Sarvar Mirzo

Ajralishga kelishmagandik😔❤️‍🔥 Muhabbatni paymoni to'lsa, Biz shunchaki tanishmagandik. Esla, agar, esingda bo'lsa, Ajralishga kelishmagandik. Dardim eshit, eshitgil samo Qanday buni ko'rmoqda ravo? Sevgi izhor qilgandik, ammo Ajralishga kelishmagandik. Qo'lda bevaqt gullar so'lsa ham, Ishq atalmish hislar o'lsa ham, Har ne bo'ldi nima bo'lsa ham, Ajralishga kelishmagandik. Ich etimiz tilishgandigu, Loyqalanib tinishgandigu, Ahdi-paymon qilishgandigu? Ajralishga kelishmagandik! O'ylar edim har lahza, har on Gar so'rasa berar edim jon. Meni tashlab ketmoqda oson, Ajralishga kelishmagandik. Alam bilan chekarman-da oh, Bu azobga bormikan panoh? Gapim rostki, Allohim guvoh, Ajralishga kelishmagandik. Bahor sevgi sayli edi-ya, Majnun suygan layli edi-ya, Hohlasam ham mayli edi-ya, Ajralishga kelishmagandik. Undan ko'ra qizg'on havoni, Chiqar edi tanamning joni. Aldamagin Sarvar Mirzoni, Ajralishga kelishmagandik! Muallif✍Sarvar Mirzo ❌️Muallif ruxsatisiz foydalanilmasin https://t.me/Sarvar_Mirzo

Sog'inasiz Sog'inasiz yuqlamaysiz Dilim vayron bo'ladi Kuyik qalbim chog'lamaysiz Tilim hayron qoladi Sog'inasiz eslamaysiz Oqibatga ne zaril Hech kuyinib yig'lamaysiz Shoir bo'lsang ayt yoril Sog'inasiz izlamaysiz Qadrim shunday bo'ldimi Saodatni ko'zlamaysiz Dushmanlarim kuldimi Sog'inasiz kelolmaysiz Doim ishlar chiqadi Hol ahvolim bilolmaysiz Ga'm anduhlar yiqadi Sog'inasiz qarolmaysiz Uyalgandan yuzimga Kerak kunda yarolmaysiz Yolg'on demang ko'zimga Sog'inasiz bildirmaysiz Yuqlab turing bizni ham Kunglim bugun sindirmaysiz Omonat gap sizga ham Sog'inasiz yig'lolmaysiz Sarvar Mirzo Shoirku Yuragimni tig'lolmaysiz Sherim sizga doyirku Sog'inasiz eslamaysiz😔 ✍Sarvar Mirzo Sarvar Mirzo

Nomsiz 😔 Payti keldi aytishni, Hamma aybim ko‘rardim. To‘g‘ri yo‘lga qaytishni, Xudoyimdan so‘rardim. Har dam boshim egdim-u, Birov bag‘rin tilmadim. “Tegmaganga tegdim-u, Kimligimni, bilmadim. Bari xato o‘zimda, Insof ham o‘lib ketdi. Rostlik qochib so‘zimda, Yolg‘onim to‘lib ketdi. Asli haqdan so‘ylamay, Gunoh ishga undadim. Hech narsani o‘ylamay, Bir pok dilni bulg'adim. Har baloni ko‘rib ep, Qilmaganim qolmagan. “Erta o‘zgaraman,” deb, Indin aqlim olmagan. Tutib shaytoniy qo‘lni, Hohlab anglamaganman. Ikki dunyo bu yo‘lni, O‘zim tanlamaganman. Ichim qanday bilsa gar, Ruhim hech g‘am yemasdi. Sarvar Mirzo — avvallar, Bunday inson emasdi. Keltirdim kam iqtibos, Bo‘ldi egri qadamlar. Bilib qo'ying iltimos — Odammasman, odamlar. Muallif✍Sarvar Mirzo Sarvar Mirzo

