الزعلان official .

في حاجات لا افهمها ان ناس بتقعد تاخد العلاقة بين الراجل والست محتوى وحتى مش بيتكلموا على أساس علمي بيتكلموا على اساس هبد لكن الفكرة انهم بيقعدوا يقارنوا الستات أو الرجالة عندهم بستات ورجالة بره مع إن المحتوى اللي بيقدموه ده منحوت من الغرب فا مثلا اما تقول على الستات عندك جولد ديجر مش زي الاجنبية أو انهم كلهن عاهرات فا اكشلي حوار جولد ديجر وعاهرات ده قايلُه رجالة بره على الستات عندهم انت عرفت الستات بتوعهم اكتر منهم ازاي؟ ولما بتقولي على الراجل عندك انهم معنفين أو خاينين أو مبيهتموش بالأطفال ومبيعملوش واجبتهم تجاه أبناؤهم عكس الاجنبي ما في ستات اجانب قايله كدة على الرجالة عندهم انت عرفتي انه عكس اللي عندك ازاي؟

السعدني مُصر على ان يتم تكفيره .

الناس في مصر يا عندها انكار تام للغش في الامتحانات يأما حاطين الغش هو سبب مسؤولية اي شيء اولا انكار ان في غش في مصر ده شيء عبثي تماما لأن مصر الغش والوسايط وكل الكلام ده من علاماتها في الحياة وكلنا عارفين المسؤولين اللي بيودوا عيالهم لجان في الصعيد أو ارياف لسهولة شراء اللجان هناك طيب بس الغش مش هيخلي ابنك ولا بنتك يا حج يجيب 60% والإنسان لازم يحط تقصيره قدامه قبل ما يشتكي من أي عامل خارجي لكن لما يتحول كل حاجة ان الغلط والمسؤولية على الظروف والحياة والنظام وانا ملاك بجناحين يبقى عمرك ما هتتقدم خطوة وهتفضل عايش على الشكاوي .

لا اله إلا أنت سبحانك إني كنت من الظالمين.

كنت بستحمى دلوقتي ولقيت نفسي رايح جاي العمارة بتتحرك زي الچيلي ومكنتش فاهم حاجه، لحد ما بصيت على باب الحمام لقيته بيتحرك جامد لبست بسرعة وجمعت الأسرة السعيدة كلها حواليا اصل هنعمل ايه يعني .

عمري ما فهمت ايه الإبهار في رواية اولاد حارتنا اللي كله بيتكلم عنه دول مقرأوش الحرافيش او قلب الليل مثلا او اللص والكلاب يمكن الرواية واخده شهرتها بسبب الرمزية الدينية وحتى دي متفسره غلط متفسرة انه بيسخر او غيره كأنهم قروا الرواية كلها وفتوا اخرها .

اكتر حاجة مضحكه في موضوع المسيرة ده إن في ناس لسه بتصدق كلام أي جهة رسمية في مصر أو بتاخد كلام اي مسؤول على رأسهم الريس على محمل الجد .

انا لسه راجع من عند بتاع الخضار بعد ما قالي العذاب أبدي والكون سرمدي .

اكتر حاجة مضحكه في موضوع المسيرة ده إن في ناس لسه بتصدق كلام أي جهة رسمية في مصر أو بتاخد كلام اي مسؤول على رأسهم الريس على محمل الجد .

الأفضل تتفرج على الرجل العنكبوت مع الجماعة من غير العيال علشان فيه لقطات متنفعش للأولاد (قبُلات ساخنة بين الرجل العنكبوت وصاحبته في الحرام) فا خد العيال فرجهم على "قصه لعبه 5" افضل كتير ليهم .

