"Яккабоғ овози" газетаси(расмий)

#ЭЪЛОН #Uzb35 Жорий йилда давлатимиз мустақиллигининг 35 йиллиги юртимизда, хусусан, Қашқадарё вилоятида ҳам “Ягона Ватан, ягона халқ бўлиб, янги ҳаёт ва келажак яратамиз” деган эзгу ғоя асосида юксак савияда нишонланади. Шу боис, вилоят ва туман (шаҳар)ларда ўтказиладиган байрам тадбирларининг саналари белгиланди: Қарши туманида — 21 август, кечки пайт Ёшлар хиёбонида; Яккабоғ туманида — 22 август, кечки пайт 1-сон спорт мактаби ўйингоҳида; Китоб туманида — 22 август, кечки пайт 1-сон спорт мактаби ўйингоҳида; Чироқчи туманида — 23 август, кечки пайт спорт мактаби ўйингоҳида; Касби туманида — 23 август, кечки пайт спорт мактаби ўйингоҳида; Қамаши туманида — 24 август, кечки пайт болалар ва ўсмирлар спорт мактаби ўйингоҳида; Нишон туманида — 24 август, кечки пайт спорт мактаби ўйингоҳида; Ғузор туманида — 25 август, кечки пайт туман марказий ўйингоҳида; Миришкор туманида — 25 август, кечки пайт спорт мактаби ўйингоҳида; Шаҳрисабз туманида — 25 август, кечки пайт спорт мактаби ўйингоҳида; Косон туманида — 26 август, кечки пайт ИИБ биноси олдидаги майдонда; Муборак туманида — 26 август, кечки пайт "Машъал" футбол ўйингоҳида; Шаҳрисабз шаҳрида — 27 август, кечки пайт Амир Темур хиёбони, катта амфитеатрда; Деҳқонобод туманида — 27 август, кечки пайт Калий завод АЖ олдидаги майдонда; Кўкдала туманида — 27 август, кечки пайт маданият саройи олдидаги майдонда. Вилоятнинг асосий байрами 28 августда Қарши шаҳридаги амфитеатрда ўтказилиши режалаштирилган. Қашқадарё вилояти ҳокимлиги Ахборот хизмати. https://t.me/qarshiliklar

#Ёшлар_куни #Раҳбар_ва_ёшлар Яккабоғда раҳбарлар ёшлар билан учрашди Хабарингиз бор, жорий йилнинг 24-февраль куни Президентимиз раислигида ўтказилган йиғилишда мамлакатимизда ҳар ҳафтанинг пайшанба куни вазирлик, идора ва ҳокимликларда “Ёшлар куни”этиб белгиланган эди. Мазкур топшириқнинг амалий ижросини таъминлаш мақсадида Нурли йўл маҳалласида “Раҳбар ва ёшлар” учрашуви ташкил этилди. Учрашув давомида ёшлар ўзларини қизиқтирган масалалар юзасидан саволлар бериб, масъуллардан атрофлича жавоблар олишди. Шунингдек, улар томонидан илгари сурилган таклиф ва ташаббуслар раҳбарлар томонидан эътибор билан тингланди. Ушбу учрашувда Яккабоғ тумани ҳокими Абдинаби Ғиёсов, туман прокурори, туман ИИБ бошлиғи ва туман ДХХ бўлинмаси бошчилигидаги масъуллар иштирок этди.

Prezident Shavkat Mirziyoyev neft-gaz bozorida barqarorlikni taʼminlash, iqtisodiyot tarmoqlari va aholiga uglevodorod resurslarini uzluksiz yetkazib berish chora-tadbirlari yuzasidan taqdimot bilan tanishdi. — Президент Шавкат Мирзиёев ознакомился с презентацией по мерам обеспечения стабильности на нефтегазовом рынке, бесперебойного снабжения отраслей экономики и населения углеводородными ресурсами. #Mirziyoyev #taqdimot #neftgaz #barqarorlik Prezident.uz|Facebook|Instagram|YouTube|X

❗️Мустақиллик байрамида ўзбекистонликлар неча кун дам олади? Президент фармонига кўра, 31 август – душанба куни иш ҳафтасининг туридан қатъи назар барча ходимлар учун қўшимча дам олиш куни деб белгиланган. Шунга мувофиқ, ҳафтасига 5 кун ишловчилар Мустақиллик байрамида кетма-кет тўрт кун (29 август – 1 сентябр), 6 кун ишловчилар эса кетма-кет уч кун (30 август – 1 сентябр) дам олади. 🟡 29 август, шанба – одатий иш ёки дам олиш куни 🟢 30 август, якшанба – одатий дам олиш куни 🟢 31 август, душанба – барча учун қўшимча дам олиш куни 🟢 1 сентябр, сешанба – Мустақиллик байрами куни 2 сентябр, чоршанба – барча учун одатий иш куни. Бизнинг расмий сахифаларимизга аъзо бўлинг🔽 ⚡️Telegram⚡️Instagram⚡️TikTok

