مراجعة الدفعة

واجتهدوا قدر ما تقدوا وأكتر انو م تعدّوا الإجازة ريلز وميديا وحاجات م منها أي فائدة ، بل بالعكس واتذكروا انو وقتكم ده ح تُسألوا عنو يوم القيامة ف اجتهدوا شديد تستغلوا وقتكم كويس وفي حاجات مُفيدة. "في الوقتِ متَّسعٌ، وفيكَ عزيمةٌ والدَّربُ ممتدٌّ، وأنتَ شبـــــــابُ!"

سلام عليكم ورحمة الله وبركاته صلّوا على النبي حاولوا في الإجازة دي إن شاء الله تجتهدوا شوية في موضوع الإنجليزي وانو الواحد يحاول يمشي ليفل أعلى شوية ، وفي كورسات كتيرة في يوتيوب ممكن الواحد يشوفها . الحاجة التانية حاولوا اتعودوا واسمعوا فيديوهات Boards and beyond ، osmosis والمنصات دي ، شروحاتهم وحاجاتهم ممتازة بس بالإنجليزي ف عايزة الواحد يتعوّد عليها ،ف حاولوا فترة الإجازة دي تتعودوا عليها ، بشرحوا الحاجات المهمة والمفروض تعرفوها باختصار وببساطة بالذات بورد ف حاولوا تحضروا وتراجعوا منهم . الحاجة التالتة حاولوا كُلّ يوم حلّوا ليكم كم case والمصادر راقدة وكتيييرة شديد ، حتى لو م عرفتوا الإجابة رسلوها ليAI يشرحها ليهم ويوريكم الحاجات الخلتوا يجاوب كده شنو، حل الأسئلة والكيسات من الحاجات المفيدة شديد ف حاولوا تحلُّوا باستمرار وكل يوم . آخر حاجة وأهم حاجة الفترة دي شيلوا من وقتكم جزء كبير للقرآن، اتعلموا القرآن والتفسير اجتهدوا شدييييد في الموضوع .

سلام عليكم ورحمة الله وبركاته صلّوا على النبي من أجمل المراجع اللي يُنصح بنا جداً مرجع Frist Aid Step1 تقريباً فيهو كُلّ البيزك^^ المرجع جميل شديد فيهو المعلومات المهمة وخُلاصة البيزك بطريقة جميلة شديد ٫ وأهم المعلومات اللي م ينفع تكون م عارفها!! ف بغض النظر عن قراية الجامعة وووو٫ إنت محتاج تشتغل على نفسك لأنك ح تتعامل مع عيانين ومرضى!! ف املوا رأسكم علم واقروا واجتهدوا شديد شديد حلّوا كيسات كتيرة شديد وشوفو العيان ح يجيكم كيف٫ في الأخير العيان عبارة عن كيس لازِم تجاوب عليها صح!! ٫ حالياً عندكم الفُرصة تحلِّوا كيسات وتغلطوا فيها وتفهموا الصح! عشان بعيدين إن شاء الله تقدروا تجابوا على الكيس الحقيقية اللي هو العيان!! ف اتكربوا شديد ٫ ربنا يوفقكم

سلام عليكم ورحمة الله وبركاته ^^ بالنسبة للاناتومي بصورة عامة، م تحفظوا الكلام المكتوب ساي وخلاص، احضروا فيديوهات وشوفوا الحاجة دي قعدة وين، بعد تشوفوها قعدة وين تاني بتتذكروا وتقدروا تحفظوا الكلام بسهولة شديدة إن شاء الله… بس حفظ الكلام ساي بدون صورة وبدون ما الواحد يشوف حاجة صعبة شديد ف ماف داعي… تقدروا تحضروا في يوتيوب لي د.أيمن خنفور وفي د.أحمد كمال وفي غيرهم كتير شديد المهم تحضروا^^ + شوفوا تطبيقات اللي بكون فيهو 3D بحيثُ تعرفوا كويس الحاجة دي شنو وقعدة وين(: الاناتومي ابداً م صعب بس محتاج تخُت الصورة في بالك وتاني ح تعرف كل حاجة قعدة وين إن شاء الله … في تطبيق اسمو Teach me anatomy التطبيق حلو شديد ربنا يبارك ف فيهو شروحات مكتوبة وفيهو صور وفيهو 3D برضو ، وفيهو أسئلة حلوة شديد ربنا يبارك ف شوفوه ومن الكُتب في كُتب كتييرة شديد منها سامح دوز جميييييييييل شديد ربنا يبارك شوفوه (: وفي ناس كتيرة بتقرأ من snell . بس الاناتومي م مادة حقت خم وم مادة بتتقري بالكلام ساي بدون تشوف + طبعاً تحلِّوا أسئلة كتيرة شديد استعينوا بالله واقروا