🌙 Ассалому алайкум! 27 май — Қурбон ҳайити айёми муборак бўлсин! Аллоҳ таоло қалбларингизни иймон нури билан ёритиб, хонадонингизга файзу барака, тинчлик ва хотиржамлик ато этсин.   💞 Қилган ибодатларингиз, дуоларингиз ва эзгу ниятларингиз қабул бўлсин. Бу муборак кун яқинларингиз билан меҳр-оқибат, қувонч ва бахтга тўлсин. Қурбон ҳайити ҳар бирингизга соғлик, саодат ва икки дунё яхшиликларини олиб келсин. Ҳайит муборак! 🤍🌙 Sarvar Mirzo

Увол Кел, юрагим, гаплашамиз энди чида, У бошида биздан юзин бурмаганди. Мағрур туриб, "кетгин" дедим, лек аслида, Кетишига кўзим учиб турмаганди. Сабаби не мендан бунча нольишини? Чин риштани ёлғон деб тан ололмади. Истар эдим бир умрга қолишини, У дардисар бир сония қололмади. Бугун англаб етдим, бари ёлғон экан, Ҳақиқатга ўхшабдида рўёйимиз. Иккимизга висол они – армон экан, Сиғдирмади ғурур деган дунёйимиз. Йўлин пойлаб термулишим билмади ҳеч, Мен талпинсам, қочаверди шунча узоқ. Эрта кетди, қайтишига эмасдир кеч, Эй Аллоҳим, керакмасди менга фироқ! Сарвар Мирзо, ҳолинг кўриб оғринаман, Дардларингдан жиз этади менинг кўнглим. Қўяверинг, ўлгунимча соғинаман, Увол бўлса, бўлаверсин бутун умрим! Муаллиф✍️Сарвар Мирзо 25.05.2026 Sarvar Mirzo

Bu dunyoning insonlari juda yomon Amali kam jasadida yurar ğozdek Sarvar Mirzo siyoh tokma kongillarga Ular gaping koʻtarmaydi oq qogʻozdek 🎙Sojida Mansurova ✍Sarvar Mirzo @Sheriyat

Қадримни билдим Наҳотки, сен мендан шунчалик тўйдинг? Қўл чўздим, сукутда ўчирдинг шамни. Аслимни унутиб, ишонмай қўйдинг, Ёлғондан ичмаган эдим қасамни. Энди ҳаммасига ғурурим нозир, Ёки мен ўзимни топа олганман. Кўнглимдан барини чиқариб ҳозир, Кирган эшигингни ёпа олганман. Айтчи, мумкинмиди бағримни тилсанг? Бошида сабрни кўкларга илдим. Сен менда манфаат дардини билсанг, Мен сендан ўрганиб, қадримни билдим. Қайтмайман ҳеч қачон, эгмайман бўйин, Аввалроқ бўлгандим юраги хаста. Ортимга боқмайман, тугади ўйин, Кечириб кечмасам, инсофданмасда. Ҳурсандман, мен кетиб ёришса сабоҳ, Хайрли, Худога ёққани бордир. Сархисоб бизгамас, кимда кўп гуноҳ, Сенга ҳам, менга ҳам боққани бордир. Кел, ёмон Сарвардан умидингни уз, Кимлигинг сезмасдан, яхши-ку дебман. Учратган кунимга минг лаънат, афсус, Энг яқин дўст санаб, балони ебман! Муаллиф✍️Сарвар Мирзо 23.05.2026 00:15 Sarvar Mirzo

