◼️ من يصد الخيل عنه انكسرن اظلوعه عتاب هالله هالله ياشباب احسين نايم عالتراب ◼️◼️◼️◼️◼️ طلعن يركضن بناته صاحن ابكل انتحاب هالله هالله ياشباب احسين نايم عالتراب ◼️◼️◼️◼️◼️ مدري شمسوي حبيبي وتنهش ابجسمه الذياب هالله هالله ياشباب احسين نايم عالتراب ◼️◼️◼️◼️◼️ وصل مرسال العليله ولطخ اجناحه الغُراب هالله هالله ياشباب احسين نايم عالتراب ◼️◼️◼️◼️◼️ ساعة السلبوا قميصه صارت الدنيا اكتئاب هالله هالله ياشباب احسين نايم عالتراب ◼️◼️◼️◼️◼️ فرش جبرائيل جنحه ياعظم هذا المصاب هالله هالله ياشباب احسين نايم عالتراب ◼️◼️◼️◼️◼️ اخته من الناگه طاحت عالأرض هذا العذاب هالله هالله ياشباب احسين نايم عالتراب ◼️◼️◼️◼️◼️ لا عشيره ولا حميه اتولته گوم آل اميه وزينب الراحت سبيه طلعت ابذاك الضباب هالله هالله ياشباب احسين نايم عالتراب هالله هالله ياشباب احسين نايم عالتراب ◼️◼️◼️◼️◼️ ✒️للشاعر : محمد الظالمي

‏حسين حسين حسين حسين ‏. ‏. ‏. ‏ ‏ما اقساني     بأخر عمرك ‏اشلون اختك واتقدم مهرك ‏خليني اشتمك من صدرك ‏بعد اخوانك خالي ظهرك ‏حسين حسين حسين حسين ‏ ‏. ‏. ‏. ‏ ‏اوداع الخوة ايشيب الخاطر ‏تكسر گلبي وحدك حاير ‏من اتنادي هل من ناصر ‏يفزز گلبي صوت الحافر ‏حسين حسين حسين حسين ‏ ‏. ‏. ‏. ‏ ‏ميته ولا انظر هالحاله ‏يروح احسين ترجعه اعياله ‏ينعه الروحه وما ننعاله ‏يصفگ بيمنه وبشماله ‏حسين حسين حسين حسين ‏ ‏. ‏. ‏. ‏ ‏من زغري لسا ملچومه ‏واتمنه يومي ولا يومه ‏من انظر ذبلانه ارسومه ‏وتلزم اطفاله بهدومه ‏حسين حسين حسين حسين ‏. ‏. ‏. ‏ ‏ ‏ياروح اختك انقبل ايدك ‏منريد الماي احنه اريدك ‏نحلفك بالقاسم ووليدك ‏مانتحمل گطع اوريدك ‏حسين حسين حسين حسين ‏ ‏. ‏. ‏. ‏ ‏ ‏شده وياحيرة هالشده ‏ابن امي حيران ابوحده ‏ميتين اهله وكلها ضده ‏فگد الكافل حيله هده ‏حسين حسين حسين حسين ‏ ‏. ‏. ‏. ‏ ‏اول سهم يصوب گلبك ‏السهم الثاني يضيع دربك ‏السهم الثالث خويه يتعبك ‏وانت مشغول بحب ربك ‏حسين حسين حسين حسين ‏ ‏. ‏. ‏. ‏ ‏يوگع من المهر امدمه ‏واصعد عالتل واندب اسمه ‏والطم وجهي واصرخ يمه ‏هذا احسينج نهبو جسمه ‏حسين حسين حسين حسين ‏ ‏ ‏للشاعر محمد الظالمي

