العباقرة اونلاين | فواصل

بوت مكتبة العباقرة اونلاين ٣ث الجديد 🔔 https://t.me/al3baqara_1bot?start=0004xbg16x 📍 البوت حاليا في مرحلة التطوير يا شباب وهياخد وقت كبير لحد ما يكتمل لان محتاج مجهود كبير، ده تعب ٥ سنوات وفجأة راح ف ان شاء الله دعواتكم ويضاف ليه كل حاجة ويكون احسن من الاول ومتنسوش تشاركوه مع باقي زمايلكم

ازيكم يا رب تكونوا بخير 🤍 بالنسبة لبوت مكتبة العباقرة اونلاين ٣ث ف احنا بعتنا ل تليجرام كذا رسالة وطعن لحد الان مفيش اي رد زميل ليكم بارك الله فيه، دلوقتي وجد طريقة عشان يشتغل 1️⃣ هتعملوا جروب علي تليجرام 2️⃣ تضيفوا البوت ادمن فيه من هنا 👇 https://t.me/al3baqara_bot?startgroup=inpvbtn 3️⃣ تبعت في الجروب ديه 👇 /start وهيشتغل ان شاء الله 🔔 وان شاء الله خير ويرجع وانتوا استخدموا الطريقة ديه لحد ما الامور توضح وشدوا حيلكم وربنا يوفقكم ان شاء الله

بوت ٣ ثانوي https://t.me/al3baqara_bot اتحظر من تليجرام يا شباب حقوق ملكية ومش عارف ايه ومش عارف مين عمل بلاغات تعب ٤ سنوات ومجهود ضاع مش عارف ايه اللي حصل والله مصدوم جدا ومش عارف ارجعه وانا اصلا في ظروف ما يعلم بيها ربنا قدر الله وما شاء الله فعل ومش عارف هعمل واحد جديد ولا لا لان محتاج وقت ومجهود ومحتوي ٤ سنوات ومفيش طاقة لو حد يقدر يرجعه يبعت علي بوت التواصل 👇 @OWContact_bot

احنا بنحب إحساس إننا لسه مش مستعدين ! إنتظار الوقت المناسب أمر مغري جداً للدماغ لإنه بيحققلها المعادلة الصعبة  من ناحية بيحسسها إنه إنتظار إيجابي ومفيد ومش سلبي .. بكرة الظروف تكون أحسن .. بكرة تكون جاهز ومستعد أكتر .. بكرة خبرتك تزيد وتكون قد الخطوة دي أكتر والموضوع يكون أسهل بالنسبالك .. محتاج لسه تجمع معلومات أكتر قبل ما تاخد قرار زي ده علشان متلبسش في الحيطه .. وهكذا .. فبتتشبع بفكرة إن الانتظار أمر إيجابي ولمصلحتك وبالتالي مفيش تأنيب ضمير ومن ناحية تانية إنها فكرة موفرة جداً للطاقة وللمجهود .. يا إما قاعد منتظر وخلاص وده zero مجهود يا إما قاعد بتجمع معلومات أكتر علشان تكون أكثر إطمئنان للخطوة وده مجهوده لا يُذكر جنب المجهود والطاقة اللي هتبذلهم في إنك تدوس في الخطوة نفسها وتجازف وتجرب  مفيش أحلى من كده بالنسبالها إنتظار مُغلف بالإيجابية وموفر للطاقة ووجع الدماغ عرفت الموضوع بيترتب في دماغك ازاي علشان تفضل في منطقة الراحة بتاعتك من غير تأنيب ضمير ؟! الوقت المناسب هو دلوقتي  والانتظار نادراً ما بيخلي الأمور تزداد سهولة وانت مجرب وعارف كده كويس بل بالعكس الأمور بتزداد صعوبة وتعقيد  والقرارات بتتاخد بعد تجميع 70% من المعلومات مش أكتر .. لإن انتظار أكتر من كده بتبقي تكلفة التأخير أعلى كتير من تكلفة القرار الخطأ ! ابدأ وجازف لإن الحياة أقصر بكتير من "وهم" الوقت المناسب #فواصل_التغيير

