رثاء الاطهار للشاعرة والملا رغد البهادلي

👈🏻#قناة_خاصة_للنعي 👌🏻من القنوات المميزه التي جمعت لكم انواع النعي بجميع اطواره بعد متحتارين منين تجيبين نعي اشترك بالقناة وراح تستفادين منها https://t.me/Kinitniea1984 ‏https://t.me/Kinitniea1984

أنتي ملايه ؟؟🎤🎤🎤 تعالي وياي لقناة الشاعرة العلويه أم اياد الموسوي صاحبة ديوان زينب والمحراب وعدة دواووين اشتركو عبر الرابط 👇🏻👇🏻👇🏻 https://t.me/joinchat/-h0l4_B6FIg2ZjYy

اللهم صل على محمد وال بيت محمد وعجل فرجهم الشريف ياالله 🤲 🌺 حديث ونعي للاربعين 🌺 ————————————-——— مثل هيج يوم وهيج ليله رجعت مولاتنا من بعد ذاك الضيم و ذاك الهضم وذاك التعب والقهر اجتي و شافت القبور و الهضم زاد بيها شمرت نفسها على قبر الحسين ع يحسين كوم و اكعد اجيتك و الهضم بكليبي يمرد اصيحن يخويه الله احد مشتاگه اجيتك كوم ليه و اسمع نعاوي اختك شبيه طگ گلبي يخويه من الهم العليه يبعد العافيه الراحت ابفركاك جيتك و جان ابالي الكاك يا عمت عيني فاركيناك جيتك و عيني ناشفه ادموع امورمات اديه و جسمي موجوع اريد الطم عليك ووني مسموع الفكدت اخو متشوف راحه يا ضيم كلبي ويا نياحه امخزنه يهل كلبي جراحه للمكبره عانيه اجيت ويوم الوصلنه و انه صديت من الناكه طحت و فرفحيت وين التكابلني بنعاوي كلبي تراهو اليوم خاوي شبعانه بس ضيم و بلاوي كون النواعي و اللطم زين للمنذبح و الماله جفين و يلي عليكم يالعزيزين شمحله الاخو من ايلاكي اخيته جيت المسه لبن امي ردته ممرود كلبي بيوم عفته وكت اربعين الاخو تجي المله تقره و دموع العزه انهله بس اني وحدي موش سهله ————————————————— لخادمة اهل البيت ع ✍️الشاعره 🎤والملا رغد البهادلي ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

اللهم صل على محمد وال بيت محمد وعجل فرجهم الشريف ياالله 🤲 🌺 قصيده فزاعيه للاربعين 🌺 ————————————-——— اليوم ويا ام عون دگن عالصدر جايه صوب اخوانها ابلوعه و قهر اليوم ويا ام عون شدنه العزه جايبه الروس واجت متحززه شابعه اهموم ومصايب يا وزه تصيح خويه حسين افتحلي الكبر عانيه جتي الحنينه اموجله و جايبه وياها ضعن القافله محد الكام وينادي يا هله عمت عيني اعليج يا ام الخدر عمت عيني اعليج جيتي املوعه و جبتي روس اخوانج اكبر فاجعه و جبتي ثوب ارقيه بالهم گابعه صحتي ماتت بالخرابه عالنحر ايعينج الله يالعقيله ابونتج من سبي الضلام جيتي بحسرتج اليوم نصبيتي عزيه لخوتج اليوم كلبج بالمناحه ينجبر اليوم عوانه اجينه و ننتحب هاي كلها اعيونها اوياكم تصب و نلطم احنه اوياج كلنه عالگلب و الونين اوياج ما يبطل يجر ————————————————— لخادمة اهل البيت ع ✍️الشاعره 🎤والملا رغد البهادلي ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

اللهم صل على محمد وال بيت محمد وعجل فرجهم الشريف ياالله 🤲 🌺 قصيده فزاعيات حماسيه للسيده رقيه 🌺 ————————————-——— كلساع تنشدني وتون رقيه ابوها اتريده ..... نشدت عليه و نومتها و گوه رقيه سكتتها ما طولت بس ساعه وحده و مرعوبه فزت ناشدتها ياعمه گليلي شكو لتخافين حاجيني ..... ياعمه صاحت جان يمي حسين وينه شفته مدمي گلالي يبنيتي تعالي وينه يعمه اشكيله هضمي جابولها الراس ابطشت واتصيح اهلاً يابه ..... ضلت تون و