Rekhta

آیا نہ پھر کے ایک بھی کوچے سے یار کے قاصد گیا نسیم گئی نامہ بر گیا جلیل مانک پوری @Rekhta

سودا وہ کیا کرے گا خریدار دیکھ کر گھبرا گیا جو گرمئ بازار دیکھ کر بسمل عظیم آبادی @Rekhta

سفر میں تم ہمارے ساتھ رہنا کہیں ہم راستوں میں کھو نہ جائیں جاوید اکرم فاروقی @Rekhta

مدتیں گزریں ملاقات ہوئی تھی تم سے پھر کوئی اور نہ آیا نظر آئینے میں حنیف کیفی @Rekhta

امیر شہر کی مدحت نہ لکھی جائے گی ہم سے کہ جو خود دار ہیں وہ کار درباری نہیں کرتے ڈاکٹر اعجاز رسول @Rekhta

تری صدا کا ہے صدیوں سے انتظار مجھے مرے لہو کے سمندر ذرا پکار مجھے خلیل الرحمن اعظمی @Rekhta

اب تو صاف سنتا ہوں اپنے دل کی ہر دھڑکن اور کیا دکھائے گی یہ طویل تنہائی شہزاد احمد @Rekhta

چرخ کو کب یہ سلیقہ ہے ستم گاری میں کوئی معشوق ہے اس پردۂ زنگاری میں منو لال صفا لکھنوی @Rekhta

نام میرا سنتے ہی شرما گئے تم نے تو خود آپ کو رسوا کیا نسیم دہلوی @Rekhta

عشق میں اور بھی دیوانہ بنا دیتی ہے میری آواز میں مل کر تری آواز مجھے ابر احسنی گنوری @Rekhta

ابھی تو بات کرو ہم سے دوستوں کی طرح پھر اختلاف کے پہلو نکالتے رہنا قتیل شفائی @Rekhta

اپنی انا کی آج بھی تسکین ہم نے کی جی بھر کے اس کے حسن کی توہین ہم نے کی اقبال ساجد @Rekhta

بندے کے قلم ہاتھ میں ہوتا تو غضب تھا صد شکر کہ ہے کاتب تقدیر کوئی اور نظیر اکبرآبادی @Rekhta

حیرت حسن سے اک سکتہ کا عالم دیکھا آئینہ منہ کو ترے تکتا ہے ششدر میں ہوں آغا اکبرآبادی @Rekhta

دار پہ کھینچنا لازم ہے زمانے مجھ کو میں نے متروک محبت کو جلا بخشی ہے اہتمام صادق @Rekhta

اب دل کا سفینہ کیا ابھرے طوفاں کی ہوائیں ساکن ہیں اب بحر سے کشتی کیا کھیلے موجوں میں کوئی گرداب نہیں جوش ملیح آبادی @Rekhta

خداوندا کرم کر فضل کر احوال پر میرے نظر کر آپ پر مت کر نظر افعال پر میرے آبرو شاہ مبارک @Rekhta

دور خاموش بیٹھا رہتا ہوں اس طرح حال دل کا کہتا ہوں آبرو شاہ مبارک @Rekhta

ہر ایک ساز کو سازندگاں نہیں درکار بدن کو ضربت مضراب سے علاقہ نہیں ضیاء المصطفیٰ ترک @Rekhta

کوئی ہمدرد نہ ہمدم نہ یگانہ اپنا روبرو کس کے کہیں ہم یہ فسانا اپنا ممنون نظام الدین @Rekhta