قصائد ملا مسلم الوائلي️ مكتوبه

"فتساقطنَ بنات رسول الله علىٰ القبور، كتساقط أوراق الأشجار". -هكذا وصف الرّاوي حال الفاطميّات عند وصولهم لكربلاء. 💔

https://youtu.be/yL21NuXNMBk

📜 القصيدة: اجيتك ناحره الحومه 🎤 أداء: مسلم الوائلي 🖋 كلمات: حسن الترابي ~~~~~~~ ليل يگضي ويبدي ليل يميل راسك وانه اميل وابجي منك لو عليك حايره وما بيه حيل ~~ بحومه وظلمت يحسين وخواتك تارسات البر خوف ونايحه بكل صوب نتراكض بجي ونعثر مدري شضام ذباحك بديه وجاي يتبختر وصل يمنه وضحك شمتان براسك عالحرم يفتر شايل الراس وجاي يضحك ودمك نزل خويه اعله رمحك غمضت عنك عين الزغار وعيوني ضلت فوگ جرحك ~~~ عله اختك طاحت الخيمه وركضت اعله الرمل حافي النار مجلبه بثيابي وجمر جوه الجدم طافي الزلم فوگك شفتها هواي درت وجهي وصحت كافي عله اجتافك لگيت الخيل وصيحن كون بجتافي محترگه واركض ما ادري شلون وعلينه دارت كل العيون واحد يحشم واحد الجيش الله واكبر عثرت ام عون ~ غريبه وفوگي طاح الليل وبناتك دارن عليه هاي الساحگتها الخيل وهاي بنار مجويه وذيج اتصيح عطشانه وانه الهاي ما بيه شصيرن وانه بس انه لثمانين علويه وين انطي وجهي الهاي لو هاي وبياهي احيرن سولف بهاي التمن علاويك يالحسين رادنك انت ورادن الماي ~ ربابك حاضنه الكاروك عبد يمه عبد يمه تگمط والطفل مذبوح تمسح منحره وسهمه رمله بثوب جاسم تنعه وتبجي وتشمه مهر جسام بالخيمه احترگ وتحنت بدمه وليله اعله الأكبر لاطمه العين وتگله ضيمي وياكم منين ملجوم گلبي وشايغه الروح منك ييمه ومن الحسين ~~ اجيتك ناحره الحومه ملحوگه بشتم وصياح ما اريدك  تگوم وياي ولا يرجع دلالي الراح اعله حالك ما يحگلي اعتاب كل الصار بيه اطياح اجيتك ناحره الحومه مو عدله ارجع ويه الرماح مو عدله ارد يحسين عدله وانت برمح وانه اعله هزله شلي بعمر ما بيه خوان شيسوه عمره الماتوا اهله °°°°°°°°°°°°°°°°°°°°°°°°°°°°°°°°°°