حاضنه الراس و تگله بارد ماكو انفاس تشكي و تناشغ مفهمتها تالي گضت من ضيم هالناس حسبالي نامت عالنحر تالي اطلعت گضيانه ..... صديت و اني امتيهه الراي وياها اون وزاد مبجاي لن العليل ايصيحلي ابساع شيليها عن الراس بهداي بهداي شيلي خيتي ياعمه طلعت روحها ..... گبت مناحه وزاد الاعويل و كلها تون وتصيح ياويل ماتت رقيه فوگ الاحسين من شافته مذبوح و اجتيل بنص الخرابه اتگابلن يبجن عليها اخواتها ————————————————— لخادمة اهل البيت ع ✍️الشاعره 🎤والملا رغد البهادلي ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

حديث ونعي عند دخول هند زوجة يزيد وجلوسها امام السيده زينب ع ————————————————- عندما ادخلو السبايا الى احدى الخرايب في الشام  وفي احدى الايام بدأؤ بترتيب الخرابه و جاءو بكرسي من ذهب حتى جاءت هند زوجة يزيد اللعين وجلست عليه اخذت مولاتنا زينب تكلم الحرم والاطفال اياكم ان تتكلمو دعوني انا اكلمها و اجاوبها اخذت هند تسئل من اي البلاد انتم .... قالت نحن من المدينه قالت هند .. المدن كثيره اي مدينة تقصدين قالت مولاتنا زينب... من مدينة النبي محمد ص فنزلت هند من على الكرسي و قالت لها زينب ع لما نزلتي من على الكرسي قالت احتراما واجلال لكم لانكم من المدينه اريد ان اسئلكي عن بيت في المدينه بيت علي و الحسن والحسين وزينب فخر المخدرات واخواتها ... اجابتها مولاتنا زينب كاني بحسرتها ولوعتها يلي على الكرسي تگعدين النه الكراسي  انجان تدرين و انجان ياهنده تسمعين بيت اهلي يل عنهم تنشدين و هاي انه زينب بنت الميامين شوفي شجرالي وسوه البين عفت النشامه اموسده الطين لا ضل ولي ولا ضلي امعين تتفرج علينه الناس صوبين وفوك الضيم اشوفن راس الحسين بطشت محطوط يم ابن الدعيه انجان  اتسئلين عن اهلي وخبرهم ضحايا بكربله اني عفتهم و بس الروس ويانه جبتهم وهاي اليتامه امرافكتهم وكلهن بجن يمها سويه ياهنده هاي سكنه وهايه ربابه و رقيه هاي اتصيح بابه و ليلى ورمله دمعتهن سجابه يا هند لو تدرين كلبي ويا عذابه متنام عينج عالصار بيه ضليت انه بضيمي اكابر ياهنده كلبي اهواي شاجر عفت اخوتي بدوس الحوافر يا هم دليلي عدمن اشكيه و عدمن يهنده الضيم احجيه المثل گلبي شلون الاخو اتخليه بعيوني شفت الشمر ذبحاه ما رحم حاله وماي منطاه خلاني اصيحن اه ويلاه ما خلاني يم ابن امي الطم ياهنده كلش هاي تهضم اخلاف اخوتي محد اليرحم بليلة الوحشه رحت يمه بيدي الجسد ضليت المه امطشر بقه ومسفوح دمه ابلا توديع عفناهم ضحايه و الروس اجت كلها اويايه و حتى الرضيع انحرم مايه ياهنده خو تدرين بيه اني مدلله و محمل اذيه بقيت محيره واصفك بديه تدرين محد شاف ظلي و امدلله اني ابجال اهلي سبيه هسه الكل تگلي خلي اخبرج من دخلنه للشام و الوادم تصدنه بحجار ياهنده انضربنه شمتانه هاي الناس كلها و تدرين المره الطايح حملها تشبع ضيم لو ما يمها اهلها ------------------------------------------------------- *تمت بأقلام خادمات اهل البيت ع* *✍ آلــشــاعرة 🎤 والملا رغــد البهادلي* ✍آلــشــاعرة رغــد ام وسام الفرطوسية* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Omwiessam