كتب جون شتاينبك على ضهر الرواية «لقد فعلت كل ما في وسعي لاحطم أعصاب القارئ إلى أقصى حد، ذلك أنني لا أريده أن يكون راضيًا.» وأنت بتقرا مبتعرفش تحدد ايه اكتر حاجه مخلياك غير راضي اكتر حاجة خليتك غضبان هل الرأسمالية اللي بتسمح لقلة يحتكروا كل شئ تقريبا بيكونوا شركات ومؤسسات ضخمة بتستغل عماله رخيصة باقل الاجور وكمان بتطحن اي مستثمر صغير بترمي المحاصيل والمنتجات والناس بتجوع لمجرد ان وجودها هيبقي خسارة ولا تغضب من السلطات اللي بتعين القلة دي على سيطرتهم اكتر بالسلاح والاهانه للناس والحط من كرامتهم وقمعهم ولا تغضب من الناس العادية اللي اختفى منها اي تعاطف او انسانية مع غيرها ولا توجه غضبك للناس اللي بتعاني بس علشان يفهموا انك لما تقول وانا مالي على ظلم بيحصل جنبي واركز في حياتي ان الظلم في النهاية هيطولهم وان لعب دور معدومين الحيلة بدل الغضب ومواجهة الاوضاع مش هيساعدهم في شئ بل هيقضي عليهم هما الاول ولا تغضب من الحياة كلها .

اذا لم تجرب رحلة العودة من أكتوبر للشروق فا مكانك عند الماما .

هو الاخ ده مش عارف ان الرجالة هنا تلاقيه بيدور على المنتقبة، ام العيال، الزوجة الصالحة، الخام اللي عمرها ما كلمت ولد علشان الاختلاط حرام، ومترهبنة طول عمرها. بس هتلاقيه بيريل على واحدة ليل نهار بيشتم فيها، وهتلاقي بيدور عليها مؤسس علم التحليل النفسي سيجموند فرويد سماها the madonna whore complex .

مفيش حاجة اسمها يارب ارزقني بزوج/ة من الدولة الفلانية لأن الستات / الرجالة المصريين خاينين سيئين اخلاقيا بيشربوا مخدرات طماعين وغيره لان في النهاية انواع البشر دي موجودة في كل مكان والجريمة موجودة في كل مكان والخيانة في كل مكان والأمر في النهاية راجع لاختيارك وتوفيق ربنا تلاقي الشخص الصح مش للدولة او المكان اللي جي منه الشخص حتى لو البلد دي 99% من اللي فيها كويسين ممكن حظك يقع في الواحد في الميه .

Http://t.me/Omvrugh152BOT

الحمدلله الانتهاء من كتاب مهم من كتر أهميته أعتقد انه على الاقل لازم محتواه يكون موجود في مناهج دراسية بغض النظر عن كون الشخص علمي أو أدبي لأن ملاحظة بسيطة إن احنا واصل بينا الحال إن مش بس الناس على السوشيال او الشارع بتقع في المغالطات دي لا إنت تقريبا أي حوارات أو مناظرات بتلاقي الطرفين عملوا كمية لا بأس بها من المغالطات وفي الاخر بيتقال ده رد عظيم أو قصف جبهة وهو متردش على السؤال اصلا .

ازمة المجتمع مع المرأة ف شغلها أو لبسها أو أي شيء وتسليط دايما الضوء على أي خطأ ليها اللي لو واحده راحت تشتغل أو تدرس وعملت أي شيء غلط يبقى كل الستات مينفعش تشتغل او تدرس مش علشان الدين خالص اصل لو علشان الدين كان هيمتلكوا نفس الازمة مع كل الذنوب كان ركزوا و وضعوا مجهود في منع الظلم مثلا والقمع والرشاوي والسرقة والقتل والمخدرات وسب الدين والخوض في الاعراض لكن التركيز مع الستات علشان العادات والتقاليد وان الست هتجيب ليهم الفضيحة لو حد عرف انها عملت اي شيء او حتى عملت فعل اتفسر بشكل غلط فا المجتمع بيخاف من الفضيحة وبيخاف من كلام الناس وبيحترم العادات والتقاليد اكتر ما بيحترم الدين او بيحترم اي شيء اخر يمكن حتى نفسه اللي ممكن يرضالها الظلم ولا يحرك ساكنا .

اكيد انا مش فاهم اي حاجه .

https://109968808203785139788.sarhne.com

أم طليقتي ج.س بنفسها .