مُحاولات علاية ️

اخر دقايق من نهار يوم الجمعة ، بغض النظر عن منظر الوايرات بس صارلي شي ربع ساعة صافنة ع السما.. دا افكر بهواي شغلات صارت بحياتي و شغلات رايدتها من كُل گلبي تصير ، دا افكر بمستقبلي و وضعي حاليًا و شنو اللي اختلف عن وضعي قبل سنة ، دا افكر بأمور الدنيا و دا اگول هو احنه شبسرعة كبرنا لهالدرجة شبسرعة دتمر الايام و تزداد المسؤولية و تصعب الحياة ، احس اريد الحياة اللي چنت اباوع بيها مسلسلات هندية على زي الوان و اتعلم هندي من الافلام 😞😂💗 مادرييييي شديصير بس اني عندي حنين چبير لذيچ الفترة ، الف الحمدلله ع اللي راح و الف الحمدلله ع اللي جاي ، الله يبدل حالنا من حال لاحسن حال 💛

صاير عليها تراب القناة 😞😂💗 كم مرة و مرة ردت احذفها بس اگول لا بيها ذكرياتي البيئسه و محاولاتي المتكررة😂 بعدني مستمرة بالمحاولات بس هالمرة مو امتحانات جامعة هالمرة امتحانات دنيا ، الحمدلله اكيد بس اني المحاولات الهواي تتعبني 😞💗

أمانة ادعوا للمرضى كُلش هوااي و احمدوا ربنا بهاللحظة انكم بصحة و عافية ، الحمدلله 💛💛

بدعاء كُميل اكو جملة حلوة لفتت انتباهي اليوم و اللي هي ( يا غياث المستغيثين) اثناء مديقراها القارئ و يعيد بيها اني عقلي گبل گام يدعي للناس المستغيثين ، للناس اللي فعلًا محتاجة الدعاء صح كُلنا محتاجين الدعاء بس اكو ناس اكثر و اكثر.. الانسان فعلًا يحتاج الدعاء 💛 يا رب ليلة جمعة مُباركة و شهر مُبارك اسألك ان -تشافي كُل مريض و تعافي من وجعه و المه -ترزق كُل محتاج و تفك ضيقه و همه -تيسر امر كُلمن صعب امره بهالدنيا -تنجح كُل طالب تعبان على روحه و قرايته -تجبر گلب كُل مهموم و حزين بالرضا و العوض يا رب ما اعرف منو محتاج الدعاء من معارفي بس من كُل گلبي ادعيلهم كُلهم بالخير و الستر و الصحة و العافية و التوفيق..ادعوا رب العالمين هوااي و ادعوا للناس هم ، لان اكو ملائكة تگول و الكم بمثل ما دعيتوا 💛

صح بعدني في مرحلة التدريب و بالنسبة الي صعبة للامانة ، بس تظل مرحلة احسن و اهون من مرحلة الطالب ، الحمدلله

صح بعدني في مرحلة التدريب و بالنسبة الي صعبة للامانة ، بس تظل مرحلة احسن و اهون من مرحلة الطالب ، الحمدلله

حياتي بدت تتغير من : باچر شعدنا كوز ، لازم احضر محاضرات ، عندي تقرير لازم اقراه و اكتبه الى.. اموكسيلين ، باراسيتامول ، گحة ناشفة ، دوة الضغط ليش غالي ، مساعد سكر عشرة على الف و المزييييد 🥹😂💛💛

بس شي واحد محابته ، انو شوية دا امر بظرف احسه خارج عن ارادتي و بنفس الوقت بأرادتي هالظرف بالخصوص محابته اني و دا احاول احاول اخلص منه و اي اتمنى محد يمُر بهيچ ظرف ، و اتمنى الحياة تكون سهلة و حَنينة علينا كُلنا 💛💛🪄

صح حياة طالبة الجامعة حلووة و هوااي هم بس اني حاليًا هم حابة حياة التخرج و احس هي هاي الحياة اللي انتظرتها 😔😂💛

توقيت هالصورة ساعة 7 الصبح بغض النظر عن سبب طلعتي بهيچ وقت (چانت طلعة مدتها قصيرة) بس للامانة حمدت ربي مليون مرة لان تخرجت ، حرفيًا الف الحمدلله على هالنعمة ماعرف شلون اعبر عن امتناني و فرحتي بهالشي بس من صدگ اني چنت استاهل اتخرج و اخلص من الكلية و گعدة الصبح و هوسة الدوامات و برد هالشتا😔 ، الف الحمدلله ما لا نهاية💛

ويه بداية دخولنا العام الجديد و بأول دقايق يجيني اتصال ڤيديو من شخص نقي و مكان نقي..حرم الامام الرضا(عليه السلام)🤍 اجاني هالاتصال و گالولي ادعي ، و عاد عُـلا تعرفوها شلون تحب الدعاء ، الحمدلله مليون مرة و ربي يستجاب لدعائي🤍

2026-1-1 عام جديد سَعيد💛🪄 يا رب عام الجبر لقلوبنا اجمعين و يكون عام نعيش كُل ايامه بخير و صحة و ستر و توفيق من ربنا الكريم

-الحمدلله..♥️ كلمة بسيطة و متكونة من 8 احرف بس يا ربي هالكلمة شگد غنية و تغني صاحبها ، الحمدلله مو بس كلمة بالنسبة الي ، الحمدلله هي شعوري اللي ملازمني بكُل وقت ، وقت الفرح اگول الحمدلله و وقت الحزن اگول الحمدلله و بكُل وقت هالكلمة وياي لان وجودي بنص هالنعم و ما اگول الحمدلله فـ هاي هضمية و مصيبة چبيرة. فـ الحمدلله على كُلشي مَر بهالسنة الحمدلله على كُل شعور عشناه الحمدلله برحمته راح نبدي سنة جديدة و احنه بصحة و عافية و ستر من عنده الحمدلله من اول الدنيا الى فنائها الحمدلله عدد خلقه و رضا نفسه و زنة عرشه و مداد كلماته♥️

2025-12-31..♥️ آخر يوم بهالسنة ، سنة مرت بحلوها و مرها كُل شهر بيها چان بي طن احداث ، كُل شهر بي الشي الزين و المو زين .. بس رُغم هذا وصلنا لهاليوم و احنه بخير و داير مدايرنا اهلنا و مَستورين ببيوتنا و بعد بينا أمل نبدي السنة الجديدة بخير بأذن الله♥️

كلامها دائمًا بقلبي💗💗💗💗 هالكلام ابد مو صدفة بالنسبة الي انما هو تذكير و طبطبة حلوة من بعد المسج اللي كتبته البارحة ، الحمدلله دائمًا✨

وبالأخير نَفس كُل مَرَة وَ برضى تام اگولها : "اختيارات رَب العالمين هيَ الأفضل وهيَ اللي بيها الخَير ، و مهما تأخر رزقنا حَيجي و نناله دام مَكتوب النا و بِـ أسمنا "🩵.

ضاعت مني فرصة.. بس الحمدلله الي خلاني اعرف انو الفرصة متجي بس مرة وحدة و اكو غيرها فرص ، و اللي ضاعت بالاساس مو الي و اكيد ربي راح يرزقني و يعوضني بفرصة احسن اللهم لك الحمد و الشكر على كُل حال💛.

و يا الله شگد رايده اسوي هالشي

سمعت هالمقطع مال الاغنية و تذكرت اللي گال : روحي اضحكي بالاماكن اللي بچيتي بيها روحي اضحكي بالاماكن اللي خسرتي بيها عيدي كتابة قصتچ للمرة الالف💛