Баҳонанг кўп, эй инсон Ҳар қадамда бир тўсиқ, Ҳар қадамда бир важинг. Тугамайди ҳеч қачон Гиналар-у аразинг. Яратгандан сўрайсан, Аммо йўқдир амалинг. Яшашингда бир ҳикмат, Маъно борми, эй инсон? Яхшиликка келганда Нега сенинг дўппинг тор? Бойлик ортидан чопиб, Бўлдинг дунёга хумор. Нафс домига йўлиқиб, Ўлжасан такрор-такрор. Тўғри йўлда юргали Ҳолинг борми, эй инсон? Яхшилардан қочасан, Ғийбат деса ҳозирсан. Арзон обрў ортидан Туну кун сен нозирсан. Ўз айбингни ёпишга Бир лаҳзада қодирсан. Виждон деган мезонда Оринг борми, эй инсон? Дўстман дебон тилда сен, Дилда ғаразгўйлигинг. Тубанликлар керакми? Қани соддагўйлигинг? Инсон номига иснот — Икки рангли рўйлигинг. Бировга тегадиган Коринг борми, эй инсон? Тақдирингдан нола кўп, Гўё омадинг қаро. Доим айбдор қидириб, Юрасан диллар аро. Эртага гўр, қабрга Кирганингда сен танҳо, У ерда ҳам айтишга Зоринг борми, эй инсон? Салгина оғриб қолсанг, Додинг кўкка етади. Бойлик ўтса қўлингдан, Ҳаловат тарк этади. Кибр оти минилса, Шукр қолиб кетади. Ризқ-рўзингни олгулик Онинг борми, эй инсон? Яхши кунда ҳамма дўст, Улфатларинг бир жаҳон. Бошингга иш тушганда, Қочиб кетар ҳар томон. Шунда ҳамки кўзингни Очиб кўрмайсан ҳамон, Синаб қўйган бир тирик Жонинг борми, эй инсон? Сарвар айтар: "Эй дўстим, Ўзингга бир назар сол. Баҳоналар ичинда Ўтирма ҳайрон-у лол. Гуноҳ-азим йиғмасдан, Эртага савобдан ол. Хотиржамсан маҳшарда, Шонинг борми, эй инсон?" Муаллиф✍️Сарвар Мирзо 21.05.2026 Sarvar Mirzo

Ришта Кел риштани узамиз бугун, Хаёлингдан учгим келди, бас. Энди бизнинг бахтимиз тугун, Висол они гўё бир қафас. Айрилиқнинг йўли бўлсин оқ, Хафа бўлиш, ўпкалаш нечун? Яхшиси шу — бўлайлик узоқ, Норасида умримиз учун. Гарчи оғир бўлса ҳам чидаш, Тақдир экан, қиламиз тоқат. Бир кун сенга чиқади дардкаш, Бир кун менга берасан шафқат. Соғинчларни ўтга отамиз, Армонларга бериб тасалли. Ғам қонига бирга ботамиз, Тушунади касал касални. Исминг айтиб урмасин юрак, Музлаб қолсин сенга интизор. Бизга энди тинчликдир керак, Ўртамизда яна нима бор? Ҳаммасини орқага ташлаб, Унутмоқлик онтин ичайлик. Хисларимиз якунга бошлаб, Ёзилмаган бахтдан кечайлик! Сарвар Мирзо, қаламингни қўй, Бу ҳикоя ниҳояси шу. Кечмишингни яхшиликка йўй, Яратганнинг хоҳишидир бу. Муаллиф✍️Сарвар Мирзо 21.05.2026 Sarvar Mirzo

Бу дунёнинг инсонлари жуда ёмон Бу дунёнинг инсонлари жуда ёмон, Ўзин ўйлаб, ўзга кўнглин билмайдилар. Нега бунча душмандекми бир-бирига, Шафоат ҳам, мурувват ҳам қилмайдилар? Бу дунёнинг инсонлари жуда ёмон, Қобиғига беркинишган икки юзли. Ҳар қаёқда фойдасига иш кўрувчи, Кўзга қараб алдайдиган ширин сўзли. Бу дунёнинг инсонлари жуда ёмон Бор меҳрини бир чеккага олиб қўйган. Тўйиб-тўйиб ҳаммасидан безган каби Оқибатни телефонга солиб қўйган. Бу дунёнинг инсонлари жуда ёмон, Пулни дея эҳ нималар қилишмади. Ака-ука қирқ пичоқдек мол талашиб Кўз куюги шармандани билишмади. Бу дунёнинг инсонлари жуда ёмон, Ўзин англаб келмаганлар ҳушларига. Ҳатто шайтон лол қолади айримларнинг Нафсига қул бўлиб қилган ишларига. Бу дунёнинг инсонлари жуда ёмон Бандалигин унутади қўйиб берса. Ачинарли қиёматдан хабармасми Хуш келмайди Аллоҳга ҳам қолаверса. Бу дунёнинг инсонлари жуда ёмон, Амали кам, жасадида юрар ғоздек. Сарвар Мирзо сиёҳ тўкма кўнгилларга, Улар гапинг кўтармайди оқ қоғоздек... Бу дунёнинг инсонлари жуда ёмон ! Муаллиф✍Сарвар Мирзо Sarvar Mirzo