Ўрта — Яккабоғнинг файзли ва меҳнаткаш қишлоқларидан бири Яккабоғ туманининг гўзал гўшаларидан саналган Ўрта қишлоғи ўзининг меҳнаткаш аҳолиси, сўлим табиати ва қадриятларга бой муҳити билан ажралиб туради. Қишлоқ атрофидаги яшил майдонлар, деҳқончилик ерлари ва табиий манзаралар ҳудудга ўзига хос чирой бағишлайди. Ўрта қишлоғи аҳолиси асосан деҳқончилик, чорвачилик ва турли соҳалардаги меҳнати билан оиласи ва юрти равнақига ҳисса қўшиб келмоқда. Бу ерда меҳнатсеварлик, ўзаро ҳурмат ва аҳиллик қадриятлари авлоддан-авлодга ўтиб келади. Қишлоқда ёшларни билимли ва ватанпарвар қилиб тарбиялашга алоҳида эътибор қаратилади. Турли соҳаларда ютуқларга эришиб, юртимиз тараққиётига хизмат қилаётган инсонлар орасида Ўрта қишлоғи фарзандлари ҳам бор. Бугунги кунда Ўрта қишлоғи ҳам Яккабоғ туманининг бошқа ҳудудлари қаторида ободонлашиб, замон билан ҳамнафас ривожланиб бормоқда. Бу қишлоқ нафақат яшаш учун қулай маскан, балки меҳнат, аҳиллик ва миллий қадриятлар уйғунлашган файзли гўша сифатида қадрланади.

Hurmatli Prezidentimiz! Tavallud ayyomingiz bilan chin qalbimizdan tabriklaymiz. Millat ma’rifati, xalq ma’naviyatini yuksaltirish mas’uliyatini o‘ziga olish - saodatli ish, jasoratli qadam. Davlatimiz rahbari bu yo‘lda tom ma’noda millat yetakchisi. Mamlakatda ilk bor Prezidentimiz Respublika Ma’naviyat va ma’rifat kengashi raisi bo‘ldi. Bu milliylik, qadriyatlarni qadrlashni yangi bosqichga ko‘tarish, asrash, kelgusi avlodga yetkazishda muhim qaror bo‘ldi. Samimiy, ochiq ko‘ngil xalqimiz bilan suhbatda ular o‘zgarishlarning o‘zagi aynan Prezidentimizning xalqchil siyosati ekanini tez-tez takrorlaydi, hayotlari misolida aytib beradi. Qaysidir manzillarda yillar davomida o‘z vatanida begonadek yashab, yangi davr tufayli uning bir bo‘lagiga, fuqarosiga aylangan insonlarning quvonch ko‘z yoshini ko‘ramiz. Qay bir hududda yaxshi qo‘shnichilik siyosati sabab yon qo‘shni mamlakatda yashaydigan jigarlari bilan diydor ko‘rishayotganlarning xursandchiligi bor. Eng ko‘p eshitganimiz, ota-onalarning so‘zlari. Hammasi farzandlari bilan bog‘liq. Kimdir bog‘cha qamrovi oshganini aytsa, kimdir farzandining talaba bo‘lish imkoniyati kengayganidan xursand. 2017-yilda maktabgacha ta’limda qamrov darajasi 30 foizdan kamroq bo‘lgan bo‘lsa, bu yilga kelib bu ko‘rsatkich 75 foizdan oshdi. O‘zbek desa – paxta, paxta desa – o‘zbek tushuniladigan qora kunlarni ko‘rdik. Afsuski, bundan tezda xalos ham bo‘lmadik. Eng yomoni ta’lim paxta dalasida qurbon qilindi. Shu sabab paxta mahsulotimizni 300 dan ortiq xalqaro brend va riteylerlar boykot qilgan edi. Kuchli siyosiy iroda sabab xalqaro boykot bekor qilindi. Bu xalqimiz uchun tarixiy voqea bo‘ldi. Ziyolilarning esa o‘tmish xatosini to‘g‘irlashdek dilida armon, tilida afsus ko‘p edi. Janob Prezident jasorati bilan tarixiy adolat tiklandi. 2021–2024-yillar davomida O‘zbekiston Respublikasi Oliy sudi tomonidan 1 ming 200 dan ziyod siyosiy qatag‘on qyrbonlarining nomlari oqlandi. Xalq manfaati oddiygina plastik kartadagi o‘z pulini yana pul berib, naqd qilib olishi, valyuta konvertatsiyasidayoq paymol bo‘lar edi. Bu nohaqlikka chek qo‘yildi, xalqning peshona teri bilan topganiga baraka kirdi. Tadbirkorning faoliyati rivojlandi, erkin biznes muhiti paydo bo‘ldi. Qayta tiklanadigan energiya sohasidagi transformatsion o‘zgarishlar mamlakatni Markaziy Osiyoda ushbu sohadagi yetakchi davlatga aylantirdi. Bu kabi erta emas, bugun xalq farovon yashashiga zamin bo‘layotgan o‘zgarishlar ko‘p. Eng muhimi, bu o‘zgarishlar to‘xtamasligi, ortga qaytmasligiga esa mamlakat yetakchisining siyosiy irodasi tufayli ishonch baland, ko‘ngil to‘q. Hurmatli Prezidentimizga bu yo‘lda mustahkam sog‘lik, baxt-saodat, kuch-g‘ayrat tilab qolamiz. Biz esa ular bilan birga, yelkama yelka shu Vatan taraqqiyoti, xalq baxti, farzandlar kamoli yo‘lida xizmat qilishdan doim shodmiz. Zero, Vatan uchun, millat uchun, xalq uchun barchamiz birlashsak, yuksak marralarga yetamiz! @otabek_khasanov