QARSHI ELEKTR TA'MINOTI MASOFASI FILIALI

2026-yil 6-Avgustdagi “Temiryoʻlchi” gazetasining 30-soni. 🌎railwayinfra.uz ❤️‍🔥Telegram  ❤️‍🔥Facebook ❤️‍🔥Instagram

🇺🇿 Oʻzbekiston temir yoʻl transporti sohasi xodimlari kuni munosabati bilan Qarshi MTU filialida tantanali bayram tadbiri boʻlib oʻtdi. Temir yoʻl transporti tizimi mamlakatimiz iqtisodiy taraqqiyoti va aholiga sifatli transport xizmatlarini koʻrsatishda muhim oʻrin tutadi. Ushbu sohada uzoq yillar davomida fidoyilik, masʼuliyat va yuksak kasbiy mahorat bilan mehnat qilib kelayotgan temiryoʻlchilarni eʼzozlash maqsadida Qarshi MTU filialida bayram tadbiri yuqori saviyada tashkil etildi. Tadbir davomida filial rahbariyati tomonidan oʻz xizmat vazifalarini sidqidildan ado etib, soha rivojiga munosib hissa qoʻshayotgan bir guruh fidoyi xodimlar munosib taqdirlandilar. Ular Faxriy yorliqlar, pul mukofotlari hamda qimmatbaho sovgʻalar bilan ragʻbatlantirilib, mehnatlariga yuksak baho berildi. Bayram tadbirida soʻzga chiqqanlar temiryoʻlchilarni kasb bayrami bilan samimiy muborakbod etib, ularga mustahkam sogʻliq, oilaviy baxt-saodat, masʼuliyatli faoliyatlarida ulkan muvaffaqiyatlar hamda yurtimiz ravnaqi yoʻlidagi sharafli xizmatlarida yangi zafarlar tiladilar. Shuningdek, temiryoʻlchilarga bayramona kayfiyat ulashish maqsadida fayzli bayram dasturxoni yozildi hamda sanʼatkorlar ishtirokida kuy-qoʻshiqlar va dilbar chiqishlardan iborat konsert dasturi namoyish etildi. Tadbir davomida xodimlar samimiy muloqot qilib, unutilmas lahzalarni birgalikda baham koʻrdilar. Qarshi MTU filiali jamoasi barcha temiryoʻlchilarni kasb bayrami bilan chin dildan tabriklaydi. Yurtimiz transport tizimi taraqqiyoti yoʻlidagi sharafli va masʼuliyatli mehnatingiz doimo eʼzozda boʻlsin! Kasb bayramingiz muborak boʻlsin, aziz temiryoʻlchilar! 🏢 Qarshi MTU matbuot xizmati. 📌WebSite 📱Telegram 📱Instagram 📱Facebook 📱YouTube✉️ Rahbarga_murojaat

🔰"Qarshi elektr ta'minoti masofasi" filiali boshlig'ining bayram tabrigi!🔰 👉@qarshiech5