Сотилганлар шоир эмас! Сархушликда борми қоида, Шаробини кўрдим татиб. Ёзганимдан нима фойда, Ёзолмасам қойиллатиб. Сўз хунини тўлолмайман, Кўнгил уйи эмас бозор. Етмагандек бўлолмайман, Қанча сохта шоирлар бор. Саёзликдан қайтолмасак, Нега керак бунга шайлик? Халқ дардини айтолмасак, Шеъриятга йўламайлик! Биз ёзамиз номус билиб, Ҳақдан бўлак йўқдир паноҳ. Ҳақ сўзимиз четга суриб, Жим турмоқлик — оғир гуноҳ. Бу майдонда турмоқ сабр, Нафс йўлига доир эмас. Шоирликнинг юки оғир, Сотилганлар шоир эмас! Мансаб ўтар, дунё ўтар, Тожу тахтлар бир кун кукун. Эрта бизни тарих кутар, Юзимиз оқ бўлсин бугун. Сўзимиздан олов ёнсин, Кўнгилларга берсин зиё. Шундай ёзиб, шундай ўтсин, Бу дунёдан Сарвар Мирзо! Муаллиф: ✍️ Сарвар Мирзо Сана: 16.05.2026 Sarvar Mirzo

Синов Худо мени тубсизлик Доми билан синайди, Соғинчдаги сенсизлик Кони билан синайди. Барчасига бир ўзим Хайрли деб чидайман, Ҳозирча ул ёлғизлик Они билан синайди. Нольимоққа тушмагин, Йўлдан чиқса хавф-хатар, Синовдамиз, дўстгинам, Биз қиёмат кун қадар. Тавбага бор, ҳеч қачон Исён этма, биродар, Чунки Тангрим банданинг Сабри билан синайди. Гоҳида дўст сўзидан Тикан чиқиб санчилар, Кутмаган пок номингга От бостириб қамчилар. Мағрур бошинг эгилса, Андуҳ билан янчилар, Тақдир сени шундайин Номард билан синайди. Ҳеч ишонма дунёнинг Ярқираган рангига, Сиринг берма, сотарлар Тушиб душман жангига. Сўнг сиқасан жонингни Хавф-у хатар чангига, Инсон ўзи борини Қони билан синайди. Бойлик келса, ҳовлиқма —у бир ўткинчи меҳмон, Мансаб тегса, керилма — Бу ҳам бир қатра имкон. Синов келган маҳалда Таниб олинар инсон, Кибр сени кимсасиз Шони билан синайди. Сарвар, кўнгил саройин Асраб қолгин ғубордан, Ўтмасин ҳеч бир дардинг Ҳаққа қилган иқрордан. Ҳар биримиз кечгаймиз Ушбу душвор довондан, Аллоҳ бизни бандалик Номи билан синайди. Муаллиф✍️Сарвар Мирзо 14.05.2026 Sarvar Mirzo

Кўнглимни қолдирмасайдинг Салгина инсофсиз бўлдинг куйдириб, Бунчалик ўзингни олдирмасайдинг. Ишқимга хазонни эрта туйдириб, Баҳорда кўнглимни қолдирмасайдинг. Дардимни тўкишга базўр йиққандим, Қишнинг совиғидан зўрға чиққандим. Уйғониш фаслининг қўлин сиққандим, Баҳорда кўнглимни қолдирмасайдинг. Қанчалик бахтлисан аҳдингни бузиб, Атайин қилдингми режалар тузиб? Сабрсиз ёз, куздан умидинг узиб, Баҳорда кўнглимни қолдирмасайдинг. Уялсанг ярашар қайтариб шахтни, Гаровга алмашдинг тайёру нахтни. Ўйламай ўйнашиб, тақсимлаб вақтни, Баҳорда кўнглимни қолдирмасайдинг. Қочирсак бўларди ғамни тошлатиб, Сен эса кетарсан кўзим ёшлатиб. Яшайман деганда жангни бошлатиб, Баҳорда кўнглимни қолдирмасайдинг. Эҳ, сенда севганни севмоқ у қийин, Қалбингда ҳисларга жой йўқ бир тийин. Мирзо ҳам Мирзодек бўлмайди кейин, Баҳорда кўнглимни қолдирмасайдинг. Муаллиф:✍️Сарвар Мирзо Sarvar Mirzo