https://youtube.com/watch?v=6_mIM2qP_qk&si=XMBKlscu4LeNfqbu

📜 القصيدة: من الشام اجينه 🎤 أداء: مسلم الوائلي 🖋 كلمات: المرحوم الحاج معين السباك ~~~~~~ زينب يخوتي صاحت اجينه من اليسر جينه ما تدرونه بيا حال رحنه وبيش ردينه ~ ما تدرونه بيا حال رحنه وبيش اجيناكم ما والله علينه يهون عالتربان عفناكم بگت بگلوبنه حسره مشينه ولا دفناكم من الشام اجينه اليوم مظلومات للمظلوم حله بعيون اخوتي النوم واحنه وگفت الديوان بالشام اوجرت بينه ~ وصلت الشام مسبيه عساني لا وصلت الشام الزلم ويه النسه طلعت تتفرج عله الأيتام جمع ظلام والنسوان تتراجف من الظلام ولا واحد من اخوتنه حضر ويشوف حالتنه بالديوان وگفتنه يهل الشرف والغيره تاذيكم وتاذينه ~~~~ ردتكم يخوتي بالشام تحضرون وتشوفونه بالديوان يالوليان والشمات هضمونه كل واحد من المجلس علينه شابحه عيونه وينادون يخت حسين وين أولاد عمج وين يزينب ليش ما تحجين ننشد عن اخوج حسين وحماي الضعن وينه ~~~~ ذيج السا صحت يحسين العمر لا طالت ايامه يخويه الشام هد حيلي ودعاني الليل ما انامه عله يزيد الرجس طبيت وراسك جان جدامه يضرب راسك اگبالي وهيج نار دلالي صحت لا تضرب الوالي عسه شلت يمينك ليش تضرب راس والينه ~ يزيد ومن سمع حجيي نهض سب والدي وسبني بذاك المجلس المشيوم گام يريد يضربني عمت عين الدهر لشام عگب حسين دولبني عگب الخدر ذاك الفات لني بمجلس الشمات يعود النه الدهر هيهات وتعود اخوتي وبالخير تتعمر نوادينه ~~~ هذا الشام يبن امي مصايب بي شفت كثره شوغه اشد من شوغه وجمره اشد من جمره مصايب گصن ضلوعي وحگ ضلع امك وكسره وهسا يالولي جيتك بعيالك واهل بيتك يبن امي تمنيتك عدل وتشوف حالتنه ونحاجيك وتحاجينه ~~~~ جيناك وتمنيناك حي وتشوفنه بعينك وتشوف شلون يتهاون عله گبرك نساوينك متگلي يخويه شحال بين اعيالك وبينك ماني اختك المظلومه وعيالك المهضومه نمت عنهم فرد نومه شگول انسيت يبن امي عزيزة گلبك سكينه ~~~~ لا والله اعتذر ما اگول اخوي حسين ينسانه اخوي الشرف والغيره وحفظ الخدر من شانه لاجن صار ذاك الصار وبهالحال خلانه اخوي وما لوه جيده ولذل ما يمد ايده يخسه العده وتهديده اخوي بمهجته ضحه وبعياله لجل دينه °°°°°°°°°°°°°°°°°°°°°°°°°°°°°°°°°°°°°°

https://youtube.com/watch?v=O6S_y3dNouw&si=Px0nHq3VvYdm882a

📜 القصيدة: جيتك مهضومة 🎤 أداء: مسلم الوائلي 🖋 كلمات: ابو فايز الرافضي ~~~~~ وليك جينه خويه يا ابو سكينه ~ راجعتلك وانه گلبي ايحن عليك گوم خويه الأختك تلگاها .. وليك جينه خويه يا ابو سكينه حته لو تعبانه من الضيم اجيك انه هاي التعثر بممشاها .. وليك جينه خويه يا ابو سكينه يالنعشك حصيره وموش تابوت ارد انعه لحد ما ينبح الصوت اجيتك وبدليلي هواي حسرات يالبعدك بگيت بحسرة الموت (خويه اگعد جيتك مهضومه) ~~~ من بعد ضيم السبي وذاك الضياع راجعه بلايه رقيه وحايره .. وليك جينه خويه يا ابو سكينه شايله همومي مثل شيلت متاع وروحي من الفرگه مدري شصايره .. وليك جينه خويه يا ابو سكينه فز من الگبر يالشابع جروح يمحيرني بعدك وين ما اروح تستاهل عليك اطيح المتون اريد الطم لحد ما تطلع الروح (تستاهل عيني ومي عيني) ~~~ امنيتي سالم الگه طولك لو اجيت واگعد وياك وتفرفح روحي .. وليك جينه خويه يا ابو سكينه راجعه بلوعه ومثل سعفه انحنيت مالت امتوني وثگيله جروحي .. وليك جينه خويه يا ابو سكينه يالميت عطش ما ضايگ الماي مشتاگتلك ابگد عطرك هواي محتاره شگلك يا ضوه العين من تسألني بنتك ما اجت وياي (بالشام بنيتك مدفونه) ~~~~ شوف حالي شصاير وحال البنات والعيون من المدامع سابحه .. وليك جينه خويه يا ابو سكينه الجانن بظلك يغالي امدللات هسه يقرن عالمحنه الفاتحه .. وليك جينه خويه يا ابو سكينه تحزمنه اعله گبرك واللطم صار حار وتسوه يبن امي البجي الحار راح اگضي العمر بس الطم عليك حزن اختك يضل مهما الزمن دار (يالخوتك بيش انجازيها) ~~~ شرد اسولفلك عله البيه انه صار وداعت عيون الحسن تعبانه .. وليك جينه خويه يا ابو سكينه لسه من الخيمه احس بگلبي نار لسه اختك تركض وحيرانه .. وليك جينه خويه يا ابو سكينه يا ضيمي وبلوتي وشيبت الراس بس انه اختلف عن باقي الناس رديت بوجع وبحضني اثنين راس حسين اخوي وراس عباس (خويه من فراگك تعبانه) °°°°°°°°°°°°°°°°°°°°°°°°°°°°°°°°°°°

