قناة نشر القصائد الحسينية

للحرم كفيلة         زينب العقيلة من بعد عباس      من بعد عباس ــــــــــــــــــ زينب الكفلت ظعنها من بعد موت الكفل وسفة لا ظلت عشيرة ولا بقت عدها الاهل  ماتو اخوتها وضناها وعودها حسين انجتل وي گطعة جف اخوها وانگطع بيها الامل  والدمع تسيلة      زينب العقيلة من بعد عباس     من بعد عباس ــــــــــــــــــ حسرة الكوفة شكبرها جن جبل فوگ المتن والله يعلم بالليالي البيها عذبها الحزن مشت مسبية وحزينة تبجي لخوتها وتحن تعذبت زينب يعالم حتى ناگتها تون لا ألم مثيلة       زينب العقيلة من بعد عباس     من بعد عباس ــــــــــــــــــ ورثت من امها الزجية كل رزية ومعظلة وزادت من امها العقيلة من مصايب كربلة حارت بين اليتامى والحرب والعايلة كفلت اثمانين دمعة بالحرم متكفلة والله مو قليلة       زينب العقيلة من بعد عباس     من بعد عباس ــــــــــــــــــ يا أميرة بجال اخوها وبعد اخوها ميسرة وكل عشيرة من العشاير نادت واخذت مرة لكن الحره الغريبة بلا عشيرة مخدرة ايست زينب بعدهم ما يجي الها السرة ما بقت قبيلة        زينب العقيلة من بعد عباس      من بعد عباس ــــــــــــــــــ من خيم محترگة راحت للخرابة من الهجر وأعله باب الساعة وكفت حتى تدخل تنتظر لجن ما هزتها دنيا بت علي تاج النصر مرغت أنف الظلالة لمن خطبت بالقصر خطبت الجليلة       زينب العقيلة من بعد عباس     من بعد عباس ــــــــــــــــــ كلهم يخافون منها من حجت متعلمة جنها حيدر بالحرايب عالجماعة الظالمة هيبة من جدها محمد وحي ونازل من سمه ماكو ظل وكفت سوادة جنها روح لفاطمة بلا ضلع عليلة      زينب العقيلة من بعد عباس     من بعد عباس ــــــــــــــــــ والله ما تمحي ذكرنا رحمة الله الواسعة شما كتب تاريخ عنها هالعبارة البارعة نكتبت بكل الكواكب والسماء السابعة ذكر للأجيال يبقى لحد يوم القارعة صارت الوسيلة       زينب العقيلة من بعد عباس      من بعد عباس ــــــــــــــــــ الشاعر زين العابدين الشمري

(حوار بين السيده زينب والحسين ع) ابطريقه الاهوازيه _____ ساهرت اشكثر يحسين  وانه ابدمعة اعيوني راسك عالقنا  مرفوع  وانه ابروحي صابوني آه يحسين يبن امي *** اگعد يبن ابويه اشلون عاين زينب ابحيره ماظلت زلم يحسين   تصبح  خاليه الديره راحت كل  بني هاشم  بيّن دمعي  تفسيره تاليهه الوكت وياي  يشرح  نوحي  تعبيره آه يحسين يبن امي *** آه  يم عون  حاچيني  تدرين  الگلب حساس هاي  الناس ملتمه   صعبه اعيونهه  الارجاس خايف  گلبج   اتصدع  لو  عالت عليج الناس انه ادري الوضع مشهود لو رف شاربه العباس آه يحسين يبن امي *** دمعاتي اشكثر يحسين والشام اليهد حيلي تدريهه المصايب هاي  ظلت حسرتي بليلي انه  وياك  يبن امي   اگعد خويه واحچيلي باچر   غربتي  يحسين بس احچيهه ياويلي آه يحسين يبن امي *** زينب والفخر  مشهود  منج  يا ضوه اعيوني باب الشام   والساعات  خايف   من يبعدوني راسي يظل عليج يحوم بيها اشگد يفجعوني هاي ام الخدر  ياحيف شافت حسرة اظنوني آه يحسين يبن امي *** عجيبه الجرح ما يلتام......ليل الطف ذبح بيه شفتهه الخيل بالصيوان....طاحت يمي علويه فرت والنسه يحسين.......كامت  تركض ارقيه خيل المرت ابجسمك......ظلعك  جابته اعليه آه يحسين يبن امي *** بعيوني شفتهه النار ....ظلت روحي بالحسره انظر حيرت الرضعان.....بيها  الخيمه مستعره فوك اعله رمح راسي.....تنعى فاطمه الزهره شافت لوعة الأيتام.......حيرت زينب الكبرى آه يحسين يبن امي *** تمت بعون الله تعالى الشاعر___يوسف_الفتلاوي

.الامام زين العابدين..... . أبتلائي ... أدفن أحبابي بأديه أبتلائي ... انظر العمتي سبيه أبتلائي ... موتي مو بالغاضريه .... أبتلائي . . آنه ذاك اليمه سيـفه          وما فزع يوم الحِمام توســـد افراش الرزيه            وينظر الذبح الامام آنه ذاك الجيــش اميه           حرگو اعليه الخيام لا رمح يطعن وريدي       لا ضگت رشگ السهام . يادموعي ... هاچ اسمعي نايباتي يادموعي ...علتي صارت نجاتي يادموعي .... ما ضگت جرح المنيه .... أبتلائي . . ابتلائي ما احارب       بس اشــــوف المجزره واسمع امناشغ رقيه         وعمـتي بيها امحيره والشمر انظرله رايح       شاف ابويه اعله الثره شفته لمن حز وريده          12  مــــره يطـبره . حز وريده ... والدي ظل دمه جاري حز وريده .... مسلب وبالغبره عاري حز وريده .... ولابد احمل هالاذيه .... ابتلائي . . بالدفن لمن حضرته          والدي اجروح انترس   داست الخيل اعله جسمه         وعظمه بالگاع انغرس عاينــت طبع الحوافر            بيها موحـافر فرس چن جدم داس اعله صدره.        يعني بضلوعه انرفس . حيراني ...  جســــم ابويه من دفنته حيراني ... اعترف مو وحدي شلته حيراني ....سر ابن حـــامي الحميه ...... أبتلائي . . ماطفت بدموعي جمره               ظلت ابطول العمر بالسبي ضاعو يتامه            من بعد يـوم الخطر مسلم اولاده امانه        ما لگيــــت الهـــم اثـر رحنه للشام ورجعنه           وما رجع منهم خبر ياحميده ... هلي دمعاتچ عليهم ياحميده .... ماسمع واحد بچيهم ياحميده .... آنه بين الناصبيه ..... ابتلائي . . ادري أيوب ابمصابه            يشهگ الآم وجراح بس ولكن ماتسلب         وللسبي ماشفته راح أي نعم يحيى تگطع         جسمه بنياب الرماح نحره دامي بلا يتامه       ولا عضيده يمه طاح . حتى يعقوب ... شم قميص ابنه وتشافه حت يعقوب ... يوسفه بعيونه شافه حتى  يعقوب ...  داره مابيها سبيه ...... ابتلائي . . ماتت البسمه اعله شفتي                 من بعد ذبح الكرام ليلي اصبح چن نهاري           وهجرت اعيوني المنام من اغمض فكري يسرح             ينظر السحك العظام وبسجودي لسه دمعه              من جمر نار الخيام . آنه بالماي .... كل چبد ظامي اشوفه آنه بالماي ...عمي دوم انظر چفوفه آنه بالماي ... اشتكي لامي الزچيه ...... ابتلائي ..... لاتنسوني ووالدي من فضل دعائكم المبارك . حسن الموالي الفاطمي . .

