Адолатли Юрист

Mustaqillik bayrami munosabati bilan necha kun dam olamiz? Oʻzbekiston Respublikasi Prezidentining 24.12.2025-yildagi PF-257-son Farmoniga asosan “31-avgust” qoʻshimcha dam olish kuni hisoblanadi. Shu sababli: 🔹5 ish kunida ishlovchilar 4 kun dam oladi: 29-avgust – (shanba) dam olish kuni; 30-avgust – (yakshanba) dam olish kuni; 31-avgust – (dushanba) qo'shimcha dam olish kuni; 1-sentabr – (seshanba) bayram; 🔹6 ish kunida ishlovchilar 3 kun dam oladi: 30-avgust – (yakshanba) dam olish kuni; 31-avgust – (dushanba) qo'shimcha dam olish kuni; 1-sentabr – (seshanba) bayram. @Advokat_uz1_bot https://t.me/Qonun_Adolat

2026 yil 1 sentyabrdan amaldagi jarimalar miqdori oshiriladi @Advokat_uz1_bot https://t.me/Qonun_Adolat

❗️ХОРИЖГА ЧИҚИШ БИОМЕТРИК ПАСПОРТИНИ (ЗАГРАНПАСПОРТ) ОЛИШ УЧУН ҚАНЧА ТЎЛОВ ҚИЛИНАДИ ? 📄 Ўзбекистон Республикасининг 06.01.2020 йилдаги ЎРҚ-600-сон қонунига асосан, ➖ Ўзбекистон Республикаси фуқаросининг хорижга чиқиш учун биометрик паспортини берганлик учун, — БҲМ (Ҳозирги кунда 412 000 сўм)нинг 1 баравари; ➖ Ўзбекистон Республикасининг ўн олти ёшга тўлмаган фуқароларига хорижга чиқиш учун биометрик паспорт берганлик учун, — БҲМнинг 80 фоизи (Бўлади 329 600 сўм); ➖ Республикамиз ҳудудида доимий яшовчи фуқаролиги бўлмаган шахсга, шу жумладан ўн олти ёшга тўлмаган шахсга хорижга чиқиш учун ҳаракатланиш ҳужжатини берганлик учун, — БҲМнинг 1 баравари (412 000 сўм) миқдорида давлат божи ундирилади. ❗️САВОЛЛАР УЧУН👇 @Advokat_uz1_bot https://t.me/Qonun_Adolat

2026 йил 1 сентябрдан: ➖меҳнатга ҳақ тўлашнинг энг кам миқдори (МҲТЭКМ) – ойига 1 360 000 сўм; ➖ базавий ҳисоблаш миқдори (БҲМ) – 440 000 сўм; 2026 йил 1 июлдан: ➖ пенсияни ҳисоблашнинг базавий миқдори – 504 000 сўм; ➖ ёшга доир энг кам пенсия миқдори – 983 000 сўм; ➖ ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 1 083 000 сўм; ➖ меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 1 083 000 сўм; ➖ белгиланган ёшга доир энг кам пенсия миқдоридан (983 000 сўмдан) 1 083 000 сўмгача пенсия олувчиларнинг ёшга доир пенсиялари – 1 083 000 сўм; ➖ зарур иш стажига эга бўлмаган кекса ёшдаги фуқароларга бериладиган нафақа – 878 000 сўм; ➖ иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 878 000 сўм; ➖минимал истеъмол харажатлари қиймати бир ойда киши бошига – 715 000 сўм. @Advokat_uz1_bot https://t.me/Qonun_Adolat

