Qisqa Hikoyalar

Eng Goʻzal hadya ham.. Eng arzon Hadya ham, Tabassumdir :)

🌙 Tun sukunati… va qalbdagi ming xil o‘ylar. Ba’zan insonga hech kimning nasihati kerak emas. Shunchaki jimjitlik, oy nuri va o‘z xayollari bilan yolg‘iz qolish yetarli… Shunday tunlar bo‘ladiki, osmonga qarab, ichingizdan faqat bitta gap o‘tadi: “Hammasi yaxshi bo‘ladi…” Bugun javobsiz qolgan savollaringiz ertaga o‘z javobini topar. Bugun og‘ir tuyulgan kunlar bir kun xotiraga aylanar. Shoshilmang… Oy ham tunning qorong‘usida asta-sekin nur sochadi. Sizning ham eng chiroyli kunlaringiz hali oldinda. 🤍🌙

🌿 “YASHAMOQ” — Yu HUA Ba’zan hayot insondan deyarli hamma narsani tortib oladi… Ammo bir narsani — yashash istagini tortib ololmaydi. Fugui hayotida qancha yo‘qotishlarni boshdan kechirmasin, taqdirning og‘ir zarbalariga qaramay yashashda davom etdi. Chunki… «“Yashamoq — hamma narsaga ega bo‘lish emas, hech narsa qolmaganda ham hayotni qo‘yib yubormaslikdir.”» Hayot har doim biz xohlagandek bo‘lavermaydi. Ba’zan u bizni sindiradi, ba’zan esa o‘zimiz bilmagan kuchimizni ko‘rsatadi. “Yashamoq” — shunchaki hayot haqida emas. Bu — insonning yo‘qotishlar orasida ham yashashga bo‘lgan irodasi haqida. 🤍 📖 Ba’zi kitoblar o‘qib tugatilmaydi… Ular yurakda davom etadi. P/s: Kitobni bir kunda o'qib tugatdim.Juda ta'sirli kitob.O'qishingizni tavsiya qilaman📚

Hozirda o'qiyotgan kitobim🔥

Ikki qalb orasidagi eng sodiq aloqa bu Duodir. Alloh uchun yoqtirgan insonlaringizni duo qiling..) Assalomu alaykum🌹

ОДАТ КУЧИ Америкалик психолог Рик Хэнсон дейдики:  Онгимиз -мевазор боғ кабидир, унинг тупроқларида эса ҳар қандай уруғ унаверади. Шундай экан, хаёлингизга фақат яхши фикрларни киритинг. Агар ёмон ӯй-хаёллар миянгизга киришига рухсат берсангиз, худди чирмовуқ каби бутун боғни чирмаб олиши мумкин. Тавсия: ҳар куни ҳаётингизда содир бўлган учта яхши ишни ёзиб қўйишни одат қилинг! Агар шу ишни дойимий одат қилсангиз, хаётингизда фақат яхши нарсаларга эътибор бера бошлайсиз. Бу эса бахтга олиб борувчи энг қисқа йўлдир.

Кимлар ўтмас бу дунёдан, сен ҳам, мен ҳам омонатмиз! Бугунгина соғ юрганлар, эрта битта камоматмиз. Дунё аро тариқмизу, уммон аро хасмиз гўё. Аллоҳимга минг бор шукур, яна бир кун саломатмиз. Alhamdulillah🌹

#oyat_hadis_taskin_şikoyat ОДАМЛАРГА МУСИБАТЛАРИНГИЗНИ ОШКОР ҚИЛМАНГ! Инсонларнинг аксарияти кўп гапиришингизни ёқтирмайдилар. Агар уларга бирор шикоят ёки муаммоингизни арз қилсангиз "Гапни кўпайтирманг" дейишади. Лекин Роббимиз Аллоҳ таоло сиз Унга қанча кўп гапирсангиз шунча сизни кўп яхши кўради. Ҳа, Аллоҳ таоло фақат Ўзига қайта-қайта дуо қиладиган, тинмай сўрайверадиган бандасини яхши кўради. Шундай экан, нима сабабдан Аллоҳни қўйиб, бошқаларга шикоят қиласиз? Севикли Пайғамбаримиз Расулуллоҳ соллаллоҳу алайҳи васаллам жиянлари Ибн Аббос розияллоҳу анҳуга: "Сўрасанг, фақат Аллоҳдан сўра!" деганлар. Шунинг учун ҳамиша ёлғиз Аллоҳга юзланиб: "Мен ғам ва ташвишларимдан ёлғиз Аллоҳгагина шикоят қиламан..." (Юсуф сураси, 86-оят), деб айтинг. 🤲🏻 Аллоҳим барча мўмин-мусулмонларни Ўзидан ўзгага муҳтож этмасин. Яқинларингизга ҳам улашинг! @Qisqa_Hikoyalar1

