Aysanem Begimova

#Deputat_hududda Mahalla muammolari deputatlar e’tiborida Oliy Majlis Qonunchilik palatasi deputati S. Utemuratova hamda Jo‘qorg‘i Kenges deputati A. Begimovalar tomonidan Nukus shahridagi “Boz ovul” MFYda mahalla “yettiligi” vakillari bilan uchrashuv tashkil etildi. Uchrashuv davomida mahalla raisi va faollar tomonidan hududdagi dolzarb masalalar, aholining kundalik hayotiga bevosita ta’sir ko‘rsatayotgan muammolar ko‘tarildi. Xususan, infratuzilmani yaxshilash, aholini ish bilan ta’minlash, kommunal xizmatlar sifati, ekologik holat hamda ijtimoiy qo‘llab-quvvatlash masalalari atroflicha muhokama qilindi. Deputatlar tomonidan bildirilgan har bir murojaat tinglanib, ularni hal etish yuzasidan tegishli tashkilotlar bilan hamkorlikda aniq choralar belgilandi. Ayrim masalalar joyida o‘rganilib, tezkor yechimlar ishlab chiqildi. Mahalla faollarining tashabbuslari qo‘llab-quvvatlanib, hududni yanada obod qilish va aholi turmush darajasini oshirishga qaratilgan takliflar yuzasidan fikr almashildi. ✅Telegram|✅Facebook | 🌐Instagram |🌐 Web site | 📹You Tube

Mahallani obodonlashtirish va ko‘kalamzorlashtirish – dolzarb yo‘nalish Mahallalarni obodonlashtirish va ko‘kalamzorlashtirish, yashil hududlarni kengaytirish doirasida yurtimizda keng ko‘lamli ishlar amalga oshirilmoqda.Shu munosabat bilan Oliy Majlis Qonunchilik palatasi deputati S. Utemuratova va Jo‘qorg‘i Kenges deputati A. Begimovalar tomonidan Nukus shahridagi “Boz awil” MFY hududida joylashgan issiqxona faoliyati hamda mahalla aholisi ishtirokida amalga oshirilayotgan ko‘kalamzorlashtirish ishlari hududni yanada obod qilish, yashil maydonlarni ko‘paytirish va ekologik muhitni yaxshilashga qaratilgan ishlar bilan tanishildi. Tanishuv davomida yashil hududlarni kengaytirish bo‘yicha olib borilayotgan ishlar hamda mahallani obodonlashtirishga qaratilgan amaliy tashabbuslar ko‘zdan kechirildi. Shuningdek, issiqxona imkoniyatlaridan samarali foydalanish, aholi tomonidan ekin ekish hamda hududlarni ko‘kalamzorlashtirish ishlarini yanada kengaytirish masalalari muhokama qilindi.

Aholi murojaatlari yuzasidan qabul o‘tkazildi Aholi murojaatlarini o‘rganish hamda ularni amaliy hal etish maqsadida joylarda qabul tashkil etildi. Murojaatlarni ko‘rib chiqish jarayonida har bir fuqaroning muammosi atroflicha o‘rganildi. Unda Oliy Majlis Qonunchilik palatasi deputati S.Utemuratova hamda Jo‘qorg‘i Kenges deputati A.Begimova ishtirok etdi. Qabul davomida dolzarb masalalar yuzasidan murojaatlar tinglandi. Bildirilgan muammolarni ijobiy hal etish bo‘yicha tegishli tashkilotlar bilan hamkorlikda aniq amaliy choralar belgilandi va ijrosi nazoratga olindi. Telegram| Facebook | Instagram| Web site

