Muhammad Umbetov

Hayotdagi eng muhim bosqichlaridan biriga qadam bosildi, alhamdulillah! To‘yimizda xizmat qilgan barchadan Alloh rozi bo‘lsin. Bo‘ydoqlarimizga solihalar nasib qilsin. Endi xotirjamlik bilan fokusni kasbiy va shaxsiy rivojlanishga qaratamiz. Bahonalar qolmadi)

30 Iyun — Yoshlar kuni 🎉 Kuni kecha hayotimda birinchi marta Prezident bilan muloqotda ishtirok etdim. Bunday imkoniyat uchun Yoshlar ishlari agentligi rahbari Alisher Zafarovichga juda minnatdorman! Televizordan bunday tadbirlar navbatdagi majlis sifatida ko‘rinardi, katta e’tibor bermas edim. Lekin kecha ko‘rganlarimdan kegin fikrlarim o‘zgardi. Avvalambor turli sohada yoshlarni qilayotgan ishlari mani ilhomlantirdi. Shu qatorda aynan siz bilan menday yoshlar yangi O‘zbekistonni quradigan yoshlar ekanligiga ishonchim oshdi va bu mas’uliyat yukladi. Kim nima desa desin, lekin yoshlarga haqiqatdan katta imkoniyatlar berilyapti. Masalan biz qurayotgan Tingla startapi $50.000 Prezident grantini yutgan, yaqinda "Yoshlar Ventures" dan $80.000 investitsiya jalb qildik. Ilovani foydalanuvchilar soni 120.000 ga yetdi. Pul to‘laydigan obunachilar esa qariyb 8.000. Tingla Korporativ platformasini esa NBU, IIB, Turizm qo‘mitasi kabi davlat tashkilotlarida minglab xodimlarga integratsiya qilyapmiz. Kecha tadbirda Prezident 50 dan ortiq yangi tashabbuslar va imkoniyatlarni e’lon qildilar. Student, mutaxassis va ayniqsa tadbirkorlar uchun katta imkoniyatlar yaratilyapti. Biznesingizni davlat siyosatiga moslashtirmasangiz, uzoqqa borolmaysiz. Shuning uchun yangiliklarni o‘rganing va foydalaning.

To'yga tayyorgarlik.. Qaniydi, kuyov bo'lmish faqatgina yaxshi pul topish kerak degan sterotip bilan qotib qolmasdan, ayolning haqqi, solih farzand tarbiyasi, oilada erning burch va vazifalari qanday bo'lishi kerakligi haqida ham ilmga ega bo'lsaydi.. Kelin bo'lmish ham faqatgina pishir-tushir yoki bo'yan-so'yan bilan mashg'ul bo'lmasdan, ayollik vazifalari, farzandlari kelajagi uchun hayoli, taqvoli, ilmli bo'lishi kerakligi haqida bilsaydi.. Bu yoshlarning onalari ham haa deb sepu-suru, latta-putta bilan aralashmasdan farzandlari qalbi, ularning niyyatlari, ulardan qoladigan zurriyotlari solih yoki dunyoparast bo'lishi ularga ham bog'liq ekanligini bir o'ylab ko'rishganida edi.. Shunday bo'lganda edi, balki hozirgi har beshta nikohning biri ajrim bilan yakunlanmayotgan bo'larmidi..! Alloh holimizni isloh qilsin, bandalari uchunmas O'zi uchun yashashlikka, O'ziga haqiqiy qullik qilishga tavfiq bersin! Firdavs Shavkat

📚Shorts faqat kitoblar uchun Endi Tingla ilovasida shorts tomosha qilishingiz mumkin. Eng zo‘r tomoni — har bir kontent sizga yangi bilim va foydali g‘oyalar olib keladi. Algoritm sizga bestseller kitoblardan olingan eng kuchli va ilhomlantiruvchi fikrlarni tavsiya qiladi. Bu yerda qomatli qizlar yoki boy bolalar kontenti emas, aynan foydali bilimlar trendda. Shorts’larni mutlaqo bepul va reklamalarsiz tomosha qilishingiz mumkin. Agar biror g‘oya sizni qiziqtirib qolsa, o‘sha kitobning 15 daqiqalik xulosasini ilovaning o‘zida darhol tinglash imkoniyati bor. Shorts’larni ko‘rish uchun Tingla ilovasini yangilang 🚀