حاجات يمكن تنفعك في 2026 1- دور على كل إنتاج الشيخ محمد عمران تلاوة او إنشاد أو تواشيح و استطعم جمال ما مستخبي في صوته. 2- المشي مهم هيدوب كل الدهون اللي حوالين روحك و مخك. 3- اتمرن على تستخبى كل شوية من كل حاجة انعزل يوم في الأسبوع و سيب الفراغ يقدم لك الحلول و الأفكار اللي كانت محتاجة فرصة تظهر. 4- كلم كل اللي منفض لهم هتلاقي حاجات لطيفة كانت مستخبية أو أنت كنت قافل عليها بلا سبب. 5- اخلق عادة جديدة و اربطها بعادة قائمة بالفعل في حياتك.. الربط هيخليه تغيير سهل هيحصل ببطء و يدي الدنيا طعم جديد كل شوية. 6- وسع حركة حياتك .. الملاعب اللي بتتحرك فيها محتاجة ملعب جديد كل فترة علشان اللعب يحلو. 7- خليك عالم بجهلك علشان تعرف تحسن منظرك. 8- 9- لو من هواة القراءة سيبك من قراءة الأدب شوية و توغل في كتب المعرفة و التاريخ و السخرية و الفلسفة. 10- رحب بكل التجارب. 11- يقال: "المعجزة التي تنتظرها موجودة في العمل الذي تتجنبه". 12- جاول نهاية كل اسبوع على سؤال ( ايه أكتر حاجة عملتها بذمة و ضمير الاسبوع ده؟) 13- "اعرض عن الجاهلين". 14- استثمر في جبر الخواطر هتقابل مفاجآت و انبهارات. 15- اصرف على أهلك في الفاضية و المليانة .. صندوق ادخار عجيب. 16- ماتستكترش .. كله ماشي بالمسطرة و مش هينوبك غير العكننة. 17- قسم اللي وراك قطع صغيرة علشان تنجز. 18- اعترف بأخطائك . 19- وفر مجهود نقد عمل ماعجبكش و استثمره في مدح العمل اللي محتاج إنصاف، يقال النقد عمل لا مغامرة فيه. 20- ماتمشيش جيبك فاضي و فاجىء اللي تقابله تعرفه أو ماتعرفوش بحاجة حلوة هتجي له كبيرة. 21- اتقي الله في بوقك. 22- سجل فيديو دعوات أهلك ليك. 23- أحسن كما أحسن الله إليك .. في الكيفية مش في الكم، كريم بعت لك اكتر من اللي عايزه و كان كرمه متغلف بالستر و خالي من المن و العكننة و كله لطف. 24- ادي كل حاجة وقتها بالضبط ، الأقل هتلاقي ثمرة ناشفة و الأكتر مش هيبقى لها طعم. 25- ماتقعدش فاضي .. الإحتكاك بيولد طاقة هتنفع في حاجات تانية. 26- لازم يكون عندك أباجورة و سبحة و بخور و نوع شاي ماتغيروش. 27- الطاقة اللي هتستهلكها في الندم و اللطم على الخدود استثمرها في الإجابة بالورقة و القلم على سؤال أنا هببت إيه المرة دي؟ 28- الوقت اللي بيضيع في التخطيط مخادع فخد بالك، خلي التخطيط يكون لفكرة واحدة بس (ابتدي إزاي) و الباقي هينظم نفسه و أنت ماشي.. البدء أهم من التخطيط. 29- اسأل نفسك دايما إيه أوحش حاجة ممكن تحصل و اتعامل إنها حصلت فعلا .. ده هيجمد قلبك شوية. 30- يقال: "جهدك اليومي البسيط سينتهي به المطاف عملا هائلا". 31- أهم من المجهود هتوجهه إزاي. 32- يقال: "الخبر السىء أن الوقت يطير الخبر الجيد أنك الطيّار". 33- مافيش أطيب من السعي، السر في الصحبة، اسعى يا عبد و أنا أسعى معاك. 34- يقال: "منحت نفسي الإذن باتخاذ قرارات سيئة". 35- العالم مش مستني منك حاجة غير إنك تكون موجود، و بخير، و خفيف. #فواصل_التغيير