⚡️ ДИҚҚАТ ❗️ПАСПОРТИНГИЗНИ АМАЛ ҚИЛИШ МУДДАТИГА ҚАРАБ ҚЎЙИНГ! ✔️ Муддати ўтган паспортни 1 ой ичида алмаштирмаганлар жарима тўлайди 📄 ПФ-4262-сон Президент Фармонига илова қилиб келтирилган "Ўзбекистон Республикаси фуқаросининг биометрик паспорти тўғрисида"ги низомнинг 11-бандига кўра, ➖ фуқаро паспортининг амал қилиш муддати тугагандан сўнг ёки фамилияси, исми, отасининг исми, туғилган йили ва миллати ўзгарганда паспортини 1 ой муддатда ID-картага алмаштириши лозим. ✔️Фуқаро амал қилиш муддати тугаганлиги сабабли алмаштирилиши лозим бўлган паспорт ёки идентификацияловчи ID-карта билан яшаши МЖтКнинг 223-моддасига биноан маъмурий жавобгарликка сабаб бўлади. ‼️ Бундай ҳуқуқбузарлик учун ушбу 223-модда бўйича БҲМнинг иккидан бир қисми миқдорида жарима қўлланилади. ✏️ Эслатма: Юқоридаги нормалардан хулоса қилинадиган бўлса фуқаро ўз паспортини муддати тугаган кунни эртасидан бошлаб, - энди жарима тўлар эканманда деган ҳаёлга бормаслиги керак! Чунки ПФ-4262-сон фармоннинг 11-банди фуқаронинг паспорт муддати тугагандан кейин унга паспортини ихтиёрий алмаштириш учун яна бир ой вақт бермоқда. Бу дегани, паспортни муддати тугаб бўлди, лекин ўша тугаган санадан бошлаб яна бир ой давомида унга жарима қўлланилиши мумкин эмас. Агар паспортни амал қилиш муддати тугади ва орадан яна бир ой вақт ўтиб хам бўлди. Ана ундан кейин ўз вақтида паспортини алмаштирмаганлик сабаби билан фуқароларга жарима қўлланилиши мумкин. Бепул савол-жавоб  👇        @Advokat_uz1_bot https://t.me/Qonun_Adolat

ТУРМУШ ЎРТОҒИМ АЖРАШМОҚЧИ, ЛЕКИН МЕН ҲОМИЛАДОРМАН. САВОЛ. Мен хомиладорман, турмуш ўртоғим мен билан ажрашмоқчи.Судга ариза бердим, ажрашамиз деб айтди. Мени ажрашиш ниятим йўқ, хомиладор холим билан ажрашиб қаерга бораман. Илтимос, қандай йўл тутсам бўлади? Жавоб учун олдиндан рахмат. ЖАВОБ. Сиз хозирча хавотирланманг, хавотирга ўрин йўқ. Ўзбекистон Республикаси Оила Кодексининг 39-моддасида эрнинг никоҳдан ажратиш тўғрисида талаб қўйишини ман этадиган холат белгиланган, яъни хотинининг ҳомиладорлик вақтида ва бола туғилганидан кейин бир йил мобайнида эр хотинининг розилигисиз никоҳдан ажратиш тўғрисида иш қўзғатишга ҳақли эмас. Бундан ташқари, Олий суди Пленумининг 2011 йил 20 июлдаги 06-сонли «Судлар томонидан никоҳдан ажратишга оид ишлар бўйича қонунчиликни қўллаш амалиёти тўғрисида»ги қарорининг 6-бандида ҳам: ➖“эр хотинининг розилигисиз унинг ҳомиладорлиги вақтида ва бола туғилганидан сўнг бир йил мобайнида никоҳдан ажратиш тўғрисида иш қўзғатишга, гарчи у туғилиш тўғрисидаги ёзувлар дафтарида боланинг отаси сифатида ёзилмаган бўлса ҳам, ҳақли эмас. Мазкур қоида бола ўлик туғилган ёки бир ёшга тўлмай вафот этган ҳолларга ҳам татбиқ этилади” деб қатъий белгилаб қўйилган. Шундай экан сизда хозирча хавотирга ўрин йўқ. Фарзандингиз туғилганидан кейинги йиллар мобайнида турмуш ўртоғингизга инсоф кириб қолади деб умид қиламиз. @Advokat_uz1_bot https://t.me/Qonun_Adolat