https://youtube.com/watch?v=IQnj5c9nJ8Y&si=ER4teaWNP71DOQj8

📜 القصيدة: ثورة وقائدها الدم 🎤 أداء: مسلم الوائلي 🖋 كلمات: محمود الموسوي ~~~~~~ احنه شيعه حيدريه .. بالحرب خياله يالثارات الحسين .. يصيح صوت ارجاله ~~~~ اننا في الحرب حرب يا أمير المؤمنين يا حسين .. يا حسين نرهب الأعداء حقاً أذ هتفنا قائلين يا حسين .. يا حسين صوتنا بالحرب نادى يالثارات الحسين يا حسين .. يا حسين قد قلعنا باب خيبر ونتصرنا باليقين يا حسين .. يا حسين بيرغ هيبه معلگ شيعه ودوم النه الحگ خياله بوكت الطگ يا حيدر ولدك عياله ياهو اليندگ بينه نرهب لو طبينه شيعه احنه وماضينه بس هاشم همه الخياله ~ طبوا ليوث المعاره وزلزلوا سوح القتال يا حسين .. يا حسين هاشم سيوف الثگيله التلمع بوكت النزال يا حسين .. يا حسين من وگف عباس بالطف دنگت روس الجبال يا حسين .. يا حسين حسين قائدنه وينادي يا هله بهاي الرجال يا حسين .. يا حسين ثورة وقائدها الدم للموت لا ما نهتم احنه اربات المأتم ثورة من المجلس سوينه احنه ارجال الحيدر قسور يتبع قسور گابلنه سيوف الشر خلينه السيف بنص عينه ~~~~ هذه الحرب هباءاً ما لنا فيها نظير يا حسين .. يا حسين نحن فرسان علي وعلي هو الأمير يا حسين .. يا حسين سيفه الفقار حقاً كان في الحرب نذير يا حسين .. يا حسين قد هتفنا يا علي حينما قل النصير يا حسين .. يا حسين حيدر شال الرايه ارجاله احنه الوفايه للموت اندگ ثايه احنه اعله الساتر صلينه حيدر طب فقاره وغارت زلم الغاره حسين وناخذ ثاره باجر من يطلع مهدينه ~~~~ احنه شرايت حرايب دمنه وكت العركه حار يا حسين .. يا حسين احنه بالطف ونتصرنه الدم عله السيف انتصار يا حسين .. يا حسين شيعه وبسوح المعارك رددوا هذا الشعار يا حسين .. يا حسين لا فتى إلا علي ولا سيف إلا ذو الفقار يا حسين .. يا حسين مادام حيدر عدنه يخسر كلمن ضدنه جي حيدر قائدنه منتصرين احنه بعزم الله اسباع وما ننطي الحد يحسين والطف يشهد عاشور بينه اجدد وناخذ ثار ابنك عبدالله ~~~~ عروة الله علي والصراط المستقيم يا حسين .. يا حسين شيعة الكرار فزعوا جابوا النصر العظيم يا حسين .. يا حسين ولو الف فرعون عدهم احنه ثعبان الكليم يا حسين .. يا حسين نرجم صفوف آل اميه ونشمر بحلگ الجحيم يا حسين .. يا حسين بحرب الحق والمنكر الشيطان لازم يخسر حسين الخط الأحمر جا فنهم يله يعبرونه عزم الشيعه مجرب فنه المنهم يگرب حيدر من طگ مرحب طب شال الباب اعله امتونه °°°°°°°°°°°°°°°°°°°°°°°°°°°°°°°°°