‏رايه اعله ظهره       من فدوه عمره ‏شيخ اعله مهره     صلوات على محمد ‏ ‏. ‏. ‏ ‏ ‏جاسم النور الالهي    ما شفت مثله ابد ‏ابني من شدة جماله.  كل ورد يمه سجد ‏بالشجاعه بالفراسه.    بين ابني من المهد ‏ابني ما عاش الطفوله   من الزغر زلمه الولد ‏ ‏ابن الاماجد.         من زغره عابد ‏هاي المساجد.       صلوات على محمد ‏ ‏. ‏. ‏. ‏ ‏قاسمي گلبي يدگله.    يانفس ريتي الوحيد ‏اني اتنفس وجوده     يا حلم عمري السعيد  ‏هو عندي كل شي عندي  وبعد من الله شريد ‏كافي اني بوجهه انظر.  هو نبضي بالوريد ‏ ‏فدوه الكلامه        فدوه السلامه ‏هاي البسامه.     صلوات على محمد ‏ ‏. ‏. ‏. ‏ ‏الامام الثاني ابنه      وهذا ذخره للزمن ‏ذاك والد هذا ابنه  يعني شخلف الحسن ‏بالكرم همه اهلها.     بالمحن همه وطن ‏ابني لو يرفع جفوفه.  تمطر الدنيا مزن ‏ ‏هذا ابني روحي.      طيب الجروحي ‏ينسيني نوحي.       صلوات على محمد ‏ ‏ ‏. ‏. ‏. ‏ ‏يابعد امه عِزيزي    بالعمر ابني كُبر ‏لايگ الثوب اعله طوله وشحلاته بالنظر ‏اني منتظره ازفه  واشعل اشموع السهر ‏وخايفه اني ابحياته   مدري شسوي القدر ‏ ‏اوليدي بجماله        محد مثاله ‏حلوة خصاله.      صلوات على محمد ‏ ‏. ‏. ‏. ‏ ‏تالي ما تالي حبيبي. نزف دمه بكربله ‏طاح طوله مدري گلبي وبچت دم العائله ‏راسه ينظرلي اعله رمحه. وي سبايا القافله ‏ابني صح مذبوح راسه. عالرمح ما اجمله ‏ ‏فدوه لعمه. ياشمعة امه ‏ما احمل اسمه. صلوات على محمد ‏ ‏ ‏للشاعر محمد الظالمي

على بالي             قصر عالي وطحت من عنده يالغالي . . . اويلي عليك ما شفتك غيابك تدري أذاني  اذا ترجع اليه اليوم تره صرت اني مو اني تلوگ اعليه دمعاتي ويلوگ اعليك هجراني اخوتي من يذكرونك واحد يشبگ الثاني الك نيه            ترد ليه تعال واحكم ابحالي . . . اگول الگلبي يابويه ناسي ولَ ماناسي اعيش ابدونك إتخيل مثل ماتارِكه احساسي اشو كل لليله يا مسلم كلها تمسح ابراسي الفگد  حصراً على المشتاگ يبين بالوجه قاسي هوا ريتي           بعد بيتي وتره بس انت تحلالي . . . اشوفك من اعيون احسين واسلم اعليك بعيونه ردت منك تجاوبني حزينه وراسي بمتونه ابوسن شيبة العطشان واگله والدي اشلونه اخاف من الغدر مولاي خوفي لايغدرونه انه ابحرگه        على الملگه احن لو مر هوا شمالي . . . يمسلم كابرت قهري ولا جني بعمر طفله     اشد عِصابتي ابراسي وناشغ شوغت الثكله شنو المايحله بوجودك وشنو بغيابك اليحله اخاف من الي مامحسوب عليه ولاتظن سهله وحگ ربي         يحن گلبي جبيره غيبة الوالي . . . اجيت من المدينة وياي عطر ثوبك ولا عوفه حميده اتموت بغيابك تجاعيد الوجه شوفه وصلنه الكربله وصرنه اسارة انموت بالكوفه عِطش عمي ابو فاضل  لحد مايبسن اچفوفه الخيم تلهب      على زينب وانه مرعوب دلالي . . . يبويه من هجوم الخيل اخوتي ضاعوا اعليه لا عدلين اشوفنهم  مصيبة عشعشت بيه الحبل ذاك اليجر راسك نفسه الجرني مسبيه لچن هونلي ترحالك ايدي لازمه  ارقيه تماشينه         وتواسينه ويظل بيت الزلم خالي الشاعر محمد الظالمي