اللهم صل على محمد وال بيت محمد وعجل فرجهم الشريف ياالله 🤲 🌺 قصيده للسبي طريق الشام 🌺 ————————————-——— يا هالناس   درب   الشام   تعبنه و على طول الدرب تهمل مدامعنه تعبنه الطريق و ركبة الهزله و كلساعه يطگنه السوط مو سهله و شفنه حسين راسه مدمعه ايهله نزلت دمعته شاهد مواجعنه يبجي حسين من شاهد ابنياته يضربوها العده و ضربو اخياته و بنص الدرب طاحت عزيزاته وضل عالكاع راسه ويجهر الونه من راحت ام عون الطفله شافتها لكت ينها الزجيه و تنعه حسرتها اوياها اتگابلت و الونه جرتها تكلها وداعتج ماكو اللي يرحمنه محد يرحم الايتام و النسوان شبعنه اهموم من افگدنه الخوان بيه شلون باجر ادخل الديوان يا نار الشماته هواي تهضمنه هضيمه امدللات و هيج يسبوها و بحبال اليسر ياحيف جتفوها و التبجي العده بسياط ضربوها گبل بالعز گضنها وهسه بس ونه ————————————————— لخادمة اهل البيت ع ✍️الشاعره 🎤والملا رغد البهادلي ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

*﷽*. اللهم صل على محمد وال بيت محمد وعجل فرجهم الشريف ياالله 🤲 🌺قصيدة فلة للدفنة🌺 *لسان حال زينب ع توصي ابن أخاها السجاد ع* ——————————————-——— شيلة ابهيدة ياجناز من تدفن عزيز امي شيلـة ابـهيدة عمة وكيف عودك صار مضرب سيف امــوذر يــا وسـافة وحيف ضَـل فـوگ الـثـرة مَـدمي ضَــل حسين عَــل غـبـرة ابــوك ومــحــد ايـنـصرة روح وگـــابــل الـــزهـــرة تشـوف اولـيـدهة مرمـي خـلـهة طـلـعـتك بــلـيـل وارجعلـي بـعجالة وحيل ويلي اعلة الگضو يـا ويل مــا يـدرون انــة بـهمـي عــمـة بـراضـة الـتشيـلة ادري مــا الـــك حــيــلة ومرضوضة مـفــاصـيـلة امصابة للمحب يعمـي امصاب حسين للشيعة تـعـميـهم هـل افـجيعة خـلـي انـعـين الاوديعة الصدر لحبابهة ندمـي ————————————————— قناة رثاء الاطهار بقلم خادمة اهل البيت ع ✍️الشاعرة 🎤والملا رغد البهادلي رحم الله من قرأ سورة الفاتحة على روح والدي الشهيد *بشير وهم* https://t.me/Ragadalbhadley

*﷽*. اللهم صل على محمد وال بيت محمد وعجل فرجهم الشريف ياالله 🤲 🌺قصيدة للدفنة🌺 *لسان حال زينب ع توصي ابن أخاها السجاد ع* ——————————————-——— يــادفـان أخيـي .. اوصيـك بـوصـية بهيدة مـن تلمه .. امطشر عَل وطية بلة يــادفـان ابـو الـيـمة استمعـلـي ابـهـون وبـراضة لـمن تـدفن اخيـي ثـلـث تيـام اني عفته بكـونه مرمـي امكسـرة اضوعة وعليه الترب يذري لاتلجم اضلـوعة .. ما محتاجة اذيـة يبن اخيـي مـن تـدفنه بـراضة ويـاه عودك المذبوح اخافن تلجم اعضاه لـحده وسـعـه وكلة موبيدينة عفناه وگلة عگب اعيونة مـا نحمل وفرگاه جتفونة علة هزول ..وأخذوني سبية يــا عـلـي عمة اعتذرلي كون منهم مــا اجـيـت انـي وبـديـة غـسـلتهم والله يـل سجـاد عمة غصبـاً عفتهم وگـلـهم الـعيلة العدة وسفة سبتهم رش اگبورهم ماي..عطاشة اهل الحمية عـطـاشة اتـذبحـو وخلص عـمـرهم وبـعيـنـي شفت الـخيـل اسحگتهم الــصـدر ويـة الـضـهـر طبگته الـهم وسـعــة اهــواي يــا عـمـة گــبـرهم اذا مكتوبلي ابقة .. گلهم الـي جية اكــتـب عَــل گـبـر مـاتـو مـطـاعين يــم الــمــاي ذبــحـوهـم مــلاعـين ولـد سـيـد الــبـشـر وعـروة الــدين واعـيــالــة مـشــو مــدري لـيـا وين الروس اويا السباية..فـوگ الزمهرية ————————————————— قناة رثاء الاطهار بقلم خادمة اهل البيت ع ✍️الشاعرة 🎤والملا رغد البهادلي رحم الله من قرأ سورة الفاتحة على روح والدي الشهيد *بشير وهم* https://t.me/Ragadalbhadley