Кўникмоқ Ёлғонни хушламай қолган ўзимиз, "Бир бошга бир ўлим" – ҳақни айтамиз. Деймизу, бу йўлдан ортга қайтамиз, Куч топиб ҳолимиз абгор этмайлик, Курашиб дараксиз ўлиб кетмайлик. Бир қалқон топгунча еймиз шатталар, Унгача керакдир пахта-латталар. Кичикка нисбатан ёмон катталар, Куч топиб ҳолимиз абгор этмайлик, Курашиб дараксиз ўлиб кетмайлик. Шу яшаш яшашми? Тўлиқмас – нимку, Негадир эркинлик ҳавоси димку. Ҳамма ҳам билади, ҳамма ҳам жимку, Куч топиб ҳолимиз абгор этмайлик, Курашиб дараксиз ўлиб кетмайлик. Ғариблик кутади ўзгармас кўйни, Мавриди келгунча ёқамиз қўйни. Болтамиз ўтмайди, қалин-да бўйни, Куч топиб ҳолимиз абгор этмайлик, Курашиб дараксиз ўлиб кетмайлик. Қўлимиз кишанда, юмиқ кўзимиз, Сен менга, мен сенга ўтмас сўзимиз. Биз ўзбек – кўнмоққа маҳкум ўзимиз, Куч топиб ҳолимиз абгор этмайлик, Курашиб дараксиз ўлиб кетмайлик. Ўзингиз биласиз, бўлмай талашган, Бир мени шундоғам кўплар талашган. Шу туриш ярашса, бўпти ярашган, Куч топиб ҳолимиз абгор этмайлик, Курашиб дараксиз ўлиб кетмайлик. Ақлим ишонмайди, кўнглим умидвор, Бирлашиш бегона, жасорат душвор. Сарвар Мирзо ёзди: қўрқмаслик даркор! Куч топиб ҳолимиз абгор этмайлик, Курашиб дараксиз ўлиб кетмайлик. Муалиф✍️Сарвар Мирзо 09.05.2026 Билиб ёздим, билмай ёздим…. Sarvar Mirzo

Кетиш Дардимизни билмаганлар, Қадримизни билармиди? Бир бор йўқлаб келмаганлар, Кетсак афсуз қилармиди? Менга очган дилингизни, Четга суриб отсаммикан? Сақла деган сирингизни, Сизга ўхшаб сотсаммикан? Душман кулиб суйинсада, Ғамга тўлди қувончимиз. Белгиланган шартномада, Бекор бўлди ишончимиз. Ўзга жабир энди қолсам. Узоқ тутдим орамни ҳам, Худо ҳохлаб эплай олсам. Кўрсатмайман қорамни ҳам, Тан олмайсиз кечган йўйиб. Чидолмасдан сўз орига, Тирилтирманг қўшиб қўйиб. Ўлганларни қаторига, Тухмат тошин отаверинг, Шак шубҳасиз қаршимасман. Сиз устимдан қотаверинг, Мен аввалги яхшимасман. Керак эмас бошқа низо, Қилай эркин сайиримни. Ўйлайди-ки Сарвар Мирзо, Тушундингиз хайримни. Муаллиф✍️Сарвар Мирзо 30.04.2026 ❌Муаллифлик ҳуқуқи ҳимояланган Sarvar Mirzo