“Yoshlar kuni” doirasında ochıq muloqot oʻtkazıldı Mamlakatimizda har haftaning payshanba kuni vazirlik, idora va hokimliklarda “Yoshlar kuni” sifatida belgilangani yoshlar bilan ishlash tizimini yangi bosqichga olib chiqmoqda. Ushbu kun doirasida yoshlarning muammo va takliflarini bevosita eshitish, ularni qo‘llab-quvvatlash hamda imkoniyatlar yaratishga alohida e’tibor qaratilmoqda. Shu munosabat bilan Qoraqalpogʻiston Respublikasi partiya tashkiloti tomonidan 2-sonlı texnikumda yoshlar bilan ochiq muloqot tashkil etildi. Tadbirda Joqarǵı Kenges deputatlari A.Begimova hamda A.Yusupovalar ishtirok etdi. Uchrashuv davomida yoshlar o‘zlarini qiziqtirgan savollar, muammolar va tashabbuslarini bildirish imkoniga ega bo‘lishdi. Asosan ta’lim sifati, kasb o‘rganish, til bilish, bandlik hamda tadbirkorlikni rivojlantirish masalalari muhokama qilindi. Mutasaddilar tomonidan yoshlarning taklif va murojaatlari tinglanib, ularni hal etish yuzasidan tegishli chora-tadbirlar belgilandi. Telegram| Facebook |Instagram|

#Deputat_mahallada Mevali daraxt ko‘chatlari tarqatildi Jeketerek MFY hududida istiqomat qiluvchi kam ta’minlangan oilalarni qo‘llab-quvvatlash, ularning turmush darajasini yaxshilash hamda tomorqachilikni rivojlantirish maqsadida navbatdagi xayriya tadbiri tashkil etildi. Mazkur tashabbus doirasida bahor mavsumi munosabati bilan aholi xonadonlariga mevali daraxt ko‘chatlari bepul tarqatildi. Tadbirda Jo‘qorg‘i Kengesh deputatlari Aysanem Begimova hamda Ayjamal Yusupovalar ishtirok etib, aholi bilan yaqindan suhbatlashdilar. Jarayon davomida oilalarning ehtiyojlari o‘rganilib, ularga tomorqadan unumli foydalanish, mevali daraxtlarni parvarishlash va qo‘shimcha daromad manbai yaratish bo‘yicha tavsiyalar berildi. Telegram| Facebook | Instagram| Web site |You Tube

#Munosabat Strategik islohotlar samarasida yangi iqtisodiy yuksalish bosqichi Davlatimiz rahbari boshchiligida 20-fevral kuni Qoraqalpog‘iston taraqqiyotiga bag‘ishlab o‘tkazilgan yig‘ilish hududning ulkan salohiyatini aniq maqsad va puxta rejalarga uyg‘unlashtirish yo‘lida muhim bosqich bo‘ldi. So‘nggi yillardagi o‘sish ko‘rsatkichlari, eksport hajmining bir necha barobar ortgani va yangi investitsion loyihalarning belgilanishi Qoraqalpog‘iston endilikda iqtisodiy jihatdan faol, raqobatbardosh hududga aylanayotganini ko‘rsatadi. Bu jarayonda shaffof muhit, tadbirkorlikni qo‘llab-quvvatlash va infratuzilmani yaxshilashga qaratilgan qarorlar ishonchni yanada mustahkamlaydi. Ayniqsa, sun’iy intellekt, sanoat klasterlari, qishloq xo‘jaligida innovatsion yondashuvlar hamda turizmni rivojlantirish tashabbuslari hudud iqtisodiyotini diversifikatsiya qilishga xizmat qiladi. Orolbo‘yi sharoitida ekologik muvozanatni saqlagan holda yangi ish o‘rinlari yaratish, kambag‘allikni qisqartirish va aholi farovonligini oshirishga qaratilgan aniq vazifalar kelajak sari ishonch bilan qarash imkonini bermoqda. Eng muhimi, belgilangan marralar Qoraqalpog‘istonni zamonaviy taraqqiyot va innovatsiyalar markaziga aylantirish yo‘lida mustahkam poydevor bo‘lib xizmat qiladi. O’zbekiston Ekologik partiyasi Qoraqalpog’iston Respublikasi partiya Kengashi Ijoriya qo’mitasi rahbari A.Begimova