قصيدة (( انه السجاد )) من الارشيف تسعــر جمـــرة مصـابي يويلي لفرگـت أحبابــي أنا السجــاد أنا الســجاد * * * أنه السجاد حزني أشلون أشرحنه أحيـــراً يا خلگ مـــن أنسأل عنــه أنه العمري گضيته بلــوعـه وبونـه مصايـب كربلـــه دلالــــــي صابنه مصايب كربله أبروحي يلچمن گلبي وجروحي أنا السجاد أنا السجاد * * * أنـــه السجـاد وبگلبي تظـــل جمـــره لمـــن طــاح أبــــوي أتوســد الغبـــره شفت شمر الرجس صاعد على صدره وبسيفه الشمـــر يا وسفه حـــز نحره أحير مـــن أنسأل عنــه أحس نحري أنگطع منه أنا السجاد أنا السجاد * * * شفت لوعة مصاب العاشر ويومـه أبوي حسين حيف مسلبه أهدومـه وتغسل من نجيع اليجري لدمومـه وثلث تيام ظـــل أبساحة الحومــه أجيــته أبلهفة العاشگ وشبگته شبگ أمفـارگ أنا السجاد أنا السجاد * * * أنه السجاد حاير مـــن ثكل همــي أحسهه أبگلبي نار الحرگت أخيمي عليل أنــه وتوسد عالنهــــر عمـي بعد بيمن أشدن يا دهـــري عـزمي الكفيل مگطعه أچفوفه ونظرت الرايه ملفــوفه أنا السجاد أنا السجاد * * * شفــــت آلام كثــره عذبـــاً حالـــي تلولـــــي أم الرضيع أبمـهده الخـالي سهم نحــــر الطفل بعده يتـــراوالي وعليه حسين محني ودمعته أتلالي مِحني شفــت أبو اليمه يريت مصوب أبسهمه أنا السجاد أنا السجاد * * * شفت عماتي هجـن مـن لفتنــه الخيل ودمعهن يا وسف مـن المصاب يسيل وشفت عمتي العقيله من الرزايا أتميل تحشـم بالكفيل أتگلــه أجانـــه الليــل ألحگ خــويه لضعوني شفتهه وسالن أعيوني أنا السجاد أنا السجاد * * * الشاعر موسى البديري

احسب عذاب اجروحي ميته   اشكثر  ياروحي كل  نظره ياخذني البين فوك الرمح راس حسين *** شتريد منطيتك  گمر.......يادهري  ارحم بيه والعايشه اسهام  وحرگ.....تگضي العمر مسبيه والغربه  صارتلي  وطن......مذبوحه چم علويه وزعته عمري  ابكربله........لسه الچوي ابرجليه ابيضت حزنهه اعيوني چم ديره اطب بضعوني بضعوني اسدر بس وين فوك الرمح راس حسين *** ما حسبت جرح العمر..... ثكل المصيبه اعليه خمسين عمري بالهضم.......خلاني اون ليليه دگات گلبي اتزاحمت.....هون يگلبي اشويه يصعب يخوتي هاالحچي.....لو گالو  المسبيه هضموني  خويه  اهوايه كل ساع سمعت احچايه حال النسه اتشوفه العين فوك  الرمح راس حسين *** ياوسفه يحدينه الشمر ...والرؤؤس هاي اگبالي للكوفه  مشوني الغرب...حسباتي حسره ابالي والدمعه بعيوني جمر......نشدوني وين  الوالي وانه الفگدت ابدنيتي....چم غالي عندي وغالي طحت  ابعذاب اسنيني وبروحي عشت اونيني موضوعي ابدي انه امنين فوك  الرمح  راس حسين *** عذبني   ياخويه الزمن...وايامي خلصت بالمحن والشيب من طف كربله...خمسين عمري تعذبن بالهودج اشگد حشمت..والحادي گدامي صفن ومشامر اگبالي الحچي..وانه التفت بس الضعن بالحسره عشت ايامي ماتت  جميع  احلامي انسه الجرح  عاد  اثنين فوك الرمح راس حسين *** مرت  مواقف  بالسبي....والحاقد ابعينه صلف معقوله امشي  اميسره...ديوانهم   كلش كلف وحسين يدري  ابحالتي..ياخويه مابيهم عّرف وبهل مصيبه شاهدت.....چن انهدم ركن النجف زينب صرت مهضومه بجروحي هم ملچومه درب الغري انعيشه اونين فوك  الرمح راس حسين *** تاليهه يا دهري اشبعد....وسط الخرابه اضعوني ماتت رقيه من الهضم.....والليل  ياخذ   لوني ياروحي ذابت مهجتي.....بانت حزنهه اجفوني والحادي مايرحم صلف .....زينب بعد  فجعوني محنيه  شفت اظلوعي صار  الدمع  موضوعي جرح  الگلب باقي اسنين فوك الرمح  راس حسين *** تمت بعون الله تعالى الشاعر_يوسف_الفتلاوي