‏يا خراسان البعيده هذا حالي وشتياقي ‏ليتني للرضا دعبل واقره بالطور العراقي ‏ ‏. ‏. ‏. ‏ ‏ ‏بصحن الرضا اسمع اشارة ‏كلما يدگ جرس المنارة ‏والثلج الابيض بالصحن بذاك ‏الله ياشوگ الزيارة .... ‏ ‏ ‏مشهد جميلة بالمراقد ‏ذيج الشوارع والمشاهد ‏عنده اثنعش صحن الرضا اهناك ‏بنفسي انام بصحن واحد ‏ ‏ ‏ياعلي.  ياعلي ياعلي ياعلي ‏ ‏. ‏ ‏ما ريده جُبه ولا رداءه ‏محلاها ياربي سماءه ‏وامنيتي وحده سيدي كون ‏يشملني  مولاي بدعاءه ‏ ‏ ‏گالو انيس النفس عنه ‏وفردوس گبره چنها جنه ‏عطر البخور البصحن ذاك ‏والله ماينشبع منه ‏ ‏ياعلي.  ياعلي ياعلي ياعلي ‏ ‏وينه الامام المهدي اريده ‏ياخذني ازور الرضا بيده ‏كاسرني حزني واشتياقي ‏وگاع الرضا عني بعيده ‏ ‏وينه اليوصلني اعله بابه ‏لا طير يلفي لا سحابه ‏ياربي اطوي الارض اليه ‏ها يا سريع الاستجابه ‏ ‏ياعلي.  ياعلي ياعلي ياعلي ‏ ‏ ‏. ‏ ‏رحلة عمر هاي الوحيدة ‏كون اعله ابابه اقره قصيدة ‏ويطلق عليه اللقلب مولاي ‏مداحكم اصبح اكيده ‏ ‏ تعبانه روحي تريد مشهد ‏ها يالرضا يابو محمد ‏مازايرك مولاي واشعر ‏گدام وجهك وجهي اسود ‏ ‏ياعلي.  ياعلي ياعلي ياعلي ‏ ‏. ‏ ‏ ‏ ‏للشاعر محمد الظالمي

https://youtu.be/-CEUki2JKrA?si=_x1GRWmSqrDC8cLj

Channel photo updated

https://vt.tiktok.com/ZSucRGmN4/

‏ ‏بلحظة وفاتك     ضعنه وغلاتك ‏واحنه التلمنه      چانت عباتك ‏ ‏........     ‏ ‏ ‏راح الابو.   وضاع الحلم    ومامتنه بچفاك ‏يا باالحسن  مال الزمن     واحنه يتاماك ‏هذا اللبن.     هذا التمر   خل نفطر وياك ‏اگعد علي     لا تعتقد     فد مره ننساك ‏ ‏ ‏يجرح غيابك.     واحنه اعله بابك ‏ومن تطلع النه.     نلزم ثيابك ‏ ‏ ‏......... ‏  ‏شمس الشمس  وجهك امس    يتغير اشلون ‏راسك علي      من انطبر       صار اسود الكون ‏درع الگلب     ذكرك يظل        حاجب عالعيون ‏ذاك الوجه      اجمل وجه.      ظل ذابل اللون ‏ ‏      ‏كسرة  خواطر.      صبحك يباچر.      ‏من يبقه يمنه.        تموت المشاعر ‏ ‏ ‏........... ‏ ‏الله امر        بحبك علي    واحنه اعله امره ‏الجنه الك.    انت وهلك    يا احله شجره ‏الدنيا فلا.     تستاهلك.      ماتسوه شعره ‏فگدك الم      بلب الگلب.    اي والله كسره ‏ ‏فصل العجايب        هالليله غايب ‏جرحك فجعنه        بلون المصايب ‏ ‏.......... ‏ ‏بويه علي      بويه علي    شمحلاها والله ‏حيدر بعد. .   اخر نفس.    آه والف  آه ‏انريد الدوه    انجيبه الك   وين احنه نلگاه   ‏انشگ الگلب    مو هامتك.   لا ياعلياه ‏ ‏بويه اليتامه.      ماكو ابتسامه ‏بعدك حزنه.       اليوم القيامه ‏ ‏........ ‏ ‏هل رؤيتك ؟     صارت صعب.     عالشيعه مولاي ‏هل طبرتك ؟    ماخلتك ؟          ما تشرب الماي ‏طولة عمر.      يا بالحسن           ردناه علي هواي  ‏هذا الزمن.       ما ينحرز.         ومانعرف الجاي ‏ ‏ننوي اعله قربك       بالله نحبك ‏طبرو حلمنه.       شنگل لربك ‏ ‏....... . ‏ ‏اسمك ثمر.    لون الشجر     فيّ بالفيافي ‏كافي تعب     لا تنكسر.       ياگلبي كافي ‏نايم گلت.      يالنومتك.      نوم العوافي ‏لا من طبع.     ياحيدره        عنه تچافي ‏ ‏اللحظه الأخيرة.        كسرة چبيرة ‏ميت وطنه.               سيد العشيرة ‏ ‏........... ‏ ‏اول علي.       وآخر علي     وجداني حيدر ‏لو ما علي       مانتسمع.       اللهُ أكبر ‏حبك علي      بدمي سره.    بشرياني الابهر ‏يالحيتك.         تسوه هلي   يالشيبك احمر ‏ ‏لله قيامك.           واجمل كلامك ‏اطشر شملنه.         وانت بصيامك ‏ ‏ ‏ ‏للشاعر محمد الظالمي