لما الدنيا تبوظ منك خالص وتحب تبدأ من جديد .. تعمل إيه ؟؟ 1- طلع صدقة .. حتى لو حاجة بسيطة .. حتى لو لبس عندك مش هتلبسه تاني أو كتب مش هتحتاجها .. أنا بتفائل بالصدقة في بداية تغيير أي حاجة في حياتي 2- غيّر شكل المكان اللي انت قاعد فيه أغلب الوقت .. هات السرير الناحية التانية .. هات المكتب جنب الشباك .. اطبع كام لوحة تحفيزية وعلقها على الحيطة قدامك .. هاتلك زرعة على المكتب .. غيّر اللمبات المحروقة عندك بقالها سنة .. حط الكركبة الكتير اللي حواليك تحت السرير أو في مكان مش قدامك طول الوقت .. اعمل أي تغيير حتى لو صغير وصدقني هيفرق جداً في طاقتك مع بداية التغيير 3- اقعد مع نفسك واكتب list بأي شخص سلبي في حياتك أو محبط أو بيقلل منك أو بيصدرلك طاقة سلبية لما بتقعد معاه .. واللي تقدر تشيله منهم من حياتك شيله بدون تردد واللي مش هتقدر يبقى قلل جداً الوقت اللي هتقعد معاه فيه (احنا محتاجين طاقتك حالياً بأي شكل فمش عايزين حد يسحبها) 4- أي application على موبايلك مش بيفيدك على الإطلاق بل وبيصدرلك طاقة سلبية لما بتقعد عليه شوية سايبه ليه ؟؟ امسح وخليك حازم المرة دي مع نفسك 5- اكتب أهم هدف نفسك تحققه الفترة دي قدامك على الحيطة .. ولو في صور ممكن تعبر عن الهدف ده اطبعها وعلقها جنبه 6- أي مهمة مطلوبة منك حالياً اتشقلب إنك تلاقي فيها جزء ممتع بالنسبالك .. وهتلاقي صدقني مهما كانت المهمة تبدو مملة .. مطلوب منك مذاكرة يبقى هات كشكول شكله حلو وأقلام ألوان ودلع مذاكرتك .. مطلوب منك شوية رياضة يبقى حط الهاندفري في ودانك واسمع حاجة كنت عايز تسمعها ومتحسش معاها بالوقت .. وهكذا 7- خصص يوم كده لتنضيف السوشيال ميديا عندك .. ابدأ مثلاً بالجروبات اللي انت عليها واطلع من أي جروب غير مفيد .. بعدها ادخل على الصفحات واعمل unlike لأي صفحة ملهاش لازمة .. وبعدها ادخل على الناس اللي انت عاملها follow واعمل حملة unfollow موسعة تشيل فيها كل الناس اللي انت مش عارف عملتلهم follow امتى وازاي .. وأخيراً ادخل على أكونتات أصحابك واللي مش بينزل منهم غير شوية كئابة وطاقة سلبية يبقى سيبه عندك عادي لكن اعمله unfollow هو كمان 8- اشتري حاجة انت عارف ومتأكد إنها هتفرق في إنتاجيتك .. كرسي جديد للمكتب .. ساعة سمارت .. مكتبة صغيرة تحط فيها حاجتك .. أي noise cancellation headphone .. انت وميزانيتك ومعرفتك بالحاجة اللي هتفرق معاك فعلاً (وحتى لو مش معاك فلوس ليها حالياً .. ابدأ حطها هدف ليك الفترة الجاية تحوش علشانها وده في حد ذاته هيفتح نفسك) 9- اكتب list بـ 5 أشخاص بيلهموك وبيصدرولك طاقة إيجابية دايماً وسميها list الطوارئ .. وفي أي وقت حسيت إنك هتقغ أو هتبدأ تحبط ادخل عندهم واقعد قلّب في كلامهم شوية لغاية ما تتشحن تاني 10- خلي ليك يوم وليكن في الـ weekend يبقى تغيير شوية عن باقي الاسبوع .. مش لازم يبقى يوم رهيب من كتر التجديد .. لكن على الأقل تعمل فيه حاجة بتحبها وبتجدد روحك وطاقتك (إحساس إنك هتعمل حاجة بتحبها آخر الاسبوع بيخليك تستحمل رخامة حاجات كتير طول الأسبوع) 11- التزم بأي عادة دينية جديدة في حياتك حتى لو صغيرة .. ركعتين قيام ليل أو ورد قرآن يومي أو أذكار الصباح والمساء .. عادة واحدة صغيرة احشرها في يومك تديله شوية بركة انت محتاجها 12-امسك موبايلك واقفل كل الـ notifications اللي ممكن تجيلك من أي app عندك (متقلقش مش هيفوتك حاجة هما عاملينها علشان يسحبوك كل شوية مش أكتر) 13- حدد أكتر 3 عادات سلبية انت بتعملها وحاسس إنهم السبب في قلة إنجازك وموودك السلبي .. وهات 3 ورقات واكتب كل عادة منهم في ورقة وادخل على اليوتيوب اكتب "كيفية التخلص من كل عادة منهم" واكتب في كل ورقة خلاصة الخطوات اللي هتمشي عليها .. وابدأ في التنفيذ علطول (لإنك لو نجحت إنك تتخلص منهم يبقى كأنك نزلت حمل كبير من على ضهرك كان معطل حركتك) 14- لو فاكر إن كل الخطوات دي هتقدر تنفذها وانت معتمد فقط على إرادتك تبقى لسه بتضحك على نفسك .. الحرية الكاملة زي ما اتفقنا قبل كده بتجيب مرقعة 15- عوّد نفسك قبل النوم تمسك ورقة وقلم وتكتب في نقط كده خطة بكرة .. اكتب كل حاجة ناوي تعملها وبالمواعيد (هيفرق جداً معاك في إنتاجيتك تاني يوم) 16- في ساعة كده في اليوم إياك والموبايل فيها 17- ربع ساعة رياضة في اليوم مش هتضر ومش هتاخد من وقتك حاجة .. واعتبر شوية الرياضة دول لا من باب الصحة ولا اللياقة .. اعتبرها من باب سلامك النفسي وتفريغ لشوية شحنات سلبية عندك 18- لو الدنيا اتشقلبت حواليك وفلان عمل كذا وفلان راح كذا إياك تقارن نفسك بأي حد .. انت في طريقك ومركز فيه ومن السذاجة إنك تقارن نفسك بجزء من حياة شخص تاني لا هو ظروفك ولا حياتك ولا انت تعرف ما وراء الكواليس أصلاً #فواصل_التغيير