قصية ( جروح الحسين ) وما هي اصعب جروح الــف وتسعـميـة جـــرح غير السحگ غير الذبح نشرح فلا يوفي الشـرح   بجروح الحسين   ****   ابــدي بجروحك اعـدهن    ادري مـا الهـن عــدد واحد اعلـى الثاني صاير   يــا جـــرح گلـي اشـد يا جروح اصعب شفتهن   الروح لو جرح الجسد سحگ صدرك لو عضيدك علــي الاكبــر والمهـد    يحسين يا قبلة الم ياذيك گلي يا سهم يحتار شيخط القلم    بجروح الحسين **** جرح واحد ماهو ظاهر   حيّـر افــلاك السمّــه ادري حيل يأذي جــدك   يهــل دمعــة فاطـمـه جـرح مـا يروه بدمعنه   ياذي يا جرح الضمّه من گلب سكنه البــدايه   لچبــدك البيها ارتمّه    الله يــا جــرح العــطش وجسمك على الغبره انفرش يلچم بقى ليل اهدعش   بجروح الحسين  **** صافن وحيرني وضعك من طحت فوگ الارض عشره چانت خيل اميه فوگ صدرك ظل ترض جسمـك اتطشر حســافه بكربله طـول وعرض لــو ردت احسـب حــوافر دمعــي لازم ينتفض كل حافر بصدرك حفر بصدر النبي تارك اثر   يلچم يظل طول الدهر    بجروح الحسين   **** ارد اسولف جرح لكن كسر اصـبح بالظــهر  كسر مــا ينجبرْ والله لحَد  ظهــور المنتظـر  طاح عالشاطي عضيدك ناده بأحزان الگمر بينك وبينه مســافه  ظهرك شلــون انكسر من طاحت چفوف الوفه عن عينـك النـور اختفه كســر الاخـو شيوصفـه   بجروح الحسين   ****     يا جــرح صــوب دليـلك ادري بي مــا ينحمل  مــن رحت صــوب الاعادي شايل بأيدك طفل يجــري مـاي الدنــيا يمّـَه وتالــي رواه النبـل عمره چان اشهور لكن جرحه ابدن مو سهل يــا كعبة الهم والــدمـع جروحك بدت من الظلع گلبك لياهو يتسع     بحروح الحسين    **** جرح جــدك مــا تشافه آه يــا خيــر الملا  رد جــديد الجرح لكن يــنزف بطف كربله من علي الاكبر نظرته بدمه جثته مغسله چـن محمــد عالوطيــه تنظــره وتتــأمله  فــزز جــروح البگــلب فگد الابن كلش صعـب وليا جرح جفني يصب  بجروح الحسين **** الشاعر موسى البديري ــــــــــــــــــــــــــــــــــــــــــــ    ـ ـ

محمد من وگفت احذاه . أنتِ منين ينشدني گتله السوگ مال الشام . مية عام كبّرني …………………………………………………………… هاي امصيبه يمحمد . الواحد ما يعرف اخته أبگد ما غيّراني الضيم . اخوي اليوم عاذرته يمحمد واخوك الناس . من مگفاه ناحرته الخيل ومثل رحّه ادور . صدر حسين طاحنته احديد الحافر وينزل چم وذرة لحم يحمل تره ابن الزهره شابع موت . بسچن وانا وذرني …………………………………………………………… ما اصبر بلا عباس . يمحمد و تدريني ازعل لوَن ساعه ايغيب . ويركض ليّه يرضيني ماهم بالسهم وجفوف . همه شلون يروني قبل الذبح صاح بصوت . بت الزهره اعذريني رغم العمد هد راسه بيّه يسولف احساسه گتله وعگب چفك سوط . يصعدني و ينزلني …………………………………………………………… هم تعقلها يمحمد . اختك تركض و ثعثر حافي و الرمل جمرات . ابرجل اختك بگت تسعر مگدر استراح اوگف . و لا كمّل ركض اگدر هسه امحنبه تعرف ليش . اوياي السوط ما قصّر اخيام الساده يمحمد اتوج ولحد ما تخمد ابوجهي املاگيه الدخان . خنگة موت خانگني …………………………………………………………… ليل اهدعش يمحمد . لا خيمه البقت عندي هيمه والحرم واطفال . خوف ولايذه ابسدي ومع ذلك دعيت ايطول . ليل ولا صبح يبدي اعلينه اتغبش الهزلات . و ينلف الحبل بيدي طلعت وياثگل جدمي يمحمد نشف دمي بيدي الحبل بس چن سيف . من النحر ذابحني …………………………………………………………… حگك ما عرفت اختك . كل ارسومي متغيره مشت بيه النياگ ادروب . ديره الديره مفتره سموم الهوه اينشف الريج . ومن فوگي الشمس جمره العباه كل ساعه أكلبها . الوجهين اصبحت حمره عالشجره يبو جاسم صلبوا راس ابن فاطم كل سوط اعل خد حسين . احسه ابگلبي يضربني …………………………………………………………… يمحمد الشام الشام . عذاب الوان راواني الماگاطف عليه احجار . بمي الزهره شتماني بت الساده و الحادي . وسط السوگ فرّاني من الخجل ما تلگاش . گطره دمه ابشرياني خرابه وصرت بيها أگعد ترابه ولا سگف لا سد دفنت ارقيه واسمع صوت . اخذيني وياج  صاحتني …………………………………………………………… يزيد وراد يضربني . وابنه گال خليها شفت الراس يهتز گام . وعينه اندارت اعليها بقيت اتحاچه وي الروح . زينب وين اهاليها يزيد اتشمت وفرحان . بت الساده  سابيها لعركة بدر اشعاره من حسين اخذ ثاره گال الكافلج چا وين . اهواي النشده اذتني …………………………………………………………… ✍️ ( سيد خضر الزاملي )

قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام لميته بحصيره جسم الحسين لو سالم لگيته يا ضــوه العين جسمـه دامــي ومنطرح راسه ذاك اعلى الرمــح     يا عمه الحسين **** عمّــه سولفلي عظــم هــاي الــــرزيه من گصدت اليوم لارض الغــــاضريه شلون شفت حسين ظـل جثه رميــه شحاله من رضته العشــره الاعوجيه خَبّرنــي يعمّـه بصـــدره اشصَار مثل ايتامه جسم حسين طشار حسين كلّه أصبح جرح راسه ذاك اعلى الرمــح ****  گلهـا والدمعــه جـرتْ منـه يعمّـه آه يا جرح الطفوف شكبره همــه بالحصيــره والــدي ظليــت المّـه  عمه وبلهفت امفارگ گمت اشمه لميته بديه وشاغت الـــروح مذبوح ويلمْ بجروح مذبوح صعب يـا عمّـــه الشرح راسه ذاك اعلى الرمح ****  عمّــه يا جـرح الـذي گلبك مضهده گلها والدمعه جـرت من فوگ خده عمّـه كـون اليندفن راسـه نوســده بس نحر وبلايا راس شلــون شده وســدت النحـر وبگلبــي اهــات مثل حسين عمه ياشخص مات حسين أبو الوجه السمح راسه ذاك اعلــى الرمـح  **** تگله انشدك عمه عــن محنة كفيلي گلها عالشــاطـي تهــدم كلــه حيلي شفـت چفينه وصحـت يمّه يـويلي عمّي يـــا عبـاس راح يطـول ليـلي يــا عمّــه شسولف عنــه محتـار من كثر الهضم بعده الجسد حار الـﭽنه ساعــات الصبح راسه ذاك اعلـى الرمح ****   ارد اســألك مـن بعـد راعي الشريعه ويـن گلّـي وســدت منحــر رضيعــه عمه گلها وضاگـت بعينــه الوسيعـه لصدر ابوه حسين هاي اكبر فجيعه نحر حسين وي نحر الطفل صار وسدتــه واحــس گلب الابو نــار  ذبــح صــاير يــم ذبـح راسه ذاك اعلى الرمح **** مــن گصدت الأكبــر ودامي نظــرته ﭽن محمد عالارض مطروحه جثته  ويا جــرح جسام ومصـابه ومحنته اخ يا خويــه صحـت يمّــه وشبگته شحــاله ألّي يــوسد بيــده خوان عليل وبيدي اوسد گلب عطشان  يــا  دوه لعلتــي  يصح راسه ذاك اعلى الرمح  **** الشاعر موسى البديري

يا علي السجاد من تحفر كبر الوالدك وسع اللحد من كل كتر **** يا علي وسع اللحد لا يلجم حسين من دوس الحوافر ظل اسم وراس ماعنده ادفنه بس جسم وعلى هونك رمح كَـلبه من تجر **** حسين ما ظل واحد الما فرهده مثّلو تمثيل بي ويلي العده والمثلث صاب جبده اومرَّده وبجبينه الحجر لسه مستقر ***** حسين من عاشر محرم عالثره وشي أكيد اتراب تارس منحره وغيرت شمس الظهر كل مظهره وماكو فيَّ مراله من ذاك الظهر *** عمه اخذ وياك للجسمه انفرش ماي يروي جبدته الشبعت عطش واللحد بدموعي اريد اترشه رش بلكت ايبرد دليله المنفطر اجروح ابوك حسين وصلت للألف كل جرح شابكَـ جرح مثله ترف لا تفزز نحره ويردله النزف على هونك ويه ابوك المنحر *** عمه يا زين العباد اعلم صعب اعليك وانته اتهيل فوكَـاه الترب هاك اخذ دمعي اويه دمعك خل يصب واخذ عمه اوياك كافور وسدر **** والطفل عبدالله وسده اعله الصدر اصغير مو مالت يظل وحده ابكَـبر عمره توه ابتده وسلبوه العمر وريت ينشل حرمله وينشل شمر **** وللنهر بدموعك اكَـصد يا علي للكفل خدري وتكفل محملي اجفوفه المكَـطعات بوسهن الي وجبب اليه رايته الكلهه ستر ========================= 💔😥✍️🏻 كلمات #موسى_الخادم ٢٠٢٦

سجـادك.. لولادك.. دفـنـهم ياحيدر.. والذاري.. چفنهم ـــــــــــــــــ الميت اكـرامـه دفـنته يـاعلي نـدريـهـا بويه وابدور الهواشم عالثره اموذريها كالأضاحي عالوطيه والرمل يـچـويها اشعطلك يابو الحميه ريت تحضر ليها ياذينه .. وما يگظي .. حزنهم ياحيدر .. والذاري .. چفنهم ـــــــــــــــــ بويه سلمان ابـوفاته وحـده ماخـلـيتـه ياعلي احسينك عجيبه الكربله ماجيته عالثـره مرمي النـحبه ومنّسِلب صدّيته اشأخـرك عنه يحـيدر ريـتـك اتـعنـيتـه توجعني .. وتهظمني .. محنهم يـاحـيدر .. والذاري .. چـفنهـم ـــــــــــــــــ الله يعلم شنهي حاله البيده يـدفـن روحـه من دفن حامي الشريعه ريت تسمع نـوحه ايدور اچفوفه ودمعته بويه تچوي اجروحه وآخ مـن عـايـن عليهـا رايـتـه مـطـروحـه حـاربهم.. يـاوسفه.. زمـنهــم ياحيدر .. والذاري .. چفنهم ـــــــــــــــــ الچنت بحظانك تلمهم بويه وتباريهم لَمّهم السجاد بيده لاچـن اموذريـهــم الاكبر اليشبه محمد گطّعوه تـدريهـم اباريه شاله يـبـويـه الله لايـنطـيـهـم شُباني .. الدم غَيّر .. حِسنهم ياحيدر .. والذاري .. چفنهم ـــــــــــــــــ مـاي ماصـح ابـدفـنـهم بـويـه ويـرشونـه ابحيره ظل زين العباد وبس يدير اعيونه وهوه من ثگل السلاسل طايحات امتونه حـيـل ماعنده يـبـويـه الله كان ابـــعـونه ايعظم الله.. يابويه.. اجرهم ياحيدر .. والذاري .. چفنهم ـــــــــــــــــ رد علي السجاد ليه والدموع ابعينه امن المگابر رد عليه امتربه چفينه اتگابلينه بالبواچي عن فگد والينه ايگلي ياعمه دفنته ضامي ومسلبينه ياريتك.. بالدفنه.. احضرتهم ياحيدر .. والذاري .. چفنهم ـــــــــــــــــ حيدر بشار الدراجي @HxzEU1 #قناه_نشر_القصائد_المنبريه #الناشر_مصطفى_المياحي

