شعر شعبي عراقي💔

أتّيه روحي بريحتك وأحتار من ياصفحة أشمك عريان السيد خلف

لا تحط گلبك على الصوبين كل وصله بكـتر وتگول اريدك عريان السيد

وبكيف الظروف نعيش محد عايش بكيفه عريـان السيـد خلـف

انه جلمه سلف ونقرت بالمگلوب قريتوني فلس وبفلس بعتوني علي نجم

انه شفت الكحل نهرين فوك الخد منو بچاك رياض النعمانـي

استغفر الله العضيم واتوب اليه.

إنتَ همْ الليل ، ويضويك السهر وآني لعيونك مهر علي الشُباني

انا بيا حال .. وانت تگلي شد حيلك حايط طين كلما تمطر ابچيلك

جاسي وجـروحك ينـزن لو ردت تنــشدني عنها عريان السيد خلف

ﻭﺁﺥ ﻟﻮ عندﻙ ﻋيوني چا لگيت ﺑـ ماﻳﻬﻦ ﺭاكد ﺳﻤﺎﺭﻙ .

اخر مرة گتلي شلونك بدوني ضحكت بوجهك و ماگتلك شلوني شگد حاولت اگلك انا هسه بخير بس فراگك مبين على عيوني الرسايل مارضن يرحن و اوديهن يخافن چفك الغايب يأذيهن بيض اوراقهن بس الحِبر بي لون مابيهن مشاكل مثل راعيهن و الرسايل منك لحد هسه اداريهن مثل نوم الطفل بالليل اهز بيهن و اگلبهن واشوف ايامك الحلوات مو حلوات بس مجبور اسميهن .

وبكيف الظروف نعيش محد عايش بكيفه عريـان السيـد خلـف

أتّيه روحي بريحتك وأحتار من ياصفحة أشمك عريان السيد خلف

كَلنالك تحذّر ناوراك الذيب داعيت الضواري وأمّنت بيهه يمصدكَ الاوهام امن البخت حفّاظ يا حظ يا بخت لو طركَ سركَيهه عريان السيد خلف

يلـ غيرك شگد وادم لگيت ودنوني، لچن ما تدنيت ولا گلبي رف و لا تمنيت فارغ مكانك يمته ما جييت لـ جاسم

مرينـة بيكـم تـرة .. و گلوبنـا مفطـرة و مرينـة بيكـم ريـة .. ريـة ونساهـا الهـوىٰ حبكـم جـدم عالـدرب .. وكتـاب ابـد منطوى وحبكـم طيـور الصبـح .. طلعـن يغـنن سـوى يامـآ تعبنـة تعـب .. ومحـد مثلنـا أرتـوى و الحيـل نفـس الحيـل و مرينـة بيكـم حمـد .. و احنـا بقطـآر الليـل

أنه و حلفاني أجيت و من شفت ما باچية عيونك. بچيت .

ليَش غادْرت السِفينه واني جَايبلك بحّر

اذا ليلك كواغد والصبح نار واذا عالي العنب وجفوفك كصار ما يسوه الفرح وشينفع العيد معقولة الكزاز يكسر الحجار بچت كان بدمع والفاعل يصيح تعالي انت وخواتج شوفن الصار الحزن خيم علينا ابضيم مجرور ومنصوبة الفواتح والوكت جار دنيا شما افرها بجفي وارتاح الگاها عكس ما اريد تندار تگوم اهلا وسهلا تطرد الضيف وعرض اجتافكم تتلگه خطار تيهنا الأذان وگمنا الغروب نترجى ببلال يذيع الأخبار ومشينة بدرب ضايع ماله عنوان ساكت والرصيف محمل اسرار وننشد بالسواتر والتوابيت المدافع للحرب لو قبل الافطار جذب ماي الگصص ما نده الوجوه وچذب بحر الشرف ما يغسل العار شفت شاعر يغني وشاعر ينوح ببيوت القصايد گاعد ايجار وشفت جندي بغرفته ويحمي الحدود وشفت فوگ السواتر واگف فرار تگلي شظل بعد ما سولفت بيه اتذكر قنعتك بالثلج حار الحمامة اذكر كلتلك ظمها للضيح ربك مو بعيدة يرزقك بغار .

صفناتي عليك سنيني التروح وضحكاتك تخلي الراحت ترد الك جادر زعل بالروح منصوب ما ينشال اله گبالي تگعد والك بالروح لهفه تطلع الروح واجذب من اگول بزعلك اصمد وما اتعبك واگلك تحجي وياي سكتك حلوه بالسكتات غرد شنهي ومدري شنهي تجمعن بيك واحسن مدري شنهي بروحي يمرد موعيب عله روحي تدوس مو عيب بس عيب عله روحي تروح وترد .