لـ شخص ما

توجيه ونحكي ع اول خمس اشخاص لو نعرفهم وعقنواتهم وباقي نحكي عقناتك ونقيم ، بايو ، الصورة ، الاسم من 20 تبي تشترك تفضل || @xiixr_7 .

أنا هعاتبك ليه وانت عارف أن الحاجة اللي هتعملها هتزعلني وبرضوا بتعملها، اعاتب ليه على حاجة اتكلمت فيها كتير ومفيش فايده، اعاتب ليه شخص العتاب مش بيجيب معاه نتيجة غير عكس اللي بتكلم فيه، عاتبت ألف مرة في ألف حاجة مزعلاني وكل مره كانت الإجابة هيا هيا ان مش هتكرر تاني ومش هتحصَّل تاني وبرضوا كانت بتتعاد بنفس الطريقة ونفس الموضوع يبقا اعاتب ليه.. ملوش لازمة العِتاب مع شخص بيفضل يكرر الغلط كل مره

أحسن مهارة هتتعلمها إنك تسمع وتسكت، في عز ما أنت عايز تقوم تعجن اللي قدامك. مش لأنك ضعيف ولا لأنك مش عارف ترد، بالعكس... لأنك بقيت فاهم إن مش كل واحد يستحق منك رد، ومش كل موقف يستحق تضيع فيه أعصابك. في ناس بتستفزك عشان تنزل لمستواها، ولو رديت تكون حققتلها اللي هي عايزاه. إنما لما تسيطر على نفسك وتعرف تمشي، ساعتها أنت اللي كسبت.

أكبر غلط إنك تفضل تشرح نفسك لكل حد. اللي عايز يفهمك هيفهمك من غير ألف تبرير، واللي قرر يسيء الظن بيك مش هتغير رأيه ولو جبتله ألف دليل.وفر كلامك... وخلي أفعالك هي اللي تتكلم.

أنا مش نسخة تتكرر عشان ترجع تدور عليها بعد ما تضيعها.الفرص اللي بتضيع بسبب قلة التقدير، مبتستناش ترجع.اعرف قيمة اللي قدامك وهو موجود...لأن مش كل باب بيتقفل بيتفتح تاني.

مشكلتي حتي لما جتلي الفرصه اني ارد اللي حصل فيا قولت عيب دا كان بينا عشره ساعتها عرفت أن الأصل غلاب واللي أصله نضيف ونيته نضيفه لا الايام ولا الناس تقدر تغيره وتخليه نسخه منهم عشان كده عمري ما ندمت إني اخترت أخلاقي، حتى لو غيري اختار غير كده.

أغبى فكرة ممكن الإنسان يعيش بيها... إنه طالما عمره ما أذى حد، يبقى مستحيل حد يأذيه.للأسف الدنيا مش بتشتغل بالمنطق ده، وفي ناس ممكن تكسرك رغم إنك كنت ليها سند، وتخذلك رغم إنك عمرك ما ظلمتها.اعمل الخير لأنه يرضي ربنا، مش عشان منتظر نفس المعاملة من كل الناس و خليك طيب لكن متبقاش ساذج و افتح عينك كويس.

"النوايا التي يُعريها الله، لا تُلبِسها أعذارًا." لما ربنا يكشفلك حقيقة حد، متحاولش تبررله ولا تدورله على أعذار. متخليش حبك ليه يعميك عن الحقيقة، لأنك ساعات هتكون بتأذي نفسك بايدك

إمتى الفرصة التانية تستحق؟ لما الشخص يثبت إنه اتغير، مش بس يقول إنه اتغير.ولما تشوف أفعال مختلفة، مش وعود جديدة. أما لو كل فرصة نهايتها نفس الوجع...فدي مش فرصة تانية، دي غلطة بتتكرر بإيدك.

مبقتش محتاجه ألفت انتباه حد، ولا أثبت نفسي لحد. اللي هيشوف فيا خير هيقرب، واللي مش هيقدرني فدي مش خسارتي. الاحترام الحقيقي مش بيتطلب، والهيبة مش بالصوت العالي، ولا بكترة الكلام، لكنها رزق بيحطه ربنا في قلوب الناس لعباده اللي أصلهم طيب.

الناس بتتغير... ولا حقيقتها هي اللي بتبان؟يمكن الاتنين صح، لكن في ناس مبتتغيرش، هي بس بتبطل تمثل.ولما المصلحة تخلص، أو المشاعر تقل، بيظهر الوجه اللي كان مستخبي طول الوقت.علشان كده متستغربش من حد اتغير عليك فجأة... يمكن هو مكنش اتغير، يمكن أنت بس شوفته على حقيقته

لما أميزك عن الكل...يبقى لأنك كنت تستحق ، ولو مقدرتش ده، هرجعك لمكانك الطبيعي وسط الكل. المكانة عندي بتتاخد بالتقدير...ومبتفضلش بالمجاملة.

عمرك ما تكون أناني لما تختار سلامك النفسي. الأنانية إنك تأذي غيرك عشان ترتاح،لكن إنك تبعد عن أي حاجة بتستنزفك...دي نجاة، مش أنانية.أنت مش مطالب تفضل في مكان بيتعبك عشان ترضي ناس عمرها ما فكرت تريحك.

أنا مش هما وهما مش أنا واللي تلاقيه فيا عمرك م تلاقيه في غيري مبتعوضش ،مبتقارنش ،مباجيش في العمر غير مره واحده وخلصت.

في ناس بتخسر نفسها وهي بتحاول تكسب رضا الكل بتسكت، وتتنازل، وتبرر،لحد ما تكتشف إنها ضيعت احترامها لنفسها ،افتكر دايمًا... احترامك لنفسك أهم من رضا أي حد.

الاكتفاء بالنفس مش إنك تعيش لوحدك ولا إنك متحتاجش حد. الاكتفاء الحقيقي إن سعادتك متبقاش معلقة بوجود شخص،ولا يومك يبوظ عشان حد غاب. وقتها هتحب الناس... من غير ما تضيع نفسك بينهم.

زي ما لكل بدايه نهايه برضو لكل نهايه بدايه و دي بدايتي لنفسي بعيد عن دوشه الناس بشخصيه جديده وحياه جديده رسمتها لنفسي

Channel photo updated

Channel created