جيبولي يهل وادم حصيره ابوي موذر وتارسله ديره گلبه بضهره مندار// ادفنه شلون محتار //////////// نصه مدفون وجزء من عنده ضايع جفه ناقص ليش بس اربع اصابع برمل متغطي لكيته ورمحه طالع بصدره حافر اثر باقي بجلده طابع من كثر السحك مدفونه جثته دورت شكثر يلله جمعته السهم بعيونه خطار// ادفنه شلون محتار /////////// الناس ملتمه وتباوع فوك جثته كوه كوه جيت امشيله او وصلته مكشره جسمه الشمس باالگوه عرفته جفوفه ماهي ماشبكني من شبكته شبكته وماشبكني ماهي ادينه بعشر خيول صدره كاسرينه بصدره باقي اثار // ادفنه شلون محتار /////////// اكصر من السيف طوله وسفه صاير مطبرينه وساحكينه باالحوافر كلبه ماهوه بمجانه بظهره داير منين الزمنه واشيله باقي حاير الزمه منين محتار انه حيره جثته من السحك صارت كصيره بطول السيف مگدار// ادفنه شلون محتار /////////// شلون المنه بحصيره حيل صعبه راسه ماهو بيدي ماي شلون اشربه على صدره من اليذبحه اثر ركبه من كثر سحك الحوافر ماهو كلبه اسأل خنصر ايده ياهو شافه درب للخيل صاير ياحسافه درب لخيولهم صار // ادفنه شلون محتار ////////// مايكفيله شليلي بهذا وظعه وصله جيبو لو حصيره بيها اجمعه حيره سهمه وياه ادفنه لو اطلعه خاف يشلع وصله منه لو اشلعه حيره تحيرت ودموعي تجري وضعه مو سبي كاسرلي ضهري بكلبي كمت احس نار// ادفنه شلون محتار /////////// الطوله شامخ ابحصيره هسه اجمعه الاصابع نقص بيهن ذني تسعه دورت عنه شكثر ماهوه اصبعه بلا دفن صايرله مده وجيت اشيعه من ذاك السبي لتشييعه اجيته من كثر الشمس يابس لكيته الكاع ترابها حار// ادفنه شلون محتار /////////// ازهر الزيدي

نزلة عزاء ‏وني ودمعي يزداد ‏ ليلة دفن الاجساد ‏انه زين العابدين انه زين العابدين ‏••••••••••••••••••••• ‏انه زين العابدين احجي الرزيه ‏ضيمي كله من مأسي الغاضريه ‏بدفنت الاجساد شفت شكد اذيه ‏والـعـشيره كــلها ادفـنهـا بـديه ‏ ‏جرحي ماله ضماد ‏ليلة دفن الاجساد ‏انه زين العابدين انه زين العابدين ‏•••••••••••••••••••••• ‏بيدي ادفن جم ضوه تحت الترايب ‏بساعه وحده ودعت اغله الحبايب ‏وين جانت هاي الي كل هالمصايب ‏نفس ضيم اجساد ضيم الخرايب ‏ ‏نفس الحسره تنعاد ‏ليلة دفن الاجساد ‏انه زين العابدين انه زين العابدين ‏••••••••••••••••••••• ‏من بعد جرح السبي اتلكه الاجروح ‏وبوكت يوم الدفن لن ذابت الروح ‏وانه من طف كربله يوميه مذبوح ‏عمري من امصيبتي عابر عمر نوح ‏ ‏صبري وهسه ينراد ‏ليلة دفن الاجساد ‏انه زين العابدين انه زين العابدين ‏••••••••••••••••••••• ‏كلبي شيصير وبعد يتحمل الالام ‏اخلص امن الشام يرجعلي الف شام ‏بيوم دفن اجسادهم كل ليلي ما نام ‏لهسه وبصاية عباتي حرك الخيام ‏ ‏بـ اهلي ضگت الابعاد ‏ليلة دفن الاجساد ‏انه زين العابدين انه زين العابدين ‏•••••••••••••••••••• ‏روحي شتصير وتلم حجم جراحات ‏شلونه حاله العمته من ضمن السبيات ‏علي السجاد ويمر بـ صعب مهمات ‏راجع لطف كربله يدفن شـكو مات ‏ ‏ ‏دمعي بخدي ينگاد ‏ليلة دفن الاجساد ‏انه زين العابدين انه زين العابدين ‏••••••••••••••••••••• ‏مؤمل هاني القريشي ‏ ‏

للضعن صارت كفيلة والنعم من العقيله ،،،،،،،،،،،،،،،،،،،،،،،،،،،،،،،، بت رسول الله وعلي حامي الحمة بيها هيبه اتخجل املاك السمة هاشمية وعفه ورثت فاطمة حرمة بس تسوه الزلم بالموزمة رغم الهموم الثگيلة والنعم من العقيلة ،،،،،،،،،،،،،،،،،،،،،،،،،،،،،،،، هية اخت المفخره وام الصبر جنها فاطم دخلت ابذاك القصر خطبة وراوتهم انجوم الضهر السادة نسوان وزلم ماتنگدر خطبة الخطبه الطويلة والنعم من العقيلة ،،،،،،،،،،،،،،،،،،،،،،،،،،،،،،،، هيه شمعة هاشم الماتطفه ابد الماله حد بنت النبي حطتله حد صاحت اعلى الضالم وعرشة رتعد عدد ايامك تره وجمعك فند ونخلس مابيدة حيلة والنعم من العقيلة ،،،،،،،،،،،،،،،،،،،،،،،،،،،،،، ياهو منكم شايف وسامع مره من تسولف توگف الوادم سره بالقصر صاحت أنه بت حيدره كلها عفه وكلها غيره ومفخره اخت الحيود الأصيلة والنعم من العقيلة ،،،،،،،،،،،،،،،،،،،،،،،،،،،،،، زينب ومنها الشرف ماخذ درس من عضم عفتها تندار الشمس لو مشت حته الكواكب تنخلس كلشي يطفة ويصفن الجن والأنس الطاهرة الحرة الجليلة والنعم من العقيلة ،،،،،،،،،،،،،،،،،،،،،،،،،،،،،، ضهر اخوها تهشم وصارت ضهر كفلت ضعون الشرف بعد الگمر دخلت الشام ودخل كل الخطر زينب اوكت العطش تصبح نهر عگدت بطلعتها شيلة والنعم من العقيلة لشاعر ابوفايز الرافضي