⚡️Endilikda FHDY bo‘limlarida ham ID-karta, xorijga chiqish biometrik pasporti va haydovchilik guvohnomasini rasmiylashtirish imkoniyati yaratiladi. O‘zbekiston Respublikasi Prezidentining 2026-yil 15-iyuldagi 265-son qaroriga muvofiq, Adliya vazirligining budjetdan tashqari mablag‘lari hamda qonunchilikda taqiqlanmagan boshqa manbalar hisobidan FHDY bo‘limlari: ✅ ID-karta; ✅ xorijga chiqish biometrik pasporti; ✅ yangi namunadagi haydovchilik guvohnomasini rasmiylashtirishga mo‘ljallangan maxsus dasturiy-apparat qurilmalari bilan ta'minlanadi. ❗️Mazkur qaror fuqarolar uchun davlat xizmatlarini yanada qulaylashtirishga xizmat qiladi. Endilikda ushbu xizmatlarni FHDY bo‘limlari orqali ham ko‘rsatish uchun zarur texnik infratuzilma bosqichma-bosqich yaratiladi. Kanalga aʼzo boʻlish uchun 👉 @Advokat_uz1_bot https://t.me/Qonun_Adolat

Таваллуд айёмингиз муборак бўлсин, ҳурматли Президент! Бугун, 24 июль куни Ўзбекистон Республикаси Президенти Шавкат Миромонович Мирзиёев 69 ёшни қарши олдилар. @Advokat_uz1_bot https://t.me/Qonun_Adolat

🏠 Uy-joy subsidiyasi uchun arizalar qabuli 27-iyul kuni boshlanadi! Ipoteka kreditlari boʻyicha subsidiyalar toʻlashning maqsadli koʻrsatkichlari doirasida taqdim etilgan xabarnomalarning amal qilish muddati doirasida foydalanilmagan qismi hisobidan arizalar qabul qilish joriy yilning 27-iyul kuni soat 15:00 da boshlanishini maʻlum qilamiz. 📌 Ipoteka kreditlari bo‘yicha subsidiya olishda ariza beruvchi ijtimoiy mezonlar asosida baholash natijasiga ko‘ra 30 va undan yuqori ball to‘plashi hamda kredit tarixi dasturda ishtirok etuvchi kamida bitta tijorat bankining ichki talablariga mos bo‘lishi talab etiladi. ⏺Bunda ariza beruvchida, shu jumladan, uning turmush o‘rtog‘ining nomida respublikaning barcha hududlari miqyosida mulk huquqi bilan turar joy mavjud bo‘lmasligi, shuningdek, oʻrtacha oylik daromadi miqdori belgilangan ijtimoiy mezonlar doirasida bo‘lishi lozim. Subsidiya olish uchun quyidagi usullar: ☑️ Davlat xizmatlari markazlariga bevosita murojaat qilish; ☑️ myGov mobil ilovasi; ☑️ my.gov.uz portalida, mazkur havola orqali ariza topshirishingiz mumkin. 🇺🇿 Batafsil @Advokat_uz1_bot https://t.me/Qonun_Adolat

⚠️ ОГОҲ БЎЛИНГ! 🚫 Сув таъминоти ходими сиздан нақд пул олишга ҳақли эмас! 💳 Барча тўловларни фақат белгиланган расмий тўлов усуллари орқали амалга оширинг. Видеони яқинларингизга улашинг ва уларни ҳам огоҳлантиринг! Obuna bo’ling 👉@Farsuv_press