https://youtube.com/watch?v=ECdxMO4Vyqo&si=ewqPP3iWBALOYAcg

📜 القصيدة: مات الوفه 🎤 أداء: مسلم الوائلي 🖋️ كلمات: محمد الموسوي ~~~~~~~ شبگه براسج يزينب لطمي عالراس شبگه براسج يزينب مات عباس عله الخوه العفه .. بعد مات الوفه مات عباس .. مات عباس ~~~ تلاحگيني تلاحگيني طاح من عباس جوده خيمه فرغيلي يزينب ارد اشگ ثوبي اعلموده تراب ذبيلي اعله راسي يالوراج ايام سوده مات اعله اديه وگمت اسد بعيونه الاثنين من الله لا ينطي السهم سديت بس عين من هاي الحجايه الج رد منحني حسين ... عباس خويه يسلم عليج بعد ألمن يزينب رايده الحيل وفوگ ضلوع اخيج ركضت الخيل بعد شبعي لطم .. وراج شگد هضم مات عباس .. مات عباس ~~~~ گابلني گابلني مات عمجن يا بناتي ما جبت وياك اخونه لا تگولن يا خواتي والله ما ينشال اخوجن إلا اجيبنه بعباتي من الحوافر والركض ومدافع الناس من الشريعه للخيم وصلوا العباس ما خلوا عليه لا ضلع لا عين لا راس ... عباس خويه يسلم عليج الجمد دمه اعله عينه وعايز جفوف يضل بزنوده يمسح ياله يشوف اشبگنه ردت .. عمت عين الوكت مات عباس .. مات عباس ~~~~ ما بجيت اگبال شامت وانه الأكبر جان بيدي بس يزينب هذا اخيي وهذا ابو فاضل عضيدي اليوم مو مالت بواجي مال سيف يحز وريدي كون انه بعيوني السهم وعيونك اتشوف كون انه اديه امگطعه ونطيك الجفوف كون انه گبلك يالگمر تاخذني السيوف ... يا عازتك يحزام ظهري عمت عين المنيه وامده الماي جثث خلاني اشيلن رايح وجاي گضوا كلهم ذبح .. كتلني اكثر جرح مات عباس .. مات عباس ~~ اگعد الخاطر خواتك لخاطر حسينك المايل الجيش يم باب المخيم راح يوصل يا ابو فاضل هجمت الوادم علينه بالحجار وبالمشاعل بالنص وگفت الوحدي وتحيطني اعداي وخيالي جان من الشمس ما واگف وياي والخيل ذيج السحگتك غسلوها بالماي ... عباس خويه شصار بيه بده يصيح المعسكر حاوطوا حسين صحت عباس اريدك رايتك وين ردت عون وسند .. ولو خلصت بعد مات عباس .. مات عباس ~~~ خويه زينب خويه زينب بقت اخر ساعه هايه گولي عالخوه السلامه من اضل بلايه رايه ساعه ويگطعون راسي ساعه وتطلعن سبايه ساعه ويحرگون الخيم صيوان صيوان ساعه ويجتفجن حبل يربات عدنان يمدللات اتحضرن باجر الديوان ... خلصت يزينب هاي هيه بعد ساعه واخوج بخيل ينداس شمت بيه عدوي اخلاف عباس اطلعي مجتفه .. بعد مات الوفه مات عباس .. مات عباس °°°°°°°°°°°°°°°°°°°°°°°°°°°°°°°°°°°

