យុវជនឆន្ទៈស្រឡាញ់សន្តិភាព

អនុក្រឹត្យ ស្តីពី ការអនុវត្តច្បាប់ស្តីពីកាតព្វកិច្ចយោធា អនុក្រឹត្យនេះកំណត់អំពីលក្ខខណ្ឌនិងបែបបទនៃការធ្វើជំរឿន ការជ្រើសរើស ការអញ្ជើញ ការពន្យារពេល ប្រាក់ឧបត្ថម្ភ គោលរបបផ្សេងៗ និងការលើកទឹកចិត្ត ព្រមទាំងបែបបទនិងនីតិវិធី ក្នុងការទទួលយកប្រជាពលរដ្ឋដែលបញ្ចប់កាតព្វកិច្ចយោធាឱ្យចូលបម្រើការងារឬបន្តការសិក្សាវិញ ដើម្បី ធានាការអនុវត្តច្បាប់ស្តីពីកាតព្វកិច្ចយោធាប្រកបដោយតម្លាភាព គណនេយ្យភាព និងប្រសិទ្ធភាព។

អ្នកឯកទេសជំនាញ ដែលអាចរួចផុតពីកាតព្វកិច្ចយោធា ត្រូវបំពេញលក្ខខណ្ឌ ដូចខាងក្រោម៖ - មានជំនាញ ១. ផ្នែកវិស្វកម្ម ស្ពានថ្នល់ និងសំណង់ ២. ផ្នែកបោសសម្អាតមីននិងយុទ្ធភណ្ឌមិនទាន់ផ្ទុះ ៣. ផ្នែកសុខាភិបាល ៤. ផ្នែកទូរគមនាគមន៍ ឬ ៥. ផ្នែកព័ត៌មានវិទ្យា។ - បានចុះកិច្ចសហប្រតិបត្តិការបំពេញបេសកកម្មស្រាវជ្រាវ ឬអនុវត្តផ្ទាល់ នូវកិច្ចការដែលជាប្រយោជន៍សាធារណៈនៃកងយោធពលខេមរភូមិន្ទ មានរយៈពេលស្មើនឹងស្ថានភាពកាតព្វកិច្ចយោធា ចំនួន ២៤ខែ។ - ត្រូវដាក់ពាក្យស្នើសុំនៅ គណៈកម្មាធិការកាតព្វកិច្ចយោធាក្រុង ស្រុក ខណ្ឌ ឬ នៅគណៈកម្មាធិការកាតព្វកិច្ចយោធាកងទ័ពជើងគោក។

អំឡុងពេលបំពេញកាតព្វកិច្ចយោធា យោធិនទទួលបានប្រាក់ឧបត្ថម្ភប្រចាំខែ និងគោលរបបផ្សេងៗ ដូចខាងក្រោម៖ ក-ប្រាក់ឧបត្ថម្ភប្រចាំខែក្នុងម្នាក់ចំនួន ៤០០ ០០០ (បួនសែន) រៀល។ ខ-គោលរបបផ្សេងៗត្រូវទទួលបានដូចយោធិនអាជីពរួមមាន៖ - ប្រាក់ម្ហូបប្រចាំថ្ងៃ - ប្រាក់អាហារបំប៉នបន្ថែមពេលហ្វឹកហាត់ - ប្រាក់បំណាច់ឧបត្ថម្ភគ្រួសារនិងកូន - របបអង្ករប្រចាំថ្ងៃ - របបឯកសណ្ឋានប្រយុទ្ធនិងបរិក្ខារចាំបាច់មួយចំនួន។ យោធិនមានជំងឺ ឬរងរបួស ឬគ្រោះថ្នាក់ផ្សេងៗ ទទួលបានការសង្គ្រោះ ការព្យាបាល និង ការថែទាំ ពីក្រសួងការពារជាតិ។

ស្ត្រីម្នាក់ជាម្ចាស់ហាងលក់ទូរស័ព្ទ ដែលប្រើពាក្យសម្ដីជេរប្រមាថលើវីរកងទ័ពជួរមុខ ត្រូវបាននគរបាលព្រហ្មទណ្ឌរាជធានីភ្នំពេញ ឃាត់ខ្លួន ពាក់ព័ន្ធករណីធ្វើឲ្យខូចទឹកចិត្តកងទ័ព ដោយអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១៣ ខែសីហា ឆ្នាំ២០២៦ វេលាម៉ោង០៧:៣០នាទី កម្លាំងការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ សហការជាមួយកម្លាំងអធិការដ្ឋាននគរបាលខណ្ឌដង្កោ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ បានធ្វើការឃាត់ខ្លួនជនសង្ស័យចំនួន០១នាក់ ពាក់ព័ន្ធករណីធ្វើឲ្យខូចទឹកចិត្តកងទ័ព ប្រព្រឹត្តបទល្មើសនៅចំណុចបុរីML ផ្ទះលេខ១ ផ្លូវលេខ១ ភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ កាលពីថ្ងៃទី៣១ ខែ កក្កដា ឆ្នាំ២០២៦ វេលាម៉ោងប្រហែល០៧:០០នាទី ។ ជនសង្ស័យឈ្មោះ ចិន្តា សុវណ្ណារី ភេទស្រី អាយុ ៣២ ឆ្នាំ ជនជាតិខ្មែរ មុខរបរ លក់ដូរ ទីលំនៅស្ថិតនៅបុរីML ផ្ទះ លេខ១ ផ្លូវ លេខ១ ភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ ។ បច្ចុប្បន្នជនសង្ស័យខាងលើ ត្រូវបានកម្លាំងជំនាញព្រហ្មទណ្ឌ កំពុងធ្វើការសាកសួរតាមនីតិវិធី៕