Уй деразасини қўшни томонга қаратиб қуриш тўғрими? Ассалому алайкум. Савол: Кушним курилиш киляпти иккинчи кават форточкаларини менинг ховлим томонга каратиб куряпти. Ховлимни ичи бемалол форточкадан куриниб туради ва нокулайлик тугдиради. Кушнимни шу иши ту‌грими. Жавобингиз учун олдиндан рахмат. Айтганча мен хам уйни энди кураман хозирча бу‌ш ер. ЮРИСТ ЖАВОБИ: Сиз баён қилган ҳолатда қўшнингизнинг ҳаракатлари қонуний баҳоланиши учун мулк ҳуқуқи ва шаҳарсозлик қоидаларига таяниш керак. Аввало, Фуқаролик кодексининг 164-моддасига кўра, ҳар бир мулкдор ўз мол-мулкидан эркин фойдаланиш ҳуқуқига эга. Яъни қўшни ўз ҳовлисидан бемалол фойдаланиш, шахсий ҳаётингизни дахлсиз сақлаш ҳуқуқига эга. Шу билан бирга, Фуқаролик кодексининг 172-моддасида жуда муҳим чеклов бор: •  мулкдор ўз ҳуқуқларини амалга оширишда бошқа шахсларнинг ҳуқуқлари ва қонуний манфаатларини бузмаслиги шарт. Бу қоида қўшничилик муносабатларига тўлиқ тааллуқли. Сизнинг ҳолатингизда қўшни иккинчи қаватдаги форточкаларни тўғридан-тўғри сизнинг ҳовлингиз томонга қаратиб қуряпти ва бу орқали: •  ҳовлингиз ичкариси кўриниб турибди, •  шахсий ҳаётингизга ноқулайлик туғилмоқда. Бу эса мулкдан тўлиқ ва эркин фойдаланиш ҳуқуқингизни чеклаётган ҳолат ҳисобланади. Бундан ташқари, шаҳарсозлик нормалари ҳам бу масалада аниқ талаб қўяди. Давлат архитектура ва қурилиш қўмитасининг 2.07.01-03-сонли қоидаларининг 21.1-бандига кўра, турар-жой бинолари дерезаларидан қўшни участкагача бўлган масофа камида 6 метр бўлиши ва қўшни ҳудудни тўғридан-тўғри кўриш (яъни “кўринув”) чекланиши керак. Шунингдек, изоҳ қисмида қўшни ҳудуднинг махфийлиги (пана қилинганлиги) таъминланиши шартлиги ҳам белгиланган. 🙅‍♂️Демак, форточка ёки деразалар орқали қўшни ҳовлиси тўлиқ кўриниб турса, бу нормаларга зид ҳолат бўлиши мумкин. Шунингдек, шаҳарсозлик нормалари ва қоидаларининг 26-банди (изоҳ қисми)да аниқ белгилаб қўйилган: — ҳар қандай бинолар қурилиши қўшни ер участкалари эгалари билан келишилган бўлиши керак; — қўшни участканинг кўринуви (махфийлиги) таъминланиши шарт. ❓Бу нима дегани? Агар қўшни: •  иккинчи қават қурса, •  дераза ёки форточкаларни сиз томонга қаратиб жойлаштирса, у ҳолда бу қурилиш: 1.  сиз билан олдиндан келишилган бўлиши керак; 2.  сизнинг ҳовлингизнинг ичкариси очиқ кўриниб кетмаслиги (яъни пана қилинган бўлиши) таъминланиши керак. Акс ҳолда бу иморат Фуқаролик кодексининг 212-моддасига биноан ўзбошимчалик билан қурилган иморат ҳисобланади ва унга нисбатан мулк ҳуқуқини олиб бўлмайди. 🙅‍♂️Соддароқ айтганда, бу уйни кейин кадастр қилиб бўлмайди. Бундан ташқари, Фуқаролик кодексининг 231-моддасига кўра эса, мулкдор ўз ҳуқуқлари бузилган тақдирда, ҳатто у мулкдан маҳрум этилмаган бўлса ҳам, ушбу бузилишни бартараф этишни талаб қилишга ҳақли. Шу асосда сиз: •  қўшнидан қурилишни қонун талабларига мослаштиришни, •  форточка/деразаларни бошқа томонга йўналтириш ёки ёпишни талаб қилишингиз мумкин. Агар келишувга эришилмаса: •  маҳалла орқали далолатнома туздириш, •  қурилиш инспекциясига мурожаат қилиш, •  ёки судга даъво киритиш орқали ўз ҳуқуқингизни ҳимоя қилишингиз мумкин. ❗️Қисқача айтганда, қўшни ўз ҳудудида қурилиш қилиш ҳуқуқига эга, лекин бу қурилиш сизнинг ҳовлингизни очиқ кўринадиган ҳолга келтирса ва ноқулайлик туғдирса, бундай ҳаракат қонун талабларига мос келмайди. ✉️ Юристга савол юбориш 📞 Юрист билан қўнғироқ орқали боғланиш @Advokat_uz1_bot https://t.me/Qonun_Adolat

