♥️إن مع العسر يسرا ♥️

رتب أفكارك ووقتك واعرف انت محتاج أيه بالضبط استعين بالله وقرب من ربك جدا جدا وتوكل علي الله هتلاقي الدنيا احسن بإذن الله

حقيقي والله انا افتقدتها جدا بس بإذن الله نرجع تاني في أقرب وقت بس ادعولي كتير

تسلمولي ربنا يديم بينا كل الود يارب العالمين

https://747364832.sarhne.com فضفضه اسأل وانا اجاوب 💌

ربنا ييسر اموركم ويصلح حالكم ويوفقكم وتحققوا كل اللي بتتمنوه واللي فيه الخير ليكم جميعا يارب العالمين اهم شئ حافظوا علي هدوئكم ومتتوتروش كله هيعدي نفسيتكم اهم بكتير بالتوفيق 🤍

الحمدلله بخير حال الحمدلله 🤍 شكرا علي السؤال جزاك/ي الله خيرا

في العموم مش لازم الإنسان يحكي كل تفاصيل ماضيه خصوصًا إذا كان الأمر انتهى قبل الخطوبة بسنوات وتاب عنه ومفيش أي أثر له في الحاضر. الستر على النفس بعد التوبة أمر محمود ومش مطلوب أن الانسان يكشف ذنبً ستره الله عليه. في المقابل مهم جدًا إن العلاقة الحالية تكون مبنية على الصدق والثقه فيما يخص الأمور التي تؤثر على مستقبل الزواج أو يترتب عليها حق للطرف الآخر. ولو خطيبك بيلمح أو بيسأل حاولي تطمني مخاوفه بدون الدخول في كشف تفاصيل في الماضي . #لايف_كوتش_أخصائية_أجتماعيه #إن_مع_العسر_يسرا #ريهام_فتحي

الإحساس بالذنب مش دايمًا حاجة سلبية أوقات بيكون رسالة بتنبهنا إن في حاجة محتاجة تتصلح أو تتغير. لكن لو فضل ملازمك بعد ما عملت اللي عليك بيتحول لعبء بدل ما يكون دافع. جرب تسأل نفسك هل فعلًا أخطأت ولا أنت بتحاسب نفسك على حاجة خارج إرادتك؟ لو أخطأت هل اعتذرت أو حاولت تصلح اللي حصل؟ بعد الإصلاح هل استمرار جلد الذات هيغير الماضي؟ تقبّل إن كل إنسان بيغلط والمهم هو التعلم وعدم تكرار الخطأ مش معاقبة نفسك للأبد. الإحساس بالذنب بيكون مؤلم لكن قبل ما نحاول نتخلص منه مهم نفهم هو مصدره اي . في فرق بين ذنب صحي بيدفعنا نراجع نفسنا ونصلح أخطاءنا وبين ذنب مبالغ فيه بيخلينا نحمل نفسنا مسؤولية حاجات مش بإيدنا أو نفضل نعاقب نفسنا على الماضي. لو في خطأ صلحه واتعلم منه وبعدها اسمح لنفسك تكمل ولو مفيش خطأ حقيقي فحاول تراجع الأفكار اللي بتخليك تلوم نفسك باستمرار. افتكر إن المسامحة مش معناها إنك بتبرر الخطأ لكنها معناها إنك بتدي نفسك فرصة تبدأ من جديد بعد ما تتعلم. #لايف_كوتش_أخصائية_أجتماعيه #إن_مع_العسر_يسرا #ريهام_فتحي

يلا نفضفض شويه سوا اتفضلوا https://747364832.sarhne.com

دول جروبين وقناه خاصين بالوظائف لكل المحافظات إللي متاح قدامه اي فرصة عمل يقدر يتواصل معانا ويبعتلنا التفاصيل كامله "من خلال الادمن بالجروبات " ولعلنا نكون سبب في رزق حد 💗 الاعلان بدون أي مقابل نهائي بالتوفيق https://chat.whatsapp.com/BjDjSFiXVEjIoSx6kGgRq6?s=cl&p=a&ilr=4 https://chat.whatsapp.com/HerQk9onHqqLkXdloxZ5uI?mode=gi_t https://whatsapp.com/channel/0029VbDZCT09WtBuZeGfb247