Sevmayman deysana Kulib jilmayib🥀😔 Qadrimga yetmading bilmading mayli Bu dilim sen sabab bo'ldiku mayib Mendan boy hushtoring shular tufayli Sevmayman deysana kulib jilmayib Gulxanda yuragim ayovsiz yoqib Qoldirgan alaming ketsaydi oqib Bevafo nom ila yuzimga boqib Sevmayman deysana kulib jilmayib Bazida qolarkan havo ham yetmay Kungilda muhabbat kifoya etmay Aqlimga sig'maydi uyalmay netmay Sevmayman deysana kulib jilmayib Bergan ahdlarimiz esga olib ko'r Ha men ancha g'orman hali ancha g'or Birpasda unutish qara buncha zo'r Sevmayman deysana kulib jilmayib Qani undan ko'ra zardalar yutsam Huddi avvalgidek qo'lingdan tutsam Mo'ltirab ko'zinga javobing kutsam Sevmayman deysana kulib jilmayib Vofoda sen g'arib yo'qmi tushuncha O'zingdan ketmagin ketmagin uncha Sevgini o'ldirish osonmi shuncha Sevmayman deysana kulib jilmayib Hayot tashvishimi sinaydi doshim Kerakmikan unga ko'zdagi yoshim Sog' yurgan kunimga og'ritib boshim Sevmayman deysana kulib jilmayib Ayrimlar qadirlar inson o'lganda Suv quyar erinmay guli so'lganda Roziydim shu gaping hazil bo'lganda Sevmayman deysana kulib jilmayib Kechding kungil uchun so'rmay rizoni Topding yurib yurib kazo kazoni Qara ado qilding Sarvar Mirzoni Sevmayman deysana kulib jilmayib Muallif✍Sarvar Mirzo ❌️Muallif ruxsatisiz foydalanilmasin Sarvar Mirzo

Ideya sher+++ Qo'lda dasta gulim sabab Yorim deya g'amim yemang Boyligimu pulim sabab Sevmay turib sevdim demang😔🥀 ✍Sarvar Mirzo @Mirzosarvar Sarvar Mirzo ✨ 𝐓𝐞𝐥𝐞𝐠𝐫𝐚𝐦 | Sarvar Mirzo Sarvar Mirzo

Hayot Tashvishlarga Bottirib Tashla Miltiq berib Ottirib Tashla Istagancha dilimni g'ashla Nima qilsang qilaver hayot Ro'kach qilay qaysi bir neni Jilvalaring ko'pdira seni Qo'rqitolmas qismating meni Nima qilsang qilaver hayot Husumating ortda qoldirib Iymonimni qo'ymay oldirib Charchatasan holdan toldirib Nima qilsang qilaver hayot Zahar qilgin mayliga oshim Omon bo'lsa bu qutlug' boshim Istagancha sina bardoshim Nima qilsang qilaver hayot Yaqinimga ziyon bermasdan Qalay deya qoshni kermasdan Izlab izlab qayg'u termasdan Nima qilsang qilaver hayot Huzuringda yuzma yuz turib Sher yozarman hayollar surib Xudo seni qo'yipti urib Nima qilsang qilaver hayot Salovatlar aytib o'taman G'iybatlaring ichga yutaman Sarvar Mirzo bo'lib o'taman Nima qilsang qilaver hayot Muallif.✍Sarvar Mirzo

8-Март келяпти деб ўй тушганлар тилидан😂. (Ҳазил шеър) Қўйинг бошқа қолганни, Ҳаммада бир ўй кезар. Ўн тўртида олганни, Саккиз бағрини эзар. Март келдику қор эриб, Қўрқаяпман ўзимдан. Ўзи бир пайпоқ бериб, Ўпишганди юзимдан. Қайтар дунё қайтгандек, Қилсаммикан? десам ор. Бир акаси айтгандек, Емоқни қусмоғи бор. Оддий совға буларга, Қано эмас биламан. Амалласам уларга, Кейин нима қиламан. Ойни боши пул кетса, Охиргача шип-шийдон. Қани эллик юз етса, Ҳозир қилардим гумдон. Бўлди бу ҳом ҳаёллар, Бошга ғавғо солмасин. Совға кутган аёллар, Тишим тўкиб олмасин. Гапириб сабр тўлди, Кимам босарди ённи. Обро кетмаса бўлди, Бой қиламан дўконни. Сарвар Мирзо сўйлама, Ҳаммада шу кўй экан. Бир гап бўлар ўйлама, Кўпга келган тўй экан. Муаллиф✍Сарвар Мирзо Кимга юборишни биласиз😁 https://t.me/Sarvar_Mirzo