طالما إنتَ في طِبّ ف نهائي ما عندك خيار غير تكون دكتور ممتاز للأسف فكرة انو تقرأ حبة وخلاص نباصي الامتحان ده والموضوع انتهى م ينفع^^ ونحن هنا م بنختلف انو الامتحان ده قرايته براها وأكيد الواحد عايز ينجح ويتفوق ، لكن كمان ما بس كده إنتَ ح تمشي وح تقيف وح يكون قدامك عيان مسؤول منه أمام الله سُبحانه وتعالى ف المطلوب منك شنو؟ المطلوب منك بس تسعى وتجتهد تجتهد شديد قدر ما تقدر عشان تكون فاهم وعارف وقادر تربط العلم بعدين الكلينكال يا شباب عايز بيزك، م تسمعوا اللي بقول ليكم الكلينكال م ليهو علاقة ووو ، لازِم تظبِّط البيزك اسعوا شديد واجتهدوا يخوانّا وادعوا ،اتعبوا في العلم كلنا عايزين نكون دكاترة ممتازين لكن!! وما نيلُ المطالب بالتمنِّي^^ يبقى لازِم تتحركوا وتسعوا وتتعبوا في العلم ده.. اقروا واسعوا واجتهدوا شديد وحلِّوا أسئلة كتيرة شديد

سلام عليكم ورحمة الله وبركاته في حاجة مهمة شديد بتساعد الواحد كتييير شديد إن شاء الله ٫ ألا وهي الأسئلة والكيسات الكتيرة يخوانّا حلِّوا كتييير شديد شديد قارين م قارين حلِّوا أسئلة٫ وحلِّوا بروبلمات مصادر الحل كتيييرة شديد ... وحدة من أكتر الحاجات البتعبر بالواحد أثناء الجامعة وبعدين لما يكون دكتور إن شاء الله ياهو الحل الكتير في النهاية العيان ده سؤال وكيس محتاج تجاوب عليها صح ف حلِّوا كتير شديد يا شباب الأسئلة شوفووا المراجع في مراجع حقت أسئلة ٫وحتى المراجع م حقت الأسئلة نهاية كل جابتر معين بتلقوافي أسئلة فيهو ف حلوها ٫استعينوا بي AI يوضِّح ليك ليه الإجابة في المرجع مكتوبة كده ويفهمكم الحاصل شنو لكن صدقني على المدى البعيد حل الأسئلة بخليكم تعبروا شديد إن شاء الله ... بس حلِّوا كتير وبصورة مُستمرة 💕 وربنا يوفقكم

إن رُمتَ دراسةً مباركة، وتحصيل جيد، وذاكرة متقدة : حافظ علي صلاتك في وقتها حتي وإن كنت في الكلية ولا تؤجلها لحين الانتهاء، غض بصرك ، داوم علي أذكار الصباح والمساء واجعلها ديدنك، انفع صديقك ما استطعت إلي ذلك سبيلا ولا تبخل عليه بمعلومة أو مصدر للمذاكرة يختصر عليه الطريق. فإن زكاة العلم نشره والله يبارك لك إن فعلت هذا، واحتسب هذا العمل خالصا لله عملا بقول نبيك صلي الله عليه وسلم: من استطاع أن ينفع أخاه فليفعل أحمد عبد الغني #نصائح

وهنا في شرح لي فسيولوجي الرينال، شرح حلو شديييد اللهمَّ بارِك ف برضو ارجعوا شوفوا https://t.me/Logicalcourses321/14

طبعاً في شروحات كتيييرة جداً الواحِد بجرّب وبشوف لو بفهم من الشرح ده وواضح بالنسبة ليهو ومُناسب مع الزمن العندو ف بواصل ، لو ما بفهم ولا مناسب معاهو بشوف شرح تاني🫶🏽 بالتوفيق يا دكاترة

وهنا في شرح لي فسيولوجي الرينال، شرح حلو شديييد اللهمَّ بارِك ف برضو ارجعوا شوفوا https://t.me/Logicalcourses321/14

دي قناة د.أحمد عدلان جزاه الله خير، فيها شروحات مُمتازة اللهمَّ بارِك، ده الرابط https://youtube.com/@dr.ahmedadlan?si=RfRWUKUpnLonBa28

كمان تقدروا تحضروا لي د.أيمن خنفور شرحو كويس شديد🫶🏽 المراجعة مهمة شديد من البداية وكذلك حلّ الأسئلة من هسي ابدوا حلِّوا، في مصادر حل كتير، كمان في تطبيقات بتساعد في كده و من التطبيقات المهمة تطبيق anki، في فيديوهات شرح كتيرة عنو احضروها بفيدكم وبساعدكم كتير شديد، بالتوفيق يا دكاترة

هنا في شرح لجزء من كورس الreproductive ، إنتو حالياً اخدتوا الاناتومي صح؟ ف بس احضروا الحاجات الاخدتوها، الدكتور ده بشرح بنظام السستم يعني هنا شارح الباثو والفسيو وو، لكن إنتو حالياً اخدتو بس الاناتومي ف اختاروا محاضرات الاناتومي الاخدتوها واحضروها شرحوا ممتاز اللهمَّ بارِك بالتوفيق دي الروابط https://youtu.be/i-azqmIFDag?si=kyOhKWvWwlKIj5fk https://youtu.be/DSNYbT_-Ca8?si=xhm1Se-1CO2YM0qA https://youtu.be/bPumo_cjVys?si=3mehzMO_5IXkaSYS https://youtu.be/7F69KCwVoZg?si=gY6mXAEEjPf33Via https://youtu.be/nhdxLV4GhNQ?si=EBAwpy3NeNcsZGUG