مش هبرر اكيد بس الدنيا دار ابتلاء واحنا عارفين كدا كويس بس برضو مش كلها صعبه عارفه إن لما الضغوط تيجي من كل حاجه الواحد بيحس إنه مش قادر ياخد نفسه ومخنوق وإن مفيش حاجة ماشية زي ما كان بيتمنى ومش هقول إن كل حاجة هتبقى كويسة بكرة لكن هقولك متحكمش على حياتك من فترة صعبة بتمر بيها. أوقات كتير بنكون شايفين كل الأبواب مقفولة وفجأة بيجي فرج ربنا ويفتحلك أبواب خير تغيّر حاجات كتير. متضغطش على نفسك وافتكر إنك مش مطالب تحل كل مشاكل الدنيا مرة واحدة. خليك ماشي يوم بيوم وخطوة بخطوة. استعين بالله وكمل ومتيأسش ربنا كريم وإن شاء الله ربنا يرزقك راحة البال ويعوضك عن كل تعب وضيق مريت بيه وربنا يقويك ويكتبلك الخير في الشغل والبيت وكل حاجة نفسك فيها. #لايف_كوتش_أخصائية_أجتماعيه #إن_مع_العسر_يسرا #ريهام_فتحي

وعليكم السلام ورحمة الله وبركاته أول حاجة أحب أطمنك إن التردد مش معناه إن شخصيتك ضعيفة في ناس كتير بتتردد لأنها بتخاف تغلط أو تاخد قرار تندم عليه. بس المشكلة إن عدم اتخاذ القرار ساعات بيضيع فرص أكتر من القرار نفسه. ابدئي بالحاجات الصغيرة وخدي قرار فيها من غير ما تفكري كتير ولما تلاقي إن الدنيا ماشية هتبتدي ثقتك في نفسك تزيد. وفي القرارات الكبيرة اجمعي المعلومات واستشيري حد تثقي فيه وصلي استخارة وبعدها توكلي على الله ومتفضليش تلفي في نفس الدايرة. افتكري دايمًا إن مفيش حد بياخد كل قراراته صح 100% وكل قرار حتى لو طلع مش الأفضل هتتعلمي منه. بالتوفيق #لايف_كوتش_أخصائية_أجتماعيه #إن_مع_العسر_يسرا #ريهام_فتحي

واضح إنك اتأذيت جدًا من حقك تحزن على علاقة كنت شايف فيها مستقبلك. ومقدره جدًا إنك رفضت تظلم حد وده يدل إن أخلاقك ما زالت حاضرة رغم وجعك.لكن اسمح لي أقولك علي حاجة عدم معرفتك بسبب انتهاء العلاقة قد يكون مؤلم فعلًا لكنه لا يعني بالضرورة إن الطرف الآخر كان سيئًا أو استغلاليًا. أحيانًا الناس بتتغير مشاعرها أو بتشوف أن الاستمرار غير مناسب وقد لا تحسن التعبير عن حاجه ذي كدا ودا بيأذي الطرف الآخر لكنه ميخليناش نحكم على نواياهم ابدا . المرحلة اللي أنت فيها دلوقتي محتاجة تحول تركيزك من سؤال ليه عملت كده؟ الي إزاي أرجع أبني نفسي من جديد؟ لأن إجابة السؤال الأول قد لا تأتي أبدًا أما الثاني فهو اللي هيعيد لك حياتك. متخليش تجربة واحدة تقفل قلبك من كل الناس. الألم بيعلّمنا الحكمة مش اننا نفقد الثقة في الحياة كلها. فعلشان كدا متربطش سلامك النفسي بعودة شخص أو بمعرفة سبب رحيله السلام الحقيقي بيبدأ لما تتقبل أن بعض الاسئله مش بنقدر نعرف ليها اجابه ومع ذلك انت تقدر تكمل حياتك وتنجح وتلاقى حد يقدّرك أسأل الله أن يجبر خاطرك ويعوّضك خيرًا مما فقدت ويرزقك من يطمئن بها قلبك #لايف_كوتش_أخصائية_أجتماعيه #إن_مع_العسر_يسرا #ريهام_فتحي

اشتغل واعمل جمعيه بمبلغ كويس بحيث تقدر تتقدم وكلم والدها وعرفه ظروفك وربنا يقدملكم اللي فيه الخير