يادفّان ياعمه سلملي اعله ابو اليمه وكله أختك مشت ما بين الاجناب >>>>>>>>>>>>>>>>>>>>>>>>>>>>>> ١= من توصل حبيبي الشابع اجروح سلملي عليه بالدمعه والنوح وكله اختك وراك امفاركه الروح وليل انهار بيك اتهم يمذبوح   يا دفّان وبنحره أريد أتقبله وبصدره ومن كَـبره تجيب اشويه الي تراب       ////////////////////// ما وصيك يا مكسور الاِشراع لا تترك ظلوعه امطشره  عل الكاع لمهن زين واحضنهن بالوداع ولا تنسه تدور خنصره الضاع   بلكت باقي بالهيمه ابجاه ادموع الايتيمه وّتردّه اعله جفه الفاكد احباب ٣=== احلفك عمه وسعله اللحد زين هواي امن السحك متأذي الحسين كلشي البي يلجمه وصار نصين وبحر الشمس صاراله يومين   ما واحد وصل صوبه الجثته بخيل مكَـلوبه ما واحد فزعله وليه جفن جاب ===٤ من اتنزله كبره أتذكر اهواي عطشان انذبح ما شارب الماي رش كبره ابدموع اعوينتك هاي هم عطشان مات وظل بلا افياي   بحر ذيج الشمس عمري خليته ودماه تجري مكطوع النحر مسلوب الاثياب ٥====== كلشي البية يوجعني اعله فركَـاه وليل انهار ما فاركَـته ذكراه لو صح بيدي اروح أوياك أنعاه وابجيله بكثر ما روحي تهواه   أبن امي المنذبح شفته لو صح بيدي ما عفته جا يمه بقيت امسحله الخضاب ً كلمات موسى الخادم

الليلة نـامو ع التـراب الدللونـه الليلة حارسنه غريب وموش اخونه امس جنـــه مدللات وهسه المدللنه مـات الليلة كلنـــه بحبل واحــــد جتفـــونه ــــــــــــــــــــــــــــــــــــــ امــس جنــه مــدللات بهيبــة وبعــــزة نـفس وابد ما يرضون اهلنا وجوهنا تشوف الشمس اليوم طكَونه وبجينه وشدنه بحبــال الــرجس دارت الدنيا اعلى زينب وين هسه ووين امس امس تحــرسني السبــــــاع هسه وحدي وكل شي ضاع وهذا حال الكل اخوته يفاركونه الليلة كلنه بحبل واحد جتفونه ــــــــــــــــــــــــــــــــــــــ جانت حجايتنه تمشي وماكو جلمة بلايه رد والاخـو لـو ردنه حــاجه يجيبهـا كبل الولــد مالنه حجاية ويه واحــد هسه والعِــز انفكَــد وراحت ايــام الدلال ومـاكو شتكَـــولن بعــد الليلة ضيعنـه الــدلال امس حـال وهسه حال الجان خادم عند ابونه يسب ابونه الليلة كلنه بحبل واحد جتفونه ــــــــــــــــــــــــــــــــــــــ الليلة ممنوعه البواجي وينزل بسكته الدمع الليلة بهــداي الونين وصوتجن مــا ينسمع الماله وادم ماله جلمة ومـن يسولف ينمنع ومن ينوح ينوح سكته ويحتركَ مثل الشمع الليلة لحد تبجي حيل ننسمع والدنيــا ليــل وخاف لو سمعو بجينه يشتمونه الليلة كلنـه بحبل واحــد جتفونـه ــــــــــــــــــــــــــــــــــــــ شالـو الكلهم محنه وصرنـا بيـد المـا يحـن كَبالنه يشتمـون اهلنا وتنطكَـ بسوط التـــون عدهم المذبوح اخوها اعليها ممنوع الحـزن واليطكَ ما عنده رحمه وتوجع سياط المتن علينــه ممنـوع النحيب بخيمة والحارس غريب الفاكَد شلون اعلى دمعه يحاسبونه الليلة كلنــه بحبل واحــد جتفـونــه ــــــــــــــــــــــــــــــــــــــ الليلة بالبـــر گعدونــه بلا فـــراش ولا غطـه الليلة نســـوان الهـــواشم بالحبــال مـربطـه نهضمن وعبـاس اخــوهن كلش عليهن بطـه مدللات حسين صارن وسفه بيد ابن الخطه لا فراش ولا خيام ويفز بالسوط الينام بالسياط التغفه عينه يكعدونه الليلة كلنــه بحبل واحــد جتفـونــه ــــــــــــــــــــــــــــــــــــــ حرمة متعوبة وجبيرة ووحدي وماهم هلي هاي اول مــرة حــرمة مـن ال هاشم تنـولي كلهـا نسوان ويتـامه وحيلي مـوش الاولـي والربـاب تريــد ابنهــا وليلة تشتـاكَـ لعلــي حايرة وحگي منحير بذمتي زغير وچبير اجبيرة اختكم والجبير يريد عونه الليلة كلنــه بحبل واحــد جتفـونــه ــــــــــــــــــــــــــــــــــــــ آه يــا فگد العشيرة الصــابنــي بنص الگلب البارحة العباس يمي وهسه تحرسني الغرب باجــــر الهــزل رچبنه وكلش بعيــد الـــدرب محد ويانه من اهلنا والتحشــــم تنضـــــرب باجر الممشه اعلى نوگ والعــدو يطببنـا سـوگ واحنا نسوان وفشل لو طببونه الليلة كلنــه بحبل واحــد جتفـونــه رائد الناشي@