أي نعم إنتو ما أولى لكن احرصوا إنكم تحضروا اللايف^^ ، د.عبدالله نصائحه مُمتازة اللهمَّ بارِك ف بتساعدكم كتير إن شاء الله 💕 بالتوفيق، وم تنسوا رسلوهوا لي برالمتكم كمان يجوا يحضروا🫶🏽

🎓 بعد تعب وسهر وأيام طويلة من الانتظار، أخيراً حلمك اتحقق.. ودخلت كلية الطب 🎉 بدأت رحلتك بحماس وتفاؤل، لكن مع الأيام بدأت تظهر الصعوبات، وحسّيت انه الموضوع مختلف عن الكُنت متوقّعه! تحس إنك تايه شوية، مصطلحات جديدة.. وضغط جديد، ويمكن حتى ما عارف تبدأ من وين بالضبط 😅 أطمنك ❤️ نحن في Medicine is Easy - واحدة من أكبر المنصات الطبية في السودان - جايين نقيف معاك ونوريك الطريق حابين نطمنك إنو الإحساس دا طبيعي جدًا في البداية، ونشاركك الطريقة البتخليك تتجاوز المرحلة دي بسهولة وثقة ✨ 📢 نلقاكم في لايف مميز على قناتنا في التيليغرام الجمعة 10 أكتوبر – الساعة 9 مساءً 🎁 وفي مفاجأة حلوة ليكم: أكتر كورسين تحتاجهم في السنة الأولى - كورس المصطلحات الطبية - كورس الـ General Physiology بألطف شرح ممكن يمرّ عليك .. وكله مجاناً بالكامل 🔥 رابط المنصة https://t.me/MedicineIsEasy1 شارك الرابط مع زملاءك عشان ما يفوتهم 🙌 #Medicine_is_easy #Abdalla_Omer #مشروع_تسهيل_الطب

اعزموا انو تبدوا السنة باجتهاد وتقروا أول بي أول وتفهموا الحاجات اللي بتقروها ، ومن الحاجات اللي بتساعدكم في انو تتذكروا حل الأسئلة، حلوا كتير شديد ، والمراجعة مهمة ما ينفع تقروا الحاجة وما تراجعوا ، اقروا وراجعوا وحلوا أسئلة واتذكروا انو حتى تعبكم في القراية ده أجر ف احتسبوا الأجر . واصبروا ،سنوات الطِبّ ااي قد تكون ضاغطة لكن بتعدّي بفضل ربنا ورحمته ف ادعوا كتييير شديد وبتتيسر إن شاء الله، المهم إنتو عليكم تسعوا وتأخذوا بالأسباب وتجهتدوا شديد وتظبطوا البيزك💕 بالتوفيق💕 -صلّوا على النبي

سلام عليكم ورحمة الله وبركاته حاولوا فهّموا برالمتكم الوضع واشرحوا ليهم وساعدوهم بقدر ما بتقدروا ، الأجر ما هيّن. اعملوا ليهم قروب ووروهم عن نظام الجامعة ولما ينزلوا فهموهم يقروا من وين ويحلوا أسئلة من وين واحتسبوا الأجر. اختصروا على غيركم الطريق. صّلوا على النبي.

في تطبيق NotebookLM جميل شديد قد يختصر عليكم زمن القراية بالتوفيق💕

سلام عليكم ورحمة الله وبركاته 💕🌷 صباحُ الخيرِ •حتى لو إنتَ مُتأخر وما بديت للآن ابدأ واستعِن بالله ولا تعجز ، رُبّ متأخرٍ أعانهُ الله فسبق. •خليك عارف انو المراجعة المُستمرة مهمة لازِم تراجعوا لازِم لازِم وتقروا أول بي أول وترجعوا برضو بانتظام وبصورة دورية عشان الكلام بتنسي كمان حلّوا أسئلة كتيرة ، بالنسبة لي تقرأ من مصدر صغير +تراجع بصورة مُستمرة وتكون مُثبّت المعلومات أفضل بكتييييير من تقرأ من مرجع كبير وما تراجع. •احضر عشان تفهم،لو بتحبو تحضروا شروحات بالإنجليزي ف بورد ما خلوا حاجة اللهمَّ بارِك + في تطبيق osmosis لكن مدفوع بس جميل شديد. •اجتهدوا ماف حاجة صعبة •على المرء أن يسعى وليس عليه إدراك النتائج،ف بس اسعوا واجتهدوا والامتحانات والضغطة والكلام ده كلوا بعدي بتوفيق ربنا ف استعينوا بالله ولا تعجزوا وادعوا ادعوا كتيييير شديد شديد . وربنا يوفقكم💕🌷

سلام عليكم ورحمة الله وبركاته بعتذر جداً . عايزين شرح لي حاجة معينة؟ ولا امتحانات لمادة معينة؟ وروني واقف ليكم شنو بالضبط