រដ្ឋបាលខេត្តកំពង់ឆ្នាំង ចេញដីកាបញ្ចប់មុខតំណែងមន្ត្រីរាជការ ចំនួន ២រូប ពាក់ព័ន្ធភាពមិនប្រក្រតី នៃដំណើរការរៀបចំនិងអនុវត្តគម្រោងមូលនិធិឃុំ​នៃខេត្តកំពង់ឆ្នាំង។ ទី១. លោក ហង្ស ពិសី ពីនាយកទីចាត់ការផែនការ និងវិនិយោគសាលាខេត្ត មកជាមន្ត្រីការិយាល័យគ្រប់គ្រងបុគ្គលិក នៃទីចាត់ការគ្រប់គ្រងធនធានមនុស្សសាលាខេត្តកំពង់ឆ្នាំង ទី២. លោក វ៉ាន់ ថេន ពីនាយកទីចាត់ការអន្តរវិស័យសាលាខេត្ត មកជាមន្ត្រីការិយាល័យគ្រប់គ្រងបុគ្គលិក នៃទីចាត់ការគ្រប់គ្រងធនធានមនុស្សសាលាខេត្តកំពង់ឆ្នាំង។ ជាមួយគ្នានេះ អគ្គនាយកដ្ឋានរដ្ឋបាល ក្រសួងមហាផ្ទៃ នឹងបន្តស្វែងរកឫសគល់នៃបញ្ហា និងអ្នកពាក់ព័ន្ធនានា មកអនុវត្តតាមច្បាប់។

❓ហេតុអ្វីបានជាកម្ពុជាត្រូវតែ «តវ៉ាជាផ្លូវការ» រាល់ពេលមានការរំលោភបំពានព្រំដែន? ក្នុងរឿងរ៉ាវជម្លោះព្រំដែន ជារឿយៗយើងតែងតែឮមតិរិះគន់ ឬចោទសួរថា៖ ផ្ញើតែលិខិតតវ៉ា មានប្រយោជន៍អ្វី? ហេតុអ្វីមិនប្រើវិធានការក្តៅ ឬបណ្តេញចេញភ្លាមៗ? ការយល់ឃើញបែបនេះអាចកើតចេញពីទឹកចិត្តឈឺឆ្អាល និងស្រឡាញ់ទឹកដី ប៉ុន្តែបើពិនិត្យលើ យុទ្ធសាស្ត្រច្បាប់ និងការទូតអន្តរជាតិ ការផ្ញើលិខិតតវ៉ា ឬ កំណត់ទូតតវ៉ា (Diplomatic Note) គឺជាអាវក្រោះការពារជាតិដ៏មានឥទ្ធិពលបំផុត ដោយផ្អែកលើហេតុផលពិតប្រាកដដូចខាងក្រោម៖ ១. ការបិទផ្លូវមិនឱ្យគេប្លន់ទឹកដីតាមច្បាប់ ក្នុងច្បាប់អន្តរជាតិ មានគោលការណ៍មួយដែលគ្រោះថ្នាក់បំផុត គឺ ការរក្សាភាពស្ងៀមស្ងាត់ ឬSilence means Consent។ ប្រសិនបើភាគីម្ខាងចូលមកសង់លេណដ្ឋាន ឈូសឆាយ ឬដើរល្បាតលើទឹកដីយើង ហើយយើងមិនបានធ្វើការតវ៉ាជាផ្លូវការទេ នោះច្បាប់អន្តរជាតិអាចសន្និដ្ឋានថា យើងបានយល់ព្រម ឬទទួលស្គាល់ដោយប្រយោល នូវសកម្មភាពនោះ។ រាល់កំណត់ទូតតវ៉ាដែលកម្ពុជាផ្ញើទៅ គឺជាការប្រកាសប្រាប់ពិភពលោក និងភាគីឈ្លានពានថា កម្ពុជាមិនដែលទទួលស្គាល់ និងមិនដែលប្រគល់ដីសូម្បីមួយមីលីម៉ែត្រឱ្យគេឡើយ។ អាន​បន្ត 👇 https://www.facebook.com/share/p/1GajDjhK9r/