❗️ФУҚАРОЛАРНИНГ ТЕЛЕФОН СЎЗЛАШУВЛАРИ ВА БОШҚА ЁЗИШМАЛАРИ СИР САҚЛАНИШИ КАФОЛАТЛАНГАН 📄 Конституциянинг 31-моддасига кўра, ➖ ҳар бир инсон шахсий ҳаётининг дахлсизлиги, шахсий ва оилавий сирга эга бўлиш, ўз шаъни ва қадр-қимматини ҳимоя қилиш ҳуқуқига эга. ✅ Ҳар ким ёзишмалари, телефон орқали сўзлашувлари, почта, электрон ва бошқа хабарлари сир сақланиши ҳуқуқига эга. Ушбу ҳуқуқнинг чекланишига фақат қонунга мувофиқ ва суднинг қарорига асосан йўл қўйилади. ✅ Ҳар ким ўз шахсига доир маълумотларнинг ҳимоя қилиниши ҳуқуқига, шунингдек нотўғри маълумотларнинг тузатилишини, ўзи тўғрисида қонунга хилоф йўл билан тўпланган ёки ҳуқуқий асосларга эга бўлмай қолган маълумотларнинг йўқ қилинишини талаб қилиш ҳуқуқига эга. ✏️ Нима учун "Кафолатланган" деган сўзни ишлатяпмиз. Чунки бундай норма Конституцияда белгиланган. Конституция эса нормативлик ҳусусиятига кўра хар қандай қонун хужжатидан ва ҳар қандай шахс томонидан қабул қилинган норматив ҳуқуқий хужжатдан устун туради. Шундай экан, биз Конституцияда белгиланган нормаларни кафолат деб атасак бўлади Юристларга савол юбориш 👇 @Advokat_uz1_bot https://t.me/Qonun_Adolat

Бошига иш тушган одамни шилиш — ўликнинг кафанини ечиб олишдай гап— -Абдулла Қаҳҳор @Advokat_uz1_bot https://t.me/Qonun_Adolat

Oliy sud tomonidan internet jahon tarmog‘idagi diniy ekstremistik, terroristik va aqidaparastlik g‘oyalari bilan yo‘g‘rilgan, deb topilgan hamda O‘zbekiston hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar (materiallar) ro‘yxati tasdiqlandi. (2026-yil 13-iyul holatiga ko‘ra). 👉 @xushnudbek 👈

❗️АЛИМЕНТНИ КАМАЙТИРСА БЎЛАДИМИ ? ⚡️САВОЛ: Қонунчиликда алимент камайтирилиши мумкинлиги бўйича норма борми, яъни суд томонидан белгиланган алиментни камайтирса хам бўладими ?   ⚡️ЖАВОБ: Оила кодексининг 99-моддасида оиладаги алимент олувчи болалар сонидан келиб чиқиб алимент тўловларининг миқдорлари белгиланган бўлиб, ушбу моддада белгиланган миқдорлар тарафларнинг моддий ёки оилавий аҳволини ва бошқа эътиборга лойиқ ҳолатларни ҳисобга олган ҳолда суд томонидан камайтирилиши ёки кўпайтирилиши мумкинлиги кўрсатилган. Шунингдек, ушбу модданинг 2-қисмида ҳар бир бола учун ундириладиган алимент миқдори қонунчилик билан белгиланган меҳнатга ҳақ тўлаш энг кам миқдорининг 26,5 фоизи (336 000 сўм)дан кам бўлмаслиги кераклиги белгиланган. ✏️ Демак, суднинг ижро хужжати асосида белгиланган алимент миқдорини қарши томоннинг судга қилган даъвоси орқали камайтириш мумкин, фақат камайтирилган миқдор белгиланган меҳнатга ҳақ тўлаш энг кам миқдорининг 26,5 фоизи (336 000 сўм)дан кам бўлиши мумкин эмас. Юристларга савол юбориш 👇 @Advokat_uz1_bot https://t.me/Qonun_Adolat