وبس حسين محد غسلة وشالة 💔

https://youtube.com/watch?v=x9X5Ka70mnM&si=LJD46xVa436lZLv1

📜 القصيدة: نزل الموت 🎤 أداء: مسلم الوائلي 🖋 كلمات: محمود الموسوي ~~~~~~ يحسين .. يحسين ~~~~ برز للحومه الولد .. شبل من هيبة اسد غضب بالحومه رعد .. نظرله حسين جمال وهيبه وكفو .. منو يشبه منو صفاته اتخوف العدو .. كحيل العين رسم صورة جماله .. الحسن جنه بنزاله دخيله وسيفه شاله .. برز للگوم الحمد رايه بيمينه .. غضب يدوي اعله عينه السمه كلها بجبينه .. صگر ويحوم نزل الموت عالعسكر .. ضل بالسيف يتبختر بالنظرات علي الأكبر .. زود العباس شايل زود بني هاشم .. صاح الجيش للقاسم هاك الماي رد سالم .. تاج الراس ~~~~ جبين القاسم يشع .. خذه من الكافل طبع خسف بجفوفه الدرع .. خذه الميدان لزم مردمها وحمل .. جفاها بسيفه الفحل جبل ثابت من نزل .. طوه الفرسان العشگ حربه وصلاته .. نزل بمذهباته الحسن هو وصفاته .. كريم الأيد بصفاته الحيدريه .. برز ليث المنيه كسر جيش آل اميه .. بزلمها يصيد طر الجيش يتبسم .. وسط سيوف ما مهتم علي لو راد يتقدم .. ويصيح الله عرسه اليوم ما راده .. رد الجان يتماده جاب الروس والقاده .. سيفه بيمناه ~~~ عرس بالحومه العرس .. صبغ من دمها الشمس كلف ونطاهم درس .. شسعه الشداه غضب وتمايل غضب .. كسر هامات ورگب مثل قتال العرب .. عزمه شمحلاه بدت تعله الهلاهل .. السيوف اعله النواصل عرس اجمل مقاتل .. حبيب حسين بده يشتد عزمها .. الحرب شردت زلمها لأن جاسم جسمها .. عله الصوبين عزمه ثگيل ما يهتز .. ثابت جان بالمركز حب حسين جان ابرز .. شي بالميدان كله جمال من يطلع .. ضوه عالگاع يتوزع بالميدان ما يرجع .. يتقدم جان ~~~ جمال وتخيل زعل .. غضب عليهم نزل مثل حيدر من حمل .. علي بصفين بدر واحله من البدر .. شعل بالعسكر جمر يليث الما ينگدر .. گضه السبعين زعل سيفه وخذاها .. الحرب جلمه وحجاها يصفيها وطشراها .. نزل خيال مثل يوم القيامه .. نزل بدر الشهامه دخل عينه لخيامه .. والسيف انشال كله ابداع بالصوره .. نور الكون من نوره بالميدان حلو دوره .. ناصر لحسين يا محلاه ضوه گمره .. للوصاه دگ صدره الله انطاه حب فطره .. مخلوط بطين °°°°°°°°°°°°°°°°°°°°°°°°°°°°°°°°°°°°

https://youtube.com/watch?v=PO_BJ-jmO_4&si=pQMFspnszFQVHy8E

📜 القصيدة: اجت ليله 🎤 أداء: مسلم الوائلي 🖋 كلمات: المرحوم معين السباك ~~~~~~ اجت ليله العلي الأكبر يويلي واوجبت عنده تريد تشاهد صوابه وجرح الضاهده اتشده ~~ تريد تشاهد صوابه واجت ام الولد ليله صاحت وين زينب وين بله وياي تجيله وعن الشمس خل سكنه تجي بهمها تفييله يعماته تعالن جاي جعدن هالولد وياي بله وي علي بهداي جعدنه وخلني احط خدي عله خده ~ عماته وخواته الكل صاحن يم علي الأكبر روح الولد خلصانه نگعده شلون ما نگدر يليله ينتبه خافن وجروحه عليه تسعر گالت صدگ خلنه نايم لا تجعدنه خافنجن تلجمنه شمس والعطش وجروحه عليه من ينتبه شده ~~ بله لا تجعدنه وبعد لا نايحه اتنوحه لما اشوفن اصاويبه ولما اجلب جروحه بي ضنت رجه ويعيش يو لا گوضت روحه بلجن بي رجه ويعيش هده من الدهر جا ليش وانخاه ويرد للجيش الولد ما گالها الله يخلي والده وحده ~ حگها بلا فكر تحجي ام الولد مذهوله وكلسا تنشد النسوان هذا ابني علي يو لا وين أهل الرحم تنده گطرة ماي جيبوله وينه البي رحم وينه بگطرة ماي يلفينه وليدي سوربة عينه وانه امه وصدن ليه عفيه ام الولد جلده ~~ زينب تحجي وي ليله تگلها يم علي بسج تره صواب ابن اخوي مجيد ومسني مثل ما مسج جريبه الگوم يا ليله لا لا ينسمع حسج خل نجري الدمع سكته هذا يم علي الردته حس ما ينسمع حته اخوي حسين ما يقبل وبي ما يشتفي ضده ~ وبعد يا عمته تدرين ما عندي ولد غيره واحد ونفگد مني وضلت خاليه الديره هم وانه ويلوموني والله حيرتي حيره عساني الكربله لا اجيت ولا بيها انبنالي بيت راح ابني علي وضليت اصفگ راح فوگ الراح اگول الراح شيرده ~~~~ زينب شافت الحاله وغدة جنها اسعفه بالريح ولنها يا بنات حسين يله يا خواته اتصيح اريد الدمع من عدجن مثل دم ابن اخوي يسيح وهنه من الخيم هاجن عله ذاك الولد داجن مثل لوجت علي لاجن وامه جالت وگالت ما راج الولد برده °°°°°°°°°°°°°°°°°°°°°°°°°°°°°°°°°°