الشاعر: علي عويز الشويلي ▪️▪️▪️▪️▪️ قصيدة للعباس جيتك يعباس . من الخيم حافي واصرخ على الخيل. روحه اطلعت كافي وسفه وذر باحضاني لميت أخير اخواني جيتك يعباس ٢ ♤♤♤▪♤♤♤ اصعب شي لمن تسأل الشمات وين اجفوف ابو فاضل الحلوات وادور اعليهن وهمه يصيحون شلك بيهن بعد راعيهن ومات ▪️ الجان يسمع طاري صيتك وايتلبد زلمه صار وكايم اعليه ايتهدد او صيحت ياهو اليرده وماكو أحد تهضم يعباس واتحير الدنيا يم راسك حسين صارت عليه وليه وابلوعتي واحزاني لميت اخير اخواني جيتك يعباس ٢ ♤♤♤▪♤♤♤ لا خد لا ضلع متناثر اوصال عمت عيني امن اخي كلشي ماضال صحت عالأخذ درعه اعليك ميلوك حلو جان اعلى اخوي امفصل افصال افعالهم جرحت قلبي اتقصدوها ومزكوا الجربه وعليهم قسموها ولزموا الرايه العزيزة وكسروها دورت الاسهام بس ضيعت وينه هذا الشلع باب قلبي وأخذ عينه محد عليه دلاني لميت أخير اخواني جيتك يعباس ♤♤♤▪♤♤♤ راد ايكوملي بس ثكل السهام اثكال وطيحنه اكبالي من كام لا توكف يكلي اهوايه مشتاك تعال ابصف اخويه اتمدد ونام ▪️ كلي لا تلتفت ليهم خويه ضمني وامسح الدم عن ركبتي وبيها شمني وابقى شابكني بدينك لا تهدني ٢ كلالي يحسين شكد روحي حزنانه متلهف اعليك وذرعاني كصرانه موقف قهر بجاني لميت اخير اخواني جيتك يعباس ٢ ♤♤♤▪♤♤♤ امكطع مو امجرح حتى اداويك ولا اكدر الزينب هيج اراويك لا اكدر اظل يمك ولا روح حرت بيه انت وآنه هم حرت بيك ▪️ شايلك باحضاني او عالكاع اباوع واندفع لو ردت ادنك على الواكع وانطك او جي شايلك مكدر ادافع شديت الحزام.. وشلتك على متوني واثنينه انطيح . كلما يطعنوني تجوي القلب نيراني لميت اخير اخواني جيتك يعباس . .. ٢ ♤♤♤▪♤♤♤ تركته وبردائي جسمه غطيت لجن ردوا خذوه لمن انداريت رجعت اركض وكلي كرب الليل خويه امشي البناتك ليش رديت ▪️ اوياك امانه اتبوسلي ابنيتك رقية او كلها احبها اهواي لا تزعل عليه والخواتي كول اخوجن ماله جيه ٢ لمن ترد صيح.. ماظل كفيل الجن وابنص الخيام..صيح انذبح عمجن كلشي بعد عافاني لميت اخير اخواني جيتك يعباس ٢ ♤♤♤▪♤♤♤

الشاعر: علي عويز الشويلي ▪️▪️▪️▪️▪️ قصيدة للعباس جيتك يعباس . من الخيم حافي واصرخ على الخيل. روحه اطلعت كافي وسفه وذر باحضاني لميت أخير اخواني جيتك يعباس ٢ ♤♤♤▪♤♤♤ اصعب شي لمن تسأل الشمات وين اجفوف ابو فاضل الحلوات وادور اعليهن وهمه يصيحون شلك بيهن بعد راعيهن ومات ▪️ الجان يسمع طاري صيتك وايتلبد زلمه صار وكايم اعليه ايتهدد او صيحت ياهو اليرده وماكو أحد تهضم يعباس واتحير الدنيا يم راسك حسين صارت عليه وليه وابلوعتي واحزاني لميت اخير اخواني جيتك يعباس ٢ ♤♤♤▪♤♤♤ لا خد لا ضلع متناثر اوصال عمت عيني امن اخي كلشي ماضال صحت عالأخذ درعه اعليك ميلوك حلو جان اعلى اخوي امفصل افصال افعالهم جرحت قلبي اتقصدوها ومزكوا الجربه وعليهم قسموها ولزموا الرايه العزيزة وكسروها دورت الاسهام بس ضيعت وينه هذا الشلع باب قلبي وأخذ عينه محد عليه دلاني لميت أخير اخواني جيتك يعباس ♤♤♤▪♤♤♤ راد ايكوملي بس ثكل السهام اثكال وطيحنه اكبالي من كام لا توكف يكلي اهوايه مشتاك تعال ابصف اخويه اتمدد ونام ▪️ كلي لا تلتفت ليهم خويه ضمني وامسح الدم عن ركبتي وبيها شمني وابقى شابكني بدينك لا تهدني ٢ كلالي يحسين شكد روحي حزنانه متلهف اعليك وذرعاني كصرانه موقف قهر بجاني لميت اخير اخواني جيتك يعباس ٢ ♤♤♤▪♤♤♤ امكطع مو امجرح حتى اداويك ولا اكدر الزينب هيج اراويك لا اكدر اظل يمك ولا روح حرت بيه انت وآنه هم حرت بيك ▪️ شايلك باحضاني او عالكاع اباوع واندفع لو ردت ادنك على الواكع وانطك او جي شايلك مكدر ادافع شديت الحزام.. وشلتك على متوني واثنينه انطيح . كلما يطعنوني تجوي القلب نيراني لميت اخير اخواني جيتك يعباس . .. ٢ ♤♤♤▪♤♤♤ تركته وبردائي جسمه غطيت لجن ردوا خذوه لمن انداريت رجعت اركض وكلي كرب الليل خويه امشي البناتك ليش رديت ▪️ اوياك امانه اتبوسلي ابنيتك رقية او كلها احبها اهواي لا تزعل عليه والخواتي كول اخوجن ماله جيه ٢ لمن ترد صيح.. ماظل كفيل الجن وابنص الخيام..صيح انذبح عمجن كلشي بعد عافاني لميت اخير اخواني جيتك يعباس ٢ ♤♤♤▪♤♤♤