الإنسان اللي بيشيل هم كل اللي حواليه ويحس إنه مسؤول عن مشاعرهم أو مشاكلهم بيتعب جدًا. مش كل مشكلة بتحصل حواليكِ معناها إنك لازم تتألمي بنفس الدرجة أو إن عليك مسؤولية إصلاحها. فيه فرق بين إنك تتأثري وبين إنك تشيلي حمل مش بتاعك. كل مرة تحسي بالذنب أو الاختناق اسألي نفسك"هل أنا فعلًا السبب؟ وهل في إيدي حاجة أغيرها؟ لو الإجابة لا يبقى حاولي تسلمي الأمر لربنا وادعي لهم بالهداية والصلاح لأن في حاجات أكبر من قدرتنا. وأفتكري إن ربنا ما كلفناش نحل كل مشاكل الناس لكنه كلفنا نعمل اللي نقدر عليه فقط. اهتمي بقلبك كتير لأن لو فضل يشيل هم كل الناس هيتعب. خلي عندك يقين إن ربنا هو المدبر وهو الأقدر على إصلاح القلوب والعلاقات. وربنا يشرح صدرك ويطمّن قلبك ويجعل لك من كل ضيق فرجًا. 🤍 #لايف_كوتش_أخصائية_أجتماعيه #إن_مع_العسر_يسرا #ريهام_فتحي

استهدي بالله لان مفيش حاجه في الدنيا تستاهل كل دا بلاش تكون دي النهايه وتخسري كل شئ اكيد هتلاقي ناس تساعدك في أماكن بتقدم مساعده مجانيه شوفي في بلدك وأسألي والاهم من كل دا هو اقتناعك انتي بإنك عايزه تبقي احسن اشغلي نفسك وقربي من ربك والله ربنا كريم ورحمته واسعه ومش هيتركك أبدا لو حد يعرف أماكن تقدر تساعد ياريت يفيدها ربنا ييسر امورك ويصلح حالك ويراضي قلبك يارب العالمين #لايف_كوتش_أخصائية_أجتماعيه #إن_مع_العسر_يسرا #ريهام_فتحي

متفكريش في كل دا فكري في حاجه واحده بس هي نفسك هي لو جابت اعلي منك مش هتاخد من نصيبك شئ وانتي كذلك كل شخص ليه نصيبه محفوظ محدش بياخد منه شئ ركزي علي نفسك بس متشغليش تفكيرك بيها ولا بأهلها ولا بكلام اي حد اجتهدي وشدي حيلك واتركي أمرك لربك مفيش حد بياخد نصيب حد أبدا واللي مكتوب ليكي أو ليها هيحصل فبلاش تفكري كدا علشان مفيش حد هيتأذي غيرك ربنا ييسر اموركم ويصلح حالكم ويوفقكم وتحققوا كل اللي بتتمنوه واللي فيه الخير ليكم جميعا يارب العالمين #لايف_كوتش_أخصائية_أجتماعيه #إن_مع_العسر_يسرا #ريهام_فتحي

وعليكم السلام ورحمة الله وبركاته لا ابدا الآية مش معناها إن أي اتنين أصحاب هيبقوا أعداء يوم القيامة. ربنا قال: ﴿الأخلاء يومئذٍ بعضهم لبعض عدوٌّ إلا المتقين﴾، يعني الصحبة اللي كانت على معصية أو كانت بتبعد عن ربنا وبتضلل أصحابها كل واحد هيقول: أنت كنت سببًا في بعدي أو تقصيري وهيكرهوا بعض لان مكنش فيهم حد بيعدل وبيقوم اخطاء ومعاطي خليله (صاحبه). أما الصحبة اللي فيها خير وتشجيع على الطاعة ومحبة لله فدي مستثناة من الآية، لأن ربنا قال: ﴿إلا المتقين﴾. وبالنسبة للهزار فطالما مفيش ظلم ولا إهانة ولا أذى ولا كلام حرام وكل واحدة راضية فده لا يجعل الصداقة تتحول إلى عداوة يوم القيامة. لكن الأفضل دائمًا إننا نختار الكلام الطيب لأن المؤمن لسانه طيب وحتى في الهزار بيحافظ على حدود الأدب. وربنا سبحانه أرحم بنا من أنفسنا وهو يعلم ما في القلوب. فاجعلي علاقتكم سببًا يقربكم من ربنا وإن شاء الله تكون من الصحبة التي يظلها الله برحمته لا من الصحبة التي تنقلب عداوة يوم القيامة. ربنا يديم الود والمحبه وتكونوا صحبه صالحه تُرضي الله 🤍 #لايف_كوتش_أخصائية_أجتماعيه #إن_مع_العسر_يسرا #ريهام_فتحي