https://youtube.com/watch?v=6zhGB0yM22k&si=Ax6s0Mufh1iW-icR

📜 القصيدة: بين الرمل 🎤 أداء: مسلم الوائلي 🖋 كلمات: حسن الترابي ~~~~~ بين الرمل وخدودك يا روحي منك عرفت جروحي .. يا اول الشيب گالولي صدرك بالحوافر رايح وانت اعله وجهك طايح .. من وعيك اتغيب ذابله .. خوتنه جلمه اعله الرمل مالات امس صارن گبل يبن امي گطعت الگلب لو تنعدل لو تنگلب شايله .. من صدرك الخيل شكثر وتوصي زينب بالصبر ما ضل وحگ نحرك صبر ودمك يصب فوگ الترب روحي صارت جنها صوتك من تگطع بالونين يطلع اسمك جنه جسمك من اصيحن يا حسين ~~~~ اركض والخيول اعله صدرك هايمه من ليل امس ما نايمه .. وركاضي مو راي جروحك شفتهن خوه مو دم فايضه وعطشانه جيتك راكضه .. ومهر امك الماي صايحه .. بالف وتسعمية جرح وبنحرك اتراب وذبح يا ركضت اختك للنحر ما فززت گلبي اليدگ رايحه .. كل الملامح بالترب تلاگينه بالعاشر غرب ياهي انتي گتلي وايست وبصدرك اثار السحگ اعذرني من دمعي اعله نحرك لو لجم منك جرح انت ما عايز وجملك وتنلجم فوگ الذبح ~~~ تتگلب وعينك عله اختك شابحه وضلوع منك رايحه .. وتلجمك الريح تروح وترد بيك الحوافر طافحه ودموع زينب مالحه .. اعله جروحك اتطيح ضايعه .. زينب مثل ثوبك صفت والدنيه مالت والبخت مالن خواتك من طحت وغيرني يبن امي الهظم شابعه .. خوف وقهر يا ابو القهر مذبوح امانك والنحر هميت اشبگك بس خفت بجفوفي صدرك ينثلم حيرتني ضنوني بيك وحالك اصعب مني جان جيت الوذ بسد امانك شفتك انت تدور امان ~ حشمتك ومجبوره احشمك شارده كلها اعله زينب هاده .. لحگتني العيون خطوه الفشل عثرها خطوه ونينك يبن امي غمض عينك .. تتعثر ام عون خايفه .. وعيونهم تشرب عبي وتواعد امتوني بسبي شمتوا يخويه بزينبك من صحتك وما گمت الي طايفه .. ركضت وراي وحشمت شلت ايدي وگبالك طحت لو ميت اهولك صحت ولا ضيمي يا اخر هلي المن متانيني اجيلك واليعذبك مني جاي بيدي بس اعتابي اجيتك وانت رايد مني ماي ~~~~ يلجمني گلبي يگلي كونج شارده يم ميت المن گاعده .. شيفيد العتاب گتيله انه اختك واجيت بشاربك مجبوره كلما اعاتبك .. خوفي من الغياب خايفه .. لا من سبي ولا من حبل من فراگك الما ينحمل هينه السياط اعله المتن لو تبقه يحسين برمح سالفه .. ويگضي التعب يگضي الركض وسولفلي اعله الما تفض ما يرحم افراگك گلب من ذكرياتك ينجرح حسبة الغربه وعذابي كلها تگضي بگلبي اگول كلهن اعبرهن وحگك واحسب فراگك يطول °°°°°°°°°°°°°°°°°°°°°°°°°°°°°°°°°°°°°

📜 القصيدة: ذباح اهلنه 🎤 أداء: مسلم الوائلي 🖋 كلمات: محمد الغزي ~~~~ غريب الحادي وامشي بواهسي وياه عرف عدنه الغريب العافته اخوانه گالوا راح يخلص گلت كون يطول طريجي وگمت اعطل بالضعن انه درب مابي هلي بس روحي صارت بي رغم ما سوگ يخنگ بي مرانه درب يكتل…

https://youtube.com/watch?v=E64gFADULXE&si=oR2Ej-YCaPlhhJAt