*﷽*. اللهم صل على محمد وال بيت محمد وعجل فرجهم الشريف ياالله 🤲 🌺قصيدة فزاعية سريعة للدفنة🌺 *لسان حال زينب ع توصي ابن أخاها السجاد ع* ——————————————-——— بهداي وي حسين ... يادفانة لا تلجم الـمـذبوح وهواي بيه اجروح ويــاك خـل انروح ونبجي عليه ونوح يـادفـانة ... احااحو بـهـداي يــا عـمة من تدفن بجسمة يــا كـونـك اتـلـمة امـطشرينة الگوم يـادفـانة ... احااحو امطشر اعلة الگاع وامـکسر الاضـلاع لـتلملمة وبـســاع خـافـنـك اتــأذيـه يـادفـانة ... احااحو شيل الطفل عنه اضـلـوعة يــاذنة الــخـيـل طحننة صار الصدرة بلضهر يادفانة ... احااحو رش الـگبر تالي بل ماي للغالي عطشان يلوالي مي ماسگو ياويلي يـادفـانة ... احااحو ————————————————— قناة رثاء الاطهار بقلم خادمة اهل البيت ع ✍️الشاعرة 🎤والملا رغد البهادلي رحم الله من قرأ سورة الفاتحة على روح والدي الشهيد *بشير وهم* https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 قصيدة مربعة حال زينب ع ليلة الوحشة 🌺 ------------------------------------------------------- الليلة   ام الحزن   تشعل   بشمعتها مسيت العافية اعلة ارواح اخيوتها الليلة  ام الحزن  وحدها  بالحومة تلم بشلاء اخوها و حيل مهضومة ملجومة اعلة اهلها الحرة ملجومة ابهيدة   الليله  زينب  تجر   ونتها ابهيدة اتون لهلها وتجذب الحسرة گعدت يم  اخوها و تنحب  ابكتره تلم   بوصاله   عالتربان   متوذرة و اضلوعة الحوافر حيل طحنتها احتارت زينب اتلملمهن اضلوعة ضلمة و خايفة تشعلهن اشموعة عالمذبوح  تبجي الحرة  متلوعة ويلي اعلة العقيلة وهاي محنتها ثجيلة الليله صعبة شلون تحملها و دلاوب   الزمان   اليوم   دولبها عن  همها  المسية   منو   ايگللها و نيران  الخيم  الاجدام   چوتها راحت   للكفلها  و حيل   تعبانة الله ايعينها من اتشوف  ذرعانة اصواب العين  يا عباس  بجانة و اختك  حايرة  ضلت  ابونتها حيرانه  اخيتك  تجذب ابونها مسيت العافية اعليكم اگولنها ازنودك  وينهن خليني ادورنها ردتك تگعد الروحي و تسكتها ردتك تگعد اسويعة و تشكيني واسولفك شلون اعداك توليني و تغتاض وتنشف دمع البعيني اصعب ليله تهضم گلبي وحشتها ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺قصيدة مربعة لدفن الاجساد الطاهرة 🌺 ------------------------------------------------------- لا كافور   جابوله و يغسلونه ضل عريان اخيي مايدفنونه لا  كافور  جابو  للولي و اجفان ضل اعلة الترابة اموذر وعريان ترا الميت اكرامه دفنته ابتربان ليش حسين ضل امخضب ابكونة امخضب عالثرة وامفيضة ادمومة ومن بعد الذبح  سلبوهن  اهدومة ما خلوني اون  و روحي  مهدومة بجثته   مثلو   ويلي  و يدوسونة داسو   جثته  و كسرو   صدره گدامي الشمر ضل يگطع بنحره صحت يمة تعالي لحگي يالزهرة ترا اوليدج اعداه ماضن يرحمونة ما رحموه  عدوانه و بقة  اشحالة ضل اعلة الوطية امگطعة اوصالة اغسلنة   ردت   بدموعي   همالة و ردت بيدي ادفنة المرمي ابكونه ادفننة  ردت  و انحب  على  گبره يسوة النوح اخوية و قارية التقرة هجم بيتك  يگلبي  ها كثر  صبره ردت جادر على ابن