Noble Academy ( Mustafa Nabeel )

الحمدلله بفضل رب العالمين انقبلت بالدراسات العليا جنان سالم السلام عليكم جانت النية اقدم 2025 بس الظروف ماسمحتلي حتى امتحن وطني ضجت بس بعدين كلت إرادة رب العالمين احسن من إرادتي بس بعدين من شهر ١٢ حليت هواية فورمات وكوزات بالقنوات ع بداية السنة بشهر الواحد كملت وطني طبعا جان خوفي الكبير الوطني 😂💔من كدما يسولفولي عليه بس بعدين حليت بس فورمات واجتازيتهم من اول محاولة الحمدلله وطلع ميستاهل هل ضجة !! بشهر الواحد بديت بداية زينة ع التنافسي هالتخصص احبه هواية جنت ادرسه بشغف بديت ادرس والشي الي ما فهمته ادزه لجات اكوله اشرحلي كأنما اني طفل 😂 من افهم المادة زين ابدي الخصها وطبعا جانت دراستي الصبح يعني ورا صلاة الفجر أو مرات من ٥او ٦ لأن بس هذا وقتي جانت عندي مسؤوليات ثانية فه خليته ثابت سويت نظام الجيش 😄🥲 انام ب ١٠ واكعد الفجر جانت صعبة بس تعودت بفضل الله والعصر أو يمته ما يصير مجال إليه اراجع الي لخصته وبعدين بليل ادزه ل Notebooklm واكوله سويلي اسئلة صعبة جداا بحيث مرات ارسب بيه 😂يصير عندي احباط بس اكول لنفسي لا هاي نقاط ضعفج لازم تقوينها كل قناة بيها MCQ. احلها مفيدة جدا حلوا شكد ما تكدرون وحليت كم اسئلة من غير جامعات ادزها Ai واكوله Answer with explain شهر السادس المفروض بس مراجعة لكن اكتشفت انو اني مدرست الكاتب وأشهر أعماله مو عمل واحد! بس الشغلة الي غلطت بيها واخر شهر تعبتني انو مدرست كل اعمال الكاتب مثلا عدنه وليم شكسبير درست بس أعماله الي بالبكالوريوس وشفت اسئلة الاعوام جابيبين غير أعماله 🫠 فه اطريت بهذا الشهر الأخير درست بس فكرة عامة عنهم وصدك جابوا بالاسئلة أما ليلة الامتحان التنافسي قبل أيام سويت خرائط ذهنية اول مرة اجرب يعني لخصت كل عصر خريطة ذهنية بس رؤوس اقلام جان الهدف اراجع فقط الخرائط وبس وراجعتهم من العصر وخلص و نمت من وقت كلت اني صار ٦ اشهر درست صح سختت 😭😂شوي بس سويت الي عليه وجنت مستنقصه هاي طريقتي بالدراسة لأن نمط جديد ودراسة جديدة وحتى الوقت . بس بيوم الامتحان صار عندي توتر مو من الاسئلة بس اني صار عندي تفكير بغير شي سيطر عليه وخلاني اعيد الببل شيت ٣ مرات 🥲وحتى اشياء اعرف جوابهم الصح بس اختاريت خطأ من التوتر ردت بس انطي الورقة من دون خطأ الحمدلله جبت 80 الله عوضني عن صار بيه يوم الامتحان 💜🥹+أكلوا حتى لو شي خفيف رحت من دون اكل وصار راسي يوجعني أثناء الامتحان نصيحتي (يوم الامتحان أكلوا وتوكلوا ع رب العالمين ولا تفكرون بشي ثاني مثلي غلطتي 🥲👍 لأن تاذيت نفسيا ) بس اجه يوم القبول بس الله يدري بالايام جنت منتظرتها ع نار وجنت اعرف ثنين أعلى مني بالتفاضلي واجه يوم الاعلان وجانت لم تحصل على مقعد ضجت هواية بس صديقتي طمنتني كالت اكو تدوير ماجنت اعرف بهذا السالفة والحمدلله جنت احتياط ثالث وانقبلت رغم الانتضار والتوتر وأثناء كل هذا الأحداث + خليت العراق كله يدعيلي 😭🥲حرفيا اي وحدة اكولها ادعيلي جنت اردد دائما اللهي من لي غيرك اسأله كشف ضري والنظر في امري وها جان محد يعرف غير امي واختي وصديقتي اني قدمت ولا احد يعرف وكلت هاي محاولة اولى حتى إذ رب العالمين ماكاتبلي اقدم السنة الي بعدها هاي من باب اقضوا حوائجكم بالكتمان إن شاء الله السنة الجاية اسولف تجربتي وي التحضيرية 🙏 باذن الله قدمت ع القناة العامة صار تدوير ع قناة الامتيازات وانقبلت معدل 80.5318 تسلسلي 34 من اصل دفعة 330

رسالة من طالبة حابة تحجيلكم تجربتها عن الدراسات والقبول 👇🏻💙 ( ان شاء الله يكون الكم تحفيز )

الي ما انظم لدورة البيبرات المجانية يكتبلي تم حتى اضيفة تدللون

اوصلو البحثية لخليكم تعرفون كلشي ان شاء الله بالحرف الواحد حتى كتابة الرسالة يصير ماي عدكم الي اريدة فقط تبدعون تدرسون أما الباقي يجيكم جاهز كلشي الله رزقني ايا من العلم انطيكم ايا بأجور او بشكل مجاني ما يختلف عندي