٣ ثانوي قريبا ان شاء الله نبدأ

🌟القنوات الرسمية والوحيدة للعباقرة اونلاين  علي تطبيق تليجرام 🌟 📚قنوات الصف الثالث الثانوي 📚 العباقرة ٣ث الأساسية علمي وأدبي 🎖 https://t.me/al3baqara بوت الكتب والملخصات ٣ث 📚👇 https://t.me/al3baqara_bot العباقرة ٣ث احياء وجيولوجيا 🧬👇 https://t.me/OW_Biology جروب المناقشة ٣ث 👇 https://t.me/OW_Sec3 📚قنوات الصف الثاني الثانوي 📚 قناة العباقرة ٢ث | الأساسية 🎖 https://t.me/al3baqara2 بوت الكتب والملخصات ٢ث 📚👇 https://t.me/al3baqara2_bot جروب المناقشة ٢ث عام 👇 https://t.me/+9cd2BaclfR0yZDBk 📚قنوات الصف الأول الثانوي 📚 قناة العباقرة ١ث | الأساسية 🎖 https://t.me/al3baqara1 بوت الكتب والملخصات ١ث 📚👇 https://t.me/al3baqara1_bot جروب المناقشة ١ث عام 👇 https://t.me/+Dws_5bhRcTg3NjI0 📚 جروبات المناقشة 📚 ثانوية لغات فقط كل الصفوف 👇 https://t.me/+ZgFc0QDCsr9jMWVk ثانوية أزهر فقط لكل الصفوف 👇 https://t.me/+HF5iE2D_Xis4MDI0 ✨ العباقرة اونلاين فواصل 👇 https://t.me/OW_Fawasl 🌟بوت لإرسال الملفات واي شئ تريد المساعدة به لننشره 👇 https://t.me/OWContact_bot 🚨 بالنسبة للكتب الخارجية 👇 https://t.me/OW_Fawasl/332 🤖 طريقة استخدام البوتات 👇 https://t.me/OW_Fawasl/31 🔔 تنبيه هام بالنسبة لبوتات العباقرة 👇 https://t.me/OW_Fawasl/1516 📌ليس لنا علاقة بأي قناة  اخري ⚫️ صفحة الفيسبوك 📚 https://www.facebook.com/al3baqara ⚫️جروب الفيسبوك 📚 https://facebook.com/groups/1750622918635420/ 🔴قناة اليوتيوب 📚 https://youtube.com/@al3baqara 📌 للتواصل ✉️ بخصوص اي شئ أرسل رسالتك إلي بوت التواصل👇 https://t.me/OWContact_bot?start

ختاما مع 🤍💌 https://youtu.be/rP_2gp0L4jk?si=-_u8Shyyyit6A23E

تابعوا يا شباب 🔔 صفحة 📌 وزارة التعليم العالي | جامعات يعني https://www.facebook.com/MOHESREGYPT لانه بينزل عليها اخبار التقديم والتنسيق وقت ما ينزل وامتحانات القدرات لكليات ( فنون تطبيقة وجميلة وتربية رياضية وفنية ) 📌 وزارة التربية والتعليم 👇 https://www.facebook.com/egypt.moe كل المعلومات عن الكليات والتنسيق وكل المرحلة الجامعية 👇💙 https://t.me/al3baqara/1362 https://t.me/al3baqara/1373