تردوني اطيب من المرض تردوني وياكم امشي الكربله خلوني •┈┈┈┈•✿❁✿•┈┈┈┈• زعلانه حيل اعله المشو زعلانه محد اجالي وكلي امشي ويانه ياناس روحي من المرض خلصانه حادي الضعن من سار بجه اعيوني •┈┈┈┈•✿❁✿•┈┈┈┈• لمو غراض البيت كلهه وشالو ويانه ماترحين للطف كالو مالو عليه هواي كلش مالو من دون البنيات ما صاحولي •┈┈┈┈•✿❁✿•┈┈┈┈• ضليت اشوف البيت منكم خالي كلساعه حسبه اتمر يابويه ابالي جا ليش محد سأل عن احوالي عفتوني للون ولقهر عفتوني •┈┈┈┈•✿❁✿•┈┈┈┈• يمه رحت وتعذرالي الحادي ودموع عيني اعله الجيفوها اتنادي اعليه انغمه وبعده الجرح ما بادي وشلون بويه وداع ودعتوني •┈┈┈┈•✿❁✿•┈┈┈┈• يابويه من عدكم كطعت الضنه وعمري بعد شيفيد ماريدنه وبالباب طول الوكت نكعد جنه ويابويه خابت من مشيتو اضنوني تحسين الخفاجي

غريب انا وهلي مو ناس غربة ما عندج يطوعه ماي اشربه جبدي من العطش ذاب واهلي كلهم اطياب +++++++++++++++++++++++++++++++++++ وكف يم بابها مسلم ... يتلفت يسار ايمين جنه حسين بالعاشر ... وحيد وما بكاله معين يكلها اسكيني شربة ماي ... وجزائج عندي يوم الدين منهو انت وتجازيني ... تسأله ومنه تجري العين يكلها عمي حيدر حامي الجار وصفيت بهالبلد ما عندي أنصار مسلم خير الاصحاب واهلي كلهم اطياب ++++++++++++++++++++++++++++++++++++ ماي تريد شنهي الماي ... ركضت جابته بهمة ولعند الدار طب مسلم ... حزين وموقفه يألمه يكفكف كام بدموعه ... يفكر بضعن ابن عمه وضع الكوفة مو الأول ... اعله جتله كلها متحزمه يكضي الليل مسلم تهمل العين يخاف بوحده لا يبقه الحسين منه الكلب مرتاب واهلي كلهم اطياب +++++++++++++++++++++++++++++++++++++ لفاه الجيش يم الدار وطوعه شافت العسكر تكله انهض يحيد بساع جرد صارمك واثأر اريدنك تعيد امجاد حيدر من قلع خيبر خلي الخيل تردم خيل وزلم فوك الزلم تعثر اريدنك مراجل عمك تعيد يهاشم والحرب عدكم تره عيد كوم وصفي الحساب واهلي كلهم اطياب ++++++++++++++++++++++++++++++++++ طلع مسلم يهز بالسيف ونار الغيرة بعيونه غاص بوسطة العسكر وماكدروا يلاكونه من شافوا عزم مسلم وشافوا حربه وفنونه عدهم ما بقت حيله غير انهم يغدرونه حفروله حفيرة بنص الدروب وطاح اعله الوجه مسلم المهيوب متأثر بالصواب واهلي كلهم اطياب +++++++++++++++++++++++++++++++ الشاعر : محمد الهاشمي

احوم اعله الدرب قصيدة ليلة ام البنين ع —————-المستهل—————- احوم اعله الدرب مثل الحمامه**اتاني اضعونهم تلفي بسلامه ناشف دمع العيون … ياساعه ويردون ******** اتانيهم بالفراگ..ونين وگلبي مشتاگ..آنه أم البنين الما غفيت عيني هيه وياهم الروح..حصتي صارت النوح..ماخذني السهر يذبح ونيني لا من روحي اتهيد..ضعّن ومسافر بعيد..يالتحدي الضعن تعبانه تانيني صفگت ايدي بندم والحيره بعيوني شلت شوفي لدربهم وحدي خلوني تانيني نهدم بالفرگه حيلي**افزن شايطه وما انامه ليلي اظلم صاير الكون … ياساعه ويردون ******** ساعه ودَگت لباب..ولنهم جية احباب..ياحلمي الرحل بدموعي اتسله بلكت لن يسمعون..اصيحن ها يالضعون..من ذاك السفر وبگلبي الف عله اظل بشلت الحال..وحيده مدوهنه البال..يادرب المشوا لا بيه واندله صرت ما بيه اشيلن وانگل اجدامي ولا حيـل الـيعين الشـدت احـزامي اصيحن ياهلي والبيت خالي**شلون ابدنكم تكضي اليالي شلون بروحي شلون … ياساعه ويردون ******** ما ودوا خبر ليش..شلون بنادم ايعيش..من دون اليحبهم دنيته المره لا طارش علي جاي..شلون تفكني دنياي..خلصان العمر من كفت العشره كون أيوَصل الريح..هاي دموعي لتطيح..وايگلهم ترا ام عباس منتظره منتظره لحَـد آخر نفس بالروح ما املن سهر ما ابطل انه النوح يِنام شلون ليله الباله مشغول**عرفته من الدمع فرگاهم ايطول صارن بيض الجفون … ياساعه ويردون ********* ادير عيوني الوين..شيحچي لفارگ حسين..شيوصفه الحزن بالروح شيوصفه بعدهم موحش الدار..ونيني ايشيل الجار..يسنين الهجر ما تنحمل كلفه حزن لو صار الغروب..دليلي بجمرته يذوب..حسره اعله المشوا والدمعه والهفه عله حرثتهم زرعت اعيوني اتانيهم واعرفه الصوت ما يوصل وناديهم تعالوا بدونكم ما اچهبه هالبيت**اي وحگ اعيونكم يايمه سليت ذابل عودي واللون … ياساعه ويردون ******** حسبت نجومك احساب..يليلي والگلب ذاب..ولا منهم خبر ياليل اجاني زمان اليردف ارداف..حزن فوگ الحزن داف..يدمع اعيوني شلال وعماني كطعت الضنه ألياس..خبر ماكوا يعباس..انتظاري ولوعتي والهم حناني اله جيه الضعن لو اگطع الضنه ولا عنـوان عـنـدي وآنـه التـعنه وين بياكتر خاطر نجيكم**ما واصل خبر ننشد عليكم ولا طارش تودون … ياساعه ويردون ******** خادم أهل البيت(حــمــزه فـاضـل) 07711147190