مــلاذي 🥀

قلتلكم لصار معاي وهذي مش اول مرة صايره معاي في كل مره عشان تثقوا وتحسنوا الظن بالله وتعرفوا انها عمرها ما كانت لانه نحنا وعمرها ما كانت بحساباتنا❤️❤️❤️

وحمدالله حمدالله انها ما كانت بحساباتي حمدالله لانها مقتصرتش ع جهدي حمدالله لان ربي كريم وكبير ويعطي حمدالله لان كل ما نثقو بالله ونحسنوا الظن ربي يجازينا ويفرح قلوبنا

حتى بعد كملنا الامتحانات يجيني شعور زعما ننجح ولا ونجي بنحسب نمسك روحي ونقاوم شعوري ونقول من ربي نا خليتها ع ربي مش هنحسب

ولانها عمرها ما كانت بالحسابات وبعمرها ما كانت مقتصرة ع جهد الانسان بس

جديات سيبتها ع الله بكل شي كل ما يخطرلي نحسب نمسك روحي نقول ليجي من ربي خير وربي مستحيل يضيعني

ومبتش نحسب الناس تحسب تنجح او لا نا سيبتها ع الله

اكيد عارفين السيرجري من كثر ما حكيت وبكيت عليها 😂 مهم نحن طبعا مادة من 200 فيها 2جزئي وفاينل واورال وعملي 2الجزئي كان درجتي كويسات نوعًا ما واكيد حاكيتلكم ع الدكاترة متاعين المادة كيف انهم واعرين بكل وامتحاناتهم قطيعه ع مهم نا مادة هذي كنت خايفه منها من قبل ما نمتحنها للفاينل جربنا جزئي وكان واعر عشان هك كلنا ك دفعه كنا خايفين منها موت تعرفوا نا ما عقبت مصدر ولا pdf الا قريته وقريت اسئلة واجد بكللل جبت شيتات طرابلس وقريتهن كنت نقرا مش لاني واثقه ان نحل او يجي منهن لاا كنت نقول انا هنسعى كيف ما قال ربي "وان ليس للانسان الا ما سعى " نسعى لان ربي طلب مني هك بس مهم جا امتحان فاينل نااار امتحان غريب اسئلة مش متوقعه نا قريت من وين جن هذن مهم امتحان نار بمعنى الحرفي للكلمة بعدها عملي مش عارف كيف نحكيلكممم رعب العملي تخيلو 10اسئلة جنا عليهن 60 درجه كل دكتور 5اسئلة 5اسئلة لدكتور منبيش ندعي لكن نار نااار كيسات طوال السؤال مش مفهوم والسلايد تحسه مش ع الكلام وكله اكسراي تخيلو تبيلك بس لكل سؤال 10 دقايق تفكر وتفك و10 اخرى تكتب فيه مهم نا لقطت متقولوش اني جاوبت سؤال كامل كله لا تميت نكتب ف كل سؤال قلت نحصل كم درجه و5الاسئلة للدكتور الاخر كانن كويسات لكن حتى هن في اغلاط درجه النجاح 60%ولازم تحلي 6اسئلة كاملات مش تلقيط 😂 او يلقطولك من كل سؤال مهم تهلبي 60% ولو سقطتي في عملي هتسقطي ف كله مهم طلعت من عملي كلنا مش نا بس دفعه كلها منهارين وفي صدمه جديات وبعدها ف نفس اليوم كان في اورال قلت نحصل 20درجه نضمنهن والضامن الله يساعدني الاورال يا هو مشفشف اسئلة عبيطه فوتتتهن وقت لقرايا قلت مستحيل يجن تخيلو صدمتي اول سؤال هوا لفوته معش عرفت نبكييي ف الامتحان ولا نضحك ولا ننهب قعدت مستكه 😭😭😂جديات بالمعنى الحرفي جدياااااات مهم روحت قلت لهلي مادة هذي ربي يسترني فيها نا درت الي علي

نحكيلكم شي كله ايجابيه وثقه بالله❤️

نصيحة مُحب لا تفكرو بالطرق الي هتتحقق فيها دعواتكم ولا تفكروا بالنتيجة فكروا ان الله مُجيب كريم، واحسنوا الظن بيه ❤️

نصيحة مُحب لا تفكرو بالطرق الي هتتحقق فيها دعواتكم ولا تفكروا بالنتيجة فكروا ان الله مُجيب كريم، واحسنوا الظن بيه ❤️

بنصكر ونعتزل، لعند ما نتعافى من كثر الترومات لسببوها لي

الف الف مبارك دكتورتنا♥️ما شاء الله تبارك الله ♥️

الف الف مبارك دكتورتنا♥️ما شاء الله تبارك الله ♥️

قدر الله وشفت روحي ناجحه ومفرحه عائلتي وناسي يلي يحبوني عموما هادا الخير كله❤️❤️❤️❤️❤️❤️❤️

دعوات عرفه استجيبت يا رفاق❤️❤️❤️❤️❤️

"هجم السرور علي … حتى أنه من فرط ما سرني أبكاني" 😭❤️❤️❤️❤️❤️❤️❤️❤️

صفيت المادة لكنت خايفه منهاااااااا😭😭😭😭😭😭😭

حمدالله حمدا كثيره

فراااااشه طايرةةة😭❤️❤️❤️❤️❤️❤️❤️❤️❤️❤️