أ. رانيا أَحمد المشهداني

سلام عليكم مرحبا ست درجتي بل أحياء ٨٥ ومعدلي ٨٨.٥

الف مبارك وماقصرت اكيد بس تستحق الاعلى والحمدلله 🌸

الف الحمدلله

ست الاحياء ٨٧ 🥲

حياتي البطلة الي علتها الاحياء الف مبارك 🥰❤️

الله يباركلكِ حبيبتي ست والله تعبتي معانا والحمدلله ما ضاع التعب❤️❤️

ابشركِ 100.16 مع الفرنسي و 100 بالاحياء مثل ما مرة قلتي

الف مبارك حبيبتي احلى طبيبة 🥰❤️

السلام عليكم طلابي طالباتي 🌸🌸 جماعة الدور الثاني ان شاء الله بخير 🔴ركزوا على هاي المواضيع بالنسبة للفصل الاول... 🔸التركيب الكيميائي جدار الخلية البكتيرية والنباتية وطبقات الجدار الخلوي 🔸رسم الغشاء البلازمي 🔸الرايبوسومات 🔸م/ جهاز كولجي مكونات / تعاليل / تعريف الصهاريج/ الوظائف 🔸م/المايتوكوندريا / وظائف /تعاليل /موقع ووظيفة الاعراف 🔸م/البلاستيدات / انواعها مع الوظائف / السدى والثايلوكويد 🔸م/ الجسيمات الحالة / الوظائف /التحلل الذاتي /التركيب الكيميائي لها 🔸م/الخيوط الدقيقة موقع ووظيفة وتركيب كيميائي 🔸م/النبيبات الدقيقة موقع ووظيفة وتركيب كيميائي قارن بين الخيوط الدقيقة والنبيبات الدقيقة 🔸م/ الجسيم المركزي تعاليل 🔸م/ الفجوات الفجوة المتقلصة 🔸م/ المحتويات الغير حية عددها + موقعها 🔸م/ النواة مثل لمايأتي خلية ذات نواتين .نواة جانبية . مركزية 🔸م/النوية تركيب كيميائي ووظيفة +نواة خلية البصل 🔸جدول الكروموسومات 🔸عرف الانتشار والتناضح وووالبلزمة والنفوذية مع اغشيتها 🔸عرف الايض الخلوي مامنشأ الاسيتالديهايد رسم مخطط دورة كريبس والتحلل السكري 🔸قارن بين خلية نباتية وخلية حيوانية من حيث الانقسام السايتوبلازمي 🔸عرف الايثاق والعبور والتصالبات (موقع ووظيفة ) 🔸مااحداث الدور القلادي او الطور الاستوائي الاول والانفصالي الاول ممكن مقارنة من الانقسام .. وتبقى هاي مجرد تخمينات يعني ماراح تعتمدون عليها اعتماد كلي ...❌❌

أ. رانيا أَحمد المشهداني pinned «السلام عليكم طلابي وطالباتي 🌷 يا جماعة الدور الثاني، اشونكم؟ باقي تقريبًا 45–50 يوم، وهاي فرصة حقيقية حتى تعوضون وتحققون نتيجة تفرحكم بإذن الله. راح أنزل الكم أهم الشغلات والتركيزات اللي لازم تدرسوها، واعتمادها راح يكون على أسئلة الدور الأول والتمهيدي،…»

السلام عليكم طلابي وطالباتي 🌷 يا جماعة الدور الثاني، اشونكم؟ باقي تقريبًا 45–50 يوم، وهاي فرصة حقيقية حتى تعوضون وتحققون نتيجة تفرحكم بإذن الله. راح أنزل الكم أهم الشغلات والتركيزات اللي لازم تدرسوها، واعتمادها راح يكون على أسئلة الدور الأول والتمهيدي، حتى تستفادون بأكبر قدر ممكن. شدّوا حيلكم، ولا تضيعون الوقت، وكل يوم يفرق بالنتيجة. كونوا جاهزين... وإن شاء الله نفرح بنجاحكم جميعًا. 💪📚

رسم اليوغلينا 😅، من جبته بالشهري أتذكر شلون انتفضتوا عليه وحكيتم "ليش؟ مو وزاري ومو مهم!" 😂، وها هو اليوم أثبت أن ماكو شيء بالمنهج ينترك. وأعتقد هاي رسالة مهمة للمدرس والطالب بنفس الوقت؛ المدرس ما يركز على الصعب ويترك السهل بحجة أنه ما يجي، والطالب هم ما يترك أي موضوع بحجة أنه غير مهم، لأن الوزاري دائمًا عنده مفاجآته 😉📖.

🧬✨ الحمد لله، سؤال الوراثة كان موجود بالملزمة وضمن الأسئلة اللي ركزنا عليها.

😂 بالمناسبة... الانقسامات طلعت مسوية مفاجأة بالوزاري! ما جا منها غير 4 درجات فقط 😅📉 صدمة للطالب اللي كال: "اليوم كله للانقسامات وما أطلع من الغرفة إلا حافظها" 🤯📚 وفرحة للطالب اللي كان كل ما يوصلها يكول: "بعدين أرجعلها" 😎✌️ بس هالموقف يثبت مرة ثانية أن الوزاري يحب المفاجآت 🎭، لذلك لا تستهينون بأي موضوع بالمنهج مهما كان صغير 😉📖✨

🌷📚 الحمد لله انتهى امتحان الأحياء، هسه ارتاحوا شوي وخذوا نفس عميق ، وكافئوا أنفسكم على التعب والجهد اللي بذلتوه. 🤍✨ لكن لا تطولون بالراحة 😄، من اليوم إن شاء الله نبدأ صفحة جديدة ونوجه تركيزنا لمادة الرياضيات 📐✏️. رتبوا وقتكم، ناموا زين، وخلو عندكم طاقة للدراسة، فكل امتحان يقربكم أكثر من هدفكم ونجاحكم. 💪🌟 الله يوفقكم ويبارك بتعبكم، وإن شاء الله نفرح جميعًا بنتائجكم المميزة. 🍀🤍📚 #يلا_للرياضيات 📐✨ #بالتوفيق_أبطالنا 🌷💙