Kechirish bilan voz kechish orasidagi nozik nuqta: Kimnidir hech qachon kechirolmasligingni tushunib yetganingda undan voz kechasan... Kimdandir hech qachon voz kecholmasligingni tushunib yetganingda uni kechiraverasan... Xayrli oqshom🌚

Insonni o‘z baxtsizligida hadeb o‘zini ayblayvermang. Kim baxtsiz bo‘lishni xohlaydi? Inson ba’zan hayot va qismat qarshisida ojiz qoladi. 🥀💔

Har kimda barmoq izi har xil.Qalbi,ichki kechinmalari ham meningcha.Seni chindan sevgan insonni yuragi ham senikiday urmaydi.Insonlardan ortiqcha narsa kutadigan darajada kambag'al bo'lma! ❤️‍🔥

Ba’zida sizni so’zsiz tushunishlarini hohlab qolasiz.. Ba’zida siz taraf bo’lishlarini ich-ichingizdan istaysiz, mayli siz hato qilgan bo’lsangiz ham shunchaki sizning yoningizda suyanchiq bor bo’lishini har holatingizda yiqilishingizga yo’l qo’ymasliklarini his qilishni istaysiz…

— Болам, ҳар кун соғлигингнинг закотини беришни унутма! — Соғликнинг закоти нима, бобо? — Соғликнинг закоти бу — беморлар ҳаққига дуо қилмоғингдир, болам. Аллоҳ барча беморларга комил шифо ва офият берсин, омин.

АЁЛ ҚАЙНЛАРНИ ҲУРМАТ ҚИЛМАСА, НИМА ҚИЛИШ КЕРАК? Эр қандай йўл тутади? Эр-хотин суҳбатлашиб ўтирар эканлар гап орасида эр хотинига: - Яқинларимни, ака- укаларим, жиянларимни соғиндим. Сиздан илтимос Хоним, эртага ширин овқат пишириб, дастурхон безасангиз. Бугун уларга қўнғироқ қилиб таклиф қиламан. Йиғилмаганимизга ҳам анча бўлибди, - дебди. Аёл норози оҳангда, хушламай: - Майли келаверишсинчи, Худо хоҳласа бир гап бўлар! - дебди. Эри: - Ундай бўлса, уларни эртага чақираман... - дебди. Тонг отдибди. Одатдагидек эр ишга кетиб, соат 13:00 да эса, уйга етиб келибди. Аёлидан: - Тушлик учун дастурхон тайёрми? Яқинларим бироздан сўнг келиб қолишади? - деб сўрабди. Аёл: - Йўқ, тайёрламадим. Бегона эмаслар - ку, яқинларингиз ахир, уйдаги бор нарсадан еяверишади, - дебди. Эр: - Аллоҳ сизни кечирсин, Ҳоним! Нима учун бирон нарса пишириш ниятингиз йўқлигини кеча айтиб қўймадингиз, ҳозир келиб қолишади нима қиламиз энди?! - дебди. Аёл: - Уларга қўнғироқ қилиб келмасликларини айтинг, узр сўранг, вассалом. Ахир бегона эмаслар, сизнинг яқинларингиз-ку? Тўғри тушунишади! -дебди. Эр ғазабланиб уйдан чиқиб кетибди. Бир неча дақиқа ўтар - ўтмас эшик тақиллабди. Аёл бориб эшикни очиб, ҳайратдан донг қотибди!... Чунки қаршисида ўзининг ота-онаси, ака-укалари, опа-сингиллари, жиянлари турар эдилар. Отаси қизидан: - Куёвим қани? - деб сўрабди. Қизи: - Бироз олдин чиқиб кетувдилар... - дебди, зўрға. Отаси: - Кеча эринг бизларни бугунги тушликка таклиф қилганди. Барака топгур, бизларни чақириб ўзи кетиб колдими, а? - дебди. Аёлни чақмоқ ургандек бўлибди. Терлаб кетган қўлларини бир-бирига ишқалар экан, ўйлай кетибди: «Ахир уйдаги нарсалар билан яқинларини кутиб ололмайди, йўқ-йўқ уларга тўғри келмайди! Эрининг яқинларига бўлаверади - ю лекин, ўзининг уйидагиларига бўлмайди ахир... Қандай қилиб уларга оддий, кўримсиз дастурхон қилиши мумкин?» Аёл эрига қўнғирок қилиб: - Нимага тушликка менинг яқинларимни чақирганингизни айтмадингиз? - дея сўрабди. Эри: - Менинг яқинларимми, сизникими нима фарқи бор? - дебди. Аёл: - Сиздан ўтинаман Ҳожам! Уйда тайинли нарса йўқ, овқат қилмаганман. Бирон - бир тайёр таом келтира қоли-и-инг... - дебди. Эри: - Мен ҳозир уйдан узоқдаман. Устига - устак улар бегона эмас «сизнинг яқинларингиз»! Уларга ҳам менинг яқинларимга бермоқчи бўлганингиз, уйдаги бор нарсалар билан меҳмон қилақолинг! Токи бу сенга дарс бўлсин. Менинг яқинларимни ҳам ҳурмат қилишни ўрган! - дебди. ----------------------------------------- Сенга қандай муомала қилишларини истасанг, бошқаларга ҳам шундай муносабатда бўл! Умму Амина таржимаси @Qisqa_Hikoyalar1