في قنوات عددها كبيرة وكانت بتفيد اتباعت لناس وقلبتها تسريب نتيجة ٣ث وتعديل نتيجة وشغل اعلانات للكلام ده واتعرض علي اعمل كده ورفضت ده كله اشتغالة وكلام فاضي واحتيال علي الطلاب ما تخلوا حد يضحك عليكم مفيش نتيجة دلوقتي الا بعد 15 يوم، والوزارة هتعلن وقتها…

في قنوات عددها كبيرة وكانت بتفيد اتباعت لناس وقلبتها تسريب نتيجة ٣ث وتعديل نتيجة وشغل اعلانات للكلام ده واتعرض علي اعمل كده ورفضت ده كله اشتغالة وكلام فاضي واحتيال علي الطلاب ما تخلوا حد يضحك عليكم مفيش نتيجة دلوقتي الا بعد 15 يوم، والوزارة هتعلن وقتها هتنزل امته وفين، سيبك من الكلام ده واطلع من القنوات ديه وخد اجازتك يا صديقي وشوف حاجة تفيدك تعملها #تنبيه

مبارك يا شباب 🎉 قول الحمد لله وصلي ركعتين سنة عدت بكل ما فيها من تعب ودروس وتراكم ومشاكل وحوارات وامتحانات وضغط كل وقت لتتعلم ان كل شئ سيمر بأمر الله فخور بيكم يا شباب انت دفعة هادية ومريتوا بحجات كتير جدا صعبة وكنتم قدها دلوقتي وقت الراحة وافصل من كل ده واستمتع يا صديقي كام يوم، وابدأ اكتشف نفسك واشتغل عليها وابحث علي الكليات واتعرف عليها ولا تفكر في القادم؛كله بيد الله متنساش يا صديقي صلاتك ودعائك والتزامك واللي كنت بتعمله في الثانوية واظب عليه وكمل وارضي بقدر الله ولا تعصي الله بالنسبة للنتيجة عايزك تؤمن ان مفيش لحظة تعب انت تعبتها في طريق سعيك هتضيع عند ربنا. الجزاء عند ربنا مش زي عند اي حد لأن فيه رحمة وفيه كرم وفيه عطاء الثانوية مش نهاية ده بداية لتحقيق حلمك والاهم تكون قمة في المكان اللي هتكون فيه لن تموت نفس قبل أن تستكمل رزقها فاتقوا الله وأجملوا في الطلب اتمني تكونوا استفدتوا من بوت مكتبة العباقرة اونلاين @al3baqara_bot وساعدكم وسهل عليك وربنا يوفقكم ويجبر بخاطركم في القادم ان شاء الله 🤍

الحمد لله 🤍

عجبت لمن يقلق وهذه الآية في كتاب الله

في يوم عاشوراء سيدنا موسى في عز انقطاع الأسباب قال بيقين .. " كَلَّا إِنَّ مَعِيَ رَبِّي سَيَهْدِين " فـ شقّ الله له البحر بما فيه فادعوه بيقين عسى أن يجبُرك ذاك اليوم وتراه يعجزك بقدرته ويحقق لك ما تظنه مستحيل !

- من المعاني الجميلة اللي ذڪرها الدڪتور أحمد عبدالمنعم في مجالس سورة الڪهف إن دايمًا فيه لطف في قصتك من الله أنت متعرفهوش .. ڪمثال لأهل الڪهف اللي ربنا نجاهم من شر الملك الظالم بإنهم ناموا فترة طويلة ولما صحيوا ڪان ڪل شيء أتغير! لذلك من فضل ربنا سبحانه وتعالى علينا بإنه شرع قراءة سورة الڪهف ڪل أسبوع عشان تبدأ أسبوع جديد بإيمان شديد بالقدَر خيره وشره ، وأن ما أصابك لم يڪن ليخطئك ، وما أخطأك لم يڪن ليُصيبك .')

خرجت من اللجنة، بس مش مرتاح… ما تعذّبش نفسك، الامتحان خلص، والورق اتسلّم، واللي جاي أهم من اللي فات، ارتاح، وافصل، وسيب التقييم على ربنا. الندم مش هيغيّر حاجة، بس الراحة هتساعدك تقوم تاني أقوى.

‏{ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ }.♥️