Оталикни белгилашда МФЙ маълумотномаси қандай мазмунда бўлиши керак? Ассалому алайкум. Турмуш уртогим 6 ой олдин вафот этганлар. Конуний никохдан утиб улгурмадик. 2 фарзандимга оталикни белгилаш тартибига кура,  судга такдим этиладиган хужжатлар ичида МФЙ томонидан берилган  маълумотнома булиши керак экан. Шу маълумотнома мазмуни хакида тушунча бероласизми, еки маълумотномадан намуна курсатиб беринг. Кандай тартибда маълумотнома ездиришим керак ЮРИСТ ЖАВОБИ: Сизнинг ҳолатингизда турмуш ўртоғингиз вафот этганлиги сабабли оталик суд тартибида белгиланади.   💁‍♂ Айтиш керакки, Оила кодексининг 62-моддаси ҳамда Ўзбекистон Республикаси Олий суди Пленумининг 2011-йил 25-ноябрдаги 8-сон "Судлар томонидан оталикни белгилашга оид ишларни кўришда қонунчиликнинг қўлланилиши тўғрисида"ги қарорида маҳалла фуқаролар йиғини (МФЙ) томонидан маълумотнома тақдим этилиши назарда тутилмаган.   ❗️Бироқ, Оила кодексининг 62-моддаси учинчи қисмига ҳамда Пленум қарорининг 7–10-бандларига кўра, суд қуйидаги ҳолатларни тасдиқловчи далилларни баҳолайди: • боланинг ота-онаси бола туғилишидан олдин бирга яшаганлиги ва умумий рўзғор юритганлиги; • болани биргаликда тарбиялаганлиги ёки моддий таъминлаганлиги; • марҳумнинг ўзини боланинг отаси деб тан олганлигини тасдиқловчи бошқа далиллар (фотосуратлар, ёзишмалар, гувоҳларнинг кўрсатмалари ва бошқалар). Шу сабабли, судлар МФЙ маълумотномаси одатда бирга яшаганлик ва умумий рўзғор юритганлик ҳолатини тасдиқловчи қўшимча далил сифатида олинади. 📝Маълумотнома тахминан қуйидаги мазмунда бўлиши мумкин:                     МАЪЛУМОТНОМА Ушбу маълумотнома шуни тасдиқлаш учун берилдики, фуқаро --------------- ва фуқаро ---------- ------------ йилдан ------------ йилгача -------------- манзилда бирга яшаб, умумий рўзғор юритган. Маҳалла фаоллари ва қўшниларнинг маълумотларига кўра, улар оила сифатида яшаган ҳамда биргаликда фарзандларини тарбиялаган. Мазкур маълумотнома судга тақдим этиш учун берилди.   Албатта, маълумотномадаги ахборотлар ҳақиқатга мос бўлиши ва МФЙ томонидан мавжуд фактлар асосида расмийлаштирилиши лозим.   Амалиётда эса бундай маълумотнома билан бир қаторда бирга тушган фотосуратлар, ёзишмалар, қўшниларнинг гувоҳликлари ва бошқа далиллар ҳам тақдим этилса, оталикни белгилаш ҳақидаги талабни исботлаш имконияти анча юқори бўлади. ✉️ Юристга савол юбориш 📞 Юрист билан қўнғироқ орқали боғланиш @Advokat_uz1_bot https://t.me/Qonun_Adolat

❗️БОШҚА БИР ШАХС ҲАҚИДА УНИ ОБРЎСИЗЛАНТИРАДИГАН ЁЛҒОН АХБОРОТ ТАРҚАТГАНЛИК УЧУН ЖАВОБГАРЛИК БОР! ⚡️САВОЛ; Мен ҳақимда бир танишим мени камситиш ва обрўсизлантириш учун телеграм гурухларида ёлғон маълумот тарқатиб юрипти. Унга қандай жавобгарлик бор ? ⚡️ЖАВОБ; Маъмурий жавобгарлик тўғрисидаги кодекснинг 202 прим 2-моддасига кўра, ➖ шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки интернет жаҳон ахборот тармоғида тарқатиш, — базавий ҳисоблаш миқдорининг эллик баравари (20 600 000 сўм) миқдорида жарима солишга сабаб бўлади деб кўрсатилган. ✏️ Яъни, Сиз ўша шахсни устидан даъво қилиб ариза берганингиздан кейин унинг Сизга нисбатан қилган ҳаракатларида юқоридаги модданинг талаблари бузилганлиги судда тасдиқланса, унга нисбатан юқорида кўрсатиб ўтилган жарима жазоси қўлланилиши мумкин. Савол юбориш  👇        @Advokat_uz1_bot https://t.me/Qonun_Adolat