قصيد .

‏وقفت وقفةٍ صلبه ، بعد ما صفوا الأغراب ‏و جابوا لك حطب صدري و ولعت موقد أحزاني ‏و أنا ورب الفلق والناس والأحقاف والأحزاب ‏ما كنت أحسب حساب لساعةٍ يربط فيها لساني ‏أعاتب من ؟ و الدنيا بخطاها ماعليها عتاب ‏مثل ما جابني درب الزعل , لهناك ودّاني ‏هناك لـ وين ؟ مدري بس أعرف إن الطريق غياب ‏غيابٍ كل ما طال الطريق ، تخف نيراني ‏كسرت الباب أبو مزلاج حزن ولا بقى لي باب ‏و دانيت الجفا حتى لو إني كنت ما أداني ‏فمان الله ، و اللي بيننا يبقى لـ يوم حساب ‏أخاف أسامحك يوم الحساب و أنجرح ثاني

تفاهمنا على حسـم الأمور و كلنا راضين ‏و توادعنـا ما كن قلوبنا خضر و هـواوية ‏و مـع هذا عجزت أسـج و أنسى المقفين ‏أغصب القلب لكن الغـلا قـدرة إلاهيّـة .

‏و لاني بندمانٍ على كل مافات ‏اخذت من حلو الزمان و رديّه ‏هذي حياتي عشتها كيف ماجات ‏اخذ من ايامي .. و ارد العطيّه .

الجمعة ١٩ يونيو أما بعد : - موقف واحد مدته ثواني أطفى شعور مدته سنيين .

‏ اكابر .. كني ما اعرف الشُوق ‏ وانا احتري جيتك وانتظرها.

‏غديت اودع المقفي ولا احب اسمع التبرير ‏اشوف ان التفاصيل الكثيره مالها داعي.

واذا سألوك الناس عنّي قول مدري ‏حتى لو اني مخليك .. ومخليني ‏اسرارنا ما تبي الا صدرك وصدري ‏خل اللي " بينك وبيني ، بينك وبيني " ‏لو تدري انك في عيني .. خلّها تدري ‏لكن لا يدرون انك طحت من عيني !

‏حالي مثل حال غريق يلوح لواحدٍ اعمىّ .

‏صديت عنك مقصدي اعرف غلاتي ‏اثاريك تبيها من اللّٰه وصديت .

‏صاير غريب وجيتك ما تطول ‏ الظاهر ان قلبك تبدل غرامه ‏اما تجي كلك على الطبع الاول ‏والا فمان اللّٰه ودرب السلامه.

‏ياصعب وقتي دون حسك و طاريك ‏ويا صعب حالي كيف حالي بدونك