مرات احسد نفسي عليكم صراحة 😂 فترات كثيرة بحياتي جنت اتمنى شخص يوجهني يساعدني ولو بكلمة ذاك من ذاك الي جنت الكاه لهذا السبب گلت مراح اخلي اي طالب يحتار وكلشي يسهل عليكم الحمدلله الي علمني كلشي وخلاني اكون موجود لخدمة العلم

موضوع اختيار العناوين وحدها حيل متعبة تگدرون تسئلون بقية الطلبة بس اكيد وياي ماكو شي صعب ان شاء الله

سلام عليكم بخصوص طلبة الماجستير اختصاص ادب طلبة المرحلة الثانية بحثية والي هم على وشك اختيار مواضيع وعناوين الرسالة وحايرين اكون وياك افتهم منك بشنو تحب تكتب حسب واهسك ادورلك Gaps مواضيع الي محد كاتب عنه بهذا الخصوص اقترحلك العنوان واكتبلك اياها بالكامل مع صياغة مو بس كلام وحبر على ورق + النظريات الي راح تنطبق على عنوانك + الأعمال الأدبية بشكل كامل لحد ما تتثبت عنوانك وينقبل من المشرف يرضى بي وكل هذا بسعر يعتبر بسيط جداً لأن تگدرون تشوفون بيجات جاي يقترحون عناوين بشكل عشوائي 3 عناوين مختلفة ب100 الف اني كل هذا أقل بهواي من هالسعر زين ليش ؟ لأن كالعادة معلمكم على الدلال وتستاهلون 😇💙

تسجيل مسبق مفتوح قبل إعلان الدورة للطلبة الواثقين وفاهمين كلشي من النظام والتدريس الى اخره 🌚 أما الجدد الي يحتاجون تفاصيل كاملة وقت الإعلان ان شاء الله

هالسنة راح اضيف الأدب الأمريكي على الخطة بنسبة كبيرة ان شاء الله جاي ادرس الموضوع حالياً 🔥🌹

صباح الخير والعافية عليكم 😇 الطلبة الي راسلوني بخصوص دورة التنافسي السنوي إختصاص ادب بلغتكم إعلان الدورة بالكامل ينزل يوم 9/1 ان شاء الله بس للتنويه الي اباله يدخل عندي خلي يحضر نفسة نفسياً معنوياً ومادياً 😅 لأن اول شي ابالي اخذ عدد قليل اهتم بيهم ليوم الإمتحان بشكل أقوى وثانياً هالشهور راح اشلع گلوبكم بالدراسة وتعرفون طريقة تدريسي صعبة ويحتاج التزام بس بالنهاية راح تترحمون علية ابنيلكم أساس كلش قوي لذا من هسة اطلعو سفرات عيشو أجواء حلوة وثالثاً هالسنة ماكو مجموعتين فقط مجموعة وحدة من شهر التاسع حد السابع لا غير مو بعدين تجوني والله ما لحگت اسجل رابعاً اعيد واكرر ما اريد طلاب يوم يدرسون يوم مالهم خلگ تعبنا ومدري ايش اريد طلاب يتحملون الضغط والتعب حتى افتخر بيكم وتفتخرون بنفسكم بالتوفيق للجميع أبطالي 💪🏻💙

من شفت المشاركات من گد ما هواي إلا دمعت 🥲

حاولو الكل قدر الإمكان شاركوا بهذا الإستبيان بعدين انشرلكم النتائج حتى الطلبة الجدد يستفادون ويصير الهم مرجع بالتقديم

الأفضل اهنا تكتبون بالمنشور علمود ما اضيع شي والاراء كلها سوة ولكن الي يشوف اكو مشكلة ممكن يرسلي خاص عادي @Toof4

اريد اسوي فد دراسة اذا أمكن مساعدتكم كلمن يكتبلي بأي جامعة قدم دراسات عليا اخفق وشنو السبب وراها اي جامعة قدم وحصل على مقعد شي مثل استبيان واحصاء راح يفيد الطلبة والكم اجر برسالة واحدة

9/1 موعدنا متحمس حتى اشوف دفعة هالسنة 💪🏻💙

اي رسالة توصلكم بهذا الشكل مباشرة حذف لأن تخترق حساباتكم مجرد ما تدوسون اشتراك

المقاعد الشاغرة جامعة تكريت || جميع الكليات

المنشور القادم شلون تختارون الاختصاص على اي اساس !!

طبعاً خلصت المنشورات الحمدلله نتائج مرضية هذه السنة ولكن للسنة القادمة اطمح للحصول على مقاعد اكثر لذا راح يصير تغييرات هواي من ضمنها الخطة راح تصير مكثفة اكثر بعون الله اكو طلاب درسوا وياي انقبلوا اكو طلاب درسوا وحدهم انقبلوا اكو طلاب تابعوا القناة نجحوا اكو طلاب حضروا الدورات السريعة الي سويتها برمضان وغيرها مراجعة سريعة امتحانات MCQ وانقبلوا بالنتيجة ما يهمني تدخل دورة لو ما تدخل ولكن الي يهمني تتابع تدرس ما تتوقف الى ان تفتخر بنفسك توصل للي تريدة واكثر بعد أهم شي تحقق إنجاز لهذا السبب اني فرحان بيكم بقبولاتكم لأن انجازي الشخصي اني الي نجحت حصلت على مقاعد الحمدلله السنة الجاية راح تكون متعبة بعد اكثر واوعدكم راح ادللكم بعد اكثر ومو فقط جماعة ادب وانما لغة وطرائق همين