بس انتَ.

يالماخذ من ايدي عمر مو انه الاخسر ، انخسر وتتعمد تغثني چنت واني بصلاتي ادعيلك بس هسة لو عيني صرت وتطيح؟ هم ما اشيلك

مشكور ماقصرت زيدت بيه الوجع وادريك مو الأولي أسهر واكتب وادز وما تقرة الكتابة جذاب جبت العمر ما ناصح بعشرتك وي غيري كلك دوة ولجرحى عطابة واسكت وارد منكسر ردت الجندي بحرب ميتين ربعة ويرد واكف على اعصابه بسك تمرني بحلم طالبني بطلابة ؟ مو كتلي كلشي انتهى ومنا وغاد اعتذر وحدك تكمل الدرب ماريدك تحبني ولمن شفتني ردت غيرك اعاشر بشر ترجع تعاتبني ؟ وتگلى چنه وجنت ما غزرت عشرتي هوه انت هسه منو وكاعد تحاسبني ؟

العراق

هذا انا راجع من جديد لوحدي لا اهل لا صحبان لا خل عندي انا اليلم هدومه ويسد الباب وانا اليحمل الضعن وانا اليحدي شهالمعركة العايشها وحدي بلا وين محد وياي وماكو واحد ضدي المن اكابر ؟ وانا ساعة بتابوت واكف وكتها شما تحاول تبدي كل هالصدف والهوسة وملاگة الناس والفوضوية واني عايش وحدي

جرب غيري بلكي يعجبك وتقنع وعلى فرگاي انصحك بعد لا تدمع عيوني وفاركتهن چا بعد شنطيك؟ لو اشعل العشرة شموع ماينفع المصيبة تعوف واحد مو سهل ينعاف ملو مني غيرك ماگدرت اقنع ! مو مثلك سهل يعجبني ياهو الچان وكلساع بسواليفك بشر تخدع المهم صارتلي عبره وما انغش بالناس مو بس الذهب حتى الصخر يلمع وما اسامح بعد هيهات أرد وياك أنا مثل العمر لو راح ما يرجع

اجيت انخاك لم وجهك من ايامي

امي تحبني والما تكدر بدوني الوحيدة الما تغار من اليحبوني تفرح بية اذا كثرت بالخطار وتحس من طيبها الوادم يحبوني امي الخير البكلمة صباح الخير ورفعة راس ابوي و واهس ظنوني شلون الهيل الـ بطعم استكان الچاي چلمة يمة اطيب منه صدگوني الـ من عمري على عمر وليدي لله تكول من اقصر واخجل من اذكرها عذروني اليوصفها النبي جواها جنة تصير شضيف من اريد اسولف بيها فهموني

اول مرة يغلط واني ما احاسب واول مرة اروح وگلبي بارد هیچ ما تفرق بعد مغلوب لو غالب انترس ظهري حمل ظهر السفن مو هيج واول مرة حتى بحقي ما اطالب الله اليستر شگد خايف من الصار الجندي الينجرح بس ما تقدره الگاع معناها بعد عن گاعه ميحارب والمخذول من البي يباهي الناس بعد ماله خلگ یسأل ولا ايجاوب

قوي كدامكم ومن ارد انام ابچي و أي واحد يكلي شبيك اكله بخير وانه اسبوع كامل مستعد احجي رسالة اتمنى توصل لليعيش وياي الانسان الحزين تبين احزانه يعني من التصرف واضح المقهور ترى مو الا يبچي ويحجي بلسانه واذا سديت باب الغرفة يعني انه كلش منتهي وسالفتي خربانة

شني معناها حاجيني اردن ع الرساله بساع وانت اسبوع تتأخر ولك جاليش تتغير جنت بكلبي اهفيلك اعرفك تين ما تحمل سموم الحر كزازك نابت بگلبي واخاف عليك تتعور شكبرها الدنيا بعيوني اذا وياك ومن تمشي احسن من قميصي اصغر لا تقنعني ما عوفك ماكو جفوف بيهن خير حتى تعوض جفوفك تره مو بيدي من اشتاك شط يريد مشحوفك يكاتلني بفراكك هذا شمالك كاتلك خوفك اجت وادم حرير وما عفت صوفك

غلطة ورهمت وما الها تصحيح چبيرة وكلفت عمري ويا عمرج اظفرج جان لو ينكسر تبچين ويكلفج ليل كامل بي يسهرج ابچيلي الليلة هاي اني الي مكسور مامعقولة اهم من عندي اظفرج

ولك ملعون چا مو عود طاهر ما تعرف تخون ونبع صافي اعلى اساس وبأسمك يحلفون وكلش حابني وتكضي العمر وياي وعلي سويت روحك بالعشك مجنون خبصتني وتحجي عن موسى بتوالي الليل وتالي من الصبح رحت لحضن فرعون

وردة ماتت المن ترشلها ماي ؟ وهذا ياهو الگالك تحييها ؟ صرت كتالي بركبتك دمي صار وذيج روحي بذمتك خليها

بعد منا ورايح كلمن بدربه ديان وخذه دينه من اليطلبه وباجر خاف يجمعني الدرب وياك نتسالم سلام الوادم الغربة

من عدها ونسيت اسماء و وجوه ! وعقلي ببيت اهلنا يضيع ويتوه شنو من صدمة جانت خلت انسان نص فترة شبابه يعيش مشدوه بعدها ومن اركز بالتفاصيل احس بروحي صرت انسان مكروه ولو هي الاقدار التحكم الناس وتخلي العفيفة ببيت مشبوه خلصت وانه احس بروحي مغلوب وادور عن طبيب يراوس گلوب سبحانه اليغير الناس ع الناس ويبدل ملامح وجه واسلوب مرات الكآبة تصير ادمان وجلد الذات هم يخفف ذنوب

ولك كدام عيني؟ شهالصلافة ولك هسة انت لو رايح مسافة لازم ايده وگبالي تضحكون حتى الناس عني تكول عافه ؟ چا هاية جزاته الينطي گلبه ؟ كل تعبه يروح لناس غربة ولك لو من ورا ظهري ما اهتميت بس كدام عيني والله صعبة

هواي احتاج اسولف وانت تسمعني واسمع صوتك وتبرد اطراف الروح وجفك فوك جفي وترجع تحبني كلبك هم يسئلك علي من تشتاك لو چويت كلبك حتى يكرهني هم تحتاجني لو غيري هسة وياك اني احتاجلك لليوم صدكني صدك متريد ترجع ؟ للجفة شوداك اني ليومي هذا الوادم تذمني كلمن وصل منك كمت اجلب بي حتى الطارش المنك يبردني كومة جروح عندي وحضنك الدكتور بلا دكتور جا ياهو اليطيبني جي كلش احبك جنت اخاف عليك والـ بأذنك حجوا رادوك تكرهني دور بالخلك ماتلكة مثلي انسان انه المثلي نادر وانت تعرفني تعرف من مشيتي شلون صار الحال اهج من بيتنة والوادم تردني

وعلى جروحي دست خافن تطلع صوت وعلمت الجروح سوالف الخرسان

جزن سبعين محمل وانا شراي بنفس الواهس وخلگ البدايات هلي واخاف انشد ياهو البقه وياي واعد اسمائكم ويا الحرامات هنيئا للبعيد ، الغربة وعداي انه اليوجرن بية الجريبات انه العلتي من مرورة دواي انه المطرود البصدره حجي هواي انه الما رايح ، وينذب وراه ماي

2700 ♥️