📝​​Норасида уволи Катта тезликда келаётган машина «ғийқ» этиб тўхтади. — Нима бўлди, одамнинг юрагини ёрдингиз? — сўради аёл эрига қараб. — Йўлимдан нимадир чиққандек бўлди… Эркак аста машинадан тушиб, олд тарафга юрди. Хотини ҳам ортидан борди. Машина ғилдираклари тагида кичкина кучук боласи инграб ётарди. Оёғини босиб кетган кўринади… Эркак ах деди-да, хотинига нима қилдик, дегандек боқди. — Хайрият одам эмас экан, — ёқасига туфлади аёл. — Юринг кетдик, кечикяпмиз… Шу пайт йўл четида катта ит кўринди. Лўкиллаб улар томонга чопди. Аёл кўрққанидан машина эшигига суянди ва эрини шоширди. Аммо ит одамларга қиё боқмай, кучукчани искади. Сўнг аламли бир алфозда увлади. — Боласи, шекилли… — бошини қашлади эркак ва аранг нафас олаётган лайчага қўлини теккизди. — Дилноз, қара, ҳали тирик… балки, шу атрофда бирор мол дўхтири… — Эй, бунча кўнгилчан бўлмасангиз! Битта итга шунчами? Бўлсангиз-чи, ота-онам кутиб қолишди! Ҳомиладор аёлини бетоқат қилмаслик учун эркак мажбур машинага ўтирди. Кетаркан, кўзгу орқали орқага қолиб кетган маҳзун она ит ва кучукчадан кўзини узолмади. — Ишқилиб, омон қолсин… Ўша воқеа анчагача эсидан чиқмади эркакнинг. Орадан беш ой ўтиб хотини ўғил туққач эса унутиб ҳам юборди… Аммо тўрт йилдан кейинги бир мудҳиш воқеа унга ўша кунни эслатди. Кўчада ўйнаб юрган ўғилчасини машина уриб кетибди. Ҳайдовчи қўққанидан қочиб қолибди. Бир киши уни шошилинч касалхонага олиб борибди. Ота-она жон ҳолатда жонлантириш бўлимига келишди. — Ўғлингизнинг жони омон, фақат… бир оёғи… ногирон бўлиб қолиши мумкин. Она аюҳаннос солди, ота эса бошини чангаллаб ерга чўкди. Боши гир айланиб, кўз олдига инграб ётган кучукча келди. — Бахтингга ўша кучукча омон қолган бўлса керак, йўқса… — дод солаётган хотинига пичирлади у. Аёл ҳам бирдан сергакланди ва ўзини эрининг оёқлари тагига ташлади. @Qisqa_Hikoyalar1📚

​​​​​​#❤️ Kulsam qalbi kulganlarni yaxshi ko'raman...🤗

Xayrli oqshom yaxshilarim🌚🌹