امي ينصبونة يا شيعة  بقة   مذبوح   گدامي لا مأتم  نصبته  للگضة  ضامي عفته اعلة الوطية امگطع ودامي و بقت روحي عليه بحزن مرجونة   ------------------------------------------------------- *بقلم ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 مربعة ليلة الوحشة 🌺 ------------------------------------------------------- جيبنلي  الحصيرة و خل  نلمه و جيبن ماي نغسل فيض دمه جيبنلي  حصيرة  و لمن  اوياي ترا اجروحه ثگيله وكلش اهواي بيدي اشلون  المه  عمت  عيناي هذا البي محنة و جان الي افياي صعبة امصيبته و العين تعمة الليله اشلون المه واجمع اعضاه عالتربان  نام   امسلب  اهناه محد صاحت وصرخت اويلاه و ما بين الزلم طلعتنة زحمة ما  عندي  جفن  خاطر  نلفه و جرحه الينزف ابأيدي انشفة شلون الليل انامه و عيني تغفة اريد اشبع وداع و ارد اشمه ابن امي غفه و الوجل بية اجيته الليله اون عيني جرية من بعده العدة تزمخ علية وهاي الناس ابد ما بيها رحمة تعالن  خل  نون  و الضيم  نشكيه ننعة امصاب اهلنة وكلشي نحجيه و السلبو  اهدومة  خل  نغطيه عاري اعلة الترابة من يهمه بنات حسين گومن نمشي بسكوت ننصبله عزية بگلب مفتوت باجر نمشي عنه و نجزي و نفوت ميخلونة نگعد نبجي يمه خل نشبع اوداع و نشبع ادموع ابهيدة فدوة لمن هاي الاضلوع و نمشي للگمر و المتن موجوع للعباس نشكي كله همنة ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 نعي حال زينب ع في ليلة الوحشة تخاطب اباها امير المؤمنين علي ع🌺 ------------------------------------------------------- *نعي گرناوي* 😭 يبو الحملات يا حامي دخيله يا حاضر الشدة الليلة وينك ابنيتك ياعلي مابين شمات يتامه اوياها كلهم نادبينك تعال و شوفها و ولدك على الكاع و كلساع يويلي امشتمينك حسين امسلب و سحگته الخيل اظلوعه كسروها و حگ عينك وينك ياعلي يا حاضر الناس احضر زينبك و احضر بنينك عمت عيني عليها ضالة اليوم محتاجة تشبكها ابأدينك يا ويلي يحيدر ندبتك حيل تعاللها خل تسمع ونينك ...............💔😭💔............... *نعي مجرد* 💔 وينك يحيدر تحظر اليوم ابنك طريح و جسمه مكسوم و زينب تون و الكلب مهضوم دخيلك علي حامي دخيله ابنك سحكوهن مفاصيلة ضل امسلب و محد يشيلة يا حاضر الشدات احضر لبنك ترة حزو المنحر فوك الثرة مرمي اموذر زينب غريبة الليله تبجي ما ضل ولي جا وين تشكي احضرها يحيدر همها تحجي ضلت غريبة ابدون والي و اتصيح حال الضيم حالي غرب ويا اخواني دلالي ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 قصيدة حماسية محاورة بين الحسين ع والسيدة زينب ع 🌺 ------------------------------------------------------- زينب .. الحكيلي يزينب كسرو اضلوعي زينب .. تعالي و بيدج انتي سكني روعي زينب .. صيحي ابصوت ويلي احا يموجوعي يازينب خوية الله ايعينج ٢ ........ يحسين .. اجيتك شايطة و الحرم تعبانة يحسين .. انگلبت كربلا و هالغدت دخانة يحسين .. نومك مو محلة و حيل هضمانة يحسين .. خوية اعليك هاي الروح دوهانة يا زينب خوية الله ايعينج ٢ ...... زينب .. تعالي ابساع الية يابعد حيلي زينب .. اريدنج تجية أنتي التتجيلي زينب .. اخاف عليج لو ردتي تقربيلي زينب .. وحدج لو بقيتي اه ياويلي يا زينب خوية الله ايعينج ٢ ...... خوية .. كون الصار بيك ايصيرلي بية خوية .. يا بعد الولد يا بعد الابنية خوية .. لا ترحيل يا حيل البرجلية خوية .. انت السور و اني اگعد ابفيه يا زينب خوية الله ايعينج ٢ ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 قصيدة فزاعية حول ليلة الوحشة 🌺 ------------------------------------------------------- نعي قبل القصيده 😭 گعدت زينب اتحاجي المنحر وحشه   و تصيح   الله  اكبر اخلافك  تگله خويه  مگدر ....... نزلة القصيده 🙅🏻‍♀️ اجاني الليل  خويه شلون بيه ابنيتك  ضايعه من  بين  اديه اجاني الليل واني اصفگ بالايدين لملمت  الحرم  و ادموعي  بالعين اعثر  بالجثث  يبن  امي  يحسين اصعب   ليلة    يالوالي    عليه بقيت   امحيره و  امتيهه   الراي نايم  عالشريعة  الجان  الي افياي صعبة يالولي من احجي الك هاي باجر    رايحه    عنك    سبيه گالو  باجر  اتروحين  عنهم مذابيح اخوتج محد دفنهم لا جادر  عزة و لا لطم الهم ما خلوني اون يمك اشويه شفتك   عالثره   اموسد   يعيني حبست بصدري حسراتي و ونيني و هاي   الگوم   ماهم   راحميني اخلص   اشلون   گلي   هالمسيه خوية  وداعتك  مهدوم  حيلي  و هاية  نومتك  گطعت  دليلي الم  بعظام  صدرك  اه  يويلي و محد  ينغر  الليلة  اليه ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 نعي حال زينب ع في ليلة الوحشة 🌺 ------------------------------------------------------- صار الليل و اخواني على الگاع و رحت للسحگو اعظامه و الاضلاع ادور خنصر ايدة بيا كتر ضاع رحت بليل ادور ابن امي يا صوب و عثرت بعون شفته شلون مگلوب گتله  امك  گلبها  ضال  مصيوب ما قصرت يبني زامطت بيك يمة عون اني راضية اعليك هسة رايحة لخالك و اخليك رحت اتعثر و حنيت اله اهواي صحت يحسين اگعد و اشرب الماي تراني اوداعتك محد بقة اوياي مخنوگة اجيتك خويه تعبانة و الدخان خانگني يملفانة ما عندي ولي و اگعد ابصيوانة طلعت روحي من گد ما ادوره جثته امخضبيها و هل مطشره بنص الليل ادورنه و مكدره بنص الليل ادوره بنص مجاتيل شسوت اه يويلي بصدره الخيل من ريحته اعرفته و صحت ياويل ........😭........ شلون العاشريته اليوم اودعه متعلمة عليه و بيش ارجعه امطشر عالثرة و ضليت اجمعه ردت ساعة احظنه و خاف اوجعه و الميت اخوها حگها تنعة گوة احجي و صوتي ما يسمعه  تعبانة ابدليلي بقت وجعه اويلي على الكسرو ضلعه رحت صوب الحرم و احبي مسرعة سمعت اصياحهن و اهمل الدمعة ............😭 المثلك يالحنين شلون اودعنه صعبة اوداعتك خوية يالامجنه گوة الجدم جيتك خوية اخطنه و هاي ايتامك اتون گوم و اسمعنه گوم و شوف متني السوط لوعنه اجيتك شايطه و الهضم يوجعنة و بتك يالولي من تبجي تهضمنة تگول الزين راح و ما يرد النة خيبة عيزان كلبي و جملوني😭 ......... راحت للعباس اتگله جيتك خوية اجيتك😭 يبعد الما يوجدن من تفارگنة يعزيز گلبي و  يالامجنة يبو فاظل يالتنبع محنة انة ابعازته و ابجي اعلة متنة يالشايل اهمومي و يا ضمدنة ترا مال الحمل يلي اكفلتنة 😭😭😭 مهضومة اجيتك و الوجل بية گوم اگعد ترا عالو علية يا عباس ياراعي الحمية باجر رايحة عنكم سبية ترضاها النذل يزمخ علية خوية السوط ورم مكفاي و ادية جيتك شايطة من الجمر مجوية محتارة و ادور عن رقية يالدگيت صدرك گوم لية احلفنك بأمك و الزجية بعد لا حيل عندي و قابلية ......................... اجت مولاتي زينب كوة عرفت اخوها بين القتلى من خلال ريحته😭😭💔 شلونك يالما سلم من عندك ولا شي شلونك جيت انشدك يا بعد حالي شلونك جيت اسولفلك على الصار و الم بضلوع صدرك و الدمع هالي جيت احبي حبي و اتعثر اهواي كومة الجثث خوية و انشده بالي لوما ريحتك خويه جا جزيتك حيف هيجي اموذرينك خوية يالغالي گلي شلون احظنك طگ دليلي اعليك محتامة و عليك انعاب دلالي و تدري بالمرة لو مر عليها الضيم تمشي للحنين و تشكي للوالي وين اشكي يبعد اهروش گلبي الضيم لا ضلي حمة يا سورنا العالي ............😭............ ابطلاع الروح لميت الحرم گوة ليل و خوف طلعت ابمستحة اتعثر اخذني الشوگ ادور بين هاي الناس ادور  حسين  عفته  العصر   متطبر حزو راسه و امسلب بقة اعلة الگاع و من گد السحگ  صدره  ترا اتكسر ظلمة  الليلة  ادوره و دمعتي بالعين بناته اويايه اجني  ايشوفن  المنظر ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 هوسات جنوبية ليوم العاشر 🌺 ------------------------------------------------------- صعب ما ينحمل      يا يوم  عاشور بيه حسين  ضل      عالگاع مشمور صعب ماينحمل يكلف يهل يوم ابن حيدر علي عاري بلا اهدوم محد  غسله  و غاطيته الادموم منين اخته تگلة       انجيب كافور لا  كافور   جابولة   و  يغسلوه اگبال اخته العدة ويلاه ذبحوه حتى محبسة من ايده  اخذوه عشر اخيول تسحك     بيه و ادور دارت  دايرة  من  الخيل  تطحن وبنات حسين وسط الهيمة فرّن رادن    للولي    كلهن    يفزعن شيفيد  الفزع        و الصدر  مكسور لا ضل  عظم  سالم  من  الحسين و صوت اعياله تصرخ بالصواوين و دخان  الخيم  يعمي  ترا  العين و الحومة  عجاجة     و گاعها  اتفور اركض   حافية   و  النار   بية و ايتام   الحنين   اتصيح  لية وكل اهل الشيم  فوگ الوطية لا شبان  ضلتلي        و لا  ابدور ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley

بــسمِ أُلَلَﮭ أُلَــرٌحٌمِنً أُلـرحٌيْمِ آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲 🌺 قصيدة فزاعية حول زينب ع في يوم العاشر 🌺 ------------------------------------------------------- لتركضين       زينب  بالميادين شعندج فازعة اوياج النساوين لترگضين  زينب  فازعة  شبيج واتحشمين اخوتج شنو الماذيج طريتي  المعارة  ابطرگ رجليج تجويج الترابة من تدوسين ظهر تموز وانتي امفرفحة شلون و نار اكلت عباتج ويلي يم عون كلها  اتشوفج و بيج  ايتشمتون مرعوبات  من  نار  الصواوين مرعوبات  و اترگضن  من  الخيل العطش والجوع ما خلالجن حيل عنجن وين حيدر حامي الادخيل نادن  يا علي  احظرنا  هالحين نادي يا علي  و الصوت مبحوح سبط المصطفى گدامي مذبوح و گليلة تعال و شوف الاجروح تعال وشوف خيل ادوس الاحسين فزعتي  ابلا  وعي  لمن سمعتيه يجود بروحه اخيج من حظنتيه و طگاج الشمر و ايذبحه شفتيه و گلتيله تخله ايبطل الاونين ------------------------------------------------------- *بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ* ذمة عدم حذف الاسم وغير مبرئ الذمة كل من ياخذ من الكلام وينسبه